Разные изделия и сопутствующие товары (Грузия - Тендер #72107982)

ეროვნული სატყეო სააგენტოს მიერ, ტყის ხანძრების პრევენციის ეფექტიანად განხორციელების მიზნით, ტყეში ქცევის წესების საინფორმაციო ბანერების შესყიდვა.

ტყეში განსათავსებელი საინფორმაციო ბანერი:
მასალა: დიბონდი/ალუკაბონდი, არანაკლებ 4 მმ;
ზომა: 50X60 სმ (±1სმ);
ბანერზე დატანილი უნდა იყოს QR კოდი;
სამაგრი: 2 ცალი თეთრი ფერის ხამუტი, ხამუტის სიგრძე არანაკლე 60 სმ;
ბანერი უნდა უძლებდეს სტიქიურ (წვიმა, თოვლი, ქარი) მოვლენებს;
საიფორმაციო ბანერი (დიზაინი, დანართი N2) 335 ცალი;
საინფორმაციო ბანერი (დიზაინი, დანართი N3) 20 ცალი;

პრეტენდენტმა სატენდერო დოკუმენტაციის 1.3. პუნქტის ფასების ცხრილის - დანართი 1“ „შესყიდვის ობიექტის მინიმალური ტექნიკური მახასიათებლები“-ის გრაფაში უნდა მიუთითოს შესყიდვის ობიექტის ზუსტი ტექნიკური მახასიათებლები („არანაკლებ“, „არაუმეტეს“, „±“ და სხვ. გარეშე).

იმ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი.

ბანერების დიზაინი მოცემულია დანართებში N2,N3 და N4

ბანერების მოწოდება უნდა განხორციელდეს 30 კალენდარული დღის ვადაში.

ბანერების მიწოდება უნდა განხორციელდეს შემსყიდველის მისამართზე: ქ.თბილისი, ვლადიმერ წითლანაძის პირველი შესახვევი, N1

შემოთავაზებული სატენდერო წინადადების სატენდერო განცხადებითა და ტექნიკური დოკუმენტაციით განსაზღვრულ მოთხოვნებთან შესაბამისობის დადგენის მიზნით, პრეტენდენტმა უნდა წარმოადგინოს შესყიდვის ობიექტის ნიმუში, რომლითაც მოხდება შესყიდვის ობიექტის იდენტიფიცირება და შეფასება.

ნიმუშის შეუსაბამობა სატენდერო დოკუმენტაციით განსაზღვრულ მოთხოვნებთან, გამოიწვევს პრეტენდენტის დისკვალიფაკაციას.

ნიმუში წარმოდგენილი უნდა იყოს შემსყიდველის მისამართზე: ქ. თბილის, ვლადიმერ წითლანაძის პირველი შესახვევი, N1. სამუშაო საათებში: 9:00 სთ-დან 18:00 სთ-მდე.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული, როგორც ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდა იქნას „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

ანგარიშსწორება განხორციელდება უნაღდო ანგარიშსწორებით ლარში;
ანგარიშსწორება მიმწოდებელთან განხორციელდება ერთჯერადად, ფაქტობრივად მოწოდებული საქონლის შესაბამისად.

ანგარიშსწორება განხორციელდება მიღება-ჩაბარების აქტის ხელმოწერიდან არაუგვიანეს 10 (ათი) სამუშაო დღის განმავლობაში.

ირმა აბრამიშვილი, 599858485, NationalForesty@procurement.gov.ge

10.1.1. პრეტენდენტის ელექტრონულ ტენდერში მონაწილეობის მიღებით (წინადადების წარმოდგენა) სრულად ეთანხმება შემსყიდველის ელ. ტენდერის სატენდერო დოკუმენტაციით გათვალისწინებულ მოთხოვნებს.
10.1.2. პრეტენდენტის მიერ შექმნილი და ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
10.1.3. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.