Ремонт и техническое обслуживание транспортных средств и оборудования и сопутствующие услуги (Грузия - Тендер #68469047)

ავტომანქანის შეკეთება და ტექნიკური მომსახურება (სერვისი - სათადარიგო ნაწილებით) გულისხმობს, სსიპ მსჯავრდებულთა პროფესიული მომზადებისა და გადამზადების ცენტრის ბალანსზე რიცხული 5 (ხუთი)ავტომანქანისთვის:
1. ჰიუნდაი კრეტა 1.6 ბენზინი, ავტომატიკა - 2016წ.
2. skoda octavia 1.8 ბენზინი - 2012 წ.
3. skoda octavia 1.8 ბენზინი - 2013 წ.
4. hyundai accent 1.4 ბენზინი - 2012წ.
5. hyundai i20 1.4 ბენზინი, ავტომატიკა - 2010 წ.
დროულ და სრულყოფილ შეკეთებას, პროფილაქტიკური და დიაგნოსტიკური სამუშაოების ჩატარებას, ავტომობილის ნაწილების შეკეთებას ან/და გამოცვლას.

ავტომანქანის ტექნიკური მომსახურება უნდა განხორცილდეს პრეისკურანტში მითითებული შესაბამისი საქონლის და მომსახურების შესაბამისად, მიმწოდებელსა და შემსყიდველ ორგანიზაციას შორის, თითოეულ კონკრეტულ შემთხვევაში, დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.

თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი (ნაწილები და საცხებ საპოხი მასალები) და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის ან მომსახურების რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

პრეისკურანტის სავარაუდო ღირებულება განისაზღვრება 100596.80 ლარით.

ტენდერში გამარჯვებულ პრეტენდენტთან ხელშეკრულება გაფორმდება 23 000 (ოცდასამი ათასი) ლარზე, სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის პრეისკურანტში მოცემული საქონლის და მომსახურების ერთეულის ფასების ჯამური ღირებულების შესაბამისად, მაგრამ არაუმეტეს ტენდერის ჩატარების შესახებ, განცხადებაში მითითებული პრეისკურანტის სავარაუდო ღირებულებისა.

პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს.

პრეტენდენტის მიერ, სისტემაში ატვირთულ პრეისკურანტის ჯამურ ღირებულებას და ტენდერში დაფიქსირებულ საბოლოო ფასს შორის სხვაობის შემთხვევაში, სხვაობა პროპორციულად უნდა გადანაწილდეს პრეისკურანტში მოცემულ ყოველ ცალკეულ პოზიციაზე. ამისათვის, პრეისკურანტის ჯამური ღირებულების დაზუსტებისას, პრეტენდენტმა პროპორციულად უნდა შეამციროს თითოეული საქონლის და მომსახურების ღირებულება.

პრეტენდენტის მიერ პრეისკურანტის წარმოუდგენლობა გამოიწვევს პრეტენდენტის დისკვალიფიკაციას აღნიშნულ ტენდერში;

მომსახურების გაწევის პროცესში, შესაკეთებელი ავტოსატრანსპორტო საშუალებ(ებ)ის სხვა სერვისცენტრში სავალდებულო გადაყვანის ხარჯებს უზრუნველყოფს მიმწოდებელი (საწვავი, ევაუკატორის მომსახურება და ა.შ.).

შესყიდვის ობიექტის მიწოდება (მომსახურების გაწევა) უნდა განხორციელდეს რიგგარეშე. ყოველ კონკრეტულ შემთხვევაში, მიმწოდებელი ვალდებულია უზრუნველყოს შემსყიდველისთვის მომსახურების გაწევა (საქონლის მიწოდება), მოთხოვნიდან არაუმეტეს 3 დღის ვადაში.
იმ შემთხვევაში, თუ საჭირო გახდა ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს გონივრულ ვადაში, შემსყიდველთან შეთანხმებით.

2026 წლის 1 იანვრიდან 2026 წლის 31 დეკემბრის ჩათვლით.

შესყიდვის ობიექტის მიწოდება განხორციელდება ქ. თბილისში, მიმწოდებლის სერვის ცენტრ(ებ)ში, მოთხოვნისამებრ, ეტაპობრივად, საჭიროების შესაბამისად.

მიმწოდებელის მიერ, მომსახურების გაწევისას გამოყენებული სათადარიგო ნაწილები უნდა იყოს ახალი (გარდა პრეისკურანტში მითითებული მეორადი საქონლისა), ექსპლუატაციაში არ მყოფი (გარდა პრეისკურანტში მითითებული მეორადი საქონლისა) ქარხნული და არ ავლენდეს დეფექტებს, რაზეც მიმწოდებელმა უნდა გაავრცელოს არანაკლებ 6 (ექვსი) თვიანი ან/და პრეისკურანტში მითითებული კილომეტრაჟის შესაბამისი გარანტია.
გამონაკლისის შემთხვევაში, დასაშვებია მეორადი ნაწილები, რომლის შესყიდვის აუცილებლობისას, ფასი დგინდება მხარეთა შორის შეთანხმებით, საბაზრო ფასის გათვალისწინებით.
მიმწოდებელი პასუხისმგებელია წუნდებული საქონლის (ასეთის არსებობის შემთხვევაში) გამოცვლაზე და შესაბამისი მომსახურების გაწევის განხორციელებაზე, შემსყიდველის მხრიდან რაიმე დამატებითი ხარჯების გაწევის გარეშე.

მიმწოდებელს ქ. თბილისში (ისანი-სამგორის, დიდუბე-ჩუღურეთის, კრწანისის ან გლდანი-ნაძალადევის რაიონში) საკუთრებაში ან სარგებლობაში უნდა გააჩნდეს არანაკლებ 1 (ერთი) სერვის ცენტრი, არანაკლებ 5 (ხუთი) ე.წ. „ბოქსით“ და ავტომანქანის არანაკლებ 2 ამწეთი.

ქვეკონტრაქტორების არსებობის შემთხვევაში პრეტენდენტმა უნდა წარმოადგინოს ურთიერთთანამშრომლობის ხელშეკრულებები, რომელიც ძალაში უნდა იყოს მინიმუმ 2026 წლის 31 დეკემბრის ჩათვლით; ქვეკონტრაქტორები (ასეთის არსებობის შემთხვევაში) უნდა აკმაყოფილებდნენ სატენდერო დოკუმენტაციის 2.3.1 პუნქტში მითითებულ მოთხოვნებს, ასევე ქვეკონტრაქტორის გამოცდილება არ ჩაითვლება პრეტენდენტის გამოცდილებად.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს, სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის 28-ე მუხლის მე-5 პუნქტის შესაბამისად საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

მიმწოდებელთან ანგარიშსწორება იწარმოებს, ყოველთვიურად, ფაქტობრივად გაწეული მომსახურების ღირებულების შესაბამისი მიღება-ჩაბარების აქტისა და შესაბამისი საგადასახადო ანგარიშ-ფაქტურის (კანონით გათვალისწინებულ შემთხვევაში) საფუძველზე.

მიღება-ჩაბარების აქტის გაფომებიდან არაუგვიანეს 10 (ათი) სამუშაო დღე.

გრიგორი კოკაია, 599094884, grkokaia@vetci.gov.ge