Консалтинговые услуги в области исследований и разработок (Грузия - Тендер #48321945)

„ნადირობის შესახებ“ საქართველოს კანონის პროექტზე და თანმდევ საკანონმდებლო ცვლილებებზე რეგულირების ზეგავლენის შეფასების ანალიზის დოკუმენტის შექმნის მომსახურების შესყიდვა

1.2.1 შესყიდვის მიზანია ევროკავშირთან გაფორმებული ასოცირების შეთანხმების შესაბამისად, საქართველომ აიღო ვალდებულება მოახდინოს ეროვნული კანონმდებლობის ჰარმონიზება მდგრადი განვითარების მიზნებთან (SDG 15) და ევროკავშირის დირექტივებთან.

1.2.2. შესყიდვის ობიექტის დეტალური აღწერა მოცემულია სატენდერო პირობების დანართში N1.

1.2.3. „ნადირობის შესახებ“ საქართველოს კანონის პროექტი და თანმდევი საკანონმდებლო აქტები ატვირთულია წინამდებარე პუნქტში.

1.4.1 ხელშეკრულების გაფორმებიდან არა უგვიანეს 6 (ექვსი) თვის ვადაში. მათ შორის:

1.4.1.1. პირველი ეტაპი: ხელშეკრულების გაფორმებიდან ერთი თვის განმავლობაში, კვლევის მეთოდოლოგიის და დეტალური სამოქმედო გეგმის მომზადება.
1.4.1.2. მეორე ეტაპი: ხელშეკრულების გაფორმებიდან ოთხი თვის განმავლობაში, შუალედური ანგარიშის (პრობლემის განსაზღვრა, რეგულირების მიზანი, ალტერნატიული ვარიანტები და ზემოქმედების შეფასება) მომზადება, პრეზენტაცია და განხილვა. ასევე კანონპროექტის ფინანსური გავლენის შეფასება.
1.4.1.3. მესამე ეტაპი: ხელშეკრულების გაფორმებიდან ექვსი თვის განმავლობაში შენიშვნების გათვალისწინება და RIA-ს საბოლოო ანგარიშის მომზადება და წარმოდგენა.

ანგარიშების/დოკუმენტაციის/მასალების წარმოდგენის ადგილია გარდაბის მუნიციპალიტეტი, თბილისი-რუსთავის გზატკეცილის პირველი კილომეტრი, ფონიჭალის დასახლების მიმდებარედ, ყოფილი კრწანისის ტყე-პარკის ტერიტორია. ასევე შესაძლებელია „მომსახურების“ შედეგად მიღებული საბოლოო პროდუქტის მიწოდება ელექტრონული ფოსტის მეშვეობითაც.

2.2.1.1. პრეტენდენტს (საკონსულტაციო კომპანია ან/და შესაბამის ექსპერტთა ჯგუფი, ამხანაგობის სახით) უნდა ჰქონდეს ბიომრავალფეროვნების კონსერვაციის და მდგრადი მართვის სფეროში, მ. შ. ველური ბუნების მდგრადი მართვის სფეროში მუშაობის მინიმუმ 15-წლიანი გამოცდილება, აგრეთვე სასურველია ჰქონდეს (RIA) დოკუმენტის მომზადების გამოცდილება. აღნიშნულის დასადასტურებლად პრეტენდენტმა ერთიანი ელექტრონული სისტემის მეშვეობით უნდა წარმოადგინოს ბიომრავალფეროვნების კონსერვაციასა და მდგრადი მართვის სფეროში მინიმუმ ერთი დასრულებული პროექტის შესახებ ინფორმაცია (მიმდინარე პროექტი არ განიხილება), რომელიც ჩაუტარებია ბოლო 5 (ხუთი) წლის განმავლობაში.

2.2.1.2. წინამდებარე დანართის პირველი პუნქტით განსაზღვრული ინფორმაცია, პრეტენდენტმა უნდა დაადასტუროს კონკრეტული ხელშეკრულებების და მიღება-ჩაბარების აქტების ან/და ანგარიშფაქტურების ან/და ინვოისების წარმოდგენით (სისტემაში ატვირთვით) ან/და შემსყიდველი/დამკვეთი/დამსაქმებელი ორგანიზაციის მიერ გაცემული სარეკომენდაციო წერილით/ცნობით და/ან სახელმწიფო შესყიდვების ერთიან ელექტრონულ სისტემაში კონკრეტული SPA/NAT/MEP/DAP/CMR ნომრ(ებ)ის მითითებით.

