Одежда для профессионального использования, спецодежда и аксессуары (Грузия - Тендер #72536648)

სსიპ საზღვაო ტრანსპორტის სააგენტოს თანამშრომლებისათვის უნიფორმის სახელმწიფო შესყიდვა.

1.2.1 მოწოდებული საქონელი უნდა იყოს ახალი, უნაკლო და სრულად უნდა პასუხობდეს ტექნიკური დავალებით და ესკიზებით გათვალისწინებულ მოთხოვნებს.
1.2.2 მიმწოდებელი ვალდებულია უზრუნველყოს საქონლის ისეთი ტრანსპორტირება, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში.
1.2.3 შესყიდვის ობიექტის დასახელებები და რაოდენობები მოცემულია დანართ N1-ში და დანართ N4-ში (ფასების ცხრილი).
1.2.4 შესყიდვის ობიექტის ტექნიკურ დავალება, ჩამონათვალი და ნიმუშები ატვირთულია სატენდერო დოკუმენტაციის 1.2 პუნქტში (იხილეთ დანართი N2 და დანართი N3).
1.2.5 PDF ფაილის სახით წარმოდგენილია სსიპ საზღვაო ტრანსპორტის სააგენტოს გერბი.
1.2.6 არაზუსტი ზომების შემთხვევაში, შესყიდვის ობიექტი დაუბრუნდება მიმწოდებელს გასასწორებლად. აღნიშნული ხარვეზი მიმწოდებელმა უნდა აღმოფხვრას შემსყიდველის მიერ საქონლის დაბრუნებიდან 5 (ხუთი) სამუშაო დღის ვადაში.
1.2.7 მოწოდებული შესყიდვის ობიექტის ჩაბარება და შესაბამისი მიღება-ჩაბარების აქტის გაფორმება მოხდება მხოლოდ ხელშეკრულებით გათვალისწინებული შესყიდვის ობიექტის სრულად მოწოდების შემდეგ.
1.2.8 ხელშეკრულების გაფორმების შემდეგ, საქონლის მიწოდებისას, თუ შემსყიდველის მხრიდან კონტროლის განმახორციელებელი პირი ვიზუალური დათვალიერების შედეგად ჩათვლის, რომ შესყიდვის ობიექტი განსხვავდება ტექნიკური აღწერილობისგან ან/და ხელშეკრულების გაფორმებამდე წარმოდგენილი ნიმუშისგან, შემსყიდველი უფლებამოსილია მიმწოდებელს მოსთხოვოს, მოთხოვნიდან (მოთხოვნა შესაძლებელია განხორციელდეს ელ.ფოსტის ან ოფიციალური წერილის მეშვეობით) 20 (ოცი) სამუშაო დღის განმავლობაში წარმოადგინოს ექსპერტიზის დასკვნა საქონლის ტექნიკურ მოთხოვნებთან შესაბამისობის დადგენის მიზნით. მიმწოდებელმა საკუთარი ხარჯით უნდა წარმოადგინოს სსიპ „ლევან სამხარაულის სახელობის სასამართლო ექსპერტიზის ეროვნული ბიუროს“, SGS, INTERTEK ან სხვა აკრედიტირებული პირის (ასეთ შემთხვევაში, დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი) მიერ გაცემული დასკვნა.
1.2.9 შემსყიდველის მოთხოვნის შესაბამისად, შესყიდვის ობიექტს უნდა გააჩნდეს იარლიყი სადაც დაფიქსირდება გამოყენებული ქსოვილის შემადგენლობა, მწარმოებელი კომპანია და მოხმარების წესები. ასევე უნდა ჰქონდეს ზომის აღმნიშვნელი. უნდა იყოს ინდივიდუალურად შეფუთული.
1.2.10 იმის გათვალისწინებით, რომ შესაძლებელია შესყიდვის ობიექტის ნიმუშებზე ზუსტად არ იყოს შესაძლებელი რომელიმე შემადგენელი დეტალის, ფერის, ტონალობის და თარგის აღქმა, პრეტენდენტი ვალდებულია საქონლის თარგი და ფერი ნიმუშის წარმოდგენის ეტაპზე შეათანხმოს შემსყიდველთან და შეიკეროს შემსყიდველის მოთხოვნის შესაბამისად.

1.4.1 საქონლის მიწოდება უნდა განხორციელდეს ხელშეკრულების გაფორმებიდან 25 კალენდარული დღის განმავლობაში.

