Медицинские услуги (Грузия - Тендер #69376072)

ჯანდაცვის სფეროს მომსახურებები (მაგნიტორეზონანსული კვლევა).

მიმწოდებელმა უნდა უზრუნველყოს ქვემოთ ჩამოთვლილი მომსახურებების გაწევა:

1. თავის ტვინის მაგნიტორეზონანსული გამოკვლევა (MRT) 1.5 ტესლა

2. მუცლის ღრუს მაგნიტორეზონანსული გამოკვლევა (MRT) 1.5 ტესლა

3. ხერხემლისა და ზურგის ტვინის მ.რ.ტ კვლევა (MRT) 1.5 ტესლა

4. ქვედა კიდურების მაგნიტო რეზონანსული ტომოგრაფია საკონტრასტო ნივთიერების გარეშე (MRT) 1.5 ტესლა

5. მცირე მენჯის მაგნიტორეზონანსული გამოკვლევა (MRT) 1.5 ტესლა

6. გულმკერდის ღრუს მაგნიტო რეზონანსული ტომოგრაფია (MRT) 1.5 ტესლა

7. ანესთეზია

8. კონტრასტი


მომსახურება უნდა განხორციელდეს აღნიშნულ სფეროში საქართველოში მოქმედი კანონმდებლობის მოთხოვნების შესაბამისად.

სატენდერო წინადადების ფასი:
• გასაწევი მომსახურებისერთეულის ღირებულებები უნდა შეიცავდეს მიმწოდებლის ყველა ხარჯს და საქართველოს კანონმდებლობით დადგენილ ყველა გადასახადს.
• გასაწევი მომსახურების ღირებულების წარმოდგენა დასაშვებია მხოლოდ ლარებში.
• ხელშეკრულების ღირებულების თანხა, რომელიც განსაზღვრული იქნება 7000 ლარის ოდენობით აღებულია შესაძლო გასაწევი მომსახურებების მიხედვით, ხოლო ანაზღაურება "მიმწოდებელთან" განხორციელდება მის მიერ ფაქტობრივად გაწეული მომსახურებების მიხედვით, შესაბამისად ხელშეკრულების მოქმედების ვადის ამოწურვის მომენტისათვის ხელშეკრულების საერთო ღირებულებიდან გამოუმუშავებელი თანხა დარჩება "შემსყიდველთან" და იგი არ წარმოშობს მხარეებს შორის რაიმე დამატებით ვალდებულებებს.

აუცილებელი პირობა:
• პრეტენდენტის მიერ ერთიანი ელექტრონული სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში
• გასაწევი მომსახურებების ერთეულის ღირებულებები პოზიციების შესაბამისად პრეტენდენტის მიერ მითითებული უნდა იქნას პრეისკურანტში და არ უნდა აღემატებოდეს პრეისკურანტში ამავე პოზიციებზე დაფიქსირებულ ფასებს. ერეთულის ღირებულებების ჯამურმა ოდენობამ არ უნდა გადააჭარბოს 2320 ლარს (პრეისკურანტი პრეტენდენტის მიერ ატვირთულ უნდა იქნას ერთიან ელექტრონულ სისტემაში).
• ფასის კლების შემთხვევაში, ელექტრონულ სისტემაში დაფიქსირებული საბოლოო ფასიდან გამომდინარე საუკეთესო დაბალი ფასის მქონე პრეტენდენტის მიერ პრეისკურანტით გათვალისწინებული ერთეულის ღირებულებები დაკლებულ უნდა იქნას პროპორციულად ყველა პოზიციაზე, პრეისკურანტის სავარაუდო ღირებულებასა და სისტემაში დაფიქსირებულ პრეისკურანტის საბოლოო ღირებულებას შორის არსებული სხვაობიდან გამოთვლილი (გამოყვანილი) პროცენტის შესაბამისად. ამასთან თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე გასაწევი მომსახურებების ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია აღნიშნული ღირებულებები შეამციროს და დაამრგვალოს მეასედებამდე, შესაბამისად შეამციროს პრეისკურანტის ჯამური ღირებულებაც.
• თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში მომსახურების რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

ხელშეკრულების გაფორმებიდან, ეტაპობრივად, 2026 წლის 31 დეკემბრის ჩათვლით, შემსყიდველის მოთხოვნის შესაბამისად.

მომსახურება უნდა განხორციელდეს მიმწოდებლის კლინიკაში, თსსუ-ს გივი ჟვანიას სახელობის პედიატრიის საუნივერსიტეტო კლინიკის პაციენტისთვის მისამართიდან ქ. თბილისი, გივი ჟვანიას ქუჩა N11,15

პრეტენდენტმა უნდა წარმოადგინოს პრეისკურანტში მითითებული მომსახურების უფლების დამადასტურებელი დოკუმენტაცია.

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს:

საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.

ანგარიშსწორება განხორციელდება მიმწოდებლის მიერ ფაქტიურად მიწოდებული შესყიდვის ობიექტის დამადასტურებელი დოკუმენტების წარმოდგენის შემდგომ, მიღება-ჩაბარების აქტის საფუძველზე, რომელიც ეფუძნება კლინიკის კონტროლის განმახორციელებელი პირ(ებ)ის დასკვნას.

პრეტენდენტის მიერ შემოთავაზებული ფასი უნდა მოიცავდეს შესყიდვის ობიექტის მიწოდებასთან დაკავშირებულ ყველა ხარჯს და კანონმდებლობით გათვალისწინებულ ყველა გადასახადს.

ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.

ხელშეკრულების საერთო ღირებულებიდან დარჩენილი თანხა რჩება „შემსყიდველთან“ და იგი არ წარმოშობს მხარეებს შორის რაიმე დამატებით ვალდებულებებს.

ანგარიშსწორება განხორციელდება, 7.2 პუნქტით გათვალისწინებული საქონლის მიწოდების დამადასტურებელი დოკუმენტების წარმოდგენიდან არაუგვიანეს 30 (ოცდაათი) სამუშაო დღის განმავლობაში.


შემსყიდველი მხარე დამატებით განმარტავს (სატენდერო წინადადების 7.3 მუხლის მიზნებისთვის), რომ თსსუ-ს გივი ჟვანიას სახელობის პედიატრიის საუნივერსიტეტო კლინიკის დაფინანსების წყაროს წარმოადგენს საკუთარი შემოსავლები, რომლის ძირითად წილს შეადგენს საყოველთაო ჯანმრთელობის დაცვის სახელმწიფო პროგრამიდან მიღებული თანხები.

თამარ გოგოლაშვილი, 557151517, samedicino@tsmu.edu

✔ ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.

✔ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისთვის დაზუსტდება სატენდერო წინადადების შესაბამისად.

✔ პრეტენდენტს არ აქვს უფლება წარმოადგინოს ალტერნატიული სატენდერო წინადადება.

✔ პრეტენდენტი, ტენდერში სატენდერო წინადადების წარდგენით, გამოხატავს თანხმობას სატენდერო დოკუმენტაციაში მოცემულ პირობებზე.

✔ პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაადასტუროს კვალიფიციური ელექტრონული ხელმოწერით ან/და დაამოწმოს კვალიფიციური ელექტრონული შტამპით, მოქმედი კანონმდებლობის შესაბამისად.