Одежда для профессионального использования, спецодежда и аксессуары (Грузия - Тендер #44050000)

სპეც. ტანსაცმლის (შემდგომში - საქონელი) სახელმწიფო შესყიდვა სატენდერო დოკუმენტაციის 1.2 პუნქტის შესაბამისად.

1) ქურთუკი - 40 ცალი
გარე ფერი: რუხი;
სიმკვრივე 300 გრ 1 მ/კვ -ზე (±5 გრ);
შემცველობა: ბამბა 60% (±5%) პოლიესტერის 40% (±5%);
შეკვრა: კომბინირებული ელვა და ფხრიწით შესაკრავზე;
ქურთუკს უნდა გააჩნდეს არანაკლებ ორი გულმკერდის ჯიბე, ორი ქვედა ჯიბე გვერდიდან ჩაჭრილი;
ქურთუკს უნდა გააჩნდეს მაჯებთან მანჟეტები მარეგულირებელი ფხრიწი მომჭერით;
ქურთუკს გვერდზე უნდა გააჩნდეს ფხრიწი ან რეზინის ზონარი წელზე შემოჭერისთვის;
მკერდზე მარცხენა მხარეს დატანილი უნდა იყოს შპს “გარდაბნის თბოსადგური 2”-ის ლოგო და კომპანიის სახელწოდება.

2) ქურთუკი კაპიშონით - 40 ცალი
გარე ფერი: შავი
მასალა:
დამზადებული ორმაგი წყლისგან და ქარისგან დამცავი მასალისგან (Softshell): 94% (±2%) პოლიესტერი, 6% (±2%) ელასტინი + TPU მემბრანა.
ძირითადი სარჩული: 100% პოლიესტერი, სიმკვრივე: 120 გრ 1 მ/კვ (±5 გრ)
მეორე სარჩული: ნაქსოვი ხავერდი
მესამე სარჩული: თაფთა (Taffeta): სახელობზე 100% პოლიესტერი.
წყლისადმი მედეგობა: 8 000მმ (±5%)
ჰაერგამტარიანობა: 3 000გ/მ²/24სთ. (±5%)
ტექნიკური მახასიათებლები:
ნაკერები ზემოდან ორმაგი გადაკერებით, კაპიშონი საყელოში ჩასაკეცი ელასტიური თასმებით და ფიქსატორებით, მაღალი საყელო, ფხრიწით რეგულირებადი მანჟეტები, წელზე შემოსაჭერი რეზინის თასმ(ებ)ი და ფიქსატორ(ებ)ი.
ჯიბეები არანაკლებ: 2 ელვა შესაკრავიანი ქვედა ჯიბე, 1 ელვა შესაკრავიანი გულმკერდის ჯიბე, 1 ელვა შესაკრავიანი სახელოს ჯიბე, 1 შიდა ჯიბე.
მკერდზე მარცხენა მხარეს დატანილი უნდა იყოს შპს “გარდაბნის თბოსადგური 2”-ის ლოგო და კომპანიის სახელწოდება.
ქურთუკი უნდა შეესაბამებოდეს EN342 სტანდარტის მოთხოვნებს

3) პოლო მაისური მოკლე სახელოებით - 80 ცალი
ფერი ლურჯი - 30 ცალი, რუხი 50 ცალი
მასალა 100% ბამბა
სიმკვრივე 220 გრ 1 მ/კვ -ზე (±5 გრ)
პოლო საყელო
მკერდზე მარცხენა მხარეს დატანილი უნდა იყოს შპს “გარდაბნის თბოსადგური 2”-ის ლოგო და კომპანიის სახელწოდება.

4) შარვალი - 40 ცალი
ფერი რუხი
სიმვრივე 300 გრ 1 მ/კვ -ზე (±5 გრ);
შემცველობა: ბამბა-პოლიესტერთან: ბამბა 60% (±5%) პოლიესტერის 40% (±5%);
რეგულირებადი შარვლის ტოტებით +5 სმ (±1 სმ)
2 ზედა წინა ჯიბე (ე.წ. იტალიური ჯიბე), 2 უკანა ჯიბე, 1 ჯიბე მუხლის ზემოთ, 1 ჯიბე გვერდზე, 1 ვიწრო ჯიბე (ე.წ. სახაზავის ჯიბე).
უბე შემოკერებული სიმაგრისთვის და სამუხლეები დამატებითი გამაგრებით

