Различное оборудование общего и специального назначения (Грузия - Тендер #72068059)

შპს „საქარელოს აეროპორტების გაერთიანების“ საჭიროებისათვის 1 (ერთი) ერთეული მაღალი წნევით რეცხვის დანადგარის შესყიდვა.

მაღალი წნევით რეცხვის დანადგარი - 1 (ერთი) ერთეული
o წონა არანაკლებ - 19 (კგ);
o ძაბვა არანაკლებ - 220 (ვ);
o ნაკადის სიჩქარე არანაკლებ - 500 (ლ/სთ);
o წნევა არანაკლებ - 145 (ბარი/მპა);
o მოხმარებადი სიმძლავრე არანაკლებ - 2.1 (კვტ);
o მაღალი წნევის მილი არანაკლებ – 5 (მ);
o აპარატს უნდა გააჩნდეს სარეცხი საწმენდი ქაფის ფუნქცია.

შესყიდვის ობიექტის მიწოდება უნდა განხორციელდეს ხელშეკრულების გაფორმებიდან არაუმეტეს 10 (ათი) სამუსაო დღის ვადაში.

ქ.თბილისი, სამგორის რაიონი, შალვა ჭანკოტაძის ხეივანი N21; შპს საქართველოს აეროპორტების გაერთიანების ადმინისტრაციული ოფისი.

1.7.1.1. ავტომანქანის მაღალი წნევით რეცხვის დანადგარის საგარანტიო ვადა უნდა ვრცელდებოდეს შესაბამისი მიღება-ჩაბარების აქტის გაფორმების დღიდან არანაკლებ 1 (ერთი) წლის ვადით.

1.7.1.2. მიმწოდებლის“ მიერ საქონელი მოწოდებული უნდა იქნეს იმ გარანტიით, რომ შესყიდვის ობიექტი საგარანტიო ვადის პერიოდში, სწორი მოხმარების პირობებში არ გახდება უვარგისი ექსპლუატაციისათვის და შეინარჩუნებს კარგ საექსპლუატაციო თვისებებს. შესყიდვის ობიექტს არ უნდა გააჩნდეს ნივთობრივი ნაკლი.

1.7.1.3. მოწოდებული შესყიდვის ობიექტის საგარანტიო ვადის მოქმედების პერიოდში ხარვეზის, არაშემსყიდველის ბრალეულობით დაზიანების და დეფექტის მქონე საქონლის, მათ შორის საექსპლუატაციო თვისებების ვადაზე ადრე გაუარესების დაფიქსირების შემთხვევაში, შემსყიდველი უფლებამოსილია, მოითხოვოს გამოვლენილი ნაკლის ან ხარვეზის გამოსწორება (თუ ეს შესაძლებელია) ან საქონლის შეცვლა ახლით (ტრანსპორტირების ჩათვლით). მიმწოდებელმა საგარანტიო ვადის განმავლობაში გამოვლენილი ხარვეზების აღმოფხვრა უნდა უზრუნველყოს საკუთარი ხარჯებით, შეტყობინების მიღებისთანავე შემსყიდველთან შეთანხმებით გონივრულ ვადებში (არაუმეტეს 5 (ხუთი) სამუშაო დღე).

1.7.1.4. მიმწოდებლის მიერ 1.7.1.2. პუნქტში მითითებული ვალდებულების შეუსრულებლობის შემთხვევაში, შემსყიდველ ორგანიზაციას უფლება აქვს საკუთარი ხარჯებით აღმოფხვრას ექსპლუატაციის პროცესში გამოვლენილი დეფექტები და მოსთხოვოს მიმწოდებელს შესაბამისი ხარჯების სრულად ანაზღაურება.

1.7.1.5. ინფორმაცია საგარანტიო ვადის შესახებ წარმოდგენილი უნდა იქნას ფასების ცხრილის მეშვეობით.

2.1.1. პრეტენდენტმა სატენდერო დოკუმენტაციის ფასების ცხრილის საშუალებით უნდა წარმოადგინოს ინფორმაცია შემოთავაზებული საქონლის წარმოშობის ქვეყნის, მწარმოებლის ან/და ბრენდის და მოდელის (არსებობის შემთხვევაში) შესახებ. იმ შემთხვევაში, თუ მოდელი არ არსებობს, უნდა მიეთითოს აღნიშნულის თაობაზე ინფორმაციაში.

