Инженерные услуги (Грузия - Тендер #69376076)

ქ. თბილისში, დიღმის ჭალების პარკის მოწყობის სამუშაოების საპროექტო დოკუმენტაციის რეპროექტირების მომსახურება.

საპროექტო ტერიტორია მდებარეობს ქ. თბილისში, დიღმის ჭალების ტერიტორიაზე.

პროექტის მიზანია - ქ. თბილისში, დიღმის ჭალების პროექტის რეპროექტირება მნიშვნელოვანი ჩარევების გარეშე, ახალი საპარკე სივრცეების გაჩენა, სრული პროექტის შესაბამისი საპროექტო და სახარჯთაღრიცხვო დოკუმენტაციის მომზადება;
ტერიტორიის განვითარებისათვის საჭირო ტექნიკური პირობების შესაბამისი მშენებლობის ორგანიზაციის და რეგულირების საკითხების გადაწყვეტა;
ტერიტორიის თემატური განვითარების გეგმების ინტეგრაცია არსებულ პროექტთან, სივრცით ტერიტორიული განვითარების ძირითად მიმართულებებთან და შესაბამისად ასახვა გენერალურ გეგმაში.

მეთოდოლოგია:
ტერიტორიისთვის ჩატარდეს არსებული პროექტის კვლევა, რომელიც მნიშვნელოვანწილად განსაზღვრავს განვითარების პერსპექტივებს და რეპროექტირების ეტაპზე გათვალისწინებული იქნება მისი შედეგები და რეკომენდაციები; კვლევის ეტაპზე მომზადდეს ტოპო რუკა და მასზე დაყრდნობით განხორციელდეს ტერიტორიის ფუნქციური ზონირება.
კვლევა დამუშავდეს არქიტექტურულ-გეგმარებითი საპროექტო დოკუმენტაციის მომზადებისთვის საჭირო ყველა მოთხოვნისა და მონაცემის გათვალისწინებით, თანამედროვე საერთაშორისო და ეროვნული საუკეთესო პრაქტიკის შესაბამისად.

1.2.1 წარმოდგენილი უნდა იყოს სრული საპროექტო-სახარჯთაღრიცხვო დოკუმენტაციის მშენებლობის ორგანიზაციის პროექტი და დენდროლოგიური პროექტი, რომლის საფუძველზეც შესაძლებელი იქნება სამშენებლო კომპანიის შესარჩევი ტენდერის ჩატარება და სამშენებლო-სამონტაჟო სამუშაოების განხორციელება.
1.2.2 მიმწოდებელმა უნდა უზრუნველყოს მის მიერ შესრულებული პროექტის შესაბამისად წარმოებული სამშენებლო-სარეაბილიტაციო სამუშაოების საავტორო ზედამხედველობის ღონისძიებები და საჭიროების შემთხვევაში პროექტში შეიტანოს კორექტირებები.
1.2.3 სამშენებლო სამუშაოების განხორციელების პროცესში, შესრულებული სამუშაოების ხარისხისა და დეტალური საპროექტო დოკუმენტაციის შესაბამისობის უზრუნველსაყოფად, მიმწოდებელი ვალდებულია უზრუნველყოს სამშენებლო სამუშაოების მონიტორინგი, მიიღოს მონაწილეობა საპროექტო გადაწყვეტათა დაზუსტებაში, საჭიროების შემთხვევაში მუშა დოკუმენტაციის, სამშენებლო მოცულობების და კონტრაქტის სხვა შესაბამისი ცვლილებების მომზადება-შეთანხმებაში, ასევე, ტექნიკური დავალებით გათვალისწინებული ღონისძიებების განხორციელებაში.

