Инструменты для контроля физических характеристик (Грузия - Тендер #53007985)

ატმოსფერული ჰაერის ხარისხის მონიტორინგის სტაციონალურ ავტომატურ სადგურებში (იაპონური სადგურები) განთავსებულ ანალიზატორებისთვის ფილტრების სახელმწიფო შესყიდვა.

1.2.1. სსიპ „გარემოს ეროვნული სააგენტო“-ს კუთვნილი ქალაქ თბილისის ატმოსფერული ჰაერის დაბინძურების მონიტორინგის სამ ერთეული სადგურში (განთავსების ადგილები: აკაკი წერეთლის გამზირი - N1 სადგური; ალექსანდრე ყაზბეგის გამზირი - N2 სადგური; ვარკეთილი 3, I მკრ-ნი, მე-2 კორპუსის მიმდებარე ტერიტორია - N3 სადგური) განთავსებული PM2.5 და PM10 ანალიზატორისთვის საჭირო ფილტრები:

• 21 (ოცდაერთი) ცალი რულონური ფილტრი მყარი ნაწილაკების გამზომი ხელსაწყოსთვის (KIMOTO PM712);

შემოთავაზებული რულონური ფილტრები თავსებადი უნდა იყოს კომპანია KIMOTO ELECTRIC CO., LTD. მიერ წარმოებულ მყარი ნაწილაკების ანალიზატორთან (მოდელი PM -712);


1.2.2. სსიპ „გარემოს ეროვნული სააგენტო“-ს კუთვნილი ქალაქ თბილისის ატმოსფერული ჰაერის დაბინძურების მონიტორინგის სამ ერთეულ სადგურში (განთავსების ადგილები: აკაკი წერეთლის გამზირი - N1 სადგური; ალექსანდრე ყაზბეგის გამზირი - N2 სადგური; ვარკეთილი 3, I მკრ-ნი, მე-2 კორპუსის მიმდებარე ტერიტორია - N3 სადგური) განთავსებული SO2-ის, O3 ის, NOX - ის და CO-ს ანალიზატორებისთვის საჭირო ფილტრები:

• 30 (ოცდაათი) ყუთი პოლიფლონის ფილტრი (POLYFLON FILTER) SO2-ის, O3-ის, NOX - ის და CO-ს გამზომი ხელსაწყოსთვის, ზომა: 47mm Ø, რაოდენობა ყუთში: არანაკლებ 20 ცალი;

შემოთავაზებული პოლიფლონის ფილტრი(POLYFLON FILTER) თავსებადი უნდა იყოს კომპანია KIMOTO ELECTRIC CO., LTD. მიერ წარმოებულ SO2-ის (მოდელი SA-731), NOX-ის (მოდელიNA-721), O3-ის (მოდელი OA-781) და CO-ს (მოდელი CA-751) ანალიზატორებთან.

ფილტრების მიწოდება უნდა განხორციელდეს ხელშეკრულების გაფორმებიდან არაუგვიანეს 150 (ას ორმოცდაათი) კალენდარული დღის ვადაში.

შესყიდვის ობიექტის მიწოდება უნდა განხორციელდეს ეტაპობრივად ან ერთჯერადად ქ. თბილისი, დავით აღმაშენებლის გამზირი №150, სსიპ გარემოს ეროვნული სააგენტოს მე-9 სართული;

1.7.1. შესყიდვის ობიექტზე მიღება-ჩაბარების აქტის გაფორმების დღიდან ვარგისიანობის ვადა უნდა ვრცელდებოდეს არანაკლებ 10 (ათი) თვე. გამოშვების და ვარგისიანობის ვადა მითითებულ უნდა იყოს პროდუქციაზე ან/და საქონლის მიწოდების ეტაპზე წარმოადგინოს მწარმოებლის მიერ გაცემული შესაბამისი დოკუმენტი;

1.7.2. ვარგისიანობის ვადის პერიოდის განმავლობაში აღმოჩენილი ხარვეზის შემთხვევაში, მიმწოდებელი ვალდებულია უზრუნველყოს ხარვეზის მქონე კომპონენტის საკუთარი ხარჯებით შეცვლა ახლით. შემსყიდველის წერილობითი დავალების მიღებიდან უმოკლეს გონივრულ ვადებში, მაგრამ არაუმეტეს 30 (ოცდაათი) კალენდარული დღისა.

2.1.1.1. ფასების ცხრილის (დანართი №1) წარმოუდგენლობა, ან მასში შემოთავაზებული საქონლის მწარმოებელი ქვეყნის, მწარმოებლის და მოდელის ან/და კატალოგის ნომრის (ასეთის არსებობის შემთხვევაში) მიუთითებლობა, ასევე განუფასებლად წარმოდგენილი ფასების ცხრილი, დაზუსტებას არ ექვემდებარება და გამოიწვევს პრეტენდენტის დისკვალიფიკაციას, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია. ასევ დაზუსტების ეტაპზე (ასეთის არსებობის შემთხვევაში) პრეტენდენტის მიერ თავდაპირველად შემოთავაზებული მწარმოებელი ქვეყნის, მწარმოებლის და მოდელის (ასეთის არსებობის შემთხვევაში) ცვლილება გამოიწვევს პრეტენდენტის დისკვალიფიკაციას.

2.1.1.2. იმ შემთხვევაში, თუ წარმოებულ პროდუქციას არ გააჩნია მოდელის ან/და კატალოგის ნომერი, ფასების ცხრილის (დანართი №1) შესაბამის გრაფაში უნდა გაკეთდეს შესაბამისი ჩანაწერი, მაგალითად - "მოდელი არ გააჩნია" ან მსგავსი აღმნიშვნელი ჩანაწერი.

შემოთავაზებული საქონლის ტექნიკური დოკუმენტაცია, რომლითაც დადასტურდება შემსყიდველის მიერ მოთხოვნილი პარამეტრების შესაბამისობა შემოთავაზებულ პროდუქციასთან (მაგ: data sheet); ან/და პრეტენდენტმა სატენდერო წინადადებაში უნდა მიუთითოს ელექტრონული მისამართი - მწარმოებლის ოფიციალური ვეგ გვერდის ბმული ,,ლინკი”, რომლის მიხედვითაც შემსყიდველს ექნება საშუალება მოიძიოს ინფორმაცია შემოთავაზებული საქონლის სატენდერო დოკუმენტაციის ტექნიკური პირობების მოთხოვნებთან შესაბამისობის დადგენის მიზნით; ან/და პრეტენდენტმა უნდა წარმოადგინოს შესყიდვის ობიექტის მწარმოებლის მიერ ხელმოწერით დადასტურებული შემოთავაზებული საქონლის ტექნიკური დოკუმენტაცია, რომლის მიხედვითაც შემსყიდველს საშუალება ექნება შემოთავაზებული საქონლის სატენდერო დოკუმენტაციის ტექნიკური პირობების მოთხოვნებთან შესაბამისობის დადგენის.

შემოთავაზებული საქონელი უნდა იყოს ახალი, ქარხნული, არა მეორადი და შეესაბამებოდეს ამ საქონლისათვის დადგენილ სტანდარტებს.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან მოითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა შესაძლებელია დასაბუთდეს სსიპ ,,ლევან სამხარაულის სახელობის სასამართლო ექსპერტიზის ეროვნული ბიუროს“ ან სხვა აკრედიტირებული პირის ან დამოუკიდებელი სერტიფიცირებული აუდიტის დასკვნით (დასკვნას თან უნდა ახლდეს დასკვნის გამცემი ორგანოს შესაბამისი უფლებამოსილების დამადასტურებელი დოკუმენტი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

მიმწოდებელთან ანგარიშსწორება მოხდება, ეტაპობრივად ფაქტობრივად მიწოდებული საქონლის შესაბამისად მხარეებს შორის გაფორმებული მიღება–ჩაბარების აქტ(ებ)ისა და შესაბამისი საგადასახადო დოკუმენტაციის წარმოდგენის საფუძველზე.

მიმწოდებელთან ანგარიშსწორება მოხდება მიწოდებულ საქონელზე მხარეებს შორის გაფორმებული მიღება–ჩაბარების აქტ(ებ)ის და შესაბამისი საგადასახადო დოკუმენტაციის წარმოდგენიდან 10 (ათი) სამუშაო დღის ვადაში.

ილონა არღვლიანი, 577251015, Ilona.Argvliani@nea.gov.ge

10.1.1. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. დავის შემთხვევაში უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.4. პრეტენდენტს არა აქვს უფლება წარმოადგინოს ალტერნატიული წინადადება.
10.1.5. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
10.1.6. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში.
10.1.7. ანგარიშსწორება მოხდება უნაღდო ანგარიშსწორებით ლარში.
10.1.8. სახელმწიფო შესყიდვის დაფინანსების წყარო: 2024 წლის - სახელმწიფო მიზნობრივი ქვეპროგრამა გარემოს დაბინძურების მონიტორინგი.
10.1.9. სატენდერო დოკუმენტაციაში შესყიდვის ობიექტის აღწერილობაში, სადაც მითითებული არის სასაქონლო ნიშანი, პატენტი, მოდელი, წარმოშობის წყარო ან მწარმოებელი (ასეთის არსებობის შემთხვევაში), იგულისხმება „მსგავსი“, „ეკვივალენტური“. ამასთან, სატენდერო დოკუმენტაციით განსაზღვრული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული სატენდერო წინადადება.

10.1.10. პრეტენდენტის მიერ ერთიან ელექტრონულ სისტემაში ასატვირთი მონაცემები:

ა) ფასების ცხრილი დანართი №1-ის მიხედვით;

ბ) შემოთავაზებული საქონლის ტექნიკური დოკუმენტაცია, რომლითაც დადასტურდება შემსყიდველის მიერ მოთხოვნილი პარამეტრების შესაბამისობა შემოთავაზებულ პროდუქციასთან (მაგ: data sheet); ან/და პრეტენდენტმა სატენდერო წინადადებაში უნდა მიუთითოს ელექტრონული მისამართი - მწარმოებლის ოფიციალური ვეგ გვერდის ბმული ,,ლინკი”, რომლის მიხედვითაც შემსყიდველს ექნება საშუალება მოიძიოს ინფორმაცია შემოთავაზებული საქონლის სატენდერო დოკუმენტაციის ტექნიკური პირობების მოთხოვნებთან შესაბამისობის დადგენის მიზნით; ან/და პრეტენდენტმა უნდა წარმოადგინოს შესყიდვის ობიექტის მწარმოებლის მიერ ხელმოწერით დადასტურებული შემოთავაზებული საქონლის ტექნიკური დოკუმენტაცია, რომლის მიხედვითაც შემსყიდველს საშუალება ექნება შემოთავაზებული საქონლის სატენდერო დოკუმენტაციის ტექნიკური პირობების მოთხოვნებთან შესაბამისობის დადგენის.