Автотранспортные услуги (Грузия - Тендер #60142429)

შესყიდვის ობიექტს წარმოადგენს 2025 წლის განმავლობაში CPC მძღოლის (კოდი 95) პრაქტიკული მეცადინეობის და ტესტირების ჩასატარებლად სატვირთო ავტოსატრანსპორტო საშუალების დაქირავების მომსახურება.

მომსახურება გაწეულ უნდა იქნას შემდეგი პირობებით/მახასიათებლებით:
1. მიმწოდებელმა CPC მძღოლის (კოდი 95) პრაქტიკული მეცადინეობის და ტესტირების ჩასატარებლად უნდა უზრუნველყოს 1 (ერთი) ერთეული სატვირთო ავტოსატრანსპორტო საშუალების განთავსება შემსყიდველის მიერ წინასწარ განსაზღვრულ სპეციალურ მოედანზე.
2. გასაწევი მომსახურების საორიენტაციო რაოდენობა შეადგენს - 28 დღეს.
3. სატვირთო ავტოსატრანსპორტო საშუალებების ტექნიკური მახასიათებლები:
3.1. არანაკლებ ევრო 5 ემისიის სტანდარტი, ნახევარმისაბმელი ფურგონი (ტენტიანი);
3.2. აღჭურვილი უნდა იყოს ყველა სახის ხედვის სარკეებით, კერძოდ: წინ ხედვის სარკე, მარჯვენა კარზე გვერდით მაკონტროლებელი სარკე, უკან ხედვის - როგორც ჩვეულებრივი ასევე ოვალური (მარჯვენა და მარცხენა მხარეს);
3.3. ტრანსმისია (გადაცემათა კოლოფი) - ავტომატური;
3.4. გამწევი თავისი ნახევარმისაბმელით - 16.5 მეტრი, სტანდარტული.
4. გასაწევ მომსახურებასთან დაკავშირებული ყველა სახის ხარჯის ანაზღაურება ეკისრება მიმწოდებელს.
5. სატრანსპორტო საშუალებას მომსახურების გაწევის პერიოდში უნდა ჰქონდეს გავლილი ავტოსატრანსპორტო საშუალებების სავალდებულო ტექნიკური დათვალიერება საქართველოს მოქმედი კანონმდებლობით დადგენილი წესით.
6. პრაქტიკული მეცადინეობა და ტესტირება მართვის უნარჩვევების დაუფლების მიზნით ტარდება სპეციალურ მოედანზე სატვირთო ავტოსატრანსპორტო საშუალებით. პრაქტიკული მეცადინეობა მოიცავს: უსაფრთხოების წესების დაცვით, ავტოსატრანსპორტო საშუალების და მისაბმელის ერთობლივი ექსპლუატაციის დადგენილი წესების შესაბამისად, პრაქტიკული ყოველდღიური საქმიანობის მიმდევრობის და სპეციფიკური საკითხების შესწავლას, რაციონალურ მართვაში მომზადებას, დატვირთვა-გადმოტვირთვის სამუშაოების და ტვირთის უსაფრთხო დამაგრების ზოგადი პრინციპების გაცნობას და მის რეალურ განხორციელებას.
7. პრაქტიკული მეცადინეობისა და გამოცდის დროს მძღოლებს ევალებათ შემდეგი მანევრების შესრულება:
7.1. 1 სადგომიდან წინსვლით გასვლა და უკუსვლით მარცხნივ გვერდით 2-ე სადგომზე შესვლა და გაჩერება.
7.2. 2-ე სადგომიდან წინსვლით გასვლა და 3-ე სადგომზე წინსვლით შესვლა და გაჩერება. 3-ე სადგომიდან უკუსვლით 4-ე სადგომზე მარჯვნივ გვერდულად შესვლა და გაჩერება; კონკრეტული მანევრის სრულყოფის მიზნით, კანდიდატს უფლება აქვს აღნიშნულ სადგომზე წინსვლით ერთჯერადად ასს-ს გასწორების.
7.3. 4-ე სადგომიდან წინსვლით გამოსვლა და 6-ე სადგომზე წინსვლით შესვლა და გაჩერება. 6 სადგომიდან 5-ე სადგომზე უკუსვლით მარცხნივ 90 გრადუსიანი კუთხით შესვლა და გაჩერება.
7.4. 5-ე სადგომიდან წინსვლით გასვლა და 2-ე სადგომზე წინსვლით შესვლა და გაჩერება. 2-ე სადგომიდან უკუსვლით მარცხნივ 90 გრადუსიანი კუთხით გამოსვლა და შემდგომ 7-ე სადგომზე უკუსვლით მარჯვნივ 90 გრადუსიანი კუთხით შესვლა და გაჩერება.
7.5. 7-ე სადგომიდან წინსვლით გამოსვლა და წინსვლით 1 სადგომზე შესვლა და გაჩერება. 1 სადგომიდან უკუსვლით გასვლა, მარცხენა კუთხით 360 გრადუსიანი შემობრუნება (წრე N 8) და 1-ელ სადგომზე უკუსვლით შესვლა და გაჩერება.

