Техническое обслуживание и ремонт (Грузия - Тендер #48321878)

საქართველოს პარლამენტის აპარატის მიერ საბეჭდი დანადგარების ტექნიკური მომსახურების და შეკეთების სახელმწიფო შესყიდვა (პრეისკურანტით) (CPV50310000).

1.2.1 საბეჭდი დანადგარების ტექნიკური მომსახურება და შეკეთება მოიცავს საქართველოს პარლამენტის აპარატის მიერ შემსყიდველის ბალანსზე არსებული, სატენდერო დოკუმენტაციის დანართი №1-ით ""ფასების ცხრილი-პრეისკურანტი"" გათვალისწინებული საბეჭდი დანადგარების ნაწილების შეკეთებას ან/და ტექნიკური მომსახურებას ან/და შესაბამისი დაზიანებული ნაწილების მიმწოდებლის ნაწილებით შეცვლას.
ინფორმაცია საბეჭდი დანადგარების შესახებ ასახულია დანართ №1-ში ""ფასების ცხრილი-პრეისკურანტი"".
1.2.2 მიმწოდებელი ვალდებულია, უზრუნველყოს შემსყიდველისთვის მაღალხარისხიანი მომსახურების გაწევა, ასევე ნაწილ(ებ)ის შეცვლის შემთხვევაში არსებული ნაწილ(ებ)ი უნდა შეცვალოს ახალი, ქარხნული (დაუშვებელია არაქარხნული (კუსტარული) წესით დამზადებული ნაწილის გამოყენება) თავსებადი (დანართ №1-ში "ფასების ცხრილი-პრეისკურანტი" მითითებულ შემსყიდველის ბალანსზე არსებულ დანადგარებთან) და მაღალი ხარისხის ნაწილ(ებ)ით.
1.2.3 პრეტენდენტი უფლებამოსილია წარმოადგინოს დანართი #1 "ფასების ცხრილი-პრეისკურანტი" Excel-ის ცხრილის სახით (გთხოვთ გაითვალისწინოთ, რომ პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს)).

1.4.1. მიმწოდებლის მიერ მომსახურების გაწევა უნდა განხორციელდეს 2024 წლის 1 იანვრიდან (ხოლო იმ შემთხვევაში თუ ხელშეკრულება ვერ გაფორმდება 2024 წლის პირველ იანვრამდე, მაშინ ხელშეკრულების გაფორმებიდან და მისი ძალაში შესვლიდან) - 2024 წლის 30 დეკემბრამდე, პერიოდულად, შემსყიდველი ორგანიზაციის მოთხოვნისა და საჭიროების შესაბამისად, ყოველ კონკრეტულ ჯერზე შემსყიდველის მოთხოვნიდან არაუმეტეს 60 (სამოცი) კალენდარული დღის განმავლობაში.
1.4.2 შემსყიდველი ორგანიზაციის მიერ მოთხოვნა შესყიდვის ობიექტის მიწოდების თაობაზე, ყოველ კონკრეტულ ჯერზე უნდა განხორციელდეს წერილობით, ფიჭური კავშირგაბმულობის ოპერატორის ტელეფონის ან/და ელექტრონული ფოსტის საშუალებით. შემსყიდველის მიერ მიმწოდებლისათვის, წინამდებარე ტენდერის ფარგლებში გაფორმებულ ხელშეკრულებაში მითითებულ ოფიციალურ საკონტაქტო ფიჭურ კავშირგაბმულობის ოპერატორის ტელეფონ(ებ)ზე ან/და ელექტრონულ ფოსტის მისამართ(ებ)ზე გაგზავნილი შეტყობინება ჩაითვლება ოფიციალურ მოთხოვნად (ამასთან საკმარისია ოფიციალურ მოთხოვნად ჩაითვალოს რომელიმე ერთ-ერთი საშუალებით განხორციელებული შეტყობინება, ხოლო იმ შემთხვევაში თუ შეტყობინება განხორციელდა, როგორც ფიჭური კავშირგაბმულობის ოპერატორის ტელეფონ(ებ)ზე ასევე ელექტრონულ ფოსტის მისამართ(ებ)ზე, მაშინ მიწოდების ვადის ათვლა დაიწყება პირველად მიღებული შეტყობინების თარიღიდან).

მომსახურების გაწევა უნდა განხორციელდეს შემდეგ მისამართზე: ქ.თბილისი, რუსთაველის №8, საქართველოს პარლამენტის სასახლე.

