Архитектурные и сопутствующие услуги (Грузия - Тендер #72126432)

შესყიდვის ობიექტია აჯამეთის აღკვეთილის ადმინისტრაციის სამოქმედო არეალში, კერძოდ ზესტაფონის მუნიციპალიტეტის სოფელ მეორე სვირის მიმდებარედ ეკოსაგანმანათლებლო საფეხმავლო ბილიკების ქსელისა და თანმდევი რეკრეაციულ ინფრასტრუქტურის მოწყობის დეტალური საპროექტო-სახარჯთაღრიცხვო დოკუმენტაციის მომზადების მომსახურება, ტექნიკურ დავალებაში მოცემული პირობების შესაბამისად.

საპროექტო-სახარჯთაღრიცხვო დოკუმენტაციის მომზადების მომსახურების ტექნიკური დავალება ინფორმაციის ფორმატისა და სიდიდის გათვალისწინებით ატვირთულია 1.2 პუნტში დანართის სახით.

სრული საპროექტო-სახარჯთაღრიცხვო დოკუმენტაციის (ექსპერტიზის მომსახურების ჩათვლით) მიწოდება უნდა განხორციელდეს ხელშეკრულების გაფორმებიდან 60 კალენდარული დღის ვადაში.

სრული საპროექტო დოკუმენტაცია წარმოდგენილი უნდა იქნას ქართულ ენაზე:
1. ელექტრონული ფორმა: DVD ელ. ვერსია, უნდა უნდა შეიცავდეს სრულ პროექტს, ანუ პროექტის ყველა შემადგენელ ნაწილს, როგორც DWG /PLA და Lira -კონსტრუქციები, ასევე PDF ფორმატში, 3- ეგზემპლიარად;
2. პროექტის ტექსტური ნაწილი უნდა იყოს ,,World”-ის ფორმატში, ხარჯთაღრიცხვის ცხრილები – ,,Excel” ფორმატში, ხოლო ნახაზები - „ArchiCAD“ (PLA) ან „AutoCAD” DWG ფორმატში და ,,PDF” ფორმატში.
3. მიღება-ჩაბარების აქტის გაფორმებამდე მიმწოდებელი ვალდებულია დოკუმენტაცია წარმოადგინოს ალბომის სახით ნაბეჭდი ვერსია A3 ფორმატზე 3-ეგზემპლიარად.

პრეტენდენტს 01/01/2020 -დან წინამდებარე ტენდერის პროცურისათვის „წინადადების მიღება დასრულებულია“ სტატუსის მინიჭების თარიღამდე პერიოდში მიწოდებული უნდა ქონდეს არანაკლებ 2 (ორი) დასრულებული პროექტი საფეხმავლო ბილიკების მოწყობის შესაძლებლობების კვლევისა და კვლევის შედეგების საფუძველზე საპროექტო სახარჯთაღრიცხვო დოკუმენტაციის მომზადების მომსახურების შესახებ.

მომსახურების მიწოდება უნდა დასტურდებოდეს თითოეული პროექტის ფარგლებში. კერძოდ, თითოეული პროექტის ფარგლებში გაწეული მომსახურება უნდა მოიცავდეს საფეხმავლო ბილიკების მოწყობის შესაძლებლობების კვლევას და აღნიშნული კვლევის შედეგების საფუძველზე სრული საპროექტო-სახარჯთაღრიცხვო დოკუმენტაციის მომზადებას.

ამასთან, ხარჯთაღრიცხვა უნდა იყოს შედგენილი ლოკალურ-რესურსული მეთოდით, ხოლო საფეხმავლო ბილიკების მოწყობის ნაწილი შესრულებული უნდა იყოს ტექნიკური რეგლამენტის – „საფეხმავლო ბილიკების გეგმარებისა და მონიშვნის შესახებ“ (საქართველოს მთავრობის დადგენილება №475, 19/10/2016) მოთხოვნათა შესაბამისად.

