Вспомогательные услуги при транспортировке по земле, воде и воздуху (Грузия - Тендер #69312237)

სსიპ საქართველოს მუნიციპალური განვითარების ფონდის ავტოსატრანსპოსრტო საშუალებებზე სატელიტური მეთვალყურეობის სისტემით საგზაო მოძრაობის მონიტორინგის GPS მოწყობილობის დამონტაჟება და შესაბამისი ტექნიკური მომსახურება.

1.1. GPS მონიტორინგის სისტემების გადმოცემა უნდა განხორციელდეს იჯარის წესით (უფასო მონტაჟით და მომსახურების დასრულების შემდგომ მათი დემონტაჟით, ხელშეკრულების გაფორმებიდან და დასრულებიდან ორი სამუშაო კვირის განმავლობაში);
1.2. შემოთავაზებული ტარიფი თითოეულ ავტოსატრანსპორტო საშუალებაზე უნდა მოიცავდეს როგორც მომსახურების (პროგრამული უზრუნველყოფა), ისე იჯარის ყოველთვიურ გადასახადს - დღგ-ს ჩათვლით;
1.3. მომსახურების გაწევა უნდა მოხდეს 90 ავტოსატრანსპორტო საშუალებაზე ეტაპობრივად.
1.4. მონიტორინგის განხორციელება შესაძლებელი უნდა იყოს ,,ონლაინ“ ვებსერვერის საშუალებით. მონიტორინგის სისტემაში წვდომა შესაძლებელი უნდა იყოს ნებისმიერ ინტერნეტში ჩართული მოწყობილობიდან Google Chrome, Mozilla Firefox, Microsoft Edge, Safari ინტერნეტ ბრაუზერების გამოყენებით, მხოლოდ შესაბამისი პაროლისა და მომხმარებლის სახელის გამოყენებით;
1.5. მონიტორინგის სისტემას უნდა გააჩნდეს Google Streets/Satellite, OpenStreetMap, Microsoft Bing , უახლესი MSDA2024 წლის რუქების მხარდაჭერა;
1.6. დამკვეთს უნდა გააჩნდეს საშუალება ადმინისტრატორის მომხმარებლიდან შექმნას მომხმარებლების ულიმიტო რაოდენობა უფლებების და სერვისებზე წვდომის მითითებით;
1.7. მონიტორინგის სისტემა საშუალებას უნდა იძლეოდეს შემსყიდველის ავტოსატრანსპორტო საშუალებების მდებარეობის შესახებ ინფორმაციის მიწოდება ხდებოდეს ,,ონლაინ“ რეჟიმში, ამასთან მანქანის პიქტოგრამაზე კურსორის მიტანისას უნდა ისახებოდეს მონაცემები ა/მანქანის მიმდინარე სიჩქარეზე, კოორდინატებზე, ადგილმდებარეობის მისამართზე, ძრავის მდგომარეობაზე (ჩართული/გამორთული), სატრანსპორტო საშუალების აკუმულატორის ძაბვაზე და მიმდინარე დღის განვლილ მანძილზე; ასევე, უნდა იყოს შესაძლებელი ავტომობილების სორტირება მინიმუმ შემდეგი პარამეტრების მიხედვით: დღის განმავლობაში განვლილი მანძილის, სიჩქარის, სახელის და ბოლო განახლების მიხედვით.
1.8. შესაძლებელი უნდა იყოს სატრანსპორტო საშუალების შესახებ სხვადასხვა ინფორმაციის მიწოდება:
 პერიოდის მიხედვით მოძრაობის ისტორია ვიზუალურად რუქაზე, მოძრაობის ტრაექტორიაზე გაჩერებების მითითებით;
 მითითებული პერიოდის, კვირის დღეების მიხედვით ან საათობრივად განვლილი მანძილის, მოძრაობის დროის და მაქსიმალური სიჩქარის შესახებ ინფორმაციის მიღება;
 პერიოდის მიხედვით მარშრუტზე ინფორმაციის მიღება: მოძრაობის დაწყების დრო და მისამართი, მოძრაობის დასრულების დრო და მისამართი, მოძრაობის ხანგრძლივობა, ძრავის მუშაობის ხანგრძლივობა, განვლილი მანძილი, დაფიქსირებული მაქსიმალური სიჩქარე და საშუალო სიჩქარე;
 პერიოდის მიხედვით ჩართული ძრავით გაჩერების შესახებ ინფორმაციის მიღება, გაჩერების დროის და მისამართის მითითებით;
1.9. მონიტორინგის სისტემაში უნდა იყოს შესაძლებელი თითოეული ავტომობილის, ცალკე დამოუკიდებელ ფანჯარაში თვალთვალი. ასევე ამ ფანჯარაში უნდა იყოს შესაძლებელი ავტომობილის დღის დაძვრა/გაჩერებების ნახვა. ავტომობილების ცალ-ცალკე ფანჯარაში გამოტანა უნდა იყოს ულიმიტო.