5) კეპი - 40 ცალი
ფერი: ლურჯი
ქსოვილი: 100% ბამბა
თავის დაცვის მიზნით შიგნიდან გამაგრებული ABS მასალით
მეტალის სავენტილაციო ნახვრეტებით
სახის მოსაჩრდილი 7 სმ (±1სმ)
უკან რეგულირებადი შესაკრავით
უნდა შეესაბამებოდეს EN812 სტანდარტს
წინა საშუბლე ნაწილზე, დატანილი უნდა იყოს შპს “გარდაბნის თბოსადგური 2”-ის ლოგო და კომპანიის სახელწოდება."

1.4.1 მოწოდების ვადა:ხელშეკრულების გაფორმებიდან არაუგვიანეს 40 (ორმოცი) კალენდარული დღე. დაიშვება ეტაპობრივი მოწოდება.
1.4.2 ხელშეკრულების გაფორმებიდან არაუგვიანეს 7 (შვიდი) კალენდარული დღის ვადაში შემსყიდველი გადასცემს მიმწოდებელს მოსაწოდებელი საქონლის ზომებს.

1.5.1 მიწოდების ადგილი: ქ. გარდაბანი, დ. აღმაშენებლის 2ბ.
1.5.2 საქონლის მიწოდებას უზრუნველყოფს მიმწოდებელი საკუთარი ხარჯებით.

პრეტენდენტმა, მის მიერ წარმოდგენილ ფასების ცხრილში უნდა მიუთითოს ინფორმაცია შემოთავაზებული საქონლის წარმოშობის ქვეყნისა და მწარმოებლის (ან/და სასაქონლო ნიშნის) შესახებ.
შენიშვნა: პრეტენდენტის მიერ, „წინადადების მიღება დასრულებულია“ ეტაპზე, საქონლის მწარმოებლის (ან/და სასაქონლო ნიშნის) და წარმოშობის ქვეყნის შესახებ ინფორმაციის წარმოუდგენლობა ან ფასების ცხრილის წარმოუდგენლობა ან ფასების ცხრილის განუფასებლად წარდგენა გამოიწვევს სატენდერო პროცედურებიდან პრეტენდენტის დისკვალიფიკაციას დაზუსტების მექანიზმის გამოყენების გარეშე. ასევე, პრეტენდენტის მიერ დაზუსტებული სატენდერო წინადადების წარმოდგენის შემდგომ (ასეთის არსებობის შემთხვევაში) შემოთავაზებული საქონლის მწარმოებელი (ან/და სასაქონლო ნიშნის) ან/და წარმოშობის ქვეყნის ცვლილება გამოიწვევს პრეტენდენტის დისკვალიფიკაციას.

პრეტენდენტმა უნდა წარმოადგინოს შემოთავაზებულ საქონელზე (შესყიდვის ობიექტის თითოეულ პოზიციაზე) შესაბამისი მწარმოებლის მიერ გაცემული ხარისხის დამადასტურებელი დოკუმენტი, რომელშიც განსაზღვრული იქნება შემოთავაზებული საქონლის ძირითადი ტექნიკური მახასიათებლები.

3.1.1.1 პრეტენდენტი ვალდებულია შემსყიდველის წერილობითი მოთხოვნის შემდეგ სატენდერო დოკუმენტაციის 1.2 პუნქტით გათვალისწინებული შესყიდვის ობიექტის თითოეულ პოზიციაზე უზრუნველყოს შემოთავაზებული საქონლის ნიმუშის წარმოდგენა;
3.1.1.2 იმ შემთხვევაში, თუ პრეტენდენტის მიერ წარმოდგენილი ნიმუშ(ებ)ი არ დააკმაყოფილებს შემსყიდველის მოთხოვნებს, სატენდერო კომისია მოახდენს პრეტედენტის დისკვალიფიკაციას სატენდერო პროცედურებიდან.
3.1.1.3 პრეტენდენტის მიერ წარმოდგენილი ნიმუშ(ებ)ი დაზუსტებას არ ექვემდებარება.

