Столовые и общественное питание (Грузия - Тендер #72138670)

კვებითი მომსახურების შესყიდვა

სსიპ ილიას სახელმწიფო უნივერსიტეტის სტეფანწმინდის „სამეცნიერო კვლევითი ბაზის“ (მის: სტეფანწმინდის ქ.N 14) საჭიროებებისთვის კვების მომსახურების შესყიდვა.

მომსახურების აღწერა (ტექნიკური დავალება), შესყიდვის ობიექტის რაოდენობა/მოცულობა

1. კერძების, ულუფების მასის და რაოდენობების შესახებ დეტალური ინფორმაცია იხილეთ დანართში - გასაწევი მომსახურები ფასების ცხრილი (პრეისკურანტი).
2. ერთი პერსონისთვის განკუთვნილია ერთი ერთეული საუზმე, სადილი, ვახშამი, ყავის შესვენება და ლანჩ-ბოქსი. ერთი დღე კვებით მომსახურება გულისხმობს არანაკლებ 10 (ათი) და არაუმეტეს 45 (ორმოცდახუთი) პერსონის მომსახურებას.
3. მითითებული ჩაი, ყავა და კერძები უნდა იყოს ცხელი, ხოლო სალათები და გამაგრილებელი სასმელები უნდა იყოს შესაბამის ტემპერატურაზე გაგრილებული.
4. თითოეული ულუფის მასა/მოცულობა, არ უნდა იყოს ნაკლები გასაწევი მომსახურები ფასების ცხრილი (პრეისკურანტი) მითითებული მონაცემებისა.
5. კვების მომსახურების მიწოდება ასევე მოიცავს დამხმარე პროდუქტებს, როგორებიცაა: მარილი, პილპილი, საწებელი და სხვა.
6. საკვების საგემოვნო თვისებები, კვებითი ღირებულება და ვიზუალური მხარე უნდა შეესაბამებოდეს ამ სფეროში არსებულ სტანდარტებსა და ნორმებს.
7. საკვები პროდუქტები/კერძები უნდა იყოს ახალი და საფრთხეს არ უნდა უქმნიდეს ადამიანის ჯანმრთელობას.
8. დაუშვებელია წინა დღეს მომზადებული, ვადაგასული და შესაბამისად გემოდაკარგული, საკვებად გამოუსადეგარი პროდუქტების/საკვების მიწოდება.
9. დაუშვებელია მიწოდებული, დარჩენილი საკვების მიმწოდებლის მიერ უკან წაღება, ან მისი თანამშრომლების მიერ მიწოდებული პროდუქტის მოხმარება.
10. მიმწოდებელი ვალდებულია დაალაგოს მიწოდების ადგილი.
11. მაგიდის სერვირება უნდა მოხდეს ,,ქეითერინგზე” მიღებული სტანდარტების შესაბამისად. საკვების მიწოდებასთან ერთად შემსყიდველი მიმწოდებელს უზრუნველყოს შესაბამისი ინვენტარით: ჭურჭლით, ხელსახოცებით, მაგიდის გადასაფარებლებით და სხვა.. დაუშვებელია გატეხილი, გაბზარული ჭურჭლის ან სხვა მიზეზით არასათანადო ვიზუალურ და ჰიგიენურ მდგომარეობაში მყოფი ჭურჭლის გამოყენება.
12. მიწოდება უნდა განხორციელდეს მიმწოდებლის მიერ, მისივე ხარჯებით (ტრანსპორტირება, შენობის შესაბამის სართულზე ატანა და სხვა), დღის მანძილზე თითოეულ ჯერზე (საუზმე, სადილი, ვახშამი, ყავის შესვენება, ლანჩბოქსი) ცალკ-ცალკე, რათა საკვების მომზადებიდან, მის მოხმარებამდე არ გავიდეს 2 საათზე მეტი დრო.
13. მიმწოდებლის თანამშრომლები უნდა იყვნენ მოწესრიგებული, უნდა ეცვათ შესაბამისი უნიფორმა და უნდა იყვნენ თავაზიანი და საჭიროების შემთხვევაში დაინტერესებულ პირებს მიაწოდონ ინფორმაცია საკვების ინგრედიენტების, კერძების სახეობების (ვეგეტერიანული, სამარხვო და ა.შ.) შესახებ.
14. მიმწოდებლის თანამშრომლებმა, დროულად უნდა აალაგონ და დაასუფთაონ გამოყენებული ჭურჭლი, გაიტანონ საკვების ნარჩენები, ხელსახოცები თუ სხვა ნივთები მომსახურების გაწევის ადგილიდან.
15. მიმწოდებელმა უნდა უზრუნველყოს სუფრის ალაგების შემდგომ ნარჩენების ჩალაგება და გატანა.
16. დაუშვებელია შეუძლოდ მყოფი (როგორიცაა ვირუსული ინფექცია, გაციება და სხვა) მიმტანისა თუ სხვა მომსახურების გამწევი პირის ყოფნა მიწოდების ადგილზე.
17. მომსახურება მიწოდებული უნდა იქნეს დროულად, დღის წესრიგით გათვალისწინებულ დროს, რომლის შესახებაც მიმწოდებელს ეცნობება წინასწარ (გადაეგზავნება დღის წესრიგი). ინფორმაციას კონკრეტული ღონისძიების ჩატარების თარიღების, მონაწილეთა რაოდენობის და მენიუების შესახებ შემსყიდველი 3 დღით ადრე აცნობებს მიმწოდებელს.
18. საკვები და ჭურჭელი მიწოდებლი უნდა იქნეს შესაბამისი კონტეინერებით და ამ სფეროში მიღებული სხვა ფორმით. დაუშვებელია პოლიეთილენის პარკებით, მუყაოს ყუთებითა და სხვა არასათანადო საშუალებებით მიწოდება.
19. მომსახურება ხორციელდება სამუშაო დღეებში, შაბათ-კვირას და უქმე დღეებში.
20. ყველა კერძი უნდა იყოს ახლად მომზადებული, მენიუს შესაბამისად. შესაბამისი ტემპერატურის, ლამაზად გაფორმებული/პრეზენტირებული და ყველა კერძის რაოდენობა უნდა შეესაბამებოდეს პერსონათა რაოდენობას.
21. ტრანსპორტირება, ღონისძიების ადგილამდე, უნდა განხორციელდეს ჰიგიენური ნორმების გათვალისწინებით შესაბამისი სატრანსპორტო საშუალებით. დაუშვებელია კერძების ტრანსპორტირება ისეთი საბარგულის მეშვეობით, სადაც განთავსებული იქნება სხვადასხვა ხელსაწყოები, საცხებ/საპოხი საშუალებები, საწვავი და ნებისმიერი სხვა რამ, რაც მიუღებელია საკვებთან ერთად ტრანსპორტირებისათვის.