1.10. მონიტორინგის სისტემაში უნდა იყოს შესაძლებლობა, რუქაზე მისამართის და კონკრეტული პერიოდის არჩევით - ძებნა, იმყოფებოდა თუ არა რომელიმე ავტომობილი არჩეულ პერიოდში.
1.11. მონიტორინგის სისტემაში უნდა იყოს გამოყოფილი შეტყობინებების ცალკე მენიუ, სადაც შესაძლებელი იქნება ნებისმიერი შემოსული შეტყობინების სიის სახით ნახვა.
1.12. შესაძლებელი იყოს ყველა ზემოაღნიშნული სტატისტიკური მონაცემების რეპორტების გენერირება და ექსპორტი Excel, PDF ფორმატში;
1.13. მონიტორინგის სისტემა უნდა უზრუნველყოფდეს შეტყობინებების ელ.ფოსტაზე ავტომატურად გადაგზავნას, მითითებული პერიოდის მიხედვით;
1.14. ხელშეკრულების გაფორმების შემდგომ შემსყიდველს საკუთრებაში უნდა გადაეცეს პროგრამული უზრუნველყოფა, რომლის საშუალებით შემსყიდველს ექნება საშუალება მომსახურების პერიოდის გასვლის შემდგომ, ნახოს საკუთრებაში არსებული ავტომობილების გადაადგილების ისტორია. მომსახურების პერიოდის ამოწურვამდე ერთი თვით ადრე პრეტენდენტმა უნდა გადასცეს შემსყიდველს მონაცემთა ბაზა, რომლის გახსნას შემსყიდველი შეძლებს მიწოდებული პროგრამული უზრუნველყოფით. ბოლო თვე მომსახურების კიდე ავტომატურად უნდა გადმოიწეროს სერვერიდან პროგრამამ. პროგრამაში უნდა არსებობდეს ავტომობილის არჩევის და პერიოდის არჩევის შესაძლებლობა, რის შემდგომ Google Earth-ზე იქნება ნაჩვენები მანქანის გადაადგილების ისტორია და სიჩქარე.
1.15. GPS მოწყობილობას უნდა გააჩნდეს ავტონომიური კვების ელემენტი, რომელიც უზრუნველყოფს მონაცემების გადმოგზავნას მაშინაც, როდესაც დარღვეულია სატრანსპორტო საშუალებასთან კვების წრედი.
1.16. GPS მოწყობილობას უნდა გააჩნდეს AGPS (Assisted GPS) ტექნოლოგია, რომლის მეშვეობითაც მოხდება აღნიშნული მოწყობილობის ადგილსამყოფელის უმალვე გადმოგზავნა ავტომობილის მდებარეობის მაქსიმალური სიზუსტით;
1.17. მოწყობილობას უნდა გააჩნდეს ევროსტანდარტებთან, ელექტრომაგნიტურ თავსებადობასთან შესაბამისობის სერტიფიკატები;
1.18. მხარდაჭერილი უნდა იყოს აპლიკაცია სმარტფონებისთვის, რომლის საშუალებითაც უფლებამოსილ პირს ეძლევა საშუალება განახორციელოს მონიტორინგი სმარტფონების გამოყენებით. აპლიკაცია უნდა წარმოადგენდეს მონიტორინგის განხორციელების საშუალებას და მასში უნდა ჩანდეს შემდეგი ინფორმაცია: მანქანის მოძრაობა და ინფორმაცია პირდაპირ ეთერში, ისტორია, სტატისტიკა და შეტყობინებები. აპლიკაცია უნდა მუშაობდეს Android და iOS ოპერაციულ სისტემებზე.
1.19. მიმწოდებელი ვალდებულია, შემსყიდვლის მითითების შესაბამისად, უსასყიდლოდ მოახდინოს GPS მოწყობილობის გადაადგილება ერთი სატრანსპორტო საშუალებიდან მეორეზე - ულიმიტოდ;
1.20. გადახდა უნდა განხორციელდეს ყოველთვიურად მომსახურებული ავტოსატრანსპორტო საშუალებების რაოდენობის შესაბამისად დღეებზე დამრგვალებით.
1.21. მომსახურების პერიოდში თოთოეულ მონტაჟზე/დემონტაჟზე/ნახვა ან გადატანაზე უნდა გენერირდებოდეს და იგზავნებოდეს ელფოსტის საშუალებით ინფორმაცია კონკრეტულ შესრულებულ საქმეზე სადაც იქნება მითითებული კონკრეტული მოწყობილობის უნიკალური ნომერი, ავტომობილის სახელმწიფო ნომერი, მიზეზი შეკეთების (თუ შეკეთების მოთხოვნა იყო) და ადგილმდებარეობა.

