Геологические и геофизические приборы (Грузия - Тендер #66239201)

GNSS მიმღები მოწყობილობა საველე კონტროლერით და მაკომპლექტებელი ნაწილებით.

შესყიდვის ობიექტის ტექნიკური მახასიათებლები და რაოდენობა იხილეთ თანდართულ ფაილში - ტექნიკური დავალება

შესყიდვის ობიექტი უნდა იყოს ახალი, არ უნდა იყოს ექსპლუატაციაში ნამყოფი.

შესყიდვის ობიექტის მიწოდება უნდა განხორციელდეს ხელშეკრულების გაფორმებიდან არაუგვიანეს 45 (ორმოცდახუთი) კალენდარული დღის ვადაში, მოწოდების ვადა მოიცავს საქონლის მოწოდებას სრული კომპლექტაციით, შესაბამისი ლიცენზიებით, შესაბამის ქსელში ჩართული სახით.

შესყიდვის ობიექტის მოწოდებული უნდა იქნას შემსყიდველის მისამართზე - ქ. თბილისი, ალ. ყაზბეგის გამზ N12.

1. შესყიდვის ობიექტის საგარანტიო ვადა შეადგენს მხარეთა შორის შესყიდვის ობიექტის მიღება-ჩაბარების აქტის გაფორმებიდან არანაკლებ 1 (ერთი) წელს.
2. საგარანტიო ვადის განმავლობაში მიმწოდებელი ვალდებულია, საკუთარი ხარჯებით უზრუნველყოს შესაბამისი საქონლის ნორმალური ექსპლუატაციის პროცესში წარმოქმნილი ხარვეზების აღმოფხვრა, მათ შორის წუნდებული საქონლის შეცვლა ახლით (ტრანსპორტირების ჩათვლით), ასეთი ხარვეზის/წუნის დაფიქსირების დღიდან შემსყიდველთან შეთანხმებულ გონივრულ ვადაში.
3. შესაბამისი მიღება-ჩაბარების აქტის გაფორმების დღიდან არანაკლებ 1 წლის განმავლობაში მომწოდებელმა უნდა უზრუნველყოს ტექნიკური მხარდაჭერა, ტექნიკური დავალებით განსაზღვრული მოთხოვნების შესაბამისად.

2.1.1.1 ფასების ცხრილში, შესაბამის გრაფაში, მითითებული უნდა იქნას სატენდერო დოკუმენტაციის ტექნიკური დავალების 1-4 პუნქტებით განსაზღვრული თითოეული კომპონენტის (GNSS ანტენა, ანტენის აკუმულატორი, საველე კონტოლერი, კონტროლერის აკუმულატორი) მწარმოებელი (ან ბრენდი), მწარმოებელი ქვეყანა და მოდელი (ან საქონლის ნომერი, იდენტიფიკატორი).
2.1.1.2 შემოთავაზებული შესყიდვის ობიექტ(ებ)ის - GNSS ანტენისა და საველე კონტროლერის მწარმოებელს უნდა გააჩნდეს არანაკლებ 10 (ათი) წლიანი გამოცდილება, ანალოგიური საქონლის (გეოდეზიური მოწყობილობების/ინსტრუმენტების) წარმოების სფეროში, რის დასტურადაც პრეტენდენტმა უნდა წარმოადგინოს შესაბამისი ოფიციალური დოკუმენტაცია.

1. პრეტენდენტს, 2020 წლის 01 იანვრიდან უნდა გააჩნდეს გეოდეზიური მოწყობილობების/ინსტრუმენტების მიწოდების გამოცდილება, რის დამადასტურებლადაც უნდა წარმოადგინოს მხარეთა მიერ ხელმოწერილი ხელშეკრულებების და შესაბამისი საქონლის მიწოდების დამადასტურებელი დამკვეთის ან/და მის მიერ განსაზღვრული უფლებამოსილი პირის მიერ ხელმოწერილი დოკუმენტების ასლები, საიდანაც უნდა იკვეთებოდეს შესყიდვის ობიექტის დასახელება და ღირებულება (მიღება-ჩაბარების აქტი, ან/და დამკვეთის მიერ გაცემული, შესყიდვის ობიექტის მიწოდების დამადასტურებელი ნებისმიერი წერილობითი დოკუმენტი). იმ შემთხვევაში, თუ სახელმწიფო შესყიდვების ერთიან ელექტრონულ სისტემაში განთავსებულია ამ პუნქტით მოთხოვნილი ინფორმაცია და დოკუმენტაცია, საკმარისია აღნიშნული შესყიდვის შესაბამისი სარეგისტრაციო ნომრის (SPA/NAT/CMR და სხვა) მითითება.
2. იმ შემთხვევაში, თუ ამ მუხლის 1-ლი პუნქტით მოთხოვნილი გამოცდილება შესრულებულია საქართველოს ტერიტორიაზე და დამკვეთს წარმოადგენს კერძო სამართლის სუბიექტი (არა შესყიდველი ორგანიზაციები), პრეტენდენტმა, დამატებით უნდა წარმოადგინოს შესაბამისი დადასტურებული საგადასახადო ანგარიშ-ფაქტურები.

პრეტენდენტი უნდა იყოს შემოთავაზებული საქონლის (GNSS ანტენისა და საველე კონტროლერის) მწარმოებელის ავტორიზებული წარმომადგენელი ან დისტრიბუტორი, რის დამადასტურებლადაც უნდა წარმოადგინოს მწარმოებლის მიერ გაცემული, შესაბამისი უფლებამოსილების დამადასტურებელი დოკუმენტი.

