Отделочные строительные работы (Грузия - Тендер #72126358)

სსიპ – ივანე ჯავახიშვილის სახელობის თბილისის სახელმწიფო უნივერსიტეტის მედიისა და ტელეხელოვნების კოლეჯის შენობაში ჩასატარებელი სამუშაოები.

(1) ამ ტენდერით მოთხოვნილი სსიპ – ივანე ჯავახიშვილის სახელობის თბილისის სახელმწიფო უნივერსიტეტის მედიისა და ტელეხელოვნების კოლეჯის შენობაში ჩასატარებელი სამუშაოები უნდა შესრულდეს სატენდერო დოკუმენტაციით განსაზღვრული დეფექტური აქტის მიხედვით;
იმ შემთხვევაში, თუ დეფექტური აქტით სამუშაოების შესრულებისას გამოსაყენებელ საქონელზე (მასალებზე) მითითებულია კონკრეტული სასაქონლო ნიშანი, მოდელი, წარმოშობის წყარო ან მწარმოებელი იგულისხმება „მსგავსი“, ან ექვივალენტური“;

(2) სამუშაოების შესრულების პროცესში მიმწოდებელმა უნდა შეასრულოს ზედამხედველობის განმახორციელებელი პირ(ებ)ის მიერ გაცემული როგორც ზეპირი, ისე წერილობითი რეკომენდაციები;

(3) სამუშაოები უნდა შეასრულდეს მოქმედი სამშენებლო ნორმების მიხედვით;

(4) სამუშაოების ახალი პოზიციის წარმოქმნის შემთხვევაში, შემსყიდველის მხრიდან შესრულებული სამუშაოების ანაზღაურება განხორციელდება სსიპ – ლევან სამხარაულის სახელობის სასამართლო ექსპერტიზის ეროვნული ბიუროს, ან სხვა აკრედიტებული პირის მიერ გაცემული დასკვნით განსაზღვრული სამუშაოების ახალი პოზიციის ერთეულის ფასის მიხედვით, ფაქტობრივად შესრულებული სამუშაოების გათვალისწინებით;

(5) სამუშაოების წარმოების პროცესში დაცული უნდა იყოს საქართველოს კანონმდებლობით განსაზღვრული შრომის უსაფრთხოების პირობები;

(6) სამუშაოების შესრულების პროცესში მიმწოდებელმა უნდა უზრუნველყოს სამშენებლო ადგილის შემოსაზღვრა და დამცავი გამაფრთხილებელი ნიშნების დაყენება, ასევე სანიტარულ-ჰიგიენური ნორმების დაცვა;

(7) შესრულებული სამუშაოების მაღალი ხარისხის უზრუნველსაყოფად, სამუშაოების პროცესში გამოყენებული ყველა მასალა და მოწყობილობა უნდა შეესაბამებოდეს ამ სფეროში აღიარებულ სტანდარტებს. საჭიროების შემთხვევაში შემსყიდველი ორგანიზაცია მოითხოვს შესაბამის სერტიფიკატებს მშენებლობის პროცესში გამოყენებულ მასალებსა და მოწყობილობებზე;

(8) სამუშაოების შესრულების პროცესში გამოყენებული მასალების და მოწყობილობების ტიპი და ვიზუალურ-ტექნიკური მახასიათებლები (ფაქტურა, ფერი და სხვა) უნდა შეთანხმდეს შემსყიდველთან. იმ შემთხვევაში, თუ მიმწოდებლის მიერ წარმოდგენილი მასალა, ან/და მოწყობილობა არ შეესაბამება აღიარებულ სტანდარტებს ან/და შემსყიდველის მოთხოვნებს, მიმწოდებელი ვალდებულია, წარმოადგინოს სხვა, შემსყიდველისთვის მისაღები მასალა ან/და მოწყობილობა;

(9) მიმწოდებელმა სამუშაოების წარმოების პარალელურად საკუთარი ხარჯებით უნდა უზრუნველყოს ტერიტორიიდან სამშენებლო ნარჩენების და ნაგვის მოგროვება და გატანა, ხოლო სამუშაოების დასრულებისთანავე სრულად გაათავისუფლოს სამუშაო ადგილი სხვადასხვა სამშენებლო ნარჩენებისა და მოწყობილობა-დანადგარებისგან;

(10) მიმწოდებელი ვალდებულია მინიმუმამდე დაიყვანოს მუშაობით გამოწვეული ხმაურის, ვიბრაციის და მტვერის გავლენა;

(11) მიმწოდებელი ვალდებულია სამუშაოების მიმდინარეობის პროცესი უზრუნველყოს შესაბამისი რესურსით (მათ შორის: ადამიანური რესურსით, მოწყობილობებით და მასალით);

(12) მიმწოდებელი ვალდებულია აღადგინოს სამუშაოების წარმოების პროცესში მისი მიზეზით დაზიანებული ინფრასტრუქტურა.