იმ შემთხვევაში თუ პრეტენდენტის მიერ მიწოდების დამადასტურებელი ხელშეკრულებები და მიღება–ჩაბარების აქტები დარეგისტრირებულია/ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტს შეუძლია სატენდერო დოკუმენტაციის N3 დანართის შენიშვნის გრაფაში მიუთითოს სისტემაში შესაბამისი დოკუმენტაციის რეგისტრაციის ნომერი.


2.2.1.3. ტენდერში ამხანაგობის მონაწილეობა
2.2.1.3.1 იმ შემთხვევაში თუ პრეტენდენტი არის ამხანაგობა, მაშინ მისმა მონაწილეებმა ტექნიკურ დოკუმენტაციაში მკაფიოდ უნდა განსაზღვრონ (შინაარსობრივად), თუ თითოეული მონაწილე კონკრეტულად რომელ ვალდებულებას შეასრულებს სახელმწიფო შესყიდვის შესახებ ხელშეკრულების ფარგლებში. ინფორმაცია წარმოდგენილი უნდა იყოს სატენდერო დოკუმენტაციის დანართი N4-ის შესაბამისად.
2.2.1.3.2 ამხანაგობის მონაწილეთა ტექნიკური დოკუმენტაციის სატენდერო პირობებთან შესაბამისობა დგინდება მონაწილის მიერ შესასრულებელი ვალდებულებისადმი დადგენილ მოთხოვნასთან მიმართებით. ამასთან, დასაშვებია ამხანაგობის მონაწილეთა ფინანსური და მატერიალურ-ტექნიკური შესაძლებლობების დაჯამება, ხოლო არ დაიშვება გამოცდილების შეკრება.

საჭიროების შემთხვევაში შემსყიდველი უფლებამოსილია უზრუნველყოს წარმოდგენილი ინფორმაციის გადამოწმება.

2.4.1.1 პრეტენდენტს ტენდერით გათვალისწინებული მომსახურების გაწევის პროცესში ჩასართავად, სხვა კვალიფიციურ და გამოცდილ პერსონალთან ერთად, უნდა ჰყავდეს:
2.4.1.1.1 მინიმუმ 1 (ერთი) იურისტი, სულ მცირე, მაგისტრის ხარისხით;
2.4.1.2. მინიმუმ 1 (ერთი) ეკონომისტი, სულ მცირე, მაგისტრის ხარისხით;
2.4.1.3 მინიმუმ 1 (ერთი) ერთი ველური ბუნების ექსპერტი, სულ მცირე, მაგისტრის ხარისხით.
2.4.1.2 კვლევის პროცესში ჩართული სპეციალისტების კვალიფიკაციის შესახებ ინფორმაციის მიღების მიზნით, პრეტენდენტმა სპეციალისტებზე უნდა წარმოადგინოს

ა) მოქმედი პირადობის დამადასტურებელი მოწმობის ან პასპორტის ასლი;
ბ) სპეციალისტის საინფორმაციო ანკეტა დანართი N3-ის შესაბამისად;
გ) შესაბამისი განათლების დამადასტურებელი დოკუმენტების ასლები;
დ) სპეციალისტებთან გაფორმებული წინარე შეთანხმება ურთიერთთანამშრომლობის შესახებ - დანართი N4-ის შესაბამისად, რომლის ფარგლებში გამოხატული იქნება ორივე მხარის ნება პრეტენდენტის ტენდერში გამარჯვების შემთხვევაში, მათი სავალდებულო თანამშრომლობის შესახებ კონკრეტულ პოზიციებზე.

2.4.1.3 დაუშვებელია მიმწოდებლის მიერ ტენდერში წარმოდგენილი სპეციალისტის ჩანაცვლება, გარდა განსაკუთრებული შემთხვევებისა, რომელიც შეთანხმებული უნდა იქნეს შემსყიდველთან.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია სისტემაში ატვირთოს ფასწარმოქმნის ადეკვატურობის დამადასტურებელი დოკუმენტი.
ფასწარმოქმნის ადეკვატურობა, უნდა დასაბუთდეს ექსპერტიზის დასკვნით (პრეტენდენტის მიერ დასკვნასთან ერთად ასევე წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი) ან აუდიტორული დასკვნით (აუდიტორის დასკვნის წარმოდგენის შემთხვევაში, აუდიტორული კომპანია და აუდიტორი უნდა ირიცხებოდეს საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების – ბუღალტრული აღრიცხვის, ანგარიშგებისა და აუდიტის ზედამხედველობის სამსახურის შესაბამის რეესტრში და წარმოდგენილ უნდა იქნას ინფორმაცია მათი სარეგისტრაციო ნომრების შესახებ).
ზემოაღნიშნული პირობების დაუცველობა, ფასწარმოქმნის ადეკვატურობის დასაბუთების დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული წესის 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული მოთხოვნები.

