Ремонт и техническое обслуживание транспортных средств и оборудования и сопутствующие услуги (Грузия - Тендер #69376077)

კომისიის ბალანსზე რიცხული ავტომანქანების რეცხვის და ქიმწმენდის მომსახურების შესყიდვა

1. მომსახურების შესყიდვა მოიცავს კომისიის ბალანსზე რიცხული 13 ავტოსატრანსპორტო საშუალების რეცხვის და ინტერიერის (სალონი და საბარგული) ქიმწმენდის მომსახურებას ხელშეკრულების მოქმედების პერიოდში შესაძლებელია მოხდეს ავტომობილის დამატება, ასევე ავტომობილის ტიპის ცვლილება.
2. ავტომანქანების ჩამონათვალი მოცემულია ცხრილის სახით - დანართი N1.
3. ქალაქ თბილისის მასშტაბით განთავსებული ავტოსამრეცხაო უნდა მდებარეობდეს შემდეგ ტერიტორიულ ერთეულებში: ქ. თბილისში, ისნის რაიონის ტერიტორიულ ერთეულში ან ზემო ავლაბარი ან მეტრომშენში ან მთაწმინდა-სოსოლაკი ან კალა-ორთაჭალა ან ნავთლუღი.
4. ქალაქ თბილისში მდებარე ავტოსამრეცხაოს უნდა გააჩნდეს არანაკლებ 3 (სამი) ბოქსი.
5. ქალაქ თბილისის გარდა, პრეტენდენტს უნდა გააჩნდეს მინიმუმ თითო ავტოსამრეცხაო თოთოეულ ჩამოთვლილ ქალაქში: ქ. ბათუმში, ქ. ქუთაისში და ქ. ზუგდიდში.
6. მიმწოდებელმა სახელმწიფო შესყიდვის ხელშეკრულების გაფორმებიდან 3 სამუშაო დღეში უნდა უზრუნველყოს შემსყიდველისათვის განკუთვნილი პლასტიკური ბარათების გადაცემა.
7. პლასტიკური ბარათებით შესაძლებელი უნდა იყოს სამივე ტიპის: მსუბუქი ავტომობილისათვის; ჯიპის ტიპის ავტომობილებისათვის და მინი ვენის ტიპის ავტომობილებისთვის მომსახურების მიღება.
8. მომსახურება უნდა განხორციელდეს მიმწოდებლის მიერ დამზადებული და შემსყიდველის მიერ მიმწოდებლისათვის წარდგენილი შესაბამისი პლასტიკური ბარათის მეშვეობით.
9. მომსახურების დაწყება უნდა განხორციელდეს მიმწოდებლის მიერ სატენდერო წინადადებით შემოთავაზებულ მისამართზე/მისამართებზე მოთხოვნის შესაბამისად, პლასტიკურ ბარათის წარდგენიდან არაუგვიანეს 40 წუთისა რეცხვის შემთხვევაში. ქიმწმენდა უნდა განხორციელდეს ავტომობილის წარდგენიდან არაუგვიანეს 3 სამუშაო დღისა. ავტოსამრეცხაო უნდა მუშაობდეს არანაკლებ დილის 9 საათიდან საღამოს 6 საათამდე, აღნიშნული დროის შეუალდში შესაძლებელის უნდა იყოს ავტომობილის წარდგენა და რეცხვის დაწყება.
10. მომსახურების გაწევა უნდა წარმოებდეს სპეციალური სარეცხი და საწმენდი საშუალებებისა (ქაფი, გელი, სპეციალური სითხეები, საბურავის საწმენდი საშუალებები და სხვა) და სპეციალური მოწყობილობების გამოყენებით. რეცხვის შემდეგ უნდა მოხდეს სატრანსპორტო საშუალების გაშრობა.
11. „მიმწოდებელმა“ უნდა უზრუნველყოს სატრანსპორტო საშუალებების ექსტერიერისა და ინტერიერის (ძარა, სალონი და საბარგული) სრულად რეცხვა, გასუფთავება და გამშრალება.
12. პრეტენდენტის ტექნიკური დოკუმენტაცია უნდა შეიცავდეს გასაწევი მომსახურების განფასებას ფასების ცხრილის შესაბამისად. სატენდერო წინადადების ღირებულება უნდა მოიცავდეს ამ ტენდერით გათვალისწინებული მომსახურების სრულყოფილად გაწევასთან დაკავშირებულ ყველა ხარჯსა და კანონმდებლობით გათვალისწინებულ გადასახადებს. ხარჯები, რომლებიც სატენდერო წინადადების ფასში არ იქნება გათვალისწინებული არ დაექვემდებარება ანაზღაურებას.
13. მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი ზარალის აღმოფხვრის ხარჯების ანაზღაურება ეკისრება მიმწოდებელს.