1.7.1.1. მიმწოდებლის მიერ შესყიდვის ობიექტზე უნდა ვრცელდებოდეს გარანტია მიღება-ჩაბარების აქტის გაფორმებიდან არანაკლებ დანართი №1-ის - „ფასების ცხრილი - პრეისკურანტი“ მე-6 სვეტში მითითებული პერიოდის/მონაცემის შესაბამისად.
1.7.1.2 საგარანტიო ვადის განმავლობაში მიმწოდებელმა საკუთარი ხარჯებით (ტრანსპორტირების ხარჯების ჩათვლით) უნდა აღმოფხვრას ექსპლუატაციის პროცესში გამოვლენილი ნებისმიერი ხარვეზი/წუნი, საჭიროების შემთხვევაში უზრუნველყოს წუნდებული შესყიდვის ობიექტის შეცვლა ახლით, ასეთი ნაკლის შესახებ შემსყიდველის მიერ მიმწოდებლისათვის შესაბამისი წერილობითი შეტყობინებიდან (მათ შორის ელექტრონული საკომუნიკაციო საშუალების გამოყენებით) სატენდერო დოკუმენტაციის 1.4. პუნქტით გათვალისწინებულ ვადებში. ქარხნული წუნის შემთხვევაში ყველა ნაწილი ექვემდებარება შეცვლას.
1.7.1.3 პრეტენდენტი ვალდებულია დანართ №1-ის „ფასების ცხრილი - პრეისკურანტი“ მე-7 სვეტში მიუთითოს ინფორმაცია შესყიდვის ობიექტის კონკრეტული საგარანტიო პერიოდის/მონაცემის შესახებ (ზუსტი პერიოდი/მონაცემები, ყოველგვარი არანაკლებ, არაუმეტეს, მინიმუმ ან მსგავსი მაჩვენებლის მითითების გარეშე).

პრეტენდენტს 2020 წლიდან აღნიშნული ტენდერის გამოცხადებამდე პერიოდში უნდა გააჩნდეს ციფრული პოლიგრაფიული ფერადი ბეჭდვის დანადგარ(ებ)ის ტექნიკური მომსახურებისა ან/და შეკეთების გაწევის გამოცდილება არანაკლებ 10,000.00 ლარის ოდენობით საქართველოს კანონმდებლობით დადგენილი ყველა გადასახადის ჩათვლით (აღნიშნული ღირებულების გამოცდილება დასაშვებია გააჩნდეს, როგორც ერთ რომელიმე კონკრეტულ წელს ასევე, ჯამურად 2 ან მეტი წლის განმავლობაში).

აღნიშნულის თაობაზე პრეტენდენტმა სახელმწიფო შესყიდვების ერთიან ელექტრონულ სისტემაში, სატენდერო წინადადებასთან ერთად, უნდა წარმოადგინოს გამოცდილების დამადასტურებელი დოკუმენტები:
ა) შესაბამისი ხელშეკრულება და მიღება-ჩაბარების აქტი ან მიღება-ჩაბარების აქტის სანაცვლოდ მომსახურების გაწევის დამადასტურებელი ნებისმიერი სახის სხვა დოკუმენტი, ან
ბ) შესაბამისი ინფორმაცია სახელმწიფო შესყიდვის ერთიანი ელექტრონული სისტემის მონაცემებით, კერძოდ: SPA, NAT, CMR ან სხვა სახელმწიფო შესყიდვის ერთიანი ელექტრონული სისტემის უნიკალური ნომერი (აღნიშნული უნიკალური ნომრის მეშვეობით, სახელმწიფო შესყიდვის ერთიან ელექტრონულ სისტემაში უნდა იკითხებოდეს/იძებნებოდეს ""ა"" პუნქტის საფუძველზე მოთხოვნილი დოკუმენტები/ინფორმაცია).
(იმ შემთხვევაში თუ ""ა"" პუნქტის საფუძველზე წარმოდგენილ ხელშეკრულებაში ასახულია ""ბ"" პუნქტით გათვალისწინებული ინფორმაცია, მაშინ მიღება-ჩაბარების აქტების ან მათ სანაცვლოდ მომსახურების გაწევის დამადასტურებელი ნებისმიერი სახის სხვა დოკუმენტის წარმოდგენა სავალდებულო არაა).

პრეტენდენტმა მომსახურების გაწევა უნდა უზრუნველყოს ციფრული პოლიგრაფიული ფერადი ბეჭდვის დანადგარ(ებ)ის ტექნიკური (ან მსგავსი/შესაბამისი) პერსონალით, რომელსაც გააჩნია შესაბამისი სერთიფიკატი/მოწმობა/დოკუმენტი.
პრეტენდენტი ვალდებულია ერთიან ელექტრონულ სისტემაში, სატენდერო წინადადებასთან ერთად წარმოადგინოს აღნიშნული სერთიფიკატი/მოწმობა/დოკუმენტი.