პრეტენდენტმა უნდა წარმოადგინოს შემოთავაზებული შესყიდვის ობიექტის მწარმოებლის მიერ ოფიციალურად დეკლარირებული ინფორმაცია (მწარმოებლის წერილი ან/და მისაწოდებელი საქონლის პასპორტი ან/და ბმული მწარმოებლის ოფიციალური საიტიდან, ამობეჭდილი და თარგმნილი ქართულ ენაზე), სატენდერო დოკუმენტაციის ტექნიკური დავალების 1-ლი, მე-2, მე-3 და მე-4 პუნქტებით განსაზღვრული თითოეული კომპონენტის ტექნიკური მონაცემების შესახებ, დეტალური სპეციფიკაციით განსაზღვრულ მოთხოვნათა შესაბამისად, რომელიც სისტემაში ატვირთულ უნდა იქნას სატენდერო დოკუმენტაციის 10.1.2 პუნქტის მოთხოვნათა გათვალისწინებით.

4.1.1.1 იმ შემთხვევაში, თუ პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სასამართლო ექსპერტიზის ეროვნული ბიურო"-ს ან/და საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით, რომლითაც ცალსახად უნდა დასტურდებოდეს ხელშეკრულებით ნაკისრი ვალდებულებების შესრულების შესაძლებლობა, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.

ხელშეკრულების ფარგლებში ანგარიშსწორება ხორციელდება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე, მხარეთა შორის გაფორმებული მიღება-ჩაბარების აქტის გაფორმებიდან და საგადასახადო ანგარიშ-ფაქტურის დადასტურებიდან (თუ მიმწოდებელი რეგისტრირებულია დღგ-ის გადამხდელად) არაუგვიანეს 10 (ათი) სამუშაო დღის განმავლობაში.

ანგარიშსწორებისთვის განსაზღვრული დოკუმენტების სრულყოფილად გაფორმებიდან 10 (ათი) სამუშაო დღის განმავლობაში.

ეკატერინე ირემაძე, 577050688, ekaterine.iremadze@georoad.ge

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. იმ შემთხვევაში, თუ პრეტენდენტის მიერ ტექნიკური დოკუმენტაციის სახით წარმოდგენილი დოკუმენტ(ებ)ი შედგენილია და მხარეთა მიერ ხელმოწერილია ელექტრონულად, პრეტენდენტი ვალდებულია წარმოადგინოს აღნიშნული ელექტრონული დოკუმენტ(ებ)ის ორიგინალი ეგზემპლარ(ებ)ი, ან მისი დამოწმებული ამონაბეჭდი, საქართველოს კანონმდებლობის მოთხოვნათა შესაბამისად;
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. მოცემულ ელექტრონულ ტენდერში, პრეტენდენტი სატენდერო წინადადებას წარადგენს დღგ-ის გარეშე. თუ გამარჯვებული პრეტენდენტი ხელშეკრულების დადების მომენტისთვის, საქართველოს კანონმდებლობის შესაბამისად, არის დღგ-ის გადამხდელი, ხელშეკრულების ღირებულებაში გათვალისწინებულ იქნება წინადადების ფასის შესაბამისი დღგ-ის ოდენობა;
8. პრედენდენტს არა აქვს უფლება წარმოადგინოს ალტერნატიული სატენდერო წინადადება;
9. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი ან ის წარმოდგენილი იქნება განუფასებლად, ასევე, თუ მის მიერ, კანონმდებლობის მოთხოვნათა გათვალისწინებით, არ იქნება წარმოდგენილი სატენდერო დოკუმენტაციით განსაზღვრული ინფორმაცია შემოთავაზებული საქონლის წარმოშობის ქვეყნის, მწარმოებლის ან ბრენდის და მოდელის (ან საქონლის ნომრის, იდენტიფიკატორის) შესახებ;
10. პრეტენდენტი ვალდებულია ფასების ცხრილში მითითებული ერთეულისა და საერთო ფასები გამოსახოს და შესაბამისად გაინაგარიშოს ლარის მეასედის - თეთრების სიზუსტით (მძიმის შემდეგ ორი ციფრი);
11. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
12. პრეტენდენტი ვალდებულია, დაიცვას „პერსონალურ მონაცემთა დაცვის შესახებ“ საქართველოს კანონის მოთხოვნები და ინფორმაცია დაამუშავოს ამავე კანონით განსაზღვრული წესითა და პირობებით.
13. ტენდერში მონაწილეობით პრეტენდენტი ადასტურებს, რომ მის სატენდერო წინადადებაში მითითებული, ფიზიკური პირების პერსონალური მონაცემები (ასეთის არსებობის შემთხვევაში), მოპოვებულია „პერსონალურ მონაცემთა დაცვის შესახებ“ საქართველოს კანონის მოთხოვნათა შესაბამისად და პირი თანახმაა მიმწოდებლის მიერ შემსყიდველისთვის აღნიშნული ინფორმაციის წარდგენაზე, ასევე, მიმწოდებლის და შემსყიდველის მიერ მათი პერსონალური მონაცემების დამუშავებაზე ამავე კანონის მოთხოვნათა დაცვით.
14. იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.