Услуги в области лицейского образования (Грузия - Тендер #72108004)

მომსახურებები საშუალო პროფესიული განათლების სფეროში - უნივერსიტეტის პროფესიული განათლების ცენტრის საექთნო განათლების მოდულური პროფესიული პროგრამის 23 სტუდენტის კლინიკაში, ამბულატორიულ და სტაციონალურ განყოფილებებში, კლინიკური პრაქტიკული სწავლება

პროფესიული განათლების ცენტრის ,,საექთნო განათლების" მოდულური პროფესიული პროგრამის 23 (ოცდასამი) პროფესიული სტუდენტის პრაქტიკული სწავლება საერთო ვადით 990 სთ-ის განმავლობაში, კერძოდ:

1. კლინიკური პრაქტიკა - გადაუდებელი პაციენტის საექთნო მართვა --40 სთ;
2. კლინიკური პრაქტიკა - თერაპიული პაციენტის საექთნო მართვა --275 სთ;
3. შემაჯამებელი კლინიკური პრაქტიკა - თერაპიული პაციენტის საექთნო მართვა --150 სთ;
4. კლინიკური პრაქტიკა - პედიატრია და მოზარდები --175 სთ;
5. შემაჯამებელი კლინიკური პრაქტიკა - პედიატრია და მოზარდები--75 სთ;
6. კლინიკური პრაქტიკა - ქირურგიული პაციენტის საექთნო მართვა --275 სთ.

მომსახურების გაწევის ვადაა 2026 წლის 18 მაისიდან 2026 წლის 31 დეკემბრის ჩათვლით, ეტაპობრივად, შემსყიდველის მოთხოვნის შესაბამისად.

მომსახურების გაწევის ადგილი უნდა იყოს ,,მიმწოდებლის” ფუნქციონირების, კლინიკის, ფაქტიური მისამართი.

იმ შემთხვევაში, თუ მომსახურების გაწევის ადგილი არ იქნება ქ. გორი, მიმწოდებელმა უნდა უზრუნველყოს კლინიკაში სტუდენტთა ტრანსპორტირება (კლინიკაში წაყვანა და უკან დაბრუნება).

პრეტენდენტს საკუთრების ნებისმიერი ფორმით, სარგებლობაში უნდა ჰქონდეს კლინიკა. კლინიკას უნდა გააჩნდეს სტაციონალური და ამბულატორიული განყოფილებები, სადაც სტუდენტები გაივლიან კლინიკური სწავლების პრაქტიკულ კურსს.

ზემოაღნიშნულის დასტურად, პრეტენდენტმა უნდა წარმოადგინოს სარგებლობის ფლობის დამადასტურებელი დოკუმენტი (ამონაწერი, იჯარის ხელშეკრულება ან სხვა დოკუმენტი). იჯარის შემთხვევაში, ხელშეკრულების მოქმედების ვადა უნდა იყოს მინიმუმ 2026 წლის 31 დეკემბრის ჩათვლით.

კლინიკური სწავლება-სწავლის განმახორციელებელი პირის და პროფესიული სტუდენტების თანაფარდობაა - 1/7. შესაბამისად, პრეტენდენტმა უნდა წარმოადგინოს თითოეული მიმართულებით კლინიკაში მომუშავე მინიმუმ 4 (ოთხი) შესაბამისი კვალიფიკაციის და გამოცდილების მქონე პირის შესახებ დამადასტურებელი დოკუმენტაცია.

სწავლებაში ჩართული პირების გამოცდილება უნდა მოიცავდეს შემდეგ მიმართულებებს:

1. გადაუდებელი პაციენტის საექთნო მართვა;
2. თერაპიული პაციენტის საექთნო მართვა;
3. ქირურგიული პაციენტის საექთნო მართვა;
4. პედიატრია და მოზარდები.

კლინიკური სწავლა-სწავლების პროცესში პრაქტიკის ობიექტის მხრიდან ჩართული პირები უნდა აკმაყოფილებდნენ შემდეგ საკვალიფიკაციო მოთხოვნებს:

1) განათლება: საექიმო/სამედიცინო უმაღლესი განათლება/ბებიაქალის პროფესიული ან უმაღლესი განათლება/საექთნო საქმეში პროფესიული ან უმაღლესი განათლება.