* პრეტენდენტის მიერ სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
* ერთეულის ღირებულებები პოზიციების შესაბამისად პრეტენდენტის მიერ მითითებული უნდა იქნას პრეისკურანტში და არ უნდა აღემატებოდეს პრეისკურანტში შესაბამის პოზიციებზე დაფიქსირებულ ზღვრულ ერთეულის ფასებს. ერთეულის ღირებულებების ჯამურმა ოდენობამ არ უნდა გადააჭარბოს პრეისკურანტის ჯამურ ღირებულებას.
* პრეისკურანტით განსაზღვრული რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დადგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს პრეისკურანტის საბოლოო ჯამური ღირებულების 10%-ს.
* პრეტენდენტის მიერ სისტემის მეშვეობით წარმოდგენილ პირვანდელ და ელექტრონული ვაჭრობის შედეგად დაფიქსირებულ საბოლოო პრეისკურანტის ღირებულების სხვაობის არსებობის შემთხვევაში, პრეისკურანტით განსაზღვრული ერთეულის ღირებულებების დაანგარიშება მოხდება მიღებული სხვაობის პროცენტული მაჩვენებლის თანაბრად დაკლების პრინციპით (კლების პროცენტად შესაძლებელია გამოყენებული იყოს არანაკლებ მიღებული რიცხვი მეასედამდე სიზუსტით (დამრგვალების გარეშე), მხოლოდ იმ პირობით, რომ მიღებული ჯამი არ უნდა აღემატებოდეს სისტემის შესაბამის ველში დაფიქსირებულ საბოლოო ფასს). აღნიშნულ შემთხვევაში პრეტენდენტმა კორექტირებული პრეისკურანტი უნდა წარმოადგინოს აღნიშნული პრინციპით დაანგარიშებული ერთეულის ფასების მიხედვით.
* პრეტენდენტის მიერ „წინადადების მიღება დასრულებულია“ ეტაპზე, პრეისკურანტის წარმოუდგენლობა, განუფასებლად წარმოდგენა (თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს) ან არსებითად შეუსაბამო ფასების წარმოდგენა (თუ ერთეულის ფასი აღემატება შემსყიდველის მიერ შესაბამის გრაფაში მითითებულ ერთეულის სავარაუდო ზღვრულ ფასს), გამოიწვევს პრეტენდენტის დისკვალიფიკაციას აღნიშნულ ტენდერიდან დაზუსტების გარეშე.

შენიშვნა:
პრეისკურანტი წარმოდგენილი უნდა იქნას excel-ის ფაილის სახით.

ხელშეკრულების დადებიდან, მაგრამ არაუადრეს 2026 წლის 1 იანვრიდან, 2026 წლის 31 დეკემბრის ჩათვლით

მომსახურების განხორციელება შესაძლებელი უნდა იყოს შემდეგ ტერიტორიული ერთეულებში:

1. ქალაქი თბილისი: ისნის რაიონის ტერიტორიულ ერთეულში ან ზემო ავლაბარი ან მეტრომშენში ან მთაწმინდა-სოსოლაკი ან კალა-ორთაჭალა ან ნავთლუღი.
2. ქალაქი ქუთაისი
3. ქალაქი ბათუმი
4. ქალაქი ზუგდიდი

ავტომობილის რეცხვის დაწყება უნდა განხორციელდეს შემსყიდველის თანამშრომლის მიერ პლასტიკური ბარათის წარდგენიდან არაუგვიანეს 40 (ორმოცი) წუთის განმავლობაში.
ავტომობილის ქიმწმენდა უნდა გახორციელდეს არაუგვიანეს ავტომობილის წარდგენიდან 3 სამუშაო დღისა.

ავტოსამრეცხაო უნდა მუშაობდეს არანაკლებ დილის 9 საათიდან საღამოს 6 საათამდე, აღნიშნული დროის შეუალდში შესაძლებელის უნდა იყოს ავტომობილის წარდგენა და რეცხვის დაწყება.

1) 2024 წლის 1 იანვრის შემდგომ პერიოდში პრეტენდენტს უნდა გააჩნდეს ავტომობილების რეცხვითი მომსახურების გამოცდილება არანაკლებ ორი კორპორატიული ხელშეკრულების ფარგლებში, თითოეულის ხანგრძლივობით არანაკლებ სამი თვე.
გამოცდილების დასადასტურებლად შესაძლებელი წარმოდგენილი იყოს:
ხელშეკრულებები და მათი შესრულების დამადასტურებელი დოკუმენტები ან/და მითითება სახელმწიფო შესყიდვების ერთიანი ელექტრონული სისტემის შესაბამის ნომრებზე ან/და დამკვეთის/შემსყიდველის მიერ გაცემული დოკუმენტი შესყიდვის ობიექტის, ღირებულებისა და მომსახურების პერიოდის აღნიშვნით.