სატენდერო დოკუმენტაციით გათვალისწინებული სამუშაოები უნდა შესრულდეს შემსყიდველის მხრიდან წერილობითი დავალების მიცემიდან 30 (ოცდაათი) კალენდარული დღის განმავლობაში (სამუშაოების შესრულების სავარაუდო დრო: 2026 წლის 20 ივლისიდან 2026 წლის 01 სექტემბრამდე).

სატენდერო დოკუმენტაციით გათვალისწინებული სამუშაოები უნდა შესრულდეს შემდეგ მისამართზე: ქ. თბილისი, დ. უზნაძის ქ. №68, IV სართული.

მიმწოდებლის მიერ შესრულებულ სამუშაოებზე (სამუშაოების ყველა ტიპი, მათ შორის მოწყობილობები) უნდა გავრცელდეს დეფექტებზე პასუხისმგებლობის პერიოდი (გარანტია) 2 წლის ვადით.

დეფექტებზე პასუხისმგებლობის პერიოდის (გარანტიის) განმავლობაში შემსყიდველის მიერ გამოვლენილი ნებისმიერი ნაკლი, ან/და უხარისხობა (გარდა ისეთი ნაკლისა, რაც გამოწვეულია მექანიკური დაზიანებებით) აღმოფხვრილი უნდა იყოს მიმწოდებლის მიერ საკუთარი ხარჯებით.

პრეტენდენტს 01.01.2023-დან ამ ტენდერში წინადადების წარდგენის დღემდე პერიოდში ​საქართველოს ტერიტორიაზე, ხოლო არარეზიდენტი პირების მიერ დაფუძნებული სუბიექტის (მათ შორის: წარმომადგენლობა/ფილიალი) შემთხვევაში – ასევე რეგისტრაციის ქვეყნის ფარგლებს გარეთ სხვა ქვეყნის ტერიტორიაზე შესრულებული უნდა ჰქონდეს ანალოგიური ხასიათის, სირთულისა და შინაარსის (შენობის მშენებლობა, შენობის რეაბილიტაცია) არანაკლებ 200 000,00 (ორასი ათასი) ლარის ღირებულების სამუშაო, რისი დადასტურების მიზნით სახელმწიფო შესყიდვების ერთიანი ელექტრონული სისტემის მეშვეობით წარმოდგენილი უნდა იქნეს:

(1) ინფორმაცია ანალოგიური სამუშაოების შესრულების შესახებ (თანდართული დოკუმენტის მიხედვით);
(2) ანალოგიური სამუშაოების შესრულების დამადასტურებელი დოკუმენტაცია (ხელშეკრულება (შესასრულებელი სამუშაოების უწყისთან (ხარჯთაღრიცხვა) ერთად) და საბოლოო/შუალედური მიღება-ჩაბარების აქტები (შესრულებული სამუშაოების უწყისებთან (ე.წ. ფორმა №2) ერთად).

