Ремонт и техническое обслуживание строительных сооружений (Грузия - Тендер #72126397)

ქ. ზუგდიდში, ჭიჭიკო ბენდელიანის ქ.N25-ში მდებარე, შპს„ სპორტმშენსერვისი“-ს სარგებლობაში არსებული სპორტული კომპლექსის მოვლა პატრონობის მომსახურების შესყიდვა.

გასაწევი მომსახურების აღწერილობა და მოცულობა განისაზღვრება ტექნიკური დავალების შესაბამისად.

1.2.1 წინამდებარე დანართით გათვალისწინებული მომსახურების თითოეულ სახეობაზე, ხელშეკრულების მოქმედების პერიოდში წარმოქმნილი ყველა საჭიროების შესაბამისად, მიმწოდებელმა უნდა უზრუნველყოს 500 ლარამდე და 500 ლარის ღირებულების მქონე საქონლის (მოწყობილობების, დანადგარებისა და ძირითადი მასალების), საკუთარი ხარჯით შეძენა, ხოლო 500 ლარზე მეტი ღირებულების მქონე საქონლის (მოწყობილობების, დანადგარებისა და ძირითადი მასალების), შეძენას და მიწოდებას უზრუნველყოფს შემსყიდველი; აღნიშნულ 500 ლარში არ დაანგარიშდება მიმწოდებლის მიერ გაწეული ხარჯები საცხებ-საპოხ და სახარჯ მასალებზე.
1.2.2 მომსახურების გაწევის პერიოდში, მოწყობილობების, დანადგარებისა და ძირითადი მასალების შეცვლის საჭიროების შემთხვევაში, მიმწოდებელმა უნდა წარმოადგინოს ტექნიკური დავალების 29-ე პუნქტით გათვალისწინებული 500 ლარამდე და 500 ლარის ღირებულების საქონლის შეძენის დამადასტურებელი დოკუმენტი (შესყიდვის ინვოისი და გადახდის დამადასტურებელი დოკუმენტი). ხოლო, 500 ლარზე მეტი ღირებულების საქონელზე დეფექტურ აქტთან ერთად უნდა წარმოადგინოს შესაბამისი ინვოისი (შემსყიდველი უფლებამოსილია ჩაატაროს ბაზრის კვლევა და იმ შემთხვევაში, თუ, დადგინდება რომ შესყიდვის ღირებულება არ აღემატება 500 ლარს, მიმწოდებელი ვალდებულია, იმოქმედოს ტექნიკური დავალების 29-ე პუნქტის შესაბამისად, ლიმიტის ფარგლებში).

იხ. ტექნიკური დოკუმენტაცია

შესყიდვის ობიექტის მიწოდება განხორციელდება 2026 წლის 1 ივნისიდან 2026 წლის 31 დეკემბრის ჩათვლით.

მომსახურების გაწევა უნდა განხორციელდეს ტექნიკური დავალების შესაბამისად, შემდეგ მისამართზე: ქ. ზუგდიდი, ჭიჭიკო ბენდელიანის ქ.N25-ში მდებარე, შპს„ სპორტმშენსერვისი“-ს სარგებლობაში არსებული სპორტული კომპლექსი.

1.7.1.1 მიმწოდებლის მიერ ტექნიკური დავალების 29-ე პუნქტის შესაბამისად შეცვლილ სათადარიგო ნაწილებზე უნდა ვრცელდებოდეს მწარმოებლის მიერ გაცემული გარანტია (არსებობის შემთხვევაში).

1.7.1.2 გაწეული მომსახურება უნდა იყოს ხარისხიანი და უნდა შეესაბამებოდეს ტექნიკური დავალებით გათვალისწინებულ მოთხოვნებს.

1.7.1.3 მიმწოდებელი ვალდებულია შემსყიდველის მიერ წერილობითი მოთხოვნიდან 3 (სამი) სამუშაო დღის ვადაში განახორციელოს წუნდებული მომსახურების გამოსწორება, შემსყიდველის მხრიდან რაიმე დამატებითი დანახარჯის გაწევის გარეშე. იმ შემთხვევაში თუ აღნიშნული ვადა არ არის საკმარისი, მიმწოდებელი ვალდებულია წერილობითი დოკუმენტით დაასაბუთოს დამატებითი ვადის საჭიროება, რომელსაც თან უნდა ერთოდეს დამატებითი ვადის საჭიროების ობიექტური გარემოებების დამადასტურებელი მტკიცებულება.

1.7.1.4 მომსახურების გაწევის პროცესში შემსყიდველისთვის მიყენებული ქონებრივი და არაქონებრივი ზიანის ანაზღაურება მიმწოდებელმა უნდა უზრუნველყოს სრულად, მიმწოდებლის ხარჯებით. აღნიშნული ზიანის წარმოშობის შემთხვევაში, ზიანის აღმოფხვრა უნდა განხორციელდეს შემსყიდველთან შეთანხმებით გონივრულ ვადაში.