*შენიშვნა: ხელშეკრულების დანართების წარმოდგენა არ არის სავალდებულო, თუ ხელშეკრულების დადების თარიღის, მომსახურების დასახელების და ღირებულების დადგენა შესაძლებელია უკვე წარმოდგენილი დოკუმენტ(ებ)ით.

2) პრეტენდენტმა უნდა წარმოადგინოს სულ მცირე 2 (ორი) იურიდიული პირის სარეკომენდაციო წერილი, თითოეული არანაკლებ 3 000 ლარის ღირებულების (ერთი ხელშეკრულების ღირებულება) ავტომობილების რეცხვის/ქიმწმენდის მომსახურების შესახებ;

პრეტენდენტმა უნდა წარმოადგინოს ინფორმაცია მის საკუთრებაში ან სარგებლობის უფლებით ან მომსახურების/ქვეკონტრაქტის ხელშეკრულებით არსებული სერვის-ცენტრების შესახებ, შესაბამისი მისამართების მითითებით, რომლებიც უნდა აკმაყოფილებდნენ ტექნიკური დავალებით დადგენილ მოთხოვნებს;

პრეტენდენტმა სარგებლობა / მომსახურება/ ქვეკონტრაქტი უნდა დაასტუროს (სისტემაში ატვირთოს) დოკუმენტურად, რომლიდანაც უნდა იკვეთებოდეს უფლების ვადა არანაკლებ 2026 წლის 31 დეკემბრისა.

შენიშვნა:
- სხვა სერვისცენტრთან მომსახურების ხელშეკრულების ფარგლებში მიმწოდებლის მიერ შემსყიდველისთვის გაწეულ სერვისზე სრულად პასუხისმგებელია მიმწოდებელი.

ქვეკონტრაქტის არსებობის შემთხვევაში, პრეტენდენტი ვალდებულია წარმოადგინოს შემოთავაზებულ სერვის-ცენტრ(ებ)თან (ქვეკონტრაქტორთან) სამართლებრივი ურთიერთობის ამსახველი დოკუმენტ(ებ)ი (ხელშეკრულება, შეთახმება ან სხვა ექვივალენტური დოკუმენტი, რომელიც გამოხატავს პირ(ებ)ის ნებას ავტომობილების რეცხვისა და ქიმწმენდის მომსახურების განხორციელების თაობაზე).

ქვეკონტრაქტორის მიერ განხორციელებულ მომსახურებაზე პასუხისმგებლობა სრულად ეკისრება პრეტენდენტს (მიმწოდებელს).

ქვეკონტრაქტორი კომპანია არ უნდა იყოს რეგისტრირებული შესყიდვებში მონაწილე არაკეთილსინდისიერ პირთა რეესტრში – „შავი სია".

ფასწარმოქმნის ადეკვატურობა შესაძლებელია დასაბუთდეს ექსპერტიზის ან/და აუდიტორული ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის უფლებამოსილების/აკრედიტაციის დამადასტურებელი დოკუმენტი)


ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (პრეისკურანტის საბოლოო ღირებულებასთან), ასევე ერთეულებთან მიმართებით.

ანგარიშსწორება განხორციელდება ყოველთვიურად გაფორმებული მიღება-ჩაბარების აქტის საფუძველზე.შესაბამის ეტაპზე ფაქტიურად განხორციელებული მომსახურების შესაბამისად.

ანგარიშსწორება განხორციელდება უნაღდო ანგარიშსწორებით ეროვნულ ვალუტაში - ლარში.

არაუგვიანეს 10 სამუშაო დღე.

ნინო მგალობლიშვილი, 577387788, nmgaloblishvili@comcom.ge

10.1.1 სატენდერო დოკუმენტაციით მოთხოვნილი ყველა დოკუმენტი წარმოდგენილ უნდა იქნეს ქართულ ენაზე. დოკუმენტების უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.3 სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.
10.1.4 სატენდერო წინადადების წარდგენით პრეტენდენტი ეთანხმება სატენდერო პირობებს
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება;
10.1.6 პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ., ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით.
10.1.7 პრეტენდენტმა ფასების ცხრილი/ხარჯთაღრიცხვა ერთიან ელექტრონულ სისტემაში უნდა ატვირთოს Excel-ის ფორმატის ცხრილის სახით; პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).