1.4.1 მომსახურების მიწოდება ხორციელდება ხელშეკრულების დადებიდან / სანავიგაციო მოწყობილობის გააქტიურებიდან 2026 წლის 31 დეკემბრის ჩათვლით.
1.4.1. საწყის ეტაპზე, მიმწოდებელი ვალდებულია ხელშეკრულების დადებიდან ორი კვირის განმავლობაში მოწყობილობები დაამონტაჟოს შემსყიდველის სარგებლობაში მყოფ 70 ავტომობილზე, დარჩენილ ავტომანქანაზე GPS მონიტორინგის სისტემები დამონტაჟდება შემსყიდველის მოთხოვნის მიხედვით - მოთხოვნიდან 2 (ორი) კალდენარული დღის ვადაში.

1.5.1. მონტაჟი მიმწოდებელმა უნდა განახორციელოს ქ. თბილისი, აღმაშენებლის გამზირი №150 და ასევე შესმყიდველის მიერ მოთხოვნილ სხვა მისამართზე (თბილისი);
1.5.2. მიმწოდებელი მოწყობილობებს შემსყიდველს გადასცემს უსასყიდლოდ, დროებით სარგებლობაში, შემსყიდველის სარგებლობაში არსებულ ავტოსატრანსპორტო საშუალებებზე მონტაჟის გზით;
1.5.3. მიმწოდებელმა საკუთარი ხარჯებითა და რესურსით უნდა უზრუნველყოს მოწყობილობების მიწოდება, მონტაჟი და სანავიგაციო ქსელში ჩართვა.

2.2.1.1 პრეტენდენტმა უნდა წარმოადგინოს ინფორმაცია ანალოგიური გამოცდილების შესახებ. პრეტენდენტს უნდა გააჩნდეს ავტოსატრანსპორტო საშუალებებზე GPS სისტემების მეშვეობით მონიტორინგის განხორციელების მინიმუმ 2 (ორი) წლიანი გამოცდილება 2020 წლის შემდგომ პერიოდში და შესაბამისად უნდა წარმოადგინოს აღნიშნულის დამადასტურებელი ინფორმაცია შემსყიდველის/დამკვეთის/ორგანიზაციის საკონტაქტო ინფორმაციის მითითებით ან/და SPA, NAT ან/და CMR ნომრები. ასევე შესაძლებელია წარმოდგენილი იქნას გამოცდილების სხვა სახის რაიმე დამადასტურებელი დოკუმენტი;

პრეტენდენტის წარმოსადგენი დოკუმენტებია:
1. დანართი N1 (ფასების ცხრილი);
2. პრეტენდენტის გამოცდილების დამადასტურებელი დოკუმენტები.

შესყიდვის სავარაუდო ღირებულებასთან მიმართებაში, საბოლოო ფასის 20%-ით ან მეტით კლების შემთხვევაში, ფასწარმოქმნის ადეკვატურობის დადასტურების მიზნით, პრეტენდენტმა უნდა წარმოადგინოს შესაბამისი უფლებამოსილების მქონე დამოუკიდებელი ექსპერტის/აუდიტორის დასკვნა, რომელიც დაადასტურებს, რომ შემოთავაზებულ ფასად, პრეტენდენტს სრულად და შეუფერხებლად შეუძლია ტენდერით გათვალისწინებული ვალდებულებებისა და მოთხოვნების შესრულება.

ანგარიშსწორება მიმწოდებელთან მოხდება უნაღდო ანგარისწორების ფორმით ლარში, ფაქტობრივად გაწეული მომსახურების შესაბამისი მიღება–ჩაბარების აქტისა და მიმწოდებლის მიერ საგადასახადო ანგარიშფაქტურის წარმოდგენის საფუძველზე (იმ შემთხვევაში თუ მიმწოდებელი არის დღგ-ს გადამხდელი).
მიმწოდებელი უფლებამოსილია შემსყიდველს ანგარიშ-ფაქტურა წარუდგინოს მიღება-ჩაბარების აქტის გაფორმების შემდგომ.

შემსყიდველი ანგარიშსწორებას განახორციელებს ეტაპობრივად, მიმწოდებლის მიერ ფაქტობრივად გაწეული მომსახურების ღირებულების შესაბამისი ანგარიშ-ფაქტურის წარდგენიდან 15 სამუშაო დღის განმავლობაში.

ნინო გოგია, 599133412, ngogia@mdf.org.ge