1. მომსახურების გაწევა უნდა განხორციელდეს ეტაპობრივად ხელშეკრულების გაფორმებიდან 2025 წლის 31 დეკემბრის ჩათვლით შემყიდველის მოთხოვნის შესაბამისად.
2. სატვირთო ავტოსატრანსპორტო საშუალებით სარგებლობის სავარაუდო დრო 1 (ერთი) დღის განმავლობაში შეადგენს 8 საათს.

მომსახურების გაწევის ადგილს წარმოადგენს ქ. თბილისი ან/და ქ. რუსთავი შემსყიდველის მოთხოვნის შესაბამისად მითითებულ მისამართებზე, მაგრამ არაუმეტეს სააგენტოს ცენტრალური ოფისიდან (ქ. თბილისი ვაჟა-ფშაველას გამზ. N16) სამანქანო გზით 50 (ორმოცდაათი) კილომეტრის მანძილზე დაშორებით.

1. პრეტენდენტს უნდა გააჩნდეს არანაკლებ ევრო 5 ემისიის სტანდარტის სატვირთო ავტოსატრანსპორტო საშუალება და ნახევარმისაბმელი, რაზედაც უნდა წარმოადგინოს მათი მფლობელობა/სარგებლობაში არსებობის დამადასტურებელი დოკუმენტაცია (შესაბამისი ტექ. პასპორტები ან/და იჯარის ხელშეკრულებები).
2. პრეტენდენტმა ასევე უნდა წარმოადგინოს სატვირთო ავტოსატრანსპორტო საშუალებისა და ნახევარმისაბმელის მოქმედი ტექნიკური დათვალიერების მოწმობები.

1. იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით (შესაბამისი ტენდერის უნიკალური ნომრის მითითებით), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტ(ებ)ი.
2. დასკვნის წარმოუდგენლობა ან/და უარყოფითი დასვნის წარმოდგენა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 32-ე მუხლის პირველი პუნქტის „დ“ ქვეპუნქტის საფუძველზე.

მიმწოდებელთან ანგარიშსწორება განხორციელდება ეტაპობრივად, საანგარიშო კვირის ან საანგარიშო თვის ფაქტიურად გაწეული მომსახურების შესაბამისად, უნაღდო ანგარიშსწორებით ეროვნულ ვალუტაში - ლარში, მიღება-ჩაბარების აქტის საფუძველზე.

მიმწოდებელთან ანგარიშსწორება განხორციელდება მხარეთა შორის მიღება-ჩაბარების აქტის გაფორმებიდან 10 (ათი) სამუშაო დღის ვადაში.

თეონა ჯალაბაძე, 555100960, tjalabadze@lta.gov.ge

1. პრეტენდენტის მიერ სახელმწიფო შესყიდვების ერთიანი ელექტრონული სისტემის მეშვეობით წარმოსადგენი ინფორმაცია/დოკუმენტაცია:
1.1. ფასების ცხრილი დანართი N1-ს შესაბამისად;
1.2. სატვირთო ავტოსატრანსპორტო საშუალების და ნახევარმისაბმელის, მფლობელობა/სარგებლობაში არსებობის დამადასტურებელი დოკუმენტაცია;
1.3. სატვირთო ავტოსატრანსპორტო საშუალებისა და ნახევარმისაბმელის მოქმედი ტექნიკური დათვალიერების მოწმობები.

2. სახელმწიფო შესყიდვების ერთიან ელექტრონულ სისტემაში (შემდგომში - სისტემა) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების შესაბამისად.
3. ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, ხელმოწერილი უნდა იყოს უფლებამოსილი პირის მიერ. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
4. წინადადების ფასი გამოსახული უნდა იყოს ეროვნულ ვალუტაში საქართველოს კანონმდებლობით განსაზღვრული ყველა გადასახდელის გათვალისწინებით.
5. ფასების ცხრილის წარმოუდგენლობა ან განუფასებლად წარმოდგენა (შეუსაბამობა „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების 27-ე მუხლის მე-3 პუნქტთან) გამოიწვევს პრეტენდენტის დისკვალიფიკაციას დაზუსტების გარეშე.
6. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე.
7. სატენდერო დოკუმენტაციით მოთხოვნილი, სისტემაში ასატვირთი ყველა დოკუმენტი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმან(ებ)ი;
8. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
9. პრეტენდენტი ვალდებულია საქონლის და მომსახურების ერთეულის ფას(ებ)ი დააფიქსიროს (დაამრგვალოს) მეასედის სიზუსტით.
10. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
11. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
12. პრედენდენტს არა აქვს უფლება წარმოადგინოს ალტერნატიული წინადადება.
13. სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემის შესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის სისტემაში ატვირთვის მომენტიდან.