Ремонт и техническое обслуживание транспортных средств и оборудования и сопутствующие услуги (Грузия - Тендер #48111938)

სედანის ტიპის ავტომანქანების და ავტობუსის რეცხვის მომსახურება.

სედანის ტიპის ავტომანქანის რეცხვა შიგნიდან და გარედან - 200 ერთეული;

ავტობუსის რეცხვა შიგნიდან და გარედან - 4 ერთეული;

რეცხვის მომსახურება მოიცავს სატრანსპორტო საშუალების ექსტერიერის და ინტერიერის, ასევე საბარგულის სრულად რეცხვას/გასუფთავებას/გამშრალებას.

რეცხვის მომსახურების გაწევის პერიოდია 2024 წლის 01 იანვრიდან 2024 წლის 28 დეკემბრის ჩათვლით;

რეცხვითი მომსახურების გაწევა მოხდება პლასტიკური ბარათის წარმოდგენიდან არაუგვიანეს 1 საათის განმავლობაში სედანის ტიპის ავტომობილისთვის და არაუგვიანეს 2 საათის განმავლობაში ავტობუსისთვის.

რეცხვის მომსახურების მიწოდება და აღრიცხვა განხორციელდება საბარათე სისტემის მეშვეობით რაც წარმოადგენს შემდეგს:

„საბარათე სისტემა მოიცავს პლასტიკურ ბარათს თითოეული ავტომობილისთვის; ბარათზე დატანილი ინფორმაციის დამუშავების შესაძლებლობას, მომხმარებლის ანგარიშის გახსნას ამისთვის შექმნილ ვებ-გვერდზე, რეცხვების რაოდენობის დარიცხვას, ლიმიტების დაწესებას, პერიოდის შესაბამისად თითოეული ავტომობილის რეცხვის ოდენობის რეპორტინგს, კონტროლს და ანგარიშგებას ელექტრონულად, პროგრამული უზრუნველყოფის მეშვეობით, მომხმარებლისთვის გახსნილი ელექტრონული ანგარიშიდან.“

პლასტიკური ბარათების მიწოდების და შემსყიდველი ორგანიზაციისთვის საბარათე სისტემის ვებ-გვერდზე მომხმარებლად რეგისტრაციისთვის საჭირო ინფორმაციის გადაცემის ვადაა ხელშეკრულების დადებიდან არაუმეტეს 5 (ხუთი) სამუშაო დღე.

პლასტიკური ბარათი უნდა შეიცავდეს შემდეგ ინფორმაციას:
ბარათის ნომერი;
- მიმწოდებლის ლოგო ან/და დასახელება;
- შემსყიდველის დასახელება;
- სატრანსპორტო საშუალების სარეგისტრაციო ნომერი;

მიწოდების ადგილი: ქ.თბილისი, მხარეებს შორის შეთანხმებული მისამართი.

1. პრეტენდენტმა უნდა წარმოადგინოს აღნიშნული პროფილით მუშაობის არანაკლებ ბოლო ერთი წლის გამოცდილება.
2. წარმომადგენლობაზე უფლებამოსილი პირი წერილობით ადასტურებს პირველი პუნქტით მოთხოვნილ გამოცდილებას და წარმოადგენს 2023 წლის 01 იანვრიდან, მიმდინარე თარიღამდე მისი კონტრაქტორი სამი სხვადასხვა ორგანიზაციის დასახელებას, სატენდერო განცხადების ნომერს, ან ამ ორგანიზაციაში საკონტაქტო პირის ნომერს, დანართი #2-ის შესაბამისად.
3. წარმოდგენილი უნდა იქნას არანაკლებ იმ ორი ორგანიზაციის რეკომენდაცია, რომელსაც პრეტენდენტი მიუთითებს დანართ #2-ში.

მომწოდებელმა უნდა წარმოადგინოს ინფორმაცია მისი კომპანიის მიერ შემდეგი პირობების დაკმაყოფილების თაობაზე - ქ.თბილისში მიმწოდებელს ექსპლუატაციაში უნდა ჰქონდეს არანაკლებ ერთი ავტოსამრეცხაო, არანაკლებ ხუთი ბოქსით რომელიც აუცილებლად უნდა მდებარეობდეს არაუმეტეს 6 კილომეტრის მოშორებით იუსტიციის უმაღლესი სკოლის ოფისიდან, რომლის მისამართია ქ.თბილისი, ნ.ბოხუას #19. ხოლო ავტოსამრეცხაო რომელშიც გაირეცხება ავტობუსი აუცილებლად უნდა მდებარეობდეს არაუმეტეს 20 კილომეტრის მოშორებით იუსტიციის უმაღლესი სკოლის ოფისიდან.

მომსახურების გაწევისას მიმწოდებელმა უნდა გამოიყენოს მაღალი ხარისხის სარეცხი და საწმენდი სპეციალური საშუალებები (ქაფი, გელი, სპეციალური სითხეები, შუშების და საბურავის საწმენდი საშუალებები და სხვა), და ტექნიკური მოწყობილობები.

სამრეცხაოები აღჭურვილი უნდა იყოს ხელით რეცხვისათვის საჭირო მაღალი წნევის სარეცხი აპარატურით, მტვერსასრუტით და სხვა საჭირო ინვენტარით, რომელიც არ აზიანებს მანქანის საღებავს და ლაქს.