2.9.1 პრეტენდენტის მიერ დანართ №1-ში - „ფასების ცხრილი- პრეისკურანტი“ დაზუსტების შემთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა. 
პრეტენდენტის მიერ აღნიშნული პირობის დარღვევა გამოიწვევს მის დისკვალიფიკაციას სატენდერო პროცედურებიდან.
2.9.2 პრეტენდენტის მიერ ერთიან ელექტრონულ სისტემაში თავდაპირველად დაფიქსირებულ პრეისკურანტის სავარაუდო ღირებულებასა და ვაჭრობის შედეგად (ასეთის არსებობის შემთხვევაში) პრეტენდენტის მიერ ერთიან ელექტრონულ სისტემაში (ელექტრონულად) დაფიქსირებულ ბოლო შეთავაზებას (ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულებას) შორის სხვაობის არსებობის შემთხვევაში, სხვაობა გამოანგარიშდება პროცენტულად, რომლის მიხედვითაც ფასდაკლება პრეტენდენტმა პროცენტულად და პროპორციულად უნდა ასახოს დანართ №1-ის - „ფასების ცხრილი- პრეისკურანტი“ ყველა დასახელების მომსახურებაზე ან/და შესაცვლელ დეტალზე.
2.9.3 თუ პრეტენდენტის მიერ წარმოდგენილ დანართ №1-ში - „ფასების ცხრილი- პრეისკურანტი“ პოზიცი(ებ)ის ერთეულის ღირებულება/ები წარმოდგება მრავალნიშნა ათწილადის სახით, პრეტენდენტი ვალდებულია აღნიშნული ღირებულებ(ებ)ი დაამრგვალოს მეასედებამდე, შესაბამისად პრეისკურანტის ჯამური ღირებულებაც.
2.9.4 პრეისკურანტში მომსახურების ან/და შესაცვლელი დეტალის რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით საბაზრო ფასის გათვალისწინებით. ასეთ შემთხვევაში პრეისკურანტში მომსახურების რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა.
4.1.1.2 ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული შესაბამისი დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. საჭიროების შემთხვევაში, პრეტენდენტის მიერ ასევე წარმოდგენილი უნდა იყოს დასკვნაზე ხელმომწერი პირის ხელმოწერის უფლებამოსილების დამადასტურებელი დოკუმენტი (მაგ. იმ შემთხვევაში თუ დასკვნის გამცემი პირია ორგანიზაცია - შპს, სს და ა.შ. და ორგანიზაციის სახელით გაცემულ დასკვნაზე არ ფიქსირდება სამეწარმეო და არასამეწარმეო სუბიექტების რეესტრის ამონაწერის მიხედვით განსაზღვრული ხელმძღვანელობაზე/წარმომადგენლობაზე უფლებამოსილი პირის ხელმოწერა)), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის, ასევე საერთო ღირებულებასთან მიმართებით.

7.2.1 ანგარიშსწორება განხორციელდება პერიოდულად, უნაღდო ანგარიშსწორებით, ეროვნულ ვალუტაში – ლარში, ფაქტობრივად მიწოდებული შესყიდვის ობიექტის შესაბამისად, მხარეთა შორის გაფორმებული მიღება-ჩაბარების აქტის და მიმწოდებლის მიერ წარმოდგენილი სასაქონლო ზედნადების (კანონმდებლობით გათვალისწინებულ შემთხვევაში), ასევე ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე, ანდა გამოწერილი საგადასახადო დოკუმენტის (საგადასახადო დოკუმენტის გამოწერის შემთხვევაში სასაქონლო ზედნადების ან საგადასახადო ანგარიშ-ფაქტურის (მათ შორის, სპეციალური საგადასახადო ანგარიშ-ფაქტურის) გამოწერის ვალდებულება არ წარმოიშობა) საშუალებით.
7.2.2 დაფინანსების წყარო: საქართველოს 2024 წლის სახელმწიფო ბიუჯეტიდან საქართველოს პარლამენტისათვის გამოყოფილი ასიგნება.

ანგარიშსწორებისთვის აუცილებელი დოკუმენტების სრულყოფილად გაფორმებიდან არაუგვიანეს 10 (ათი) სამუშაო დღის განმავლობაში.

თათია უშვერიძე, 598201000, tushveridze@parliament.ge შესყიდვის ობიექტის ტექნიკურ საკითხებთან დაკავშირებით - ლევან მენთეშაშვილი, M:+995 593 50 00 12 lmenteshashvili@parliament.ge

10.1.1 პრეტენდენტი დაექვემდებარება დისკვალიფიკაციას (ყოველგვარი დაზუსტების პროცედურების გარეშე), თუ მის მიერ არ იქნება წარმოდგენილი დანართი №1 - „ფასების ცხრილი- პრეისკურანტი“ ან დანართ №1-ში - „ფასების ცხრილი- პრეისკურანტი" განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.1.2 სახელმწიფო შესყიდვების ერთიან ელექტრონულ სისტემაში ატვირთული მხოლოდ პრეტენდენტის მიერ შექმნილი ყველა დოკუმენტი ან/და ინფორმაცია (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტები, გარდა დანართ №1-ში "ფასების ცხრილი-პრეისკურანტი". პრეტენდენტი უფლებამოსილია აღნიშნული დანართი წარმოადგინოს მხოლოდ Excel-ის ფორმატის ცხრილის სახით, ხოლო Excel-ის ფორმატის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს)) უნდა იქნეს ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (მხოლოდ პრეტენდენტის მიერ შექმნილი სატენდერო წინადადების სახით წარსადგენი დოკუმენტებზე) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელის მოწერისთვის გაცემული მინდობილობა
10.1.3 ტენდერის ნებისმიერ ეტაპზე ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.4 ალტერნატიული სატენდერო წინადადება არ განიხილება.
10.1.5 ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.6 სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.