Аренда машин и оборудования для строительства и общественных работ с оператором (Грузия - Тендер #72068054)

1.1.1. შესყიდვის ობიექტის დასახელება: ზუგდიდის მუნიციპალიტეტის ადმინისტრაციულ ერთეულებში გზების მოხრეშვის სამუშაოებისათვის ინერტული მასალის მოპოვებისა და გადაზიდვის მიზნით სამშენებლო ტექნიკისა მათი ოპერატორების დაქირავების მომსახურების შესყიდვა.

ტექნიკური დავალება

I. გასაწევი მომსახურების ჩამონათვალი

1) გასაწევი მომსახურება გულისხმობს: ზუგდიდის მუნიციპალიტეტის ადმინისტრაციულ ერთეულებში გზების მოხრეშვის სამუშაოების შესასრულებლად ინერტული მასალის მოპოვების, დატვირთვისა და გადაზიდვის მიზნით შესაბამისი სამშენებლო ტექნიკის (ოპერატორებთან და მძღოლებთან ერთად) დაქირავებას.
2) მოპოვების ლოკაცია და მოცულობა: წიაღით სარგებლობის ობიექტი მდებარეობს ზუგდიდის მუნიციპალიტეტის ჯიხაშკარისა და ნარაზენის ადმინისტრაციულ ერთეულებში, მდ. ჭანისწყალზე (ჯიხაშკარის ადმინისტრაციული ერთეულის მდ. ჭანისწყალის ტერიტორია _ I უბანი 4605 მ/კუბი; II _ უბანი 4785მ/კუბი; ნარაზენის ადმინისტრაციული ერთეულის მდ. ჭანისწყალის ტერიტორია 4725 მ3) დასახელებულ ობიექტზე მოსაპოვებელი, გადასამუშავებული და მისაწოდებელი წიაღისეულის (ქვიშა-ხრეშის) რაოდენობრივი მაჩვენებელია: 14115 მ/კუბი. მოპოვება უნდა განხორციელდეს არაუმეტეს 1.5 მეტრის სიღრმეზე.

II. მომსახურების გაწევის პირობები

1) ცალკეული დასაქირავებელი ტექნიკისათვის _ ავტოთვითმცლელი (ტვირთამწეობა არანაკლებ 20 მ/კუბ) და ექსკავატორი მუხლუხა სვლაზე (ციცხვის მოცულობა არანაკლებ 1 მ/კუბ) გათვალისწინებული საათობრივი ღირებულება მოცემულია პრეისკურანტში _ №1 დანართში.
2) მიმწოდებელი ვალდებულია: ა) საკუთარი ხარჯებით მიაწოდოს სამშენებლო ტექნიკა სამუშაო ობიექტზე და განახორციელოს გადაზიდვა შემსყიდველი ორგანიზაციის მიერ მითითებულ ადგილებზე; ბ) საკუთარი ხარჯებით უზრუნველყოს ტექნიკის საწვავით მომარაგება, რემონტი და ოპერატორთა ანაზღაურება; გ) მანქანა საათების ათვლა დაიყება ობიექტზე (მოპოვების ან დაცლის ადგილზე) მუშაობის დაწყების მომენტიდან. ნამუშევარი დროის აღრიცხვა უნდა დადასტურდეს შემსყიდველის უფლებამოსილი პირის (ზედამხედველის ან მერის წარმომადგენლის) მიერ; დ) მომსახურების საფასურის დაანგარიშება და ანაზღაურდება მოხდება პრეისკურანტში დაფიქსირებული ერთეულის ფასის გათვალისწინებით.