ანგარიშსწორება განხორციელდება ერთიანად ან ეტაპობრივად, მომსახურების კონკრეტული ეტაპის გაწევის თაობაზე მიღება-ჩაბარების აქტის გაფორმების შემდეგ

ანგარიშსწორება შესაძლებელია განხორციელდეს ერთიანად ან ეტაპობრივად, მხარეებს შორის მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის განმავლობაში.

შოთა ჯორჯიკია, 577182728, info@sanerge.com მერაბ მაჭავარიანი - ტელ.: 599571588; ელ.ფოსტა: machavarianimerab@gmail.com

10.1.1. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია წარმოდგენილი უნდა იქნას ქართულ ენაზე. უცხო ენაზე შედგენილი დოკუმენტები უნდა იყოს თარგმნილი ქართულ ენაზე და დამოწმებული სანოტარო წესით.

10.1.2. საქართველოს რეზიდენტი პრეტენტენტების მიერ სახელმწიფო შესყიდვების ერთიან ელექტრონულ სისტემაში ატვირთული ელექტრონული დოკუმენტი უნდა შეესაბამებოდეს ,,ელექტრონული დოკუმენტისა და ელექტრონული სანდო მომსახურების შესახებ" საქართველოს კანონით მე-3 მუხლის მე-3 პუნქტით დადგენილ მოთხოვნებს.

არარეზიდენტი პრეტენდენტის მიერ სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია ხელმოწერილი ან/და ბეჭედდასმული უნდა იყოს უფლებამოსილი პირის მიერ.

10.1.3. პრეტენდენტ(ებ)ს არა აქვს უფლება წარმოადგინოს ალტერნატიული სატენდერო წინადადება.

10.1.4. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული ყველა გადასახადის/მოსაკრებელის/სახდელის გათვალისწინებით (გარდა დღგ-სი), რომელთა გადახდა ეკისრება მიმწოდებელს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.

10.1.5. სატენდერო წინადადების საერთო და თითოეული ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარი.

10.1.6. სატენდერო წინადადების წარდგენით პრეტენდენტი ავტომატურად გამოხატავს თანხმობას ტექნიკური პირობებით განსაზღვრულ მოთხოვნებზე.


10.1.7 პრეტენდენტებმა ტექნიკური დოკუმენტაციის სახით სისტემაში უნდა ატვირთონ შემდეგი დოკუმენტები და ინფორმაცია:
10.1.7.1. დანართები: N2 - ფასების ცხრილი (ხარჯთაღრიცხვა);
10.1.7.2. დანართი N3 - ინფორმაცია ანალოგიური მომსახურების შესრულების შესახებ;
10.1.7.3. დანართი N4 - ამხანაგობის მონაწილეობის შემთხვევაში;
10.1.7.4. დანართი N5 - სპეციალისტის საინფორმაციო ანკეტა;
10.1.7.5. დანართი N6 - წინარე შეთანხმება ურთიერთთანამშრომლობის შესახებ.


10.1.8. ტენდერის დაფინანსების წყაროა: შემსყიდველის საკუთარი შემოსავლები - საქართველოს მთავრობასა და შვედეთის სამეფოს მთავრობას შორის, 2007 წლის 15 მარტს გაფორმებული „საქართველოსა და შვედეთს შორის განვითარებისათვის თანამშრომლობის ზოგადი წესებისა და პირობების შესახებ შეთანხმების“ საფუძველზე, 2021 წლის 17 დეკემბრის საგრანტო შეთანხმება („გადავარჩინოთ ბუნება - საქართველო“; Sida-ს დახმარება No 15169). აღნიშნული შეთანხმების ფარგლებში დაფინანსებული ხელშეკრულებები და პროექტის საქმიანობები გათავისუფლებულია საქართველოში მოქმედი გადასახადებისგან ან სხვა ფისკალური მოსაკრებლებისაგან, მიუხედავად იმისა, არსებობს ასეთი მოსაკრებლები თუ მომავალში დაწესდება და ხელშეკრულება დადებულია საქართველოს თუ სხვა ქვეყნის პირებთან. შესაბამისად, წინამდებარე ტენდერის ფარგლებში შესყიდული მომსახურება გათავისუფლებულია დამატებული ღირებულების გადასახადისგან (დღგ).