1.5.1. მისაწოდებელი საქონელი უნდა აკმაყოფილებდეს სატენდერო დოკუმენტაციის 1.2 პუნქტით განსაზღვრულ ტექნიკურ პარამეტრებს;
1.5.2. საქონლის მიწოდება უნდა განხორციელდეს მიმწოდებლის ხარჯით, ერთჯერადად, შემსყიდველის შემდეგ მისამართზე: ქ. ბათუმი, ბაქოს ქუჩა N50 (მიმწოდებელი საკუთარი ხარჯებით უზრუნველყოფს მიწოდებული საქონლის გადმოტვირთვას და სსიპ საზღვაო ტრანსპორტის სააგენტოს მხრიდან, მიღება-ჩაბარებაზე უფლებამოსილი პირის მიერ მითითებულ ადგილას დასაწყობებას). საქონლის მიწოდება უნდა განხორციელდეს სამუშაო საათებში (ორშაბათიდან პარასკევის ჩათვლით, 09:00 - 18:00 სთ. ოფიციალური უქმე დღეების გარდა). თუ საქონლის მიწოდება დაემთხვა არასამუშაო დღეს, მიმწოდებელმა საქონლის მიწოდება უნდა უზრუნველყოს მომდევნო სამუშაო დღეს.
1.5.3. მიმწოდებელი ვალდებულია გადასცეს შემსყიდველს უფლებრივად და ნივთობრივად უნაკლო საქონელი.
1.5.4. შემსყიდველი უფლებამოსილია მოახდინოს საქონლის ინსპექტირება და მისი სატენდერო დოკუმენტაციის მოთხოვნებთან შეუსაბამობის შემთხვევაში უარი თქვას მის მიღებაზე.
1.5.5. მიმწოდებელმა საქონლის მიწოდებისას უნდა წარმოადგინოს სასაქონლო ზედნადები, რომელშიც საქონლის დასახელება უნდა ემთხვეოდეს ხელშეკრულებაში მითითებულ საქონლის დასახელებას.

1.7.1.1.ფასების ცხრილში მითითებულ საქონელზე მისი ექსპლოატაციის ნორმების დაცვის შემთხვევაში უნდა ვრცელდებოდეს გარანტია მიღება-ჩაბარების აქტის გაფორმებიდან არანაკლებ 1 (ერთი) წელი.
1.7.1.2. საგარანტიო პერიოდის განმავლობაში, წუნის/დეფექტის გამოვლენის შემთხვევაში, მიმწოდებელი ვალდებულია შემსყიდველის შეტყობინებიდან 5 (ხუთი) კალენდარული დღის ვადაში საკუთარი ხარჯით უზრუნველყოს დეფექტის აღმოფხვრა ან/და საქონლის შეცვლა ახალი ექსპლოატაციაში არ მყოფი ანალოგიური პარამეტრების მქონე საქონლით.
1.7.1.3. საქონლის წუნში/დეფექტში იგულისხმება უფლებრივი ან/და ნივთობრივი ნაკლი, ქარხნული წუნი, ნორმალური ექსპლოატაციის ან/და შენახვის პირობებში ხელშეკრულებით განსაზღვრული მახასიათებლების ან სხვა საექსპლოატაციო თვისებების დაკარგვა და ა.შ.
1.7.1.4. ნაკლის ან/და დეფექტის გამოვლენის გამო შესყიდვის ობიექტის შეცვლის შემთხვევაში საქონლის ტრანსპორტირება უნდა უზრუნველყოს მიმწოდებელმა.
1.7.1.5 საგარანტიო ვადის მითითება უნდა მოხდეს ფასების ცხრილში.

2.1.1.1 პრეტენდენტი ვალდებულია ფასების ცხრილში (დანართი N1) მიუთითოს შესყიდვის ობიექტის მწარმოებელი ქვეყანა და მწარმოებელი.
2.1.1.2 პრეტენდენტის მიერ, ფასების ცხრილის ერთ კონკრეტულ პოზიციაზე, ერთზე მეტი მწარმოებლის მითითება დაზუსტებას არ დაექვემდებარება და გამოიწვევს მის დისკვალიფიკაციას.
2.1.1.3 პრეტენდენტის მიერ 2.1.1.1 პუნქტით გათვალისწინებული ინფორმაციის წარმოუდგენლობა დაზუსტებას არ დაექვემდებარება და გამოიწვევს მის დისკვალიფიკაციას.