2) სამუშაო გამოცდილება: საექთნო სფეროში, მუშაობის არანაკლებ 3 წლიანი გამოცდილება.

ზემოაღნიშნულის დასტურად, პრეტენდენტმა უნდა წარმოადგინოს სწავლება-სწავლის განმახორციელებელ პირთა:

1) განათლების დამადასტურებელი დოკუმენტი;
2) ცნობა გამოცდილების შესახებ;
3) პირადობის მოწმობის ასლი.

პრაქტიკის ობიექტს, ანუ კლინიკას, კანონმდებლობით დადგენილი წესით, უნდა გააჩნდეს კლინიკური სწავლების მოდულით გათვალისწინებული მიმართულებით (სტაციონალური და ამბულატორიული) საქმიანობის უფლება, რის დასტურადაც უნდა წარმოადგინოს შესაბამისი მარეგულირებლის მიერ გაცემული ოფიციალური დოკუმენტ(ებ)ი/ლიცენზია.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა, შესაძლებელია დასაბუთდეს სსიპ „ლევან სამხარაულის სახელობის ექსპერტიზის ეროვნული ბიუროს" ან სხვა აკრედიტირებული ან სერთიფიცირებული საშემფასებლო პირის მიერ გაცემული შესაბამისი დასკვნით, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და, აგრეთვე, ჯამური ღირებულებით, ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.

ექსპერტიზის დასკვნის წარმოდგენის შემთხვევაში წარმოდგენილ უნდა იქნას დასკვნის გამცემი პირის აკრედიტაციის ან სერთიფიცირების დამადასტურებელი დოკუმენტ(ებ)ის ასლი.

ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

ანგარიშსწორება განხორციელდება ეტაპობრივად, ყოველთვიურად, უნაღდო ანგარიშსწორებით, ლარში, ფაქტიურად გაწეული მომსახურების ღირებულების შესაბამისად.

ანგარიშსწორება განხორციელდება უნაღდო ანგარიშსწორების ფორმით, ეროვნულ ვალუტაში, მიმწოდებლის მიერ კანონმდებლობით გათვალისწინებული შესაბამისი საგადასახადო დოკუმენტაციის წარდგენისა და მიღება-ჩაბარების აქტის გაფორმებიდან არაუგვიანეს 10 (ათი) სამუშაო დღის ვადაში.

ლიანა აბისონაშვილი, 577151224, l.abisonashvili@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში, თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. პრეტენდენტს შეუძლია ატვირთოს ფასების ცხრილი ექსელის (Excel) ფაილის სახით. „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების თანახმად, პრეტენდენტის მიერ Excel-ის ცხრილის სახით წარსადგენი დოკუმენტი არ საჭიროებს ხელმოწერას ან/და ბეჭედს (მათ შორის, ელექტრონულ ხელმოწერას ან/და ელექტრონულ შტამპს).
4. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
6. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
7. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
8. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი.
9. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (მაგ. ფასების ცხრილი/ხარჯთაღრიცხვა (PDF ფაილად წარმოდგენის შემთხვევაში) ინფორმაცია საკუთარი გამოცდილების შესახებ, მის მიერ გაცემული ცნობები, საგარანტიო პირობები, საკუთრების შესახებ ინფორმაცია და ა.შ.) დაამოწმოს/დაადასტუროს კვალიფიციური ხელმოწერით/კვალიფიციური შტამპით.
აღნიშნულისთვის პრეტენდენტს აქვს ორი შესაძლო გზა:
• ყველა PDF დოკუმენტი სათითაოდ დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით;
• გააერთიანოს წარსადგენი დოკუმენტები ერთ PDF ფაილად, ხოლო თუ ერთი ფაილის ზომა აღემატება 20 მეგაბაიტს – რამდენიმე PDF ფაილად და ის/ისინი დაამოწმოს/დაადასტუროს კვალიფიციური ხელმოწერით ან/და კვალიფიციური შტამპით.