Компьютерное оборудование и принадлежности (Грузия - Тендер #72499791)

სსიპ ივანე ჯავახიშვილის სახელობის თბილისის სახელმწიფო უნივერსიტეტის მიერ სსიპ შოთა რუსთაველის სახელობის საქართველოს ეროვნული სამეცნიერო ფონდის საგრანტო პროექტის N FR-22-8273 (ხელმძღვანელი: ნანა შათაშვილი) დაფინანსების ფარგლებში პერსონალური კომპიუტერის სახელმწიფო შესყიდვა

მინიმალური ტექნიკური მახასიათებლები ან "მსგავსი", "ეკვივალენტური".

1. პერსონალური კომპიუტერი - 1 ცალი
პროცესორი: არანაკლებ 24 ბირთვი, 24 ნაკადი, მაღალი წარმადობის ბირთვების საბაზო სიხშირე 3.7 გჰც; მაქსიმალური სიხშირე არანაკლებ 5.7 გჰც, მაღალი წარმადობის ბირთვების მაქსიმალური ტურბო სიხშირე არანაკლებ 5.5გჰც, ქეში 36 მბ; მთლიანი L2 ქეშ მეხსიერება არანაკლებ 40მბ; ინტეგრირებული გრაფიკით;
პროცესორის გაგრილება: შემოთავაზებულ პროცესორთან თავსებადი; ქულერის ზომა: არანაკლებ 120მმ; ქულერის სიჩქარე არანაკლებ: 2300RPM±10%; ქულერის ტიპი: Liquid Cooler ან მსგავსი; ხმაურის დონე: არაუმეტეს 36dBA±10%; ქულერების რაოდენობა: არანაკლებ 2.
დედადაფა: პროცესორის შესაბამისი სოკეტით; UDIMM სლოტი არანაკლებ 2 ცალი DDR5; PCI-E 16x PCIe 5.0 არანაკლებ 1 ცალი, PCI-E 16x PCIe 4.0 არანაკლებ 1 ცალი, M.2 სლოტი PCIe NVMe Gen4 დისკისთვის 2 ცალი ან მეტი; 4 x SATA 6Gb/s არანაკლებ 4 ცალი; არანაკლებ 1x HDMI, 1x Displayport, ინტეგრირებული TPM მოდული. პორტები: USB პორტი უკან: 3x USB 3.2 Type-A, 3x USB 2.0 Type-A; 1 x RJ-45 port;
ოპერატიული მეხსიერება: არანაკლებ 32GB (1 მოდულით); ტიპი - DDR5-6400 MHz ან მეტი.
მყარი დისკი SSD: M.2 სლოტი PCIe 5.0 NVMe ტიპის, 1 TB, წაკითხვა/ჩაწერა არანაკლებ: 11,000/9,500Mb/s;
კვების ბლოკი: არანაკლებ 850W, (80+ PLUS Gold)
ქეისის ტიპი: Mid Tower, ქეისის წინა პანელზე: USB პორტი: 1 x USB 3.0, 1 x USB 2.0; არანაკლებ HD Audio; გაგრილება: არანაკლებ Front 3 X 120mm, Rear 1x 120mm.
მონიტორი: ეკრანის ზომა: არანაკლებ 27 ინჩი; პანელის ტიპი: არანაკლებ IPS; Anti-glare, FHD (1920 x 1080), განახლების სიხშირე: არანაკლებ 100 Hz, კონტრასტულობა: 1300:1, პორტები და კავშირი:
არანაკლებ 1 x HDMI 1.4, 1 x DisplayPort 1.2, HDCP მხარდაჭერა, აუდიო: ინტეგრირებული დინამიკები (2 x 2W); სიმაღლის რეგულირება (Height adjust): 100 მმ; დახრის კუთხე (Tilt): -5°-დან +20°-მდე, მობრუნება (Swivel): ±30°.
სისტემურ ბლოკს უნდა მოყვებოდეს უკაბელო კლავიატურა და მაუსი.
ოპერაციული სისტემა: არანაკლებ Microsoft Windows 11 Pro, 64-Bit, English, საოფისე პროგრამების პაკეტი Microsoft Office Home 2024 - Word, Excel, PowerPoint, OneNote - პერმანენტული ლიცენზია.
გარანტია არანაკლებ 1 წელი.

_______________________________________________________________
* შენიშვნა:
სატენდერო დოკუმენტაციაში, შესყიდვის ობიექტის აღწერილობაში, თუ იკითხება სასაქონლო ნიშანი, პატენტი, მოდელი, წარმოშობის წყარო ან მწარმოებელი, იგულისხმება „მსგავსი”, „ეკვივალენტური”.
* პრეტენდენტმა სატენდერო დოკუმენტაციის 1.3. პუნქტის „ფასების ცხრილი - დანართი 1“-ს „შესყიდვის ობიექტის აღწერილობა“-ის გრაფაში უნდა მიუთითოს შესყიდვის ობიექტის ზუსტი ტექნიკური მახასიათებლები („არანაკლებ“, „არაუმეტეს“, და სხვ. გარეშე)
* შემოთავაზებული საქონელი უნდა იყოს ახალი და არ უნდა იყოს ნამყოფი ექსპლუატაციაში. ზემოხსენებული პარამეტრები წარმოადგენს მინიმალურ მოთხოვნას, რაც შესაძლებლობას აძლევს პრეტენდენტებს, რომ შემსყიდველ ორგანიზაციას მითითებულზე უკეთესი მახასიათებლების პროდუქტი შესთავაზოს.