შენიშვნა: ტექნიკური დავალება ატვირთულია სატენდერო დოკუმენტაციასთან ერთად, ხოლო პირველადი პროექტის გადმოწერა შესაძლებელია შემდეგი მისამართიდან: https://cloud.tbilisi.gov.ge/index.php/s/JEWYv2elRkWnjxr

1.4.1 საპროექტო დოკუმენტაციის მიწოდების ვადა: - ხელშეკრულების ძალაში შესვლიდან 120 (ას ოცი) კალენდარული დღე (ექსპერტიზის მომსახურების ვადის ჩათვლით).
1.4.2 პირველ ეტაპზე მიმწოდებელი ვალდებულია ხელშეკრულების ძალაში შესვლიდან 40 (ორმოცი) კალენდარული დღის ვადაში წარმოუდგინოს შემსყიდველს ტექნიკური დავალების I ეტაპით განსაზღვრული დოკუმენტაცია.
1.4.3 მეორე ეტაპზე მიმწოდებელმა ხელშეკრულების ძალაში შესვლიდან 120 (ას ოცი) კალენდარულ დღეში უნდა წარმოადგინოს ტექნიკური დავალების მეორე ეტაპით განსაზღვრული სრულყოფილი დოკუმენტაცია (ექსპერტიზის დასკვნასთან ერთად). საპროექტო დოკუმენტაცია წარმოდგენილი უნდა იქნას ნაბეჭდი (2 ეგზემპლ.) და ელექტრონული ვერსიის სახით (მათ შორის შეთანხმებები, წერილები, ექსპერტიზა, გეგმები), ფონტით-„sylfaen”, ხოლო ლათინური სიმბოლოები - „Calibri”-ით), პროექტი- „PDF”, „DWG” ან CAD დამკვეთთან შეთანხმებით; ხარჯთაღრიცხვა - „MS EXCEL” ფორმატში. წარმოდგენილი საპროექტო-სახარჯთაღრიცხვო დოკუმენტაციის ელექტრონული ვერსია დამოწმებული უნდა იყოს ბეჭდით და ხელმოწერით.

1.5.1 საპროექტო დოკუმენტაციის მიწოდების ადგილი: ქ. თბილისი, ჟ. შარტავას ქ. №7, ქ. თბილისის მუნიციპალიტეტის მერიის გარემოს დაცვის საქალაქო სამსახური.

პრეტენდენტს 2022 წლის 01 იანვრიდან უნდა გააჩნდეს არანაკლებ შესყიდვის სავარაუდო ღირებულების 100%-ის საერთო სამშენებლო სამუშაოების საპროექტო დოკუმენტაციის შედგენის მომსახურების და სივრცითი დაგეგმარების გამოცდილება, რომელიც ინფორმაციის სახით მოცემული უნდა იყოს დანართი №2–ით გათვალისწინებულ ცხრილში (წარმოდგენილ უნდა იქნას დამადასტურებელი დოკუმენტაცია – ხელშეკრულებ(ები)ა, ამ ხელშეკრულებ(ებ)ის შესრულების დამადასტურებელი დოკუმენტ(ებ)ი (მიღება-ჩაბარების აქტი ან სხვა) (დანართი №2). აგრეთვე, პრეტენდენტმა უნდა წარმოადგინოს იმ დამკვეთ(ებ)ის მიერ გაცემული არანაკლებ 1 პროექტის სარეკომენდაციო წერილ(ებ)ი შესრულებული პროექტ(ებ)ის დამადასტურებელ ვიზუალურ მასალასთან ერთად, რომლებთან გაფორმებული ხელშეკრულებებით და შესაბამისი შესრულების დამადასტურებელი დოკუმენტაციით (მოთხოვნის შესაბამისად გამოცდილების დასადასტურებლად წარმოდგენილი) დასტურდება ზემოაღნიშნული გაწეული მომსახურების გამოცდილება.

შემსყიდველი უფლებამოსილია, ინფორმაციისათვის მიმართოს პრეტენდენტის იმ დამკვეთებს, რომლებთან გაფორმებულ დოკუმენტებსაც წარმოადგენს პრეტენდენტი გამოცდილების დასტურად.

შენიშვნა: წარმოდგენილ უნდა იქნას ინფორმაცია გამოცდილების შესახებ დანართი №2–ის შესაბამისად.