მიმწოდებელმა უნდა მიუთითოს 1.5 მუხლით მოთხოვნილი, აღრიცხვის საბარათე სისტემის ელექტრონული მისამართი.

მიმწოდებელი ვალდებულია დაადასტუროს რომ იგი ავტოსამრეცხაოს მესაკუთრეა (ამონაწერი საჯარო რეესტრიდან), ან წარმოადგინოს ავტოსამრეცხაო ფართის იჯარის/ქირავნობის ხელშეკრულება რომელიც ძალაში იქნება მინიმუმ 2024 წლის 31 დეკემბრის ჩათვლით.

ავტომობილი უნდა გაირეცხოს აკურატულად, გულდასმით. ძარის და სალონის რეცხვასთან ერთად ყურადღებით უნდა გაირეცხოს, გასუფთავდეს და გამშრალდეს ავტომობილის დგარები, კარის თაღები, საბურავის თაღები, წყლის ღარები.

მომსახურების გაწევის დროს მიმწოდებლის ბრალეულობით შემსყიდველის ავტომობილზე მიყენებული ნებისმიერი სახის ზიანის ანაზღაურების ვალდებულება ეკისრება მიმწოდებელს.

პრეტენდენტმა შემსყიდველის წარმომადგენელს უნდა დაათვალიერებინოს ავტოსამრეცხაო და თვალსაჩინოდ წარმოადგინოს ის გარემოება, რომ ავტოსამრეცხაო აკმაყოფილებს მოთხოვნებს, რომლებიც აღწერილია ამ სატენდერო დოკუმენტაციაში.

პრეტენდენტს ავტოსამრეცხაო ქ.თბილისში.

თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ექსპერტიზის დასკვნასთან ერთად წარმოდგენილი უნდა იქნას დასკვნის გამცემი პირის და დასკვნაზე ხელმომწერი პირის საექსპერტო/აუდიტორული/საშემფასებლო საქმიანობის განხორციელების უფლების დამადასტურებელი დოკუმენტები/სერთიფიკატები, გაცემული „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის საფუძველზე უფლებამოსილი ორგანოს მიერ.

პრეტენდენტის მიერ წარმოდგენილ ექსპერტიზის დასკვნას თან უნდა ახლდეს ექსპერტის მიერ ფასების დადგენისას/ბაზრის კვლევისას გამოყენებული მამტკიცებელი დოკუმენტაცია (მაგ., ანგარიშფაქტურა/ინვოისი, ხელშეკრულება, მიღება-ჩაბარება და სხვა).

შესყიდვის ობიექტის ღირებულების ანაზღაურება მოხდება ყოველთვიურად, უნაღდო ანაგარიშსწორების წესით ფაქტიურად გაწეული მომსახურების შესაბამისად, მიმწოდებელის მიერ საგადასახადო დოკუმენტაციის (დღგ-ს ანგარიშ-ფაქტურა) საქართველოს კანონმდებლობით დადგენილი წესით შემსყიდველისათვის წარდგენის საფუძველზე.

მიმწოდებელი ვალდებულია ფაქტიურად გაწეული მომსახურების შესაბამისად ყოველი თვის ბოლოს, არაუგვიანეს საანგარიშო თვის მომდევნო თვის 15 რიცხვისა შემსყიდველს გამოუგზავნოს შესაბამისი საგადახდო დოკუმენტაცია კანონით დადგენილი წესით.

ანგარიშსწორება განხორციელდება საგადახდო დოკუმენტაციის გამოგზავნიდან და შემსყიდველის მიერ დადასტურებიდან, არაუმეტეს 10 სამუშაო დღეში.

ვასილ ჭიჭაღუა, 577237756, vtchitchagua@hsoj.ge

10.1 პრეტენდენტის მიერ წარმოდგენილი სატენდერო წინადადების მთლიანი ღირებულება და ერთეულის ფასი უნდა შეიცავდეს საქართველოს კანონმდებლობით გათვალისწინებულ ყველა გადასახადს და შესყიდვის ობიექტის მიწოდებასთან დაკავშირებულ ყველა ხარჯს. სატენდერო წინადადების მთლიანი ღირებულების და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
10.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია, მათ შორის შემსყიდველსა და პრეტენდენტს შორის გაცვლილი კორესპონდენცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.3 სახელმწიფო შესყიდვების ერთიან ელექტრონულ სისტემაში ატვირთულ ყველა ელექტრონულ დოკუმენტზე უნდა იქნას შესრულებული კვალიფიციური ელექტრონული ხელმოწერა უფლებამოსილი პირის მიერ, ან ეს დოკუმენტები დამოწმებული უნდა იქნას კვალიფიციური ელექტრონული შტამპით. კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.4 პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.5 პტერენდენტმა ფასების ცხრილში (ხარჯთაღრიცხვა) აუცილებლად უნდა აღწეროს შესყიდვის ობიექტის ტექნიკური პარამეტრები, ანუ მიუთითოს მინიმუმ ის ტექნიკური პარამეტრები, რაც მოთხოვნილია სატენდერო დოკუმენტაციაში.
10.6 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;
10.7 ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
10.8 პრეტენდენტს არ აქვს უფლება წარმოადგინოს ალტერნატიული წინადადება;