III.სხვა მოთხოვნები

1) პრეისკურანტის სავარაუდო ღირებულება შეადგენს 131,70 ლარს, ხოლო გასაწევი მომსახურების სახელშეკრულებო ღირებულება განისაზღვრება 70000 ლარით.
2) სატენდერო წინადადების ფასი წარმოდგენილი უნდა იქნეს სატენდერო დოკუმენტაციის პრეისკურანტში მოცემული ერთეულის ფასების ჯამურ ღირებულების შესაბამისად, მაგრამ, არაუმეტეს ტენდერის ჩატარების შესახებ, განცხადებაში მითითებული პრეისკურანტის სავარაუდო ღირებულებისა.
3) პრეტენდენტის მიერ სისტემის მეშვეობით წარდგენილი წინადადების ფასი არ უნდა აღემატებოდეს პრეისკურანტის სავარაუდო ღირებულებას (განფასების ცხრილების თითოეულ პოზიციაზე მითითებულ სავარაუდო ერთეულის ფასს) და ელექტრონული ვაჭრობის შედეგად წინადადების ფასის კლება შესაძლებელია განხორციელდეს მხოლოდ პრეისკურანტის სავარაუდო ღირებულებასთან მიმართებაში.
4) ტენდერში მონაწილე პრეტენდენტის მიერ სისტემის მეშვეობით წარმოდგენილ პრეისკურანტის ჯამურ ღირებულებას და ვაჭრობის შედაგად დაფიქსირებულ საბოლოო თანხას შორის სხვაობის შემთხვევაში, სხვაობა პროპორციულად უნდა გადანაწილდეს პრეისკურანტში მოცემულ ყოველ ცალკეულ პოზიციაზე. ამისათვის, პრეისკურანტის ჯამური ღირებულების დაზუსტებისას, პრეტენდენტმა პროპორციულად უნდა შეამციროს თითოეული პოზციის ღირებულება.
5) შემსყიდველი იტოვებს უფლებას სრულად არ აითვისოს სატენდერო დოკუმენტაციაში მოცემული შესყიდვის მოცულობა და შესაბამისად სახელშეკრულებო ღირებულების სრული ანაზღაურება (შესყიდვის ობიექტის ღირებულება შემცირდება ფაქტობრივად გაწეული მომსახურების მიხედვით).

1.4.1. მომსახურების გაწევა _ ინერტული სამშენებლო მასალის მოპოვება და მიწოდება (გადაზიდვა) უნდა უზრუნველყოს ეტაპობრივად, მოთხოვნის შესაბამისად, 2026 წლის 31 დეკემბრამდე, ზუგდიდის მუნიციპალიტეტის ადმინისტრაციულ ერთეულებში, გზის საფარის მოხრეშვისათვის.

1.5.1. ტენდერში გამარჯვებულს, მოსაპოვებელი და გადასაზიდი _ ინერტული მასალის მოცულობისა და მიწოდების დაწყება-დამთავრების შესახებ ეცნობება წინასწარ, მომსახურების დაწყებამდე მინიმუმ 3 (სამი) კალენდარული დღით ადრე (მომსახურების გაწევა შესაძლებელია განხორციელდეს როგორც სამუშაო დღეებში, ისე უქმე დღეებში, შემსყიდველის საჭიროების შესაბამისად).
1.5.2. მიწოდების ადგილია: ზუგდიდის მუნიციპალიტეტის ადმინისტრაციული ერთეულები (კონკრეტული ადგილმდებარეობა ტენდერში გამარჯვებულს ეცნობება დამატებით, მიწოდების დაწყებამდე).
1.5.3. თითოეულ ეტაპზე, ერთჯერადად მოთხოვნილი იქნება არაუმეტს 200 (ორასი) მ/კუბი ინერტული მასალის მოპოვება და მიწოდება.
1.5.4. შემსყიდველის მოთხოვნის შესაბამისად, ტენდერში გამარჯვებული ვალდებულია, ერთჯერადად მოთხოვნილი მასალის მიწოდება დაასრულოს მოთხოვნიდან 2 (ორი) კალენდარულ დღეში. მიწოდების დასრულებამდე ახალი მოთხოვნა არ განხორციელდება.
1.5.5.განსაზღვრულ ვადაში მიწოდების შეუსრულებლობა ან/და დაგვიანებით შესრულება გამოიწვევს ტენდერში გამარჯვებული პრეტენდენტის პასუხისმგებლობას, წინამდებარე სატენდერო დოკუმენტაციის ხელშეკრულების პროექტში განსაზღვრული წესის შესაბამისად.

2.9.1. მომსახურების ღირებულება, წარმოდგენილი უნდა იყოს საქართველოს კანონმდებლობით დადგენილი ყველა გადასახადის, მოპოვების, დატვირთვის, მიწოდების ადგილამდე ტრანსპორტირებისა და სხვა ხარჯის გათვალისწინებით.