1.7.1.5 საგარანტიო ვალდებულების შეუსრულებლობის შემთხვევაში, შემსყიდველს უფლება აქვს თავად მიიღოს ზომები წარმოქმნილი დეფექტების გამოსწორებისათვის და მოსთხოვოს მიმწოდებელს შესაბამისი ხარჯების ანაზღაურება, ან გამოქვითოს აღნიშნული თანხა ხელშეკრულების მიხედვით მიმწოდებლისათვის გადასახდელი თანხიდან.

2.2.1.1 პრეტენდენტს, 2023 წლიდან წინამდებარე ტენდერის გამოცხადების თარიღამდე პერიოდში, უნდა გააჩნდეს ანალოგიური ტიპის, ხასიათის, სირთულის და შინაარსის მომსახურების გაწევის გამოცდილება (რომელსაც მიეკუთვნება: შენობის მოვლა-პატრონობა, მათ შორის აუზის მოვლა პატრონობა).

2.2.1.2 პრეტენდენტს, 2023 წლიდან წინამდებარე ტენდერის გამოცხადების თარიღამდე პერიოდში, უნდა გააჩნდეს ჯამურად არანაკლებ 250 000 (ორას ორმოცდაათი ათასი) ლარის ღირებულების (ყველა გადასახადის ჩათვლით) ანალოგიური ტიპის ფაქტობრივად გაწეული მომსახურების გამოცდილება (რომელიც უნდა მოიცავდეს საცურაო აუზისა და შენობის მოვლა-პატრონობის მომსახურებას). აღნიშნულის დასტურად, პრეტენდენტის მიერ წარმოდგენილ უნდა იქნეს შესაბამისი ხელშეკრულებები, გაწეულ მომსახურებაზე მხარეთა შორის გაფორმებული შესაბამისი მიღება-ჩაბარების აქტ(ებ)ი, რომელიც დაადასტურებს აღნიშნული მომსახურების გაწევის ფაქტს და ღირებულებას.

2.2.1.3 იმ შემთხვევაში, თუ სატენდერო დოკუმენტაციით მოთხოვნილი გამოცდილების დამადასტურებელი დოკუმენტაცია ატვირთულია შესყიდვების ერთიან ელექტრონულ სისტემაში, პრეტენდენტს შეუძლია, გამოცდილების შესახებ ინფორმაცია წარმოადგინოს CMR, SPA, NAT ნომრების სახით და არ ატვირთოს ზემოაღნიშნული დოკუმენტაცია. თუ პრეტენდენტის მიერ წარმოდგენილ დოკუმენტაციასა და სისტემაში (CMR, SPA, NAT ნომრების შესაბამისად) ატვირთულ დოკუმენტებს შორის აღმოჩნდება უზუსტობა, უპირატესობის მინიჭების საკითხს გადაწყვტეს სატენდერო კომისია.

2.2.1.4 იმ შემთხვევაში, თუ სამუშაოები შესრულებულია კერძო სამართლის იურიდიული პირის ან ფიზიკური პირის დაკვეთით, (არა სახელმწიფო შემსყიდველი ორგანიზაცია), პრეტენდენტმა უნდა წარმოადგინოს ხელშეკრულებები, გაწეულ მომსახურებაზე მხარეთა შორის გაფორმებული შესაბამისი მიღება-ჩაბარების აქტ(ებ)ი და ამ სამუშაოების შესრულების ამსახველი ფინანსური დოკუმენტაცია: ანგრიშფაქტურები ან/და საგადახდო დავალებები.

2.2.1.5 შემსყიდველი უფლებამოსილია ანალოგიური მომსახურების იდენტიფიცირების მიზნით მოითხოვოს პრეტენდენტისაგან დამატებითი ინფორმაციის სახით სხვა ნებისმიერი დოკუმენტი, რომლის მიწოდებაც კანონმდებლობით არ არის აკრძალული.

2.2.1.6 იმ შემთხვევაში, თუ ხელშეკრულების ფარგლებში მომსახურებები შესრულებულია ერთობლივად, ამხანაგობის მიერ, პრეტენდენტმა ასევე უნდა წარმოადგინოს ამხანაგობის წევრების უფლებამოსილი პირების მიერ დამოწმებული დოკუმენტი, სადაც მითითებული იქნება, თუ რა ღირებულების მომსახურებები შეასრულეს ამხანაგობის მონაწილეებმა ცალ-ცალკე, აღნიშნული ხელშეკრულების ფარგლებში.

2.2.1.7 იმ შემთხვევაში, თუ ვერ ხერხდება მომსახურების შინაარსის იდენტიფიცირება, შემსყიდველი უფლებამოსილია პრეტენდენტს დამატებით მოსთხოვოს გაწეული მომსახურების დამადასტურებელი დოკუმენტის - ფორმა N2-ის (ან ანალოგიური ტიპის დოკუმენტი, საიდანაც შესაძლებელია გაწეული მომსახურების შინაარსისა და ღირებულებების იდენტიფიცირება) წარმოდგენა, რომელიც დადასტურებული უნდა იყოს დამკვეთის ან/და მის მიერ განსაზღვრული უფლებამოსილი პირის მიერ.

2.4.1.1 ,,ატმოსფერული ჰაერის დაცვის შესახებ” საქართველოს კანონის 54 პრიმა მუხლის და ,,მაცივარაგენტზე მომუშავე მოწყობილობების მომსახურე ტექნიკოსების სერტიფიცირების წესის დამტკიცების შესახებ“ საქართველოს მთავრობის 2017 წლის 22 ივნისის #302 დადგენილების თანახმად, ტენდერში მონაწილე პრეტენდენტს უნდა ჰყავდეს მაცივარაგენტზე მომუშავე მოწყობილობების მომსახურე სერტიფიცირებული ტექნიკოს(ებ)ი, რის დასტურადაც ერთიანი ელექტრონული სისტემის მეშვეობით უნდა წარმოადგინოს შესაბამისი სერტიფიკატ(ებ)ი ან/და პრეტენდენტმა უნდა წარმოადგინოს წერილობითი ინფორმაცია სერტიფიცირებული ტექნიკოს(ებ)ის შესახებ (სახელის, გვარის და სხვა მაიდენტიფიცირებელი მონაცემების მითითებით), რომლის გადამოწმებაც შესაძლებელი იქნება საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის ოფიციალურ ვებ-გვერდზე (www.eiec.gov.ge) ,,სერტიფიცირებულთა სიაში“.
მიმწოდებელმა უნდა უზრუნველყოს აღნიშნული სერტიფიცირებული ტექნიკოს(ებ)ის მიერ სატენდერო დოკუმენტაციით გათვალისწინებული მომსახურების გაწევა.

2.4.1.2 პრეტენდენტმა უნდა წარმოადგინოს წერილობითი ინფორმაცია იმის შესახებ, რომ სერტიფიცირებული ტექნიკოს(ებ)ი წარმოადგენ(ენ)ს პრეტენდენტის მიერ დაქირავებულ პირ(ებ)ს.

შენიშვნა: ტენდერში მონაწილე ფიზიკური პირის შემთხვევაში, მე-2 პუნქტით მოთხოვნილი წერილობითი ინფორმაციის წარდგენა არ არის სავალდებულო.

2.9.1 მიმწოდებელი (კონტრაქტორი) ვალდებულია სამუშაოების შესრულებისას სრულად დაიცვას საქართველოს ორგანული კანონი „შრომის უსაფრთხოების შესახებ“ და ამ სფეროში მოქმედი ყველა სხვა კანონქვემდებარე ნორმატიული აქტი (მათ შორის, ტექნიკური რეგლამენტები).

2.9.2 სამუშაო პროცესში დასაქმებულების ან/და მესამე პირების ჯანმრთელობის დაზიანებაზე, პროფესიულ დაავადებებსა და უბედურ შემთხვევებზე სრული პასუხისმგებლობა ეკისრება მიმწოდებელს. შემსყიდველი თავისუფლდება ნებისმიერი ზიანის ანაზღაურების ვალდებულებისაგან, რომელიც გამოწვეულია მიმწოდებლის მიერ შრომის უსაფრთხოების ნორმების დარღვევით.

2.9.3 მიმწოდებელი ვალდებულია, საკუთარი ხარჯებით უზრუნველყოს დასაქმებულები შესაბამისი ინდივიდუალური და კოლექტიური დაცვის საშუალებებით.

2.9.4 შემსყიდველს უფლება აქვს ნებისმიერ დროს შეამოწმოს სამუშაო პროცესში უსაფრთხოების ნორმების დაცვის მდგომარეობა და დარღვევის აღმოჩენის შემთხვევაში, მოითხოვოს სამუშაოს შეჩერება მათ აღმოფხვრამდე.

2.9.5 მომსახურების გაწევის პროცესში, მიმწოდებელმა უნდა უზრუნველყოს ხარისხისა და მომსახურების მიმდინარეობის ზედამხედველობისა და კონტროლის განმახორციელებელ პირთა მიერ გაცემული, როგორც ზეპირი ასევე წერილობითი რეკომენდაციების და მითითებების შესრულება.

ტენდერში მონაწილე პრეტენდენტი ვალდებულია წარმოადგინოს შემოთავაზებული ქიმიკატების ნიმუშები. წარმოდგენილი ნიმუში დაზუსტებას არ ექვემდებარება. შემოთავაზებულ ქიმიკატებს უნდა გააჩნდეს სტანდარტიზაციის საერთაშორისო ორგანიზაციის ISO სერტიფიკატი (დოკუმენტის უცხოურ ენაზე წარმოდგენის შემთვევაში მას უნდა დაერთოს ნოტარიულად დამოწმებული ქართული თარგმანი).

ქ.თბილისი, უნივერსიტეტის ქუჩა N15ა, ოლიმპიური სასახლე.

იმ შემთხვევაში, თუ ტენდერში პრეტენდენტის მიერ დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს ფასწარმოქმნის ადეკვატურობის დასაბუთება. ფასწარმოქმნის ადეკვატურობის დასაბუთება უნდა მოხდეს სსიპ ,,აკრედიტაციის ერთიანი ეროვნული ორგანო აკრედიტაციის ცენტრი’’-ს მიერ აკრედიტებული ორგანიზაციის (პირი) დასკვნის საფუძველზე (დასკვნასთან ერთად ერთიან ელექტრონულ სისტემაში წარმოდგენილი უნდა იყოს აკრედიტაციის დამადასტურებელი დოკუმენტი), ან სსიპ ლევან სამხარაულის სახელობის სასამართლო ექსპერტიზის ეროვნული ბიუროს დასკვნით, ან აუდიტის დასკვნით (დასკვნას თან უნდა ახლდეს „ბუღალტრული აღრიცხვის, ანგარიშგებისა და აუდიტის შესახებ“ საქართველოს კანონის შესაბამისად უფლებამოსილი ორგანოს მიერ გაცემული საექსპერტო ან/და აუდიტორული საქმიანობის განხორციელების უფლების დამადასტურებელი დოკუმენტი).

ფასწარმოქმნის ადეკვატურობის დამადასტურებელი დოკუმენტით უნდა დასტურდებოდეს (ტექსტობრივად მკაფიოდ უნდა იკითხებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეული ფასით და აგრეთვე ჯამური ღირებულებით წინამდებარე ტენდერით განსაზღვრული შესყიდვიის ობიექტის მიწოდების შესაძლებლობა.

1. ანგარიშსწორება განხორციელდება უნაღდო ანგარიშსწორების ფორმით, ეროვნულ ვალუტაში.
2. ანგარიშსწორება განხორციელდება, ეტაპობრივად, მიღება-ჩაბარების აქტის საფუძველზე, მიმწოდებლის მიერ გაწეული მომსახურების შესაბამისად.

ანგარიშსწორება განხორციელდება მომსახურების გაწევის შემდგომ „მიღება–ჩაბარების“ აქტის გაფორმებისა და საგადახადო დოკუმენტაციის (არსებობის შემთხვევაში) წარმოდგენიდან 10 (ათი) სამუშაო დღის განმავლობაში.

მარიამ ნიჟარაძე, 598492231, m.nizharadze.sm@gmail.com

1. სახელმწიფო შესყიდვების ერთიან ელექტრონულ სისტემაში, შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იყოს ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული, თარგმანები ქართულ ენაზე. დოკუმენტაციასთან დაკავშირებული, სადავო საკითხების გადაწყვეტისას, უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება, სატენდერო წინადადების შესაბამისად;
4. იმ შემთხვევაში, თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა), ან წარდგენილ ფასთა ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს, პრეტენდენტი ექვემდებარება დისკვალიფიკაციას, დაზუსტების გარეშე;
5. სატენდერო წინადადების ღირებულება უნდა მოიცავდეს ტენდერით გათვალისწინებული მომსახურების გაწევასთან დაკავშირებულ ყველა ხარჯსა და კანონმდებლობით გათვალისწინებულ გადასახადებს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
6. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია ელექტრონულად ხელმოწერილი უნდა იქნას შესაბამისი უფლებამოსილი პირის მიერ ან დამოწმებული კვალიფიციური ელექტრონული შტამპით, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე (გარდა ექსელის ფორმატით წარმოსადგენი ფასთა ცხრილისა) შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათშორის, ელექტრონულ ხელმოწერას ან/და ელექტრონულ შტამპს).
7. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები, (მაგ. გეგმა-გრაფიკი, ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით;
8. ალტერნატიული სატენდერო წინადადება არ განიხილება;
9. სატენდერო დოკუმენტაციასთან დაკავშირებით განმარტების მიღება პრეტენდენტს შეუძლია სისტემის მოდულის „კითხვა/პასუხის“ მეშვეობით.
10. სატენდერო წინადადების წარმომდგენი პრეტენდენტი ავტომატურად ეთანხმება ტექნიკური დავალებით განსაზღვრულ პირობებს.