Различые продукты питания (Грузия - Тендер #52388982)

1.1.1. სააღგდგომოდ, წყალტუბოს მუნიციპალიტეტის არანაკლებ 300 და არაუმეტეს 350 ბენეფიციარისთვის, სხვადასხვა საკვები პროდუქტის შესყიდვა.

• პრეტენდენტმა უნდა უზრუნველყოს პროდუქტების დაკომპლექტება არანაკლებ 300 და არაუმეტეს 350 პაკეტად (შემსყიდველის მოთხოვნის შესაბამისად). თითოეულ პაკეტში უნდა იყოს ფასების ცხრილში (დანართი N1) მითითებული თითოეული დასახელების არანაკლებ ერთი პროდუქტისა.
• პრეტენდენტის ტექნიკური დოკუმენტაცია უნდა შეიცავდეს მისაწოდებელი საქონლის განფასებას საქართველოს კანონმდებლობით დადგენილი ყველა გადასახადის, ტრანსპორტირების და სხვა შესაძლო ხარჯების ჩათვლით, ფასების ცხრილის (დანართი N1-ის) მიხედვით. ფასების ცხრილის წარმოდგენა სავალდებულოა, წინააღმდეგ შემთხვევაში პრეტენდენტი ექვემდებარება დისკვალიფიკაციას.
• მისაწოდებელი კვების პროდუქტების ვარგისიანობის ვადა უნდა იყოს მიწოდებიდან არანაკლებ 2 (ორი) თვე (1-ლი, მე-2, მე-11 და მე-12 და მე-14 პოზიციის გარდა).
• ფასების ცხრილის 1-ლი, მე-2 და მე-11 პოზიციების შემთხვევაში მისაწოდებელი კვების პროდუქტების ვარგისიანობის ვადა უნდა იყოს მიწოდებიდან არანაკლებ 10 (ათი) დღე.
• მიმწოდებელი ვალდებულია გადასცეს შემსყიდველს უნაკლო საქონელი, ნაკლის აღმოჩენის შემთხვევაში მიმწოდებელი ვალდებულია შემსყიდველის მიერ მითითებულ გონივრულ ვადაში აღმოფხვრას ყველა ხარვეზი საკუთარი ხარჯით.
• თითოეული პაკეტი დაკომპლექტებული უნდა იყოს ხარისხიანი და ვადიანი კვების პროდუქტებით.
• პრეტენდენტი ვალდებულია კეთილსინდისიერად შეასრულოს ნაკისრი ვალდებულება.
• პროდუქტები მაჩვენებლებით უნდა შეესაბამებოდეს საქართველოში მოქმედი სურსათის უვნებლობისა და უსაფრთხოების მოთხოვნებს.

1.4.1. საქონლის მიწოდების ვადა - ხელშეკრულების გაფორმებიდან, არაუგვიანეს 2024 წლის 01 მაისის ჩათვლით პერიოდი, შემსყიდველის მოთხოვნის შესაბამისად.

1.5.1. საქონლის მიწოდების ადგილი - ქალაქი წყალტუბო, რუსთაველის ქუჩა N25 (მიმწოდებელმა მიწოდება უნდა უზრუნველყოს საკუთარი სახსრებით).

2.1.1.1. პრეტენდენტმა ფასების ცხრილის სვეტში „წარმოშობის ქვეყანა, მწარმოებელის დასახელება”, უნდა მიუთითოს შემოთავაზებული საქონლის წარმოშობის ქვეყანა, მწარმოებლის დასახელება. უზუსტობების თავიდან აცილების მიზნით, პრეტენდენტს შეუძლია ფასების ცხრილის (დანართი N1) შენიშვნის გრაფაში მიუთითოს მიმწოდებლის ოფიციალური ვებ-გვერდის ბმული ან ატვირთოს მწარმოებლის სრული დასახელების, წარმოშობის ქვეყნისა ნამდვილობის დამადასტურებელი ფოტო მასალა ან/და სერტიფიკატები ან სხვა დოკუმენტები.
2.1.1.2. პრეტენდენტის მიერ ამ მუხლის 2.1.1.1. პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), იმ შემთხვევაშიც, თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი ან წარდგენილ ფასების ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს. ასევე დისკვალიფიკიაციას გამოიწვევს პრეტენდენტის მიერ დაზუსტებული სატენდერო წინადადების წარმოდგენის შემდგომ შემოთავაზებული საქონლის "წარმოშობის ქვეყანა" , "მწარმოებლის დასახელება" დასახელების არსებითი ცვლილება.