1) თუ ტენდერში, ელექტრონული ვაჭრობის შედეგად, ყველაზე დაბალი ფასის წინადადების მქონე პრეტენდენტის მიერ დაფიქსირებული საბოლოო ფასი 20%-ით ან მეტით ნაკლებია შესყიდვის სავარაუდო ღირებულებაზე, პრეტენდენტს, დადგენილ ვადაში, მოეთხოვება ფასწარმოქმნის ადეკვატურობის დასაბუთება. ფასწარმოქმნის ადეკვატურობა უნდა დასაბუთდეს სსიპ „ლევან სამხარაულის ექსპერტიზის ეროვნული ბიუროს“ ან სხვა აკრედიტირებული პირის ან აუდიტორის/აუდიტორული ფირმის დასკვნით (თუ ექსპერტიზის დასკვნის გამცემი არ იქნება სსიპ ლევან სამხარაულის სახელობის სასამართლო ექსპერტიზის ეროვნული ბიურო დასკვნასთან ერთად დამატებით წარმოდგენილი უნდა იქნეს დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტაცია), რომელიც დაადასტურებს დაფიქსირებულ ფასად სატენდერო დოკუმენტაციით განსაზღვრული შესყიდვის ობიექტის მიწოდების შესაძლებლობას.
2) ფასწარმოქმნის ადეკვატურობის დამადასტურებელი დოკუმენტ(ებ)ით შესყიდვის ობიექტის მიწოდების შესაძლებლობა უნდა დასტურდებოდეს, როგორც, პრეტენდენტის მიერ დაფიქსირებული წინადადების ფასთან (ხარჯთაღრიცხვის მთლიან ღირებულებასთან), ასევე, ხარჯთაღრიცხვის ერთეულის ფასებთან მიმართებაში.
3) ფასწარმოქმნის ადეკვატურობის დამადასტურებელი დოკუმენტ(ებ)ის დადგენილ ვადაში წარუდგენლობა ან სატენდერო პირობებთან ან/და ტექნიკურ დოკუმენტაციასთან შეუსაბამობა გამოიწვევს პრეტენდენტის დისკვალიფიკაციას, სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანებით დამტკიცებული „ელექტრონული ტენდერის ჩატარების წესის“ 32-ე მუხლის პირველი პუნქტის „დ“ ქვეპუნქტის საფუძველზე.

7.2.1. ანგარიშსწორება განხორციელდება უნაღდო ანგარიშსწორების წესით, თანხის გადარიცხვის ფორმით, ეროვნულ ვალუტაში _ ლარში.
7.2.2. ანგარიშსწორება იწარმოებს, ფაქტობრივად გაწეული მომსახურების გათვალისწინებით, შესაბამისი მიღება-ჩაბარების აქტის საფუძველზე.
7.2.3. იმ შემთხვევაში, თუ განსაზღვრული გარემოებების გამო გაწეული მომსახურების ღირებულებამ არ შეადგინა ხელშეკრულებით გათვალისწინებული თანხა, მუნიციპალიტეტი აანაზღაურებს ფაქტობრივად გაწეული მომსახურების თანხას, ხელშეკრულებით განსაზღვრული ფასების შესაბამისად. გამომდინარე აქედან, ელექტრონულ ტენდერში გამარჯვებულ პრეტენდენტს პრეტენზია არ უნდა გააჩნდეს აუთვისებელი მომსახურების მოცულობათა შესრულებაზე და მის გადახდაზე.

7.3.1. ანგარიშსწორება განხორციელდება ფაქტობრივად გაწეული მომსახურების გათვალისწინებით შესაბამისი მიღება-ჩაბარების აქტის ხელმოწერიდან 10 (ათი) სამუშაო დღის განმავლობაში (მომსახურების საფასურის დაანგარიშება და ანაზღაურდება მოხდება პრეისკურანტში დაფიქსირებული ერთეულის ფასის გათვალისწინებით).

ბესიკ ქარდავა, 595222788, kardava.b@gmail.com

1) სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება „სახელმწიფო შესყიდვების შესახებ“ საქართველოს კანონისა და „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის №12 ბრძანების საფუძველზე.
2) ტენდერში მონაწილე პრეტენდენტის სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია და დოკუმენტაცია შედგენილ უნდა იქნეს ქართულ ენაზე.
3) პრედენტენტის მიერ წარმოდგენილი სატენდერო წინადადება და მასში შემავალი დოკუმენტაცია შესრულებული/დამოწმებული უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად. ასევე, „სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმძღვანელო ინსტრუქციის გათვალისწინებით.
4) პრეტენდენტს უფლება არა აქვს წარმოადგინოს ალტერნატიული სატენდერო წინადადება.
5) სატენდერო წინადადების წარდგენით პრეტენდენტი ეთანხმება სატენდერო დოკუმენტაციით დადგენილ მოთხოვნებსა და პირობებს.