ნიმუშის მიწოდების ადგილი: ქ. გარდაბანი, დ. აღმაშენებლის 2ბ.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება შემსყიდველის მიერ განსაზღვრულ ვადაში. დასაბუთება შესაძლებელია განხორციელდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი) ან/და შესყიდვის ობიექტის მიწოდებასთან დაკავშირებით პრეტენდენტის მიერ გაფორმებული ხელშეკრულებით ან/და ანგარიშ-ფაქტურით ან/და ინვოისით ან/და სასაქონლო ზედნადებით ან/და საბაჟო დეკლარაციით, რომელიც ადასტურებს პრეტენდენტის მიერ დაფიქსირებულ ფასად დასადები ხელშეკრულებით ნაკისრი ვალდებულებების შესრულების შესაძლებლობას (წარმოდგენილი დოკუმენტით შესაძლებელი უნდა იყოს პრეტენდენტის მიერ შემოთავაზებული საქონლის იდენტიფიცირება მწარმოებლითა (ან/და სასაქონლო ნიშნით) და წარმოშობის ქვეყნით).
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ანგარიშსწორება მიმწოდებელთან განხორციელდება ლარში, უნაღდო ანგარიშსწორების ფორმით, ფაქტიურად მიწოდებული საქონლის შესაბამისად და ხელშეკრულებით განსაზღვრული დოკუმენტების საფუძველზე.

ანგარიშსწორება განხორციელდება მიმწოდებლის მიერ ფაქტიურად მიწოდებული საქონლის შესაბამისად, ხელშეკრულებით გათვალისწინებული დოკუმენტების საფუძველზე, მათი წარმოდგენიდან არაუგვიანეს 10 სამუშაო დღის ვადაში.

ელგუჯა გოდერძიშვილი, 555559599, e.goderdzishvili@tpp.ge

10.1 დამატებითი ინფორმაცია/დოკუმენტები
10.1.1 შესყიდვის ობიექტის სავარაუდო ღირებულებაა 16 949 ლარი, დღგ-ს გარეშე;
10.1.2 შესყიდვების ერთიან ელექტრონულ სისტემაში (შემდგომში - სისტემა) წინადადების ფასი დაფიქსირებულ უნდა იყოს ეროვნულ ვალუტაში და უნდა მოიცავდეს პრეტენდენტის/მიმწოდებლის ყველა ხარჯს დაკავშირებულს საქონლის შემსყიდველისათვის მიწოდებასთან, მათ შორის, საქართველოს კანონმდებლობით გათვალისწინებულ ყველა გადასახადს, მოსაკრებელსა და სახდელს, დღგ-ს გარდა;
10.1.3 წინადადების ფასად განიხილება სისტემის მეშვეობით შესყიდვის ელექტრონული ტენდერის შესაბამის ველში დაფიქსირებული ფასი;
10.1.4 ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.5 შემსყიდველი ორგანიზაციის მიერ ხელშეკრულების ღირებულებაში გათვალისწინებული იქნება წინადადების ფასის დღგ-ს შესაბამისი ოდენობა, თუ ხელშეკრულების დადების მომენტისათვის პრეტენდენტი არის დღგ-ს გადამხდელი საქართველოს კანონმდებლობის შესაბამისად (იმ შემთხვევაში, თუ მიმწოდებელი ხელშეკრულების გაფორმების შემდგომ გახდა დღგ-ს გადამხდელი სუბიექტი, დღგ-ს თანხის დამატებით გათვალისწინება ხელშეკრულების ღირებულებაში არ განხორციელდება).

10.1.6 იმ შემთხვევაში, თუ სატენდერო დოკუმენტაციით მოთხოვნილ, ერთიან ელექტრონულ სისტემაში პრეტენდენტის მიერ წარმოდგენილ დოკუმენტში (გარდა სატენდერო დოკუმენტაციის 10.3.1 პუნქტით განსაზღვრული დოკუმენტისა, რომელიც წარმოდგენილი უნდა იქნას ლარში), განსაზღვრული იქნება უცხოური ვალუტა, სატენდერო კომისია მის შეფასებას/დადარებას სატენდერო დოკუმენტაციის მოთხოვნებთან განახორციელებს წარმოდგენილი დოკუმენტში მითითებული თარიღისათვის/დღისათვის არსებული საქართველოს ეროვნული ბანკის მიერ დადგენილი ლარის ოფიციალური გაცვლითი კურსის შესაბამისად.
10.2 ზოგადი პირობები:
10.2.1 პრეტენდენტს უფლება აქვს წარმოადგინოს მხოლოდ ერთი სატენდერო წინადადება;
10.2.2 სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა). გარდა იმ შემთხვევისა, როდესაც სატენდერო დოკუმენტაციით მოთხოვნილი ფასების ცხრილი პრეტენდენტის მიერ სისტემაში წარმოდგენილი იქნება „MS Excel“-ის ფორმატში.