შენიშვნა: სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების ("ელექტრონული ტენდერის ჩატარების წესის დამტკიცების შესახებ") 27-ე მუხლის 3 და 3′ პუნქტებში ვკითხულობთ:
„მუხლი 27. ტექნიკური დოკუმენტაციის შეფასების წესი
3. სატენდერო კომისია არ ახდენს პრეტენდენტის დისკვალიფიკაციას, თუ მისი ტექნიკური დოკუმენტაცია არ შეიცავს ისეთ მონაცემ(ებ)ს ან/და შეიცავს ისეთ უზუსტობას/უზუსტობებს, რომლის/რომელთა წარდგენა ან/და დაზუსტება არ გამოიწვევს ტექნიკური დოკუმენტაციის არსებით ცვლილებას ან/და არ გაზრდის წინადადების ფასს. ამასთან, დაზუსტებას არ ექვემდებარება ტექნიკური დოკუმენტაცია, თუ სატენდერო დოკუმენტაციის მოთხოვნ(ებ)ის შესაბამისად, არ არის წარდგენილი ან მასში არ არის მითითებული ინფორმაცია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის შესახებ, ასევე არ არის წარდგენილი ხარჯთაღრიცხვა ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
3′.სატენდერო კომისია ვალდებულია პრეტენდენტს მიმართოს ტექნიკური დოკუმენტაციის დაზუსტების მოთხოვნით, თუ სატენდერო დოკუმენტაციის მოთხოვნ(ებ)ის შესაბამისად, შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის შესახებ წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების, ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია.“

3.1.1.1. „მიმწოდებელი“ ვალდებულია ნიმუშის სახით წარმოადგინოს ერთი პაკეტი ფასების ცხრილში მოცემული ყველა პროდუქტით, გარდა 11-12 პოზიციებისა (სააღდგომო ნამცხვარი (პასკა), კვერცხის საღებავი).
3.1.1.2. წარმოდგენილი ნიმუში დაზუსტებას არ ექვემდებარება და პრეტენდენტს დაუბრუნდება გონივრულ ვადაში.

ნიმუშის წარმოდგენის ადგილი: ქალაქი წყალტუბო, რუსთაველის ქუჩა N25.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია წარმოადგინოს ფასწარმოქმნის ადექვატურობის დამადასტურებელი დოკუმენტი. ფასწარმოქმნის ადექვატურობის დამადასტურებელ დოკუმენტად წარმოდგენილი უნდა იქნას: ექსპერტიზის დასკვნა ან/და აუდიტის დასკვნა ან/და პროფორმა ინვოის(ებ)ი ან/და შესაბამისი საქონლისა და მომსახურების მიღებისათვის გაფორმებული ხელშეკრულებ(ებ)ი.
4.1.1.2. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების 28-ე მუხლით განსაზღვრული წესები.
4.1.1.3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

7.2.1. ანგარიშსწორება განხორციელდება „მიმწოდებლის“ წერილობითი მომართვის საფუძველზე. ეტაპობრივი ანგარიშსწორება არ არის გათვალისწინებული.
7.2.2. „მიმწოდებლის“ წერილობით მომართვას ანგარიშსწორების თაობაზე უნდა დაერთოს:
ა) შესაბამისი მიღება-ჩაბარების აქტი.
7.2.3. ანგარიშსწორების ფორმა იქნება უნაღდო (ლარებში).
7.2.4. ანგარიშსწორება იწარმოებს საქათველოს მთავრობის 2020 წლის 31 მარტის N619 განკარგულების შესაბამისად.

7.3.1. ანგარიშსწორება განხორციელდება სათანადო დოკუმენტების (სატენდერო დოკუმენტაციის 7.2 პუნქტში მითითებული წერილობითი მომართვა და მისი თანმდევი დოკუმენტები) წარმოდგენიდან არაუგვიანეს 10 (ათი) სამუშაო დღის განმავლობაში.

ელენე კრავცოვა, 598301390, elenikokravcova@gmail.com სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია სისტემის მოდულის – ,,კითხვა/პასუხის“ მეშვეობით, ან/და სატენდერო კომისიის აპარატში, წერილობითი მიმართვის შემთხვევაში. მის: ქ. წყალტუბო, რუსთაველის ქ. N25.

10.1.1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
10.1.3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.4. პრედენდენტს არა აქვს უფლება წარმოადგინოს ალტერნატიული სატენდერო წინადადება.
10.1.5. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
10.1.6. 2019 წლის 1 იანვრიდან, შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით /კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა შესაძლებელია მხოლოდ PDF ფორმატის დოკუმენტებზე/
აღნიშნულისთვის პრეტენდენტს აქვს ორი შესაძლო გზა:
• ატვირთოს ყველა PDF დოკუმენტი სათითაოდ.
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად.