Ремонт и техническое обслуживание транспортных средств и оборудования и сопутствующие услуги (Грузия - Тендер #60142431)

ბორჯომის მუნიციპალიტეტის გამგეობის ბალანსზე რიცხული ავტომანქანების შეკეთებისა და ტექნიკური მომსახურების შესყიდვა.

1.2.1 პრეტენდენტმა უნდა უზრუნველყოს:

ა) პროფილაქტიკური და დიაგნოსტიკური სამუშაოების ჩატარება.
ბ) სათადარიგო ნაწილების შეკეთება და შეცვლა.
გ) ავტომობილების მომსახურება უმოკლეს ვადაში და ოპერატიული შეკეთება.

1.2.2 პრეტენდენტმა უნდა უზრუნველყოს შემდეგი ავტომანქანების შეკეთება და ტექნიკური მომსახურება:

1.ავტომანქანა ფოლცვაგენ ჯეტა 2005 წ - 1 ერთეული;

2. ავტომანქანა TOYOTA LC PRADO 120 2.7 ბენზინი 2007 წ - 1 ერთეული;

3.RENAULT DUSTER,1.5L გამოშვების წელი 2019 წ (დიზელი) 3 ერთეული;

1.2.3 სხვადასხვა სახის ავტოსატრანსპორტო საშუალებების ტექნიკური მომსახურება უნდა განხორციელდეს მიმწოდებლისა და შემსყიდველის უფლებამოსილი პირების მიერ თითოეულ კონკრეტულ შემთხვევაში ავტოსატრანსპორტო საშუალების დათვალიერების შემდეგ შედგენილი დეფექტური აქტის საფუძველზე. დეფექტურ აქტში მითითებულ უნდა იქნას დაზიანებული ავტოსატრანსპორტო საშუალების მარკა, მოდელი, სახელმწიფო ნომერი, აღმოჩენილი ხარვეზი, აღნიშნული ხარვეზის აღმოფხვრისათვის საჭირო გასაწევი მომსახურებების ჩამონათვალი (საჭიროების შემთხვევაში შესაცვლელი სათადარიგო ნაწილების გათვალისწინებით), მომსახურების გაწევის ვადები და განახორციელოს აღნიშნული მომსახურება პრეისკურანტში მითითებული ღირებულებების შესაბამისად.
1.2.4 საგარანტიო ვადის განმავლობაში მიმწოდებელი ვალდებულია დაუყოვნებლივ აღმოფხვრას აღმოჩენილი წუნი/დაზიანება.
1.2.5. მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი სახის ზიანის ანაზღაურების ვალდებულება ეკისრება მიმწოდებელს.
1.2.6. ტენდერში გამარჯვებულმა ორგანიზაციამ ყოველ კონკრეტულ შემთხვევაზე უნდა მიანიჭოს პრიორიტეტული უფლება შემსყიდველი ორგანიზაციის ავტოსატრანსპორტო საშუალებებს, რაც გულისხმობს მათ რიგგარეშე მომსახურებას.
1.2.7. პრეტენდენტმა უნდა მიუთითოს ფასები განსაფასებელი ცხრილის (პრეისკურანტის) ჩამონათვალში მოცემულ სათადარიგო ნაწილებისა და მომსახურების ყველა სახეობაზე, რომლებიც არ უნდა აღემატებოდეს შემსყიდველის მიერ განსაფასებელ ცხრილში (პრეისკურანტში) მითითებულ თითოეულ პოზიციაზე სავარაუდო მაქსიმალურ ღირებულებებს. პრეისკურანტში განუფასებელი ან ნულით განფასებული სათადარიგო ნაწილები და მომსახურება შემსყიდველის მიერ არ ანაზღაურდება. განსაფასებელ ცხრილში მითითებული მომსახურების ფასები უნდა იყოს საბოლოო და საჭიროების შემთხვევაში მოიცავდეს კონკრეტული მომსახურების გაწევასთან დაკავშირებული თანმდევი მომსახურების ღირებულებასაც
1.2.8. ტენდერში ვაჭრობა გაიმართება პრეისკურანტის ჯამურ სავარაუდო ღირებულებაზე;
1.2.9. პრეტენდენტის მიერ ელექტრონული ვაჭრობის შედეგად პრეისკურანტის საერთო ფასის შემცირების შემთხვევაში, ფასთა კლება კორექტირებული პრეისკურანტებში უნდა განხორციელდეს პროპორციულად თითოეული ავტომანქანისათვის გათვალისწინებული სათადარიგო ნაწილის და მომსახურების ღირებულებაზე.

მომსახურების გაწევის ვადა განისაზღვრება ხელშეკრულების გაფორმებიდან 2025 წლის 25 დეკემბრის ჩათვლით, შემსყიდველის მოთხოვნის შესაბამისად.

მომსახურების განხორციელების ადგილი: ქ. ბორჯომში ან/და ბორჯომიდან არაუმეტეს 60კმ. დაშორებით მდებარე მიმწოდებლის სერვისცენტრში.

პრეტენდენტის მიერ გაწეულ მომსახურებას და გამოყენებულ სათადარიგო ნაწილებს უნდა გააჩნდეს გარანტია მინიმუმ 6 თვე.

საგარანტიო ვადის განმავლობაში პრეტენდენტი ვალდებულია დაუყოვნებლივ, შემსყიდველისათვის ზედმეტი დანახარჯების გარეშე, აღმოფხვრას აღმოჩენილი წუნი/დაზიანება.

გარანტია არ ვრცელდება გარეგანი ზემოქმედების შედეგად მიყენებულ ზიანზე.

