Следственные услуги и услуги по обеспечению безопасности (Грузия - Тендер #48111941)

დაცვის მომსახურების შესყიდვა.

1.2.1 მიმწოდებელმა უნდა უზრუნველყოს სსიპ იუსტიციის უმაღლესი სკოლის სარგებლობაში არსებული ქონების, რომელიც განთავსებულია მისამართზე ქ. თბილისი, ნოდარ ბოხუას ქ.#19 (ეზოს ფართობი 18438 მ2, შენობის ფართობი 2693 მ2, შენობა სამსართულიანია), დაცვა.
1.2.2 დაცვა უნდა განხორციელდეს დაცვის 6 (ექვსი) თანამშრომლის მიერ (ცვლაში დაცვის 2 თანამშრომელი).
1.2.3 დაცვა უნდა განხორციელდეს: ყოველდღიურად საღამოს 18:00 საათიდან, დილის 09:30 საათამდე, ხოლო დასვენების და უქმე დღეებში (შაბათ-კვირა და შრომის კოდექსით განსაზღვრული უქმე დღეები) 24 საათის განმავლობაში, 2024 წლის 01 იანვრიდან 2024 წლის 31 დეკემბრის ჩათვლით. აგრეთვე, მიმწოდებელმა წლის განმავლობაში არაუმეტეს 10 დღისა, შემსყიდველის მიმართვის საფუძველზე, დაცვა უნდა განახორციელოს სამუშაო დღეებში 24 საათის განმავლობაში.
1.2.4 მიმწოდებელმა უნდა უზრუნველყოს სსიპ იუსტიციის უმაღლეს სკოლის თანამშრომელთა და სხვა ვიზიტორთა უსაფრთხოება დასაცავი ობიექტის ტერიტორიაზე. დასაცავი ობიექტის ტერიტორიაზე უცხო პირთა შესვლა დასაშვებია მხოლოდ შემსყიდველის თანხმობით (საშვი, სიტყვიერი ნებართვა და სხვა).
1.2.5 მიმწოდებელმა უნდა უზრუნველყოს სსიპ იუსტიციის უმაღლეს სკოლის ქონების (შენობა, ეზო, შენობაში განთავსებული ქონება და სხვა ფასეულობები) და ეზოში (ეზო შემოღობილია) განთავსებული ავტომობილების და სხვა ფასეულობების დაცვა საქართველოს კანონმდებლობით დანაშაულად მიჩნული ქმედებისაგან, ასევე სხვა ზიანისგან.
1.2.6 მიმწოდებელმა მომსახურების განხორციელებისას უნდა უზრუნველყოს შესაბამისი გამოცდილებისა და კვალიფიკაციის, მაღალი პასუხისმგებლობის მქონე თანამშრომელთა შერჩევა, რითიც უზრუნველყოფილი იქნება გაწეული მომსახურების მაღალი ხარისხი. დაცვის მომსახურების გამწევი თანამშრომლების შერჩევა უნდა მოხდეს შემსყიდველთან შეთანხმებით.
1.2.7 დაცვის თანამშრომლებს მიღებული უნდა ჰქონდეთ საშუალო ან/და უმაღლესი განათლება, უნდა იყვნენ ათლეტური აღნაგობის, ასაკი არანაკლებ 20 წელი და არაუმეტეს 60 წელი. დაცვის თანამშრომლები უნდა მოქმედებდნენ მშვიდად, მათთვის დამახასიათებელი უნდა იყოს ქცევის ზრდილობიანი მანერა. დაცვის თანამშრომელთა ჩაცმულობის სტილი უნდა იყოს მიმწოდებლის მიერ შემუშავებული საერთო სტანდარტის და შეთანხმებული შემსყიდველთან. დაცვის თანამშრომლების ვალდებული არიან მორიგეობაზე გამოცხადდნენ წვერგაპარსული, სუფთად და მოწესრიგებულად ჩაცმული, დაიცვან პირადი ჰიგიენა.
1.2.8 აღნიშნული პირობების შეუსრულებლობის შემთხვევაში, შემსყიდველს უფლება აქვს მოსთხოვოს მიმწოდებელს დაცვის თანამშრომლის შეცვლა, რომელიც თავის მხრივ ვალდებულია შეცვალოს დაცვის თანამშრომელი 5 (ხუთი) სამუშაო დღის განმავლობაში, წინააღმდეგ შემთხვევაში, აღნიშნული ჩაითვლება ხელშეკრულების დარღვევად და შემსყიდველს უფლება ექნება შეწყვიტოს ხელშეკრულება.
1.2.9 დაცვის სამსახურმა უნდა უზრუნველყოს დაცვის თანამშრომელთა აღჭურვა ტექნიკური საშუალებებით (რაციები, ხელჯოხები და სხვ.). ასევე დაცვის სამსახურმა უნდა გამოყოს საკონტაქტო პირი, დაცვის ჯგუფის უფროსი, რომელთანაც შემსყიდველი განიხილავს დაცვის მომსახურების ორგანიზებასთან დაკავშირებულ საკითხებს.
1.2.10 აღმოჩენილი მართლსაწინააღმდეგო ქმედების, დამდგარი ზიანის დაფიქსირების შემთხვევაში მიმწოდებელმა დაუყოვნებლივ უნდა აცნობოს შემსყიდველს, ხოლო მართლსაწინააღმდეგო ქმედების აღმოჩენის შემთხვევაში სამართალდამცავ სტრუქტურებსაც. უნდა უზრუნველყოს შემთხვევის ადგილის ხელშეუხებლობა. მიმწოდებელი ვალდებულია, შეადგინოს შესაბამისი ოქმი მომხდარი შემთხვევის შესახებ დაზიანებული, დაკარგული, განადგურებული ქონების მითითებით.
1.2.11 მიმწოდებელი ვალდებულია საქართველოს კანონმდებლობით დადგენილი წესით სრულად აანაზღაუროს ზარალი, რომელიც გამოწვეულია მიმწოდებლის მიერ ვალდებულებების არაჯეროვანი შესრულებით. მიმწოდებელს უნდა გააჩნდეს სამოქალაქო პასუხისმგებლობის დაზღვევა, წლიური ლიმიტით არანაკლებ 200 000 (ორასი ათასი) ლარის ოდენობით.

2024 წლის 01 იანვრიდან, 2024 წლის 31 დეკემბრის ჩათვლით

ქ.თბილისი, ნოდარ ბოხუას N19, სსიპ იუსტიციის უმაღლესი სკოლა.

1.პრეტენდენტმა უნდა წარმოადგინოს აღნიშნული პროფილით მუშაობის არანაკლებ ბოლო შვიდი წლის გამოცდილება.

წარმომადგენლობაზე უფლებამისილი პირი წერილობით ადასტურებს ამ ინფორმაციას და თან ურთავს 2017-2018-2019-2020-2021-2022-2023 წლის მანძილზე თითოეულ წელს მისი კონტრაქტორი სამი სხვადასხვა საბიუჯეტო ორგანიზაციის შესახებ ინფორმაციას, რომელთანაც ხელშეკრულების დადება განხორციელდა შესყიდვის ელექტრონული საშუალებით, დანართი #2-ის მიხედვით.

2. პრეტენდენტმა უნდა წარმოადგინოს არანაკლებ ორი რეკომენდაცია გაცემული იმ საბიუჯეტო დაწესებულებების მიერ, რომლებსაც პრეტენდენტი მიუთითებს დანართ N2-ში, 2023 წლის პერიოდში. რეკომენდაცია გაცემული უნდა იყოს 2023 წელს.

პრეტენდენტმა უნდა წარმოადგინოს ინფორმაცია რომ მას გააჩნია დაცვის მომსახურების განხორციელებისთვის აუცილებელი აღჭურვილობა, როგორიცა - რაციები, ხელჯოხები, სამორიგეო ავტომობილები და სხვა.

1. პრეტენდენტმა უნდა წარმოადგინოს იმ დაცვის თანამშრომელთა შესახებ ინფორმაცია რომელთაც გეგმავს წარმოადგინოს შემსყიდველის დასაცავ ობიექტზე და ეს ინფორმაცია უნდა იყოს შემდეგი:
• მინიმუმ სამ წლიანი სამუშაო გამოცდილება ე.წ. CV-ს სახით;
• 2023 წლის 01 იანვრიდან, 2023 წლის 31 დეკემბრამდე პერიოდში მათთან დადებული ხელშეკრულებები, იმის დასადასტურებლად, რომ წარმოდგენილი თანამშრომლები მუდმივად მუშაობენ პრეტენდენტ დაცვის სამსახურში, რაც თავის მხრივ ზრდის მათი დაცვის მომსახურების გაწევასთან შესაბამისობას. ხელშეკრულების წყვეტა დასაშვებია მითითებული დროის ინტერვალის არაუმეტეს 5%-ისა.

2. პირველი პუნქტით მოთხოვნილი ინფორმაცია წარმოდგენილი უნდა იყოს მინიმუმ 10 თანამშრომელზე (6 ძირითად თანამშრომელს პლუს 2 სათადარიგო თანამშრომელი, რომლებიც ჩაანაცვლებენ ძირითად თანამშრომლებს შემსყიდველის მოთხოვნის შემთხვევაში.)

1. წარმოდგენილი უნდა იქნას ბრუნვის უწყისი, ან ამონაწერი საბანკო დაწესებულებიდან, ან სხვა დოკუმენტები (ხელშეკრულებები, მიღება-ჩაბარების აქტები), რომელთა მეშვეობითაც დადასტურდება, რომ 2023 წლის 01 იანვრიდან მიმდინარე თარიღამდე პერიოდში პრეტენდენტის ფულადი სახსრების ბრუნვა დაცვის მომსახურების პროფილით შეადგენს არანაკლებ 500000 (ხუთასი ათასი) ლარს;

2.პრეტენდენტმა უნდა წარმოადგინოს ხელშეკრულება (პოლისი) დადებული სადაზღვევო კომპანიასთან, რაც ითვალისწინებს მესამე მხარისადმი, მხარე რომელსაც დამზღვევი უწევს დაცვით მომსახურებას, დამდგარი ზარალის ანაზღაურებას, წლიური ლიმიტით არანაკლებ 200 000 (ორასი ათასი) ლარი

პრეტენდენტმა უნდა წარმოადგინოს უფლებამოსილი ორგანოს მიერ გაცემული ლიცენზია დაცვითი საქმიანობის განხორციელების შესახებ.

თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა ექსპერტიზის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

ექსპერტიზის დასკვნასთან ერთად წარმოდგენილი უნდა იქნას დასკვნის გამცემი პირის და დასკვნაზე ხელმომწერი პირის საექსპერტო/აუდიტორული/საშემფასებლო საქმიანობის განხორციელების უფლების დამადასტურებელი დოკუმენტები/სერთიფიკატები, გაცემული „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის საფუძველზე უფლებამოსილი ორგანოს მიერ.

პრეტენდენტის მიერ წარმოდგენილ ექსპერტიზის დასკვნას თან უნდა ახლდეს ბაზრის კვლევისას გამოყენებული დოკუმენტაცია (მაგ., ანგარიშფაქტურა/ინვოისი, ხელშეკრულება და სხვა).

შესყიდვის ობიექტის ღირებულება ანაზღაურდება ეროვნულ ვალუტაში, უნაღდო ანგარიშსწორებით, გაწეული მომსახურების შესაბამისად მიმწოდებელის მიერ საგადასახადო დოკუმენტაციის (დღგ-ს ანგარიშ-ფაქტურა) საქართველოს კანონმდებლობით დადგენილი წესით შემსყიდველისათვის წარდგენის ან/და მიღება-ჩაბარების აქტის საფუძველზე.

ანგარიშსწორება განხორციელდება ყოველთვიურად, მიმწოდებლის მიერ საქართველოს კანონმდებლობით დადგენილი საგადასახადო დოკუმენტაციის (დღგ-ს ანგარიშ-ფაქტურა) საქართველოს კანონმდებლობით დადგენილი წესით შემსყიდველისათვის წარდგენიდან ან/და მიღება-ჩაბარების აქტის ხელმოწერიდან არაუგვიანეს 10 (ათი) სამუშაო დღისა.

ვასილ ჭიჭაღუა, 577237756, vtchitchagua@hsoj.ge

10.1 პრეტენდენტის მიერ წარმოდგენილი სატენდერო წინადადების მთლიანი ღირებულება და ერთეულის ფასი უნდა შეიცავდეს საქართველოს კანონმდებლობით გათვალისწინებულ ყველა გადასახადს და შესყიდვის ობიექტის მიწოდებასთან დაკავშირებულ ყველა ხარჯს. სატენდერო წინადადების მთლიანი ღირებულების და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
10.2 ელექტრონულ ტენდერთან დაკავშირებული ყველა დოკუმენტი ან/და ინფორმაცია, მათ შორის შემსყიდველსა და პრეტენდენტს შორის გაცვლილი კორესპონდენცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.3 სახელმწიფო შესყიდვების ერთიან ელექტრონულ სისტემაში ატვირთულ ყველა ელექტრონულ დოკუმენტზე უნდა იქნას შესრულებული კვალიფიციური ელექტრონული ხელმოწერა უფლებამოსილი პირის მიერ, ან ეს დოკუმენტები დამოწმებული უნდა იქნას კვალიფიციური ელექტრონული შტამპით. კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.4 პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 1%-ს.
10.5 პტერენდენტმა ფასების ცხრილში (ხარჯთაღრიცხვა) აუცილებლად უნდა აღწეროს შესყიდვის ობიექტის ტექნიკური პარამეტრები, ანუ მიუთითოს მინიმუმ ის ტექნიკური პარამეტრები, რაც მოთხოვნილია სატენდერო დოკუმენტაციაში.
10.6 სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;
10.7 ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
10.8 პრეტენდენტს არ აქვს უფლება წარმოადგინოს ალტერნატიული წინადადება;