Работы по подготовке строительной площадки (Грузия - Тендер #69940253)

ქალაქ თბილისის მუნიციპალიტეტის ვაკის რაიონის ტერიტორიაზე სპორტული მოედნების ფრაგმენტული შეკეთების სამუშაოების შესრულება.

გამარჯვებულმა პრეტენდენტმა უნდა უზრუნველყოს ქალაქ თბილისის მუნიციპალიტეტის ვაკის რაიონის ტერიტორიაზე არსებული სპორტული მოედნების ფრაგმენტული შეკეთების სამუშაოების შესრულება შემსყიდველის მიერ გადაცემული მისამართების შესაბამისად.

მიმწოდებელს ევალება სამუშაოების წარმოებისთვის ყველა საჭირო ნებართვისა და შეთანხმების უზრუნველყოფა, მ.შ.

ქალაქის გარე განათების ქსელში შესასრულებელი სამუშაოების საჭირო ტექ. დოკუმენტაციის სია:
1. ბოძების დამცავი დამიწების, კარადების დამიწების კონტურის ოქმი (ფარული სამუშაოების, მოწყობის სქემა, წინაღობის სიდიდე, ლაბორატორიის აკრედიტაციის მოწყობა).
2. კაბელის გაყვანის ოქმი (ფარული სამუშაოების, იზოლაციის გაზომვის გაყვანამდე და გაყვანის შემდეგ).
3. ძაბვის სიდიდეების გაზომვის ოქმი (იზომება ხაზის დასაწყისში და ხაზის ბოლოს).
4. ფაზებზე დატვირთვების გაზომვის ოქმი.
5. შესრულებული სამუშაოების სპეციფიკაცია, სადაც კონკრეტულად იქნება მოყვანილი მონაცემები: სადენების, კაბელების მარკა, კვეთი, სიგრძე; ბოძების დიამეტრი, სიმაღლე, რაოდენობა; სანათების ტიპები, რაოდენობა, ნათურების სიმძლავრე; ბოძები უნდა იყოს შეღებილი, დანომრილი; სანათები უნდა იყოს დანულებული; საშემსრულებლო ნახაზზე დასატანია კაბელების და სადენების ტიპები, კვეთი, სიგრძე, ბოძებისა და კარადების დამიწებები.

ხარჯთაღრიცხვა წარმოდგენილ უნდა იქნას დანართი N1–ის მიხედვით (ხარჯთაღრიცხვის წარმოუდგენლობა ან/და წარმოდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს. დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.

დანართი N1-ში პრეტენდენტის მიერ წარმოდგენილი ერთეულის ფასები არ უნდა აღემატებოდეს მითითებული შესაბამისი ერთეულის ზღვრული ფასების ოდენობას.

სამუშაოები უნდა შესრულდეს ეტაპობრივად, შემყიდველის მიერ გაცემული წერილობითი დავალების შესაბამისად (შესაბამისი მისამართ(ებ)ის მითითებით) - მაგრამ არაუგვიანეს 2026 წლის 15 დეკემბრისა.

მიწოდების ვადაში შედის სსიპ ,,ლევან სამხარაულის სახელობის სასამართლო ექსპერტიზის ეროვნული ბიურო”-ს ან აკრედიტაციის ეროვნულ ცენტრში აკრედიტირებული პირის მიერ ხელმოწერილი შესრულებული სამუშაოების მოცულობის დამადასტურებელი დოკუმენტაციის (ფორმა N2 და ფარული სამუშაოების აქტები) წარმოდგენის ვადაც.

სამუშაოები უნდა შესრულდეს ეტაპობრივად, შემყიდველის მიერ გაცემული წერილობითი დავალებით გათვალისწინებული ვადების შესაბამისად, ქალაქ თბილისის მუნიციპალიტეტის ვაკის რაიონის ტერიტორიაზე.

სამუშაოების დასრულების შემდეგ 2 (ორი) წლის განმავლობაში რაიმე წუნის (ნაკლოვანებები, დეფექტი) აღმოჩენის შემთხვევაში, თუ დადგინდება, რომ აღნიშნული წუნი (ნაკლოვანებები, დეფექტი) გამოწვეულია მიმწოდებლის მიზეზით, მიმწოდებელი ვალდებულია აღმოფხვრას უხარისხოდ შესრულებული სამუშაოები საკუთარი ხარჯებით, შემსყიდველის მიერ წინასწარ წერილობით განსაზღვრულ ვადაში.

პრეტენდენტს 2022 წლიდან დღემდე უნდა გააჩნდეს არანაკლებ 600 000 (ექვსსიათასი) ლარის ღირებულების სპორტული მოედნების სამშენებლო - სარეაბილიტაციო სამუშაოების შესრულების გამოცდილება, რომელიც ინფორმაციის სახით მოცემული უნდა იყოს ცხრილის სახით (დანართი N2) და აღნიშნულის შესაბამისი დამადასტურებელი დოკუმენტაცია (ხელშეკრულებ(ები)ა, მიღება-ჩაბარების აქტ(ებ)ი-ფორმა N2 (საგადახდო დავალება)) ატვირთული უნდა იქნას ერთიან ელექტრონულ სისტემაში. (სახელმწიფო შესყიდვის განხორციელების შემთხვევაში პრეტენდნტმა, ზემოთ ხსენებულ ცხრილში უნდა მიუთითოს სახელმწიფო შესყიდვის ერთიან ელ. სისტემაში დაფიქსირებული შესაბამისი განცხადების ნომერი და ამ შემთხვევაში დამატებითი დოკუმენტაციის (ხელშეკრულება,მიღება-ჩაბარების აქტი, ფორმა N2 და გადახდის დამადასტურებებლი დოკუმენტაციის (საგადახდო დავალება) წარმოდგენა სავალდებულო არაა)).