2.1.2. წარმოშობის ქვეყნის, მწარმოებლის ან/და ბრენდის და მოდელის (არსებობის შემთხვევაში) შესახებ ინფორმაციის წარმოუდგენლობა გამოიწვევს პრეტენდენტის დისკვალიფიკაციას ყოველგვარი დაზუსტების გარეშე, გარდა იმ შემთხვევისა თუ სატენდერო დოკუმენტაციის მოთხოვნ(ებ)ის შესაბამისად, წარდგენილი ინფორმაცია არასრულყოფილია ან შეიცავს უზუსტობებს, თუმცა პრეტენდენტის მიერ სატენდერო წინადადების სახით წარდგენილი დოკუმენტ(ებ)ის/ინფორმაციის ერთობლიობით, მათი შეფასების ანალიზისა და ურთიერთშეჯერების საფუძველზე შესაძლებელია შესყიდვის ობიექტის სასაქონლო ნიშნის, პატენტის, მოდელის, წარმოშობის წყაროს ან მწარმოებლის იდენტიფიკაცია.

4.1.1.1 იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%- ით ან მეტით არის დაბალი შესყიდვის ობიექტის სავარაუდო ღირებულებაზე, პრეტენდენტმა უნდა წარმოადგინოს საშემფასებლო ან აუდიტის ან ექსპერტიზის დასკვნა. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტ(ებ)ი.

4.1.1.2 სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

4.1.1.3 ექსპერტიზის დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.

ანგარიშსწორება განხორციელდება უნაღდო ანგარისწორებით ლარში, მიწოდებული საქონლის შესაბამისად, ანგარიშსწორების საფუძველია მხარეების უფლებამოსილი პირების მიერ გაფორმებული „მიღება–ჩაბარების“აქტი, წარმოდგენილი სასაქონლო ზედნადები და საგადასახადოანგარიშ–ფაქტურა (არსებობის შემთხვევაში).

შესაბამისი დოკუმენტაციის სრულყოფილად წარდგენიდან 10 (ათი) სამუშაო დღის ვადაში.

თამარ ბაღდავაძე, 555585908, t.bagdavadze@airports.ge

დამატებითი ინფორმაცია ელექტრონულ ტენდერში მონაწილეთათვის:
• ელექტრონულ ტენდერთან დაკავშირებული ყველა დოკუმენტი და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე.
• სახელმწიფო შესყიდვების ერთიან ელექტრონულ სისტემაში ატვირთული დოკუმენტი ან/და ინფორმაცია დადასტურებული უნდა იყოს უფლებამოსილი პირის მიერ კვალიფიციურად, ელექტრონული ხელმოწერით;
• პრეტენდენტს არა აქვს უფლება წარმოადგინოს ალტერნატიული სატენდერო წინადადება.
• სატენდერო წინადადებაში საერთო და ერთეულის ფასი გამოსახულ უნდა იყოს ყველა ხარჯის გათვალისწინებით (დღგ-ს გარეშე).
• სატენდერო წინადადების საერთო და ერთეულის ფასების წარმოდგენა დასაშვებია მხოლოდ ეროვნულ ვალუტაში - ლარი.

იმ შემთხვევაში თუ შემსყიდველმა ვერ მოახდინა შემოთავაზებული შესყიდვის ობიექტის ტექნიკური მახასიათებლების იდენტიფიცირება(გადამოწმება), იტოვებს უფლებას შერჩევა/შეფასების ეტაპზე პრეტენდენტს დამატებით მოსთხოვოს შემოთავაზებული საქონლის ტექნიკურიდოკუმენტაციის წარმოდგენა სისტემის საშუალებით (მაგ: data sheet, თანხმლები ტექნიკური დოკუმენტაცია, მწარმოებლის წერილი და ა.შ),რომლითაც დადასტურდება შემოთავაზებული პროდუქციის შესაბამისობა შემსყიდველის მიერ მოთხოვნილ პარამეტრებთან.