Природное водное сырье (Грузия - Тендер #69940247)

შესყიდვის ობიექტს წარმოადგენს სასმელი წყალი (შემდგომში „საქონელი“) პოლიკარბონატის ჭურჭლით.

სასმელი წყალი, რომლის აღწერილობაა:
- არაგაზირებული წყალი, არანაკლებ 19 ლიტრიანი პოლიკარბონატის ჭურჭლით.
- განკუთვნილი უნდა იყოს წყლის დისპენსერებისათვის.
რაოდენობა -2 500 ცალი.
ვარგისიანობის ვადა - შენახვის ვადა ჩამოსხმის თარიღიდან უნდა შეადგენდეს მინიმუმ 3 (სამი) თვეს.
„საქონლის“ მიწოდების პარალელურად „მიმწოდებლის“ მიერ უზრუნველყოფილი უნდა იქნას არანაკლებ 30 ერთეული დისპენსერის მიწოდება. „საქონლის“ ჭურჭლის და დისპენსერის გადაცემა უნდა განხორციელდეს უსასყიდლოდ, დროებითი სარგებლობის ფორმით, რომელიც დაუბრუნდება „მიმწოდებელს“ ჭურჭელი ეტაპობრივად, ხოლო დისპენსერი ხელშეკრულების მოქმედების ვადის დასრულების შემდგომ. „მიმწოდებელი“ ვალდებულია უზრუნველყოს საჭიროების შემთხვევაში რეგულარული წმენდა, შეცვლა, შეკეთება და სხვა აუცილებელი მომსახურება. პასუხისმგებლობა დისპენსერის სწორ ექპლოატაციაზე (დაკარგვა, დაზიანება) ეკისრება "შემსყიდველს".
დისპენსერების მიწოდება უნდა განხორციელდეს ხელშეკრულების გაფორმებიდან 3 (სამი) სამუშაო დღის ვადაში.
„საქონელი“ უნდა შეესაბამებოდეს საქართველოს მთავრობის 2014 წლის 15 იანვრის №58 დადგენილებით დამტკიცებულ „სასმელი წყლის ტექნიკური რეგლამენტით“ დადგენილი ხარისხის მაჩვენებლებს, ნორმატიულ სიდიდეებს და სანიტარული მოთხოვნებს.
თითოეულ წყლის ჭურჭელზე მითითებული უნდა იყოს ძირითადი იონების და მინერალიზაცის შესახებ ინფორმაცია შესაბამისი მარკირებით. აღნიშნული უნდა იყოს შემადგენლობა, დამზადების და ვარგისიანობის ვადები, ჩამომსხმელი ქვეყანა და მწარმოებელი.

„საქონლის“ მიწოდების ვადა და პირობები: „საქონელის“ მიწოდება უნდა განხორციელდეს ხელშეკრულების გაფორმებიდან - 2026 წლის 20 დეკემბრამდე.

„საქონლის“ მიწოდება უნდა განხორციელდეს - ეტაპობრივად (ყოველთვიურად) „შემსყიდველის“ მოთხოვნის შესაბამისად არაუგვიანეს 3 სამუშაო დღის ვადაში, მოთხოვნილი რაოდენობის მიხედვით, ხელშეკრულების გაფორმებიდან 2026 წლის 20 დეკემბრის ჩათვლით. დისპენსერების მიწოდება უნდა განხორციელდეს ხელშეკრულების გაფორმებიდან 3 (სამი) სამუშაო დღის ვადაში. „საქონლის“ მიწოდება უნდა განხორციელდეს სსიპ ლ. საყვარელიძის სახ. დაავადებათა კონტროლისა და საზოგადოებრივი ჯანმრთელობის ეროვნულ ცენტრში მისამართზე: თბილისი, კახეთის გზატკეცილი #99.

წარმოშობის ქვეყანა და მწარმოებელ კომპანიასთან დაკავშირებით ინფორმაცია წარმოდგენილი უნდა იქნას ფასების ცხრილის შესაბამისად, მხოლოდ პირველ პოზიციაზე.

საქართველოს მთავრობის 2014 წლის 15 იანვრის No58 დადგენილებით დამტკიცებული „სასმელი წყლის ტექნიკური რეგლამენტით“ დადგენილი ხარისხის მაჩვენებლების და ნორმატიული სიდიდეებთან, სანიტარული მოთხოვნებთან შესაბამისობის მოქმედი სერტიფიკატი.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, შესაძლებელია დასაბუთდეს ან შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაცის დამადასტურებელი დოკუმენტი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
ან პრეტენდენტმა უნდა წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2023 წლის 1 იანვრის შემდეგ) შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.

ანგარიშსწორება "მიმწოდებელთან“ განხორციელდება ფაქტიურად მიწოდებული „საქონლის“ ღირებულების შესაბამისად.

მიღება-ჩაბარების აქტის გაფორმებიდან 10 სამუშაო დღის ვადაში, გადარიცხვის ბოლო ვადაა 2026 წლის 25 დეკემბერი.

ნინო აბაზაშვილი, 595584580, nino.abazashvili@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

სახელმწიფო შესყიდვების ერთიან ელექტრონულ სისტემაში სატენდერო წინადადების (ტექნიკური დოკუმენტაციისა და სატენდერო წინადადების ფასი) წარდგენით „პრეტენდენტი“ ავტომატურად გამოხატავს თანხმობას ამ პუნქტის „ა“- „ე“ ქვეპუნქტებში განსაზღვრულ მოთხოვნებზე:
ა. სატენდერო წინადადება უნდა იყოს ელექტრონულად დამოწმებული „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნების შესაბამისად.
ბ. სატენდერო წინადადების წარმოდგენა დასაშვებია უცხო ენაზე, ასეთ შემთხვევაში სატენდერო დოკუმენტაციას უნდა ახლდეს ქართულენოვანი და ნოტარიულად დამოწმებული თარგმანი.
გ. სატენდერო წინადადებაში საერთო ფასი (ეროვნული ვალუტა) გამოსახული უნდა იყოს, საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.
დ. „მიმწოდებლის“ მიერ სავალდებულოდ წარმოსადგენი დოკუმენტია: პუნქტი 1.3 ფასების ცხრილი დანართი #1, პუნქტი 2.1.1 "წარმოშობის ქვეყანა და მწარმოებელ კომპანიასთან დაკავშირებით ინფორმაცია წარმოდგენილი უნდა იქნას ფასების ცხრილის შესაბამისად" (მხოლოდ პირველ პოზიციაზე) და პუნქტი 2.7.1 წყლის ვარგისიანობის ლაბორატორიული დასკვნა ან / და საქართველოს მთავრობის 2014 წლის 15 იანვრის No58 დადგენილებით დამტკიცებული „სასმელი წყლის ტექნიკური რეგლამენტით“ დადგენილი ხარისხის მაჩვენებლების და ნორმატიული სიდიდეებთან, სანიტარული მოთხოვნებთან შესაბამისობის მოქმედი სერტიფიკატი.
ე. წარმოდგენილ ფასების ცხრილში, ერთეულის ღირებულება (ლარი) უნდა განისაზღვროს მეასედის სიზუსტით.