Страховые и пенсионные услуги (Грузия - Тендер #71757036)

საგარეჯოს მუნიციპალიტეტის მერიისა და საკრებულოს თანამშრომლებისთვის (მათი ოჯახის წევრის/წევრების დაზღვევის შესაძლებლობით) ჯანმრთელობის დაზღვევის მომსახურების შესყიდვა.

შესყიდვის ობიექტია საგარეჯოს მუნიციპალიტეტის მერიის 164 და საკრებულოს 46 ჯამში 210 თანამშრომლის ჯანმრთელობის დაზღვევის მომსახურება.
საგარეჯოს მუნიციპალიტეტის მერიისა და საკრებულოს თანამშრომლების (მათი ოჯახის წევრის/წევრების შესაძლებლობით) ჯანმრთელობის დაზღვევის პირობები იხილეთ ტექნიკურ დავალებაში - იხილეთ ტექნიკური დავალება, დანართი N1.

1.მიმწოდებლის მიერ მომსახურების (ჯანმრთელობის დაზღვევა) გაწევა უნდა განხორციელდეს ხელშეკრულების გაფორმებიდან 2026 წლის 31 დეკემბრის ჩათვლით.

2. იმ შემთხვევაში თუ 2026 წელს მომსახურების გაწევის პერიოდში გამოცხადებულ იქნა კონსოლიდირებული ტენდერი ჯანმრთელობისა და სიცოცხლის დაზღვევის მომსახურების სახელმწიფო შესყიდვის მიზნით, მაშინ მხოლოდ შემსყიდველი ორგანიზაციის წერილობითი მოთხოვნის საფუძველზე, მიმწოდებელი ორგანიზაცია ვალდებულია შეწყვიტოს მომსახურების გაწევა, შემსყიდველი ორგანიზაციის მიმართ ყოველგვარი საჯარიმო სანქციის გამოყენების გარეშე. აღნიშნული შეწყვეტა გაფორმდება წერილობით, მხარეთა ურთიერთშეთანხმების საფუძველზე.

მიმწოდებლის მიერ მომსახურების (ჯანმრთელობის დაზღვევა) გაწევა უნდა განხორციელდეს, როგორც საქართველოს მთელ ტერიტორიაზე დანართი №1-ის ("ტექნიკური დავალების") დანართი №3-ის ("ინფორმაცია პროვაიდერული კლინიკების შესახებ") კლინიკებში, თავისუფალი არჩევანის შესაბამისად.

2.3.1.1. პრეტენდენტს უნდა უზრუნველყოს საქართვლოში მინიმუმ 150 პროვაიდერი კლინიკაში, მათ შორის ქ. თბილისში არანაკლებ 90 პროვაიდერ კლინიკაში (მათ შორის არანაკლებ 35 მრავალპროფილური სამედიცინო დაწესებულება, რომელსაც ექნება ამბულატორია/სტაციონარული სერვისები) დაზღვეულისთვის მომსახურების მიღება. (მათ შორის არანაკლებ 5 მრავალპროფილური ამბულატორია/სტაციონარულის სერვისებით სარგებლობა.

ასევე უნდა ყავდეს არანაკლებ