ეტაპობრივად. ხელშეკრულების დადებიდან, შემსყიდველის მოთხოვნის შესაბამისად არაუგვიანეს 7 (შვიდი) კალენდარული დღის ვადაში 2026 წლის 31 დეკემბრის ჩათვლით.

სსიპ ილიას სახელმწიფო უნივერსიტეტის სტეფანწმინდის „სამეცნიერო კვლევითი ბაზა“ (მის: ქალაქი სტეფანწმინდა, სტეფანწმინდის ქუჩა N 14)

პრეტენდენს უნდა ქონდეს:

1. სამზარეულო სივრცე მოწყობილი საწარმოო სიმძლავრისთვის;
2. საკვების მოსამზადებელი დანადგარები, ღუმელები და სხვა;
3. ავტომობილი, რომელიც გამოიყენება საკვების გადასატანად და მასში ზედმიწევნით დაცულია ჰიგიენის ნორმები.

პრეტენდენტმა შემსყიდველის წარმომადგენელს უნდა დაათვალიერებინოს კერძების მომზადების ადგილი (სამზარეულო) და საკვების გადასატანი ავტომობილი.

პრეტენდენტის მიერ შემოთავაზებული პრეისკურანტის საბოლოო ღირებულება წარმოდგენილი უნდა იქნას - გასაწევი მომსახურები ფასების ცხრილი (პრეისკურანტი) მიხედვით.

პრეტენდენტის მიერ შემოთავაზებული ფასი, პრეიკურანტის არც ერთი პოზიციის მიხედვით, არ უნდა აღემატებოდეს პრეისკურანტში მითითებულ ზღვრულ ფასებს. აღნიშნული პირობის დაუცველობა გამოიწვევს პრეტენდენტის დისკვალიფიკაციას.

ფასის კლების შემთხვევაში, პრეტენდენტი ვალდებულია: საუზმის, სადილის, ვახშამის, ყავის შესვენების, ლანჩბოქსის, თითოეული მენიუს შემთხვევაში ფასის კლება განახორციელოს ზღვრული ერთეულის ფასიდან, მინიმუმ შესყიდვის სავარაუდო ღირებულებასა და პრეტენდენტის მიერ სისტემაში დაფიქსირებულ საბოლოო ფასს შორის არსებული პროცენტული სხვაობის მიხედვით პროპორციულად.