სატენდერო დოკუმენტაციით გათვალისწინებული გამოცდილების მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

1. მიმწოდებელი ვალდებულია უზრუნველყოს „შეზღუდული შესაძლებლობის მქონე პირებისათვის სივრცის მოწყობისა და არქიტექტურული და გეგმარებითი ელემენტების ტექნიკური რეგლამენტის დამტკიცების თაობაზე“ საქართველოს მთავრობის 2014 წლის 6 იანვრის №41 დადგენილებით გათვალისწინებული ნორმების დაცვა.
2. მიმწოდებლის მიერ ხელშეკრულებით ნაკისრი ვალდებულებების შესრულების კონტროლს შემსყიდველის მხრიდან განახორციელებენ ქალაქ თბილისის მუნიციპალიტეტის ვაკის რაიონის გამგეობის ინფრასტრუქტურული პროექტების მართვის და პროექტირების განყოფილების თანამშრომლები (უფლებამოსილი პირები), ხოლო ტექნიკურ ზედამხედველობას, მათ შორის ფარული სამუშაოების ექსპერტიზას, მიმწდებლის მიერ მოწვეული აკრედიტირებული ექსპერტი (საექსპერტო ჯგუფი), რომელიც მიმწოდებელმა უნდა შეარჩიოს შემსყიდველთან შეთანხმებით.
3. შემსყიდველის მიერ სამუშაოს ან მისი ნაწილის მიღება ხორციელდება მიმწოდებლის მიერ მოწვეული ექსპერტის (საექსპერტო ჯგუფის) მიერ დადასტურებული ფორმა N2-ის საფუძველზე. ამასთან სამუშაოეს ან მისი ნაწილის შესრულების თარიღად ჩაითვლება „შესრულებული სამუშაოების .აქტში“ მითითებული თარიღი, დადასტურებული ტექნიკური ზედამხედველის მიერ.
4. ექსპერტიზის მომსახურება ანაზღაურდება ფაქტიურად გაწეული ხარჯის მიხედვით (მიმწოდებელი ვალდებულია წარმოადგინოს შესაბამისი დამადასტურებელი დოკუმენტაცია).
5. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
6. სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია ხელმოწერილი ან/და ბეჭედდასმული უნდა იყოს უფლებამოსილი პირის მიერ. ესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით.
7. ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
8. ხარჯთაღრიცხვის შედგენისას პრეტენდენტმა უნდა გაითვალისწინოს, რომ სამშენებლო სამუშაოებზე გაუთვალისწინებელი ხარჯის ოდენობა განისაზღვრება 3%-ით, ხოლო საექსპერტო მომსახურების ხარჯის ზღვრული ოდენობა არაუმეტეს 2.8%-ით.
9. ხარჯთაღრიცხვის წარმოუდგენლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული პირის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელშიც ტექსტობრივად მკაფიოდ უნდა იკვეთებოდეს, 2017 წლის 26 სექტემბრის საქართველოს მთავრობის N439 დადგენილებით განსაზღვრული ტექნიკური რეგლამენტის - „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკის“ მოთხოვნებთან დასკვნის შესაბამისობა. წარმოდგენილი დასკვნით უნდა დასტურდებოდეს პრეტენდენტის მიერ ატვირთულ სატენდერო ხარჯთაღრიცხვაში (სატენდერო წინადადების საბოლოო ფასის შესაბამისი ხარჯთაღრიცხვა (შესაბამისი ტენდერის უნიკალური ნომრის მითითებით)) დაფიქსირებული ერთეულის ფასებით (თითოეულ ერთეულთან მიმართებით) და აგრეთვე ჯამური ღირებულებით ამავე ხარჯთაღრიცხვით განსაზღვრული სამუშაოების შესრულების შესაძლებლობა. ექსპერტიზის დასკვნას თან უნდა ერთვოდეს სატენდერო ხარჯთაღრიცხვა და რესურსული მეთოდით შედგენილი ხარჯთაღრიცხვა.

ექსპერტიზის დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული პირობები.

5

10

ხელშეკრულების შესრულების უზრუნველყოფის საბანკო გარანტიის მოქმედების ვადა 60 კალენდარული დღით უნდა აღემატებოდეს ხელშეკრულებით გათვალისწინებულ მომსახურების გაწევის ვადას.

6.4.1 ტენდერში გამოიყენება ხელშეკრულების შესრულების უზრუნველყოფის გარანტირების მექანიზმი.
6.4.2 უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.

ანგარიშსწორება მოხდება ეტაპობრივად, შესრულებული სამუშაოების მოცულობების მიხედვით;
7.2.2. ანგარიშსწორება მოხდება უნაღდო ანგარიშსწორებით ლარში.
7.2.3. დაფინანსების წყაროა ქალაქ თბილისის მუნიციპალიტეტის 2026 წლის ბიუჯეტით ვაკის რაიონის გამგეობისთვის დამტკიცებული ასიგნებები.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ნათელა ელიზბარაშვილი, 577228523, natelael@gmail.com

პრეტენდენტის მიერ სისტემაში ასატვირთი მონაცემები:

1. გასაწევი მომსახურების ხარჯთაღრიცხვა დანართი N1-ის მიხედვით.
2. ინფორმაცია ანალოგიური სამუშაოს მიწოდების გამოცდილების შესახებ დანართი N2-ის შესაბამისად.