1.4.1. შესყიდვის ობიექტის მიწოდება უნდა განხორციელდეს ხელშეკრულების გაფორმების დღიდან 10 (ათი) სამუშაო დღის განმავლობაში.

1.5.1. საქონლის მიწოდების ადგილია სსიპ ივანე ჯავახიშვილის სახელობის თბილისის სახელმწიფო უნივერსიტეტი, მისამართი: ქ. თბილისი, ილია ჭავჭავაძის გამზ. N1 (თსუ საწყობი).
1.5.2. მიმწოდებელმა უნდა უზრუნველყოს შესყიდვის ობიექტის მიწოდება საკუთარი ხარჯებით (ტრანსპორტირების ჩათვლით).

1.7.1. მიმწოდებელი იძლევა მიწოდებული შესყიდვის ობიექტის საინფორმაციო ტექნოლოგიების სფეროში საერთაშორისოდ აღიარებულ სტანდარტებთან შესაბამისობის გარანტიას. შესყიდვის ობიექტი იქნება ახალი, არა მეორადი და უფლებრივად და ნივთობრივად უნაკლო, შესაფერისი იმ მიზნებისათვის, რომლისთვისაც ის არის გათვალისწინებული.
1.7.2. შესყიდვის ობიექტის სრულფასოვანი ფუნქციონირების საგარანტიო ვადა განისაზღვრება მიღება-ჩაბარების აქტის გაფორმებიდან ფასების ცხრილით (დანართი 1) განსაზღვრული ვადით.
1.7.3. მიმწოდებელი ვალდებულია უზრუნველყოს საქონლის ისეთი შეფუთვა, რომელიც დაიცავს მას დაზიანების ან გაფუჭებისაგან დანიშნულების ადგილამდე ტრანსპორტირების პროცესში.
1.7.4. თსუ-ს მიერ საქონლის ინსპექტირების პროცესში წუნის აღმოჩენის შემთხვევაში, მიმწოდებელი ვალდებულია, განახორციელოს წუნდებული საქონლის ახლით შეცვლა შემსყიდველის მიმართვიდან არაუგვიანეს 30 (ოცდაათი) კალენდარული დღის ვადაში.
1.7.5. საგარანტიო პერიოდში ექსპლუატაციის პროცესში, სწორი ექსპლუატაციის პირობებში და მექანიკური დაზიანების გარდა, წარმოქმნილი ხარვეზების არსებობის შემთვევაში, შემსყიდველი წერილობით ან/და ელექტრონული ფორმით აცნობებს მომსახურების გაწევის საჭიროების შესახებ „მიმწოდებელს“. „მიმწოდებელი“ მისი წარმომადგენლის მიერ, საკუთარი ხარჯებით (ტრანსპორტირების ჩათვლით) შეტყობინებიდან არაუგვიანეს მეორე სამუშაო დღისა ახდენს რეაგირებას და სამი სამუშაო დღის ვადაში დგება დეფექტური აქტი, რომელიც მოიცავს შესასრულებელ სამუშაოებს და მათ ხანგრძლივობას. მომსახურება განხორციელდება არაუმეტეს 30 (ოცდაათი) კალენდარული დღის ვადაში თუ ასეთი პროდუქციისათვის საჭირო მასალები მიმწოდებელს აქვს ადგილზე (საწყობში), წინააღმდეგ შემთხვევაში დეფექტური აქტით განსაზღვრულ გონივრულ ვადაში მაგრამ არაუმეტეს მწარმოებლის მიერ გაცემული პირობების შესაბამისად.
ნივთის შეცვლა ხორციელდება შემდეგ შემთხვევებში:
ა) საქონლის მიღებიდან 3 დღის განმავლობაში აღმოაჩნდებათ ქარხნული დეფექტი;
ბ) თუ ვერ მოხერხდა ნივთის შეკეთება მიმწოდებლის მიერ, მათ შორის შეკეთებიდან 1 თვეში გამოვლინდა იგივე
დეფექტი ან საგარანტიო ვადის განმავლობაში ქარხნული დეფექტი გამოვლინდა 3 ჯერ;
გ) ნივთის შეცვლა ხდება იგივე ან მეტი (განსხვავების დაფარვით) მახასიათებლების და ღირებულების მოწყობილობით,
ღირებულება აითვლება შეცვლის მომენტში შესაცვლელი მოწყობილობის ფასით.
1.7.6. საგარანტიო პერიოდში ინსპექტირება ხორციელდება ხელშეკრულების შესრულების ნებისმიერ ეტაპზე, საქონლის მიღებისას, აგრეთვე მიღების შემდეგ, მათ შორის, ხელშეკრულების მოქმედების ვადის გასვლის შემდეგ, ხელშეკრულებიდან გამომდინარე ვალდებულებების არსებობის პერიოდში. აქტითგანსაზღვრულგონივრულვადაში, მაგრამ არაუმეტეს 30 (ოცდაათი) კალენდარული დღისა.