1. პრეტენდენტს 2022 წლის 1 იანვრიდან ტენდერის გამოცხადების დღემდე გაწეული უნდა ჰქონდეს ავტომანქნების შეკეთებისა და ტექნიკური მომსახურების გამოცდილება, ჯამში არანაკლებ 50 000 (ორმოცდა ათი ათასი) ლარის ოდენობით.

2. ინფორმაცია გამოცდილების შესახებ წარმოდგენილი უნდა იყოს დანართი N2–ის შესაბამისად.

3. პრეტენდენტი ვალდებულია წარმოადგინოს, საანგარიშო პერიოდში ანალოგიური შესყიდვის ობიექტის მიწოდების გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მათი შესრულების დამადასტურებელი დოკუმენტები - მიღება-ჩაბარების აქტები ან/ და მომსახურების გაწევის დამადასტურებელი დოკუმენტაცია.

4. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში, თუ მოცემული დოკუმენტები ატვირთულია სახელმწიფო შესყიდვების ერთიან ელექტრონულ სისტემაში საკმარისია შესაბამისი განცხადების ნომრ(ებ)ის (SPA, NAT, DAP, CMR და ა.შ.) წარმოდგენა.

5. იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დამადასტურებელ დოკუმენტაციას, პრეტენდენტი ვალდებულია დამატებით წარმოადგინოს აღნიშნულ მომსახურებაზე დადასტურებული საგადასახადო ანგარიშ-ფაქტურების ასლები;

პრეტენდენტმა უნდა წარმოადგინოს ინფორმაცია მის სარგებლობაში ან/და საკუთრებაში არსებული სერვის ცენტრების ადგილმდებარეობების შესახებ შესაბამისი მისამართების მითითებით. ამასთან, საკუთრების შემთხევაში წარმოდგენილი უნდა იქნას ამონაწერი საჯარო რეესტრიდან, ხოლო სარგებლობის (ქირავნობა, იჯარა, ლიზინგი, უზუფრუქტი და/ან სხვა) შემთხვევაში წარმოდგენილი უნდა იქნას გაფორმებული ხელშეკრულებები, რომელიც ძალაში უნდა იყოს მინიმუმ 2025 წლის 31 დეკემბრის ჩათვლით.

პრეტენდენტის სერვის-ცენტრები აღჭურვილი უნდა იყოს თანამედროვე აპარატურითა და დანადგარებით, რაც საჭირო იქნება მომსახურების განსახორციელებლად, ამასთან სერვის ცენტრი აღჭურვილი უნდა იყოს მინიმუმ 1 სატრანსპორტო საშუალების ამწევი მექანიზმით.

პრეტენდენტს ასევე უნდა გააჩნდეს საჭირო ფართი იმისათვის, რომ უზრუნველყოს შემსყიდველის ავტომობილების განთავსება აღნიშნულ ტერიტორიაზე.

ამასთან, შემსყიდველი უფლებამოსილია შერჩევა/შეფასების ეტაპზე ადგილზე შეამოწმოს მატერიალურ-ტექნიკური ბაზა.

.

1. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
2. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (პრეისკურანტის ჯამურ ღირებულებასთან), ასევე პრეისკურანტის ერთეულებთან მიმართებით.

7.2 ეტაპობრივი ან/და საბოლოო ანგარიშსწორების განხორციელების პირობები

7.2.1.ანგარიშსწორება მოხდება უნაღდო ანგარიშსწორებით ლარებში;

7.2.2 ანგარიშსწორება განხორციელდება ეტაპობრივად, ფაქტობრივად გაწეული მომსახურების შესაბამისად გაფორმებული მიღება - ჩაბარების აქტისა და კანონმდებლობით გათვალისწინებული დოკუმენტაციის საფუძველზე.

ანგარიშსწორება განხორციელდება ეტაპობრივად გაწეული მომსახურების მიღება- ჩაბარების აქტის გაფორმებიდან 10 სამუშაო დღის განმავლობაში.

ეკა ლონდარიძე, 599635066, londarizeeka@gmail.com

1. სატენდერო წინადადების საერთო და ერთეულის ფასი წარმოდგენილ უნდა იყოს მხოლოდ ლარებში;
2. სატენდერო წინადადების ფასი ( პრეისკურანტი) წარმოდგენილი უნდა იქნას მომსახურების გაწევასთან დაკავშირებულ ყველა ხარჯსა და საქართველოს კანონმდებლობით გათვალისწინებულ გადასახადებს. ხარჯი, რომლებიც სატენდერო წინადადების ფასში არ იქნება გათვალისწინებული არ დაექვემდებარება ანაზღაურებას.
3. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე.
4. დოკუმენტების უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. დოკუმენტაციასთან დაკავშირებული სადავო საკითხების გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს გადაწყვეტს სატენდერო კომისია.
5. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა ნოტარიული წესით დამოწმებული.
6. პრეტენდენტს უფლება აქვს წარმოადგინოს მხოლოდ ერთი სატენდერო წინადადება.
7 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
8.პრეტენდენტს არა აქვს უფლება წარმოადგინოს ალტერნატიული სატენდერო წინადადება.
9.სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი და პრეისკურანტები.
10.პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტაცია დაამოწმოს/დაადასტუროს კვალიფიციური ხელმოწერით/კვალიფიციური შტამპით.
11. პრეტენდენტი ვალდებულია დანართი #1 და პრეისკურანტები ერთიან ელექტრონულ სისტემაში დამატებით წარმოადგინოს აგრეთვე Excel ფაილის სახით.