შენიშვნა:
,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნტქით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე (საქართველოს მთავრობის განკარგულება №2380 20.12.2022 წ).
10.2.3 სატენდერო დოკუმენტაციით მოთხოვნილი, ერთიან ელექტრონულ სისტემაში ასატვირთი ყველა დოკუმენტი წარმოდგენილ უნდა იქნეს ქართულ ენაზე; დოკუმენტების და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი; დოკუმენტთან დაკავშირებული სადავო საკითხ(ებ)ის გადაწყვეტისას უცხოურენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.2.4 ტენდერში ამხანაგობის მონაწილეობის შემთხვევაში, პრეტენდენტი ვალდებულია იმოქმედოს სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 24-ე მუხლის მოთხოვნათა სრული დაცვით.
10.2.5 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში (დანართი №2), რომელიც ხელშეკრულების დადების მომენტისათვის შესაძლებელია დაზუსტდეს სატენდერო წინადადების შესაბამისად;
10.2.6 შემსყიდველი ორგანიზაცია ვალდებულია, კანონმდებლობით დადგენილი წესით, ერთიანი ელექტრონული სისტემის კითხვა/პასუხის მოდულის მეშვეობით, პრეტენდენტის მოთხოვნის შემთხვევაში, განახორციელოს სატენდერო განცხადებასთან და დოკუმენტაციასთან დაკავშირებით შესაბამისი დაზუსტება/განმარტება;
10.2.7 შემსყიდველ ორგანიზაციასა და პრეტენდენტს შორის ნებისმიერი მიმოწერა/შეტყობინების გაგზავნა ხდება სისტემის შესაბამისი მოდულის მეშვეობით და სისტემის გამოყენების გარეშე მიმოწერა/შეტყობინება სავალდებულო არ არის. მიმოწერა/შეტყობინება მიღებულად ჩაითვლება მისი სისტემაში ატვირთვის მომენტიდან.
10.2.8 ტენდერში მონაწილეობის მიღებით, პრეტენდენტი ადასტურებს მის თანხმობას ამ სატენდერო დოკუმენტაციაში მოცემული პირობების შესრულებაზე, იმის მიუხედავად, შეიცავს თუ არა მისი სატენდერო წინადადება ასეთ თანხმობას/დადასტურებას. ამის საწინააღმდეგო ნებისმიერი დათქმა თუ ჩანაწერი პრეტენდენტის სატენდერო წინადადებაში ბათილია.
10.2.9 სატენდერო დოკუმენტაციით გათვალისწინებული საქონლის ტექნიკური პარამეტრები წარმოადგენს შემსყიდველის მიერ დადგენილ მინიმალურ მოთხოვნებს და პრეტენდენტს უფლება აქვს შემსყიდველს შეთავაზოს უკეთესი/გაუმჯობესებული პარამეტრების მქონე საქონელი, მაგრამ აღნიშნული ქმედება არ წარმოადგენს პრეტენდენტის უპირატესობას.

10.3 პრეტენდენტის მიერ სისტემაში ასატვირთი ტექნიკური დოკუმენტაცია/ინფორმაცია
10.3.1 ფასების ცხრილი, დანართი №1-ის შესაბამისად (პუნქტი 1.3);
შენიშვნა: პრეტენდენტის მიერ, „წინადადების მიღება დასრულებულია“ ეტაპზე ფასების ცხრილის წარმოუდგენლობა ან ფასების ცხრილის განუფასებლად წარდგენა გამოიწვევს სატენდერო პროცედურებიდან პრეტენდენტის დისკვალიფიკაციას დაზუსტების მექანიზმის გამოყენების გარეშე.
10.3.2 შემოთავაზებულ საქონელზე (შესყიდვის ობიექტის თითოეულ პოზიციაზე) შესაბამისი მწარმოებლის მიერ გაცემული ხარისხის დამადასტურებელი დოკუმენტი, რომელშიც განსაზღვრული იქნება შემოთავაზებული საქონლის ძირითადი ტექნიკური მახასიათებლები.