პრეტენდენტმა, ფასების ცხრილი (დანართი N1)-ს სახით უნდა წარმოადგინოს ინფორმაცია, მწარმოებელის და მოდელის შესახებ.

შენიშვნა:
1. მწარმოებელი - მწარმოებელი კომპანია ან/და ფირმა ან/და ბრენდი;
2. მოდელი - შემოთავაზებული შესყიდვის ობიექტის მოდელი ან/და სერიული ნომერი ან/და PartNumber ან/და მაიდენტიფიცირებელი ნიშანი, რომლითაც მოხდება პროდუქტის ტექნიკური პარამეტრების იდენტიფიცირება სატენდერო პირობებთან შესაბამისობის დადგენის მიზნით.

მწარმოებელის და მოდელის შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე.

აუცილებელი მოთხოვნა:
შესყიდვის ობიექტის მახასიათებლების სატენდერო დოკუმენტაციასთან შესაბამისობის დადგენის მიზნით, წარმოდგენილი მოდელი ან/და სერიული ნომერი ან/და PartNumber-ან/და მაიდენტიფიცირებელი ნიშნის მიხედვით შემოთავაზებული ტექნიკა და მისი ტექნიკური მახასიათებლები უნდა იძებნებოდეს ინტერნეტ წყაროების საშუალებით. წინააღმდეგ შემთხვევაში, პრეტენდენტმა უნდა წარმოადგინოს მწარმოებლის ან/და მწარმოებლის რეგიონული ოფისის მიერ გაცემული ინფორმაცია ტექნიკური მახასიათებლების შესახებ, (მწარმოებლის წერილი ან/და დასკანერებული ტექნიკური პასპორტი ან/და data sheet).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან შემფასებლის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.

დასკვნა/ანგარიშის მომზადებაში მონაწილე და ხელმოწერ პირ(ებ)ს უნდა გააჩნდეს „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის შესაბამისად, საშემფასებლო მომსახურების გაწევის უფლება და დასკვნასთან ერთად წარმოდგენილ უნდა იქნეს მატერიალური მოძრავი ქონების შემფასებლის, მოქმედი სერტიფიკატ(ებ)ი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

7.2.1. „მიმწოდებელთან“ ანგარიშსწორება განხორციელდება უნაღდო ანგარიშსწორების ფორმით ეროვნულ ვალუტაში.
7.2.2. ფაქტობრივად მოწოდებულ საქონელზე ანგარიშსწორება განხორციელდება, ერთჯერადად ,,შემსყიდველსა’’ და ,,მიმწოდებელს’’ შორის საქონლის მიწოდების შემდეგ მიღება-ჩაბარების აქტისა და წარმოდგენილი ანგარიშფაქტურის/სასაქონლო ზედნადების, ინსპექტირების დადებითი დასკვნის საფუძველზე.

ანგარიშსწორება მიმწოდებელთან განხორციელდება ფაქტიურად მიწოდებული საქონლის შესაბამისად, მიღება-ჩაბარების აქტის გაფორმებიდან 10 (ათი) სამუშაო დღის განმავლობაში.

ლევან იობაშვილი, 593728648, levan.iobashvili@tsu.ge

10.1.1. სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე პრეტენდენტი ვალდებულია შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი პირი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე.
10.1.2. პრეტენდენტი უფლებამოსილია სატენდერო დოკუმენტაციის კითხვარის 1.3 პუნქტით გათვალისწინებული ფასების ცხრილი N1 დანართი წარმოადგინოს, როგორც Excel-ის ფორმატის ცხრილით, ან PDF ფორმატის ცხრილის სახით. დოკუმენტის მხოლოდ PDF ფორმატის ცხრილის სახით წარმოდგენის შემთხვევაში, პრეტენდენტმა, ფასების ცხრილი N1 დანართი უნდა დააზუსტოს Excel-ის ფორმატის ცხრილის სახით ,,სახელმწიფო შესყიდვების ერთიან ელექტრონულ სისტემაში ფასების ცხრილის/ხარჯთაღრიცხვის Excel-ის ფორმატის სახით განთავსებასთან დაკავშირებით’’, სახელმწიფო შესყიდვების სააგენტოს რეკომენდაციების მოთხოვნათა დაცვით. Excel-ის ცხრილის სახით წარმოდგენილი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს);
10.1.3. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.