შენიშვნა:
(1) იმ შემთხვევაში თუ ანალოგიური სამუშაოების დადასტურების მიზნით წარმოდგენილი იქნა შესყიდვის რეკვიზიტები (SPA/NAT/MEP/DAP/CMR/GEO ნომერი), შესრულების დამადასტურებელი დოკუმენტაციის (ხელშეკრულება და საბოლოო/შუალედური მიღება-ჩაბარების აქტები) წარმოდგენა არ არის სავალდებულო;
(2) იმ შემთხვევაში თუ სამუშაოები შესრულებულია კერძო ორგანიზაციის (არა შესყიდველი ორგანიზაცია) დაკვეთით, ანალოგიური სამუშაოების შესრულების დამადასტურებელ დოკუმენტაციასთან (ხელშეკრულება და საბოლოო/შუალედური მიღება-ჩაბარების აქტები) ერთად წარმოდგენილი უნდა იქნეს დადასტურებული საგადასახადო ანგარიშ-ფაქტურები (ასეთის არსებობის შემთხვევაში), რომელიც უნდა ედრებოდეს შესაბამის საბოლოო/შუალედურ მიღება-ჩაბარების აქტებში დაფიქსირებულ შესრულებული სამუშაოების ღირებულებას;
(3) იმ შემთხვევაში თუ ანალოგიური სამუშაოების დადასტურების მიზნით წარმოდგენილი იქნა უცხო ქვეყანაში შედგენილი დოკუმენტები (ხელშეკრულება და საბოლოო/შუალედური მიღება-ჩაბარების აქტები, საგადასახადო ანგარიშ-ფაქტურა (ასეთის არსებობის შემთხვევაში), სავალდებულოა, დოკუმენტებზე ხელმოწერები და ხელმომწერი პირების უფლებამოსილება დამოწმებული იყოს ნოტარიუსის, ან შესაბამისი საჯაროსამართლებრივი უფლებამოსილების მქონე პირის მიერ, ხოლო ამ უკანასკნელის ხელმოწერა – ლეგალიზებული ან აპოსტილით დამოწმებული.

ამ ტენდერით გათვალისწინებული სამუშაოების შესრულების მიზნით, პრეტენდენტმა უნდა გამოყოს გამოცდილი პირი (პროექტის ხელმძღვანელი), რომელსაც წარმატებით აქვს განხორციელებული სულ მცირე 1 (ერთი) ანალოგიური პროექტი (შენობის მშენებლობა, შენობის რეაბილიტაცია), ღირებულებით 50 000,00 (ორმოცდაათი ათასი) ლარი. პროექტის ხელმძღვანელი პასუხისმგებელი იქნება სამუშაოების წარმოების ხარისხისა და ვადების დაცვაზე.

ყოველივე ზემოაღნიშნულის დადასტურების მიზნით, სახელმწიფო შესყიდვების ერთიანი ელექტრონული სისტემის მეშვეობით წარმოდგენილი უნდა იქნეს:

(1) პროექტის ხელმძღვანელის წერილობითი თანხმობა;
(2) პროექტის ხელმძღვანელის შრომითი ბიოგრაფია (CV), სადაც მითითებული უნდა იყოს მის მიერ განხორციელებული პროექტები, ღირებულებისა და დამკვეთის მითითებით.

პრეტენდენტი ვალდებულია, ტენდერის სტატუსის: „შერჩევა-შეფასება“ ეტაპზე უზრუნველყოს შემსყიდველისთვის, მასთან შეთანხმებული შინაარსითა და ფორმით შედგენილი სამუშაოების შესრულების კალენდარული გეგმა-გრაფიკის წარდგენა. კალენდარული გეგმა-გრაფიკი უნდა იყოს მაქსიმალურად დეტალური, კვირის და დღის ჭრილში და მასში ნათლად უნდა იყოს ნაჩვენები სამუშაოს წარმოების პროცესის თანმიმდევრულობა. შემსყიდველისათვის წარდგენილი გეგმა-გრაფიკით განსაზღვრული ვადები უნდა შეესაბამებოდეს სატენდერო დოკუმენტაციის კითხვარის 1.4 პუნქტით განსაზღვრულ სამუშაოს შესრულების ვადას.

იმ შემთხვევაში, თუ ყველაზე დაბალი ფასის მქონე პრეტენდენტის მიერ სისტემაში დაფიქსირებული საბოლოო ფასი 20%-ით, ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტმა უნდა დაასაბუთოს ფასწარმოქმნის ადეკვატურობა და ამ ფასად სამუშაოების განხორციელების შესაძლებლობა. ფასწარმოქმნის ადეკვატურობა უნდა დასაბუთდეს სსიპ – ლევან სამხარაულის სახელობის სასამართლო ექსპერტიზის ეროვნული ბიუროს, ან საქართველოს კანონმდებლობის მიხედვით აკრედიტებული პირის მიერ გაცემული დასკვნით.

ფასწარმოქმნის ადეკვატურობის დამადასტურებელი დოკუმენტი შედგენილი უნდა იყოს საქართველოს მთავრობის 2017 წლის 26 სექტემბრის №439 დადენილებით დამტკიცებული „ტექნიკური რეგლამენტის – სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკა" მოთხოვნების გათვალისწინებით.