გამოცდილების დადასტურება ელექტრონული ტენდერის ეტაპზე უნდა განხორციელდეს მხარეთა მიერ ხელმოწერილი ხელშეკრულებ(ებ)ით (სრულყოფილი სახით, ყველა დანართის ჩათვლით), აღნიშნული ხელშეკრულებ(ებ)ის საფუძველზე გაფორმებული მიღება-ჩაბარების აქტ(ებ)ით და დადასტურებული საგადასახადო ანგარიშ-ფაქტურებით.

იმ შემთხვევაში, თუ მიმწოდებელი მომსახურების მიწოდების პერიოდში არ იყო დღგ-ის გადამხდელი ან მომსახურების მიწოდება საქართველოს საგადასახადო კოდექსის შესაბამისად გათავისუფლებული იყო დღგ-ისგან, დამატებით უნდა იყოს წარმოდგენილი აღნიშნული გარემოების დამადასტურებელი დოკუმენტაცია, დამოწმებული შესაბამისი უფლებამოსილი ორგანოს მიერ.

თუ გამოცდილების დადასტურების მიზნით წარმოდგენილი მომსახურების მიწოდება განხორციელებულია ერთობლივად, ამხანაგობის (ან სხვა მსგავსი გაერთიანების — ერთობლივი საწარმო, კონსორციუმი და სხვა) მიერ, პრეტენდენტმა ასევე უნდა წარმოადგინოს ამხანაგობის (ან სხვა მსგავსი გაერთიანების) მონაწილე უფლებამოსილი პირების მიერ დამოწმებული დოკუმენტი, რომელშიც მითითებული იქნება, თუ რა ღირებულების და შინაარსის მომსახურება შეასრულა თითოეულმა მონაწილემ აღნიშნული ხელშეკრულების ფარგლებში.

სატენდერო წინადადების ხელისმომწერისათვის უფლებამოსილი პირის მიერ გაცემული მინდობილობა (საჭიროების შემთხვევაში).

1) იმ შემთხვევაში, თუ ტენდერში ყველაზე დაბალი წინადადების ფასის მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია შემსყიდველის მოთხოვნის შესაბამისად უზრუნველყოს ფასწარმოქმნის ადეკვატურობის დასაბუთება (დასაბუთება შესაძლებელია განხორციელდეს სსიპ ლევან სამხარაულის სახელობის სასამართლოს ექსპერტიზის ეროვნული ბიუროს ან დამოუკიდებელი ექსპერტის/აუდიტორის მიერ გაცემული დასკვნით რომელიც ადასტურებს პრეტენდენტის მიერ დაფიქსირებულ ფასად სატენდერო წინადადებით ნაკისრი ვალდებულებების შესრულების შესაძლებლობას). იმ შემთხვევაში, თუ პრეტენდენტის მიერ არ იქნა წარმოდგენილი, ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია; პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

2) ფასწარმოქმნის ადეკვატურობის დამადასტურებელი დოკუმენტ(ებ)ით, ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

1. ანგარიშსწორება მოხდება უნაღდო ანგარისწორებით ლარებში.
2. ანგარიშსწორება მიმწოდებელთან განხორციელდება ხელშეკრულების შესაბამისად გაფორმებული მიღება-ჩაბარების აქტის საფუძველზე.

სატენდერო დოკუმენტაციის 7.2 ველის მე-2 პუნქტში მითითებული დოკუმენტების წარმოდგენიდან არაუგვიანეს 10 (ათი) სამუშო დღის განმავლობაში.

გიგა მენაბდიშვილი, 577925757, giga.menabdishvili@gmail.com

1. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია „კითხვა-პასუხის“ მოდულის საშუალებით სახელმწიფო შესყიდვების სააგენტოს თავმჯდომარის 2017 წლის 14 ივნისის ბრძანება №12-ის მე-8 მუხლის გათვალისწინებით.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯის გათვალისწინებით.
7. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები დაამოწმოს/დაადასტუროს კვალიფიციური ხელმოწერით/კვალიფიციური შტამპით.