2.2.1.1. ტენდერში მონაწილე პრეტენდენტს 2023 წლის 01 იანვრიდან მიმდინარე ელექტრონული ტენდერის ,,წინადადების მიღება დასრულებულია’’-ს დღემდე, უნდა გააჩნდეს ტენდერის სავარაუდო ღირებულების 100% -ის, 36 698 (ოცდათექვსმეტი ათას ექვსას ოთხმოცდათვრამეტი) ლარის ტანსაცმლის მიწოდების გამოცდილება.
2.2.1.2 პრეტენდენტმა უნდა წარმოადგინოს ტანსაცმლის მიწოდების დამადასტურებელი დოკუმენტების ასლები (ხელშეკრულების ასლები ხარჯთაღრიცხვით, მიღება-ჩაბარების აქტების ასლები). იმ შემთხვევაში თუ პრეტენდენტი გამოცდილების სახით წარმოადგენს არასახელმწიფო შესყიდვის ხელშეკრულებებსა და მათი შესრულების დოკუმენტაციას, პრეტენდენტი ვალდებულია დამატებით წარმოადგინოს აღნიშნულ საქონელზე დადასტურებული საგადასახადო ანგარიშ-ფაქტურების ქსეროასლები.
2.2.1.3 იმ შემთხვევაში თუ პრეტენდენტის მიერ შესაბამისი მომსახურების დამადასტურებელი დოკუმენტაცია განთავსებულია შესყიდვების ერთიან ელექტრონულ სისტემაში (https://tenders.procurement.gov.ge/) მაშინ პრეტენდენტის მიერ შესაძლებელია წარმოდგენილი იქნას შესაბამისი SPA, NAT და/ან CMR ნომრები (ამ შემთხევაში დოკუმენტების წარმოდგენა სავალდებულო არ არის).

შესაბამის სფეროში გამოცდილების არ ქონა გამოიწვევს პრეტენდენტის დისკვალიფიკაციას.

3.1.1.1 სატენდერო პირობების 1.2 პუნქტში ატვირთულ ნიმუშებთან შესაბამისობის დადასტურების მიზნით, პრეტენდენტი ვალდებულია უზრუნველყოს, ფასების ცხრილით განსაზღვრულ თითოეულ პოზიციაზე თითო ნიმუშის შემსყიდველ ორგანიზაციაში წარმოდგენა. წარმოდგენილი ნიმუშები სრულად უნდა შეესაბამებოდეს სატენდერო პირობების 1.2 პუნქტში ატვირთულ ნიმუშებს. ნიმუშები უნდა იყოს უნაკლო.
3.1.1.2 პრეტენდენტის მიერ წარდგენილი შესყიდვის ობიექტის ნიმუშები დაზუსტებას არ ექვემდებარება.
3.1.1.3 წარმოდგენილი ნიმუშები პრეტენდენტს დაუბრუნდება გონივრულ ვადაში.

3.1.3.1 ნიმუშის მიწოდება უნდა განხორციელდეს სამუშაო საათებში (ორშაბათიდან პარასკევის ჩათვლით, 09:00 - 18:00 სთ. ოფიციალური უქმე დღეების გარდა). თუ ნიმუშის მიწოდება დაემთხვა არასამუშაო დღეს, მიმწოდებელმა საქონლის მიწოდება უნდა უზრუნველყოს მომდევნო სამუშაო დღეს.

3.1.3.2 ნიმუშის მიწოდება შემსყიდველისათვის უნდა განხორციელდეს შემდეგ მისამართზე: ქ. ბათუმი, ბაქოს ქუჩა N50.

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას სსიპ "ლევან სამხარაულის ექსპერტიზის ეროვნული ბიუროს" ან/და სხვა აკრედიტირებული პირის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთული, საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული მომსახურების გაწევის შესაძლებლობა.


ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

7.2.1 სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
7.2.2 ანგარიშსწორება მოხდება უნაღდო ანგარიშსწორებით ეროვნულ ვალუტაში - ლარში.
7.2.3 დაფინანსების წყარო: სსიპ საზღვაო ტრანსპორტის სააგენტოს 2026 წლის სახსრები.
7.2.4 ანგარიშსწორება განხორციელდება ფაქტობრივად მოწოდებული საქონლის ღირებულების შესაბამისად, მიღება–ჩაბარების აქტის გაფორმებისა და ინსპექტირების დადებითი დასკვნის შედგენის საფუძველზე, სასაქონლო ზედნადებისა და საგადასახადო ანგარიშ–ფაქტურის (ანგარიშსწორების მომენტში დღგ-ს გადამხდელის შემთხვევაში) მიმწოდებლის მიერ შემსყიდველისთვის წარდგენის შემდეგ.

შენიშვნა:

იმ შემთხვევაში თუ მიმწოდებლის მიერ წარმოდგენილ სასაქონლო ზედნადებში მითითებული საქონლის დასახელება არ ემთხვევა ხელშეკრულებაში მითითებულ საქონლის დასახელებას, შემსყიდველი უფლებამოსილია არ აუნაზღაუროს მიმწოდებელს მიწოდებული საქონლის ღირებულება.

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო ყველა დოკუმენტაციის წარმოდგენიდან 10 (ათი) სამუშაო დღის ვადაში.

სალომე ჩხარტიშვილი, 597531818, s.chkhartishvili@mta.gov.ge

10.1.1 სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
10.1.2 ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
10.1.3 სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
10.1.4 პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.5 პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (გარდა Excel-ის ფორმატის ფასების ცხრილისა) დაამოწმოს/დაადასტუროს კვალიფიციური ხელმოწერით/კვალიფიციური შტამპით.