2.7.1 საპროექტო დოკუმენტაციის ექსპერტიზა უნდა ითვალისწინებდეს ერთეული ფასების ექსპერტიზას.
2.7.2 მიღება-ჩაბარების აქტის გაფორმებამდე მიმწოდებელმა საბოლოო პროექტის შესაბამისი ნაწილები უნდა შეათანხმოს შესაბამის სამსახურებთან (შპს „თბილსერვის ჯგუფი“-სთან) და წარმოადგინოს პროექტის შეთანხმების წერილობითი დასტური.
2.7.3 რეპროექტირებულ საპროექტო დოკუმენტაციაზე მიღება-ჩაბარების აქტი გაფორმდება მხოლოდ სრული საინჟინრო გეოლოგიური და საპროექტო-სახარჯთაღრიცხვო დოკუმენტაციის ექსპერტიზის დადებითი დასკვნის წარმოდგენის შემდეგ, რომელიც გაცემულ უნდა იქნას სსიპ ,,ლევან სამხარაულის სახელობის ექსპერტიზის ეროვნული ბიურო“-ს ან სხვა აკრედიტებული ორგანოს მიერ.

შესყიდვის თავისებურებიდან (მომსახურების სპეციფიკიდან) გამომდინარე, ვინაიდან აღნიშნული შესყიდვის ობიექტი წარმოადგენს ინტელექტუალურ მომსახურებას, ხოლო ინტელექტუალური მომსახურების დანახარჯებს ძირითადად წარმოადგენს ადამიანური რესურსის შრომითი გასამრჯელო, მიმწოდებელს აქვს შესაძლებლობა აღნიშნული ინტელექტუალური მომსახურება განახორციელოს საბაზრო ღირებულებასთან შედარებით დაბალ ფასად. ზემოაღნიშნულიდან გამომდინარე, პრეტენდენტის მიერ სისტემაში შესყიდვის ობიექტის სავარაუდო ღირებულებასთან 20%-ით ან მეტით დაბალი საბოლოო ფასის დაფიქსირების შემთხვევაში არ წარმოეშვება ფასწარმოქმნის ადეკვატურობის დასაბუთების ვალდებულება.

ანგარიშსწორება მოხდება უნაღდო ანგარიშსწორებით ლარში.

ანგარიშსწორება მოხდება 2026 წლის ქ. თბილისის ბიუჯეტის სახსრებით, მიღება–ჩაბარების აქტის გაფორმებიდან 10 (ათი) სამუშაო დღის ვადაში.

ცირა მაღრაძე, 599722004, ts.magradze@tbilisi.gov.ge ტელ: +995 322 37 85 71; ტექნიკურ საკითხებთან დაკავშირებით საკონტაქტო პირი: ლევან მდივნიშვილი, ტელეფონის ნომერი: 595 717 117.

10.1.1 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი (არ ვრცელდება სატენდერო დოკუმენტაციის №1 და №2 დანართებზე) ან/და ინფორმაცია ხელმოწერილი უნდა იყოს უფლებამოსილი პირის მიერ (საჭიროების შემთხვევაში წარმოდგენილ უნდა იქნას მინდობილობა ან რწმუნებულება). სავალდებულოა პრეტენდენტის მიერ მომსახურების ხარჯთაღრიცხვა ატვირთული იქნას MS Excel-ის ფორმატის ფაილის სახით, დანართი N1-ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
10.1.4 სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
10.1.5 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.6 სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოდგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.

პრეტენდენტის მიერ ერთიან ელექტრონულ სისტემაში ასატვირთი მონაცემები:
1. მომსახურების ხარჯთაღრიცხვა წარმოდგენილ უნდა იქნას MS Excel-ის ფორმატის ფაილის სახით, დანართი №1-ის მიხედვით (ხარჯთაღრიცხვის წარმოუდგენლობა ან/და განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).
2. ინფორმაცია გამოცდილების შესახებ წარმოდგენილ უნდა იქნას დანართი №2–ის შესაბამისად.

შენიშვნა: სატენდერო დოკუმენტაციის მოთხოვნებთან შესაბამისობის დადასტურების მიზნით, სახელმწიფო შესყიდვების ერთიან ელექტრონულ სისტემაში წარმოგენილ, უცხო ქვეყანაში შედგენილ დოკუმენტზე ხელმოწერები და ხელმომწერი პირების უფლებამოსილება დამოწმებული უნდა იყოს ნოტარიუსის ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა - ლეგალიზებული ან აპოსტილით დამოწმებული.