Услуги в области бытовых отходов и отходов (Грузия - Тендер #48111944)

შპს ,,საქართველოს გაერთიანებული წყალმომარაგების კომპანიის’’ სათაო ოფისიდან, რეგიონული ფილიალებიდან და სერვის-ცენტრებიდან, სახიფათო ნარჩნების გატანა - განთავსება - უტილიზაციისთვის საჭირო მომსახურების შესყიდვა.

სამუშაოს აღწერა (ტექნიკური დავალება), იხილეთ თანდართულ ფაილში.

1. მიმწოდებელი ვალდებულია (საჭიროების შემთხვევაში) კარტრიჯის ნარჩენის განთავსებისთვის საკუთარი ხარჯებით უზრუნველყოს შესაბამისი რაოდენობის კონტეინერების განთავსება შპს „საქართველოს გაერთიანებული წყალმომარაგების კომპანიის“ სათაო ოფისში (მისამართი: ქ.თბილისი, ა. პოლიტკოვსკაიას N5 და N7 ) კომპანიის მიერ სპეციალურად გამოყოფილ ადგილზე;
2. ნარჩენების ჩატვირთვის, ტრანსპორტირების, გადატვირთვის, განთავსებისა და უტილიზაციის დროს წარმოქმნილ შესაძლო უარყოფით შედეგებზე პასუხისმგებელია ,,მიმწოდებელი“;
3. ,,მიმწოდებელი“ ვალდებულია შპს „საქართველოს გაერთიანებული წყალმომარაგების კომპანიის“ წარმომადგენელთან ერთად, ადგილზე უზრუნველყოს ნარჩენის აწონვა მისი საბოლოო წონის დაზუსტების მიზნით.

გთხოვთ, იხილოთ თანდართული დოკუმენტი:

მომსახურების გაწევა უნდა განხორციელდეს ხელშეკრულების გაფორმებიდან 2023 წლის 30 დეკემბრის ჩათვლით, ეტაპობრივად, წარმოქმნილი ნარჩენის რაოდენობის შესაბამისად, შპს „საქართველოს გაერთიანებული წყალმომარაგების კომპანიის“ მხრიდან წერილობითი მიმართვიდან 3 (სამი) სამუშაო დღის ვადაში.

მისამართები, საიდანაც უნდა მოხდეს სახიფათო ნარჩენების გატანა მითითებულია მომსახურების ხარჯთაღრიცხვაში (დანართი N1).

1. პრეტენდენტმა უნდა წარმოადგინოს მომსახურების ხარჯთაღრიცხვით განსაზღვრული ნარჩენების განთავსებისა და უტილიზაციისათვის განკუთვნილი ნებართვები (გარემოზე ზემოქმედების შეფასების (გზშ) დოკუმენტი და ამ დოკუმენტის მიხედვით გაცემული ეკოლოგიური ექსპერტიზის დასკვნა/გარემოსდაცვითი გადაწყვეტილება), ასევე აუცილებელია ნარჩენების მართვის გეგმის წარმოდგენა.

2. პრეტენდენტი ასევე უფლებამოსილია, არსებობის შემთხვევაში, დამატებით წარმოადგინოს 2.7.1 პუნქტის პირველი ქვეპუნქტით მოთხოვნილ დოკუმენტაციასთან დაკავშირებული დამატებითი შეთანხმებები და ნებართვები, რითიც დასტურდება ნარჩენების მართვის უფლებამოსილება.

ვინაიდან, აღნიშნული ტენდერით ხდება შპს „საქართველოს გაერთიანებული წყალმომარაგების კომპანიის“ ოპერირების არეალში არსებულ ობიექტებიდან ნარჩენების გატანა- განთავსება- ტილიზაციის მომსახურების შესყიდვა, ხოლო მისი შეფასების კრიტერიუმები და ფასწარმოქმნის დასაბუთების სტანდარტი რთული დასადგენია, სატენდერო კომისიამ მიზანშეწონილად მიიჩნია არ მოითხოვოს ფასწარმოქმნის ადეკვატურობის დასაბუთების დოკუმენტი თუ ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე.

1. მიმწოდებელთან“ ანგარიშსწორება განხორციელდება უნაღდო ანგარიშსწორების ფორმით, ეროვნულ ვალუტაში.
2. დაფინანსების წყარო: შპს „საქართველოს გაერთიანებული წყალმომარაგების კომპანიის“ 2023 წლის სახსრები.
3. ანგარიშსწორება განხორციელდება ეტაპობრივად, ფაქტობრივ გაწეულ მომსახურებაზე გაფორმებული მიღება–ჩაბარების აქტის და მიმწოდებლის მიერ სხვა სათანადო დოკუმენტაციის წარდგენის შემდეგ.

ანგარიშსწორება განხორციელდება ეტაპობრივად, ანგარიშსწორებისათვის საჭირო დოკუმენტაციის მიმწოდებლის მიერ წარდგენინად 10 (ათი) სამუშაო დღის ვადაში.

ნათია ელიავა, 577380026, n.eliava@water.gov.ge სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლის შესაბამისად.

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2.პრეტენდენტს არ აქვს უფლება წარმოადგიმოს ალტერნატიული სატენდერო წინადადება;
3. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით;
4. სახელმწიფო შესყიდვების ერთიან ელექტრონულ სისტემაში ატვირთული, პრეტენდენტის მიერ შექმნილი,დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ ხარჯთაღრიცხვაში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 1%-ს);
7. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. პრეტენდენტი ვალდებულია მომსახურების ხარჯთაღრიცხავაში მითითებული ერთეულის ფასები, გამოსახოს და შესაბამისად გაინაგარიშოს ლარის მეასედის - თეთრების სიზუსტით (მძიმის შემდეგ ორი ციფრი).