(1) ანგარიშსწორება განხორციელდება ეტაპობრივად (სულ მცირე 40 000,00 ლარის ღირებულების სამუშაოების შესრულებისას, მაგრამ არაუმეტეს ერთხელ) ფაქტიურად შესრულებული სამუშაოების მიხედვით, მხარეებს შორის გაფორმებული შუალედური მიღება-ჩაბარების აქტისა (ფორმა №2, ფორმა №3) და მიმწოდებლის მხრიდან წარმოდგენილი საგადასახადო ანგარიშ-ფაქტურის საფუძველზე. ფაქტიურად შესრულებული სამუშაოები განისაზღვრება იმ მოცულობით, რაც დადასტურებული იქნება ფაქტიურად შესრულებული სამუშაოების მოცულობის დამადასტურებელი დოკუმენტით (ექსპერტიზის დასკვნა/ინსტექტირების ანგარიში).

(2) საბოლოო ანგარიშსწორება განხორციელდება ფაქტიურად შესრულებული სამუშაოების მოცულობის დამადასტურებელი დოკუმენტის (ექსპერტიზის დასკვნა/ინსტექტირების ანგარიში) საფუძველზე მხარეებს შორის გაფორმებული საბოლოო მიღება-ჩაბარების აქტისა და მიმწოდებლის მხრიდან წარმოდგენილი საგადასახადო ანგარიშ-ფაქტურის საფუძველზე;

(3) ამ პუნქტის 1-ლი და მე-2 ქვეპუნქტებით გათვალისწინებული დასკვნის (ექსპერტიზის დასკვნა/ინსტექტირების ანგარიში) წარდგენის ვალდებულება ეკისრება მიმწოდებელს საკუთარი ხარჯით და ის გაცემული უნდა იყოს სსიპ – ლევან სამხარაულის სასამართლო ექსპერტიზის ეროვნული ბიუროს, ან სხვა აკრედიტებული პირის მიერ.

ანგარიშსწორება განხორციელდება მხარეებს შორის შუალედური/საბოლოო მიღება-ჩაბარების აქტის გაფორმებისა და მიმწოდებლის მხრიდან შესაბამისი დოკუმენტაციის წარმოდგენიდან 10 (ათი) სამუშაო დღის განმავლობაში.

ვასილ გაგნიძე, 577451188, gagnidze@iliauni.edu.ge

(1) შესასრულებელი სამუშაოების ხარჯთაღრიცხვა (განფასება) წარმოდგენილი უნდა იქნეს სატენდერო დოკუმენტაციაში მოცემული შესასრულებელი სამუშაოების დეფექტური აქტის მიხედვით;

(2) დაუშვებელია შესასრულებელი სამუშაოების ხარჯთაღრიცხვით განსაზღვრული სამუშაოების დასახელების, განზომილების, აგრეთვე რაოდენობებისა და გაუთვალიწინებელი ხარჯის პროცენტული მაჩვენებლის ცვლილება;

(3) იმ შემთხვევაში, თუ პრეტენდენტის მიერ წარმოდგენილი ხარჯთაღრიცხვით (განფასებით) სამუშაოების ღირებულება (ერთეულის ფასი) როგორც ხელფასის, ისე მასალის მიხედვით შეუსაბამოდ მაღალი იქნება სამშენებლო ნორმების და წესების შესაბამისად დათვლილ ღირებულებასთან შედარებით, შემსყიდველი (სატენდერო კომისია) უფლებამოსილია, მოითხოვოს ასეთი ფასების დაზუსტება;

(4) იმ შემთხვევაში, თუ პრეტენდენტის მიერ არ იქნება წარმოდგენილი ხარჯთაღრიცხვა (განფასება) სატენდერო დოკუმენტაციის მოთხოვნების შესაბამისად, ან წარმოდგენილი იქნება განუფასებლად (თუ განუფასებელი პოზიცი(ებ)ის რაოდენობა მეტი იქნება/აღემატება განსაფასებელი პოზიციების (მონიშნულია ყვითლად) 5%-ს) მოხდება მისი დისკვალიფიკაციას (დაზუსტების გარეშე).

(5) სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად;

(6) „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე, სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი (Pdf ფაილი) უნდა იყოს ხელმოწერილი კვალიფიციური ელექტრონული ხელმოწერით, ან/და დამოწმებული კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, წარმოდგენილი უნდა იქნეს ასევე შესაბამისი მინდობილობა.