მიმწოდებელმა სატენდერო დოკუმენტაციით გათვალსწინებული საკვების მომზადება უნდა განახორციელოს საქართველოში მოქმედი სანიტარულ-ჰიგიენური ნორმებისა და კანონმდებლობით გათვალისწინებული პირობებისა და წესების სრული დაცვით.

იმ შემთხვევაში თუ დადასტურდება პირის/პირების ჯანმრთელობის გაუარესების ფაქტი კვების პროდუქტების მიღების შემდეგ, აღნიშნულზე სრული პასუხისმგებლობა ეკისრება მიმწოდებელს.

თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა აუდიტორული დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას როგორც პრეტენდენტის მიერ დაფიქსირებული წინადადების ფასთან (ჯამურ ღირებულებასთან), ასევე შესყიდვის ობიექტის ერთეულის ფას(ებ)თან მიმართებით.

დასკვნის გამცემი პირი რეგისტრირებული უნდა იყოს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის სახელმწიფო რეესტრში (www.saras.gov.ge), ასევე დაცული უნდა იქნას „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის 28-ე მუხლის მე-8 პუნქტის „გ“ ქვეპუნქტი.

დასკვნასთან ერთად წარმოდგენილი უნდა იქნას, დასკვნაზე ხელმომწერი შემფასებლის სერტიფიკატი, გაცემული აკრედიტებული შემფასებელთა სერტიფიკაციის ორგანოს მიერ.

ანგარიშსწორება განხორციელდება ეტაპობრივად, რისთვისაც შემსყიდველსა და მიმწოდებელს შორის უნდა გაფორმდეს მიღება-ჩაბარების აქტი.

მიღება-ჩაბარების აქტი გაფორმდება თვეში ერთხელ ან ორჯერ, შესაბამის პერიოდში ფაქტიურად შესრულებული მომსახურების მიხედვით.

მიმწოდებელი ვალდებულია, მიაწოდოს შემსყიდველს შესაბამისი ფინანსური დოკუმენტაცია (საგადასახადო ანგარიშ-ფაქტურა, ან საგადახდო დოკუმენტი - თუ მიმწოდებელი დღგ-ს გადამხდელია).

ანგარიშსწორება განხორციელდება, მომსახურების გაწევის შესახებ მხარეებს შორის მიღება-ჩაბარების აქტის გაფორმებიდან 10 სამუშაო დღის განმავლობაში.

თენგიზ კუპატაძე, 599095469, tengiz.kupatadze@iliauni.edu.ge

1. პრეტენდენტის მიერ წარმოდგენილი სატენდერო წინადადების მთლიანი ღირებულება და ერთეულის ფასი უნდა შეიცავდეს საქართველოს კანონმდებლობით გათვალისწინებულ ყველა გადასახადს და შესყიდვის ობიექტის მიწოდებასთან დაკავშირებულ ყველა ხარჯს. სატენდერო წინადადების მთლიანი ღირებულების და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
2. ელექტრონულ ტენდერთან დაკავშირებული ყველა დოკუმენტი ან/და ინფორმაცია, მათ შორის შემსყიდველსა და პრეტენდენტს შორის გაცვლილი კორესპონდენცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
3. სახელმწიფო შესყიდვების ერთიან ელექტრონულ სისტემაში ატვირთულ ყველა ელექტრონულ დოკუმენტზე უნდა იქნას შესრულებული კვალიფიციური ელექტრონული ხელმოწერა უფლებამოსილი პირის მიერ, ან ეს დოკუმენტები დამოწმებული უნდა იქნას კვალიფიციური ელექტრონული შტამპით. კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს;
5. პტერენდენტმა ფასების ცხრილში (ხარჯთაღრიცხვა) აუცილებლად უნდა აღწეროს შესყიდვის ობიექტის ტექნიკური პარამეტრები, ანუ მიუთითოს მინიმუმ ის ტექნიკური პარამეტრები, რაც მოთხოვნილია სატენდერო დოკუმენტაციაში.
6. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;
7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა და სატენდერო განცხადების ყველა პირობას.
8. პრეტენდენტს არ აქვს უფლება წარმოადგინოს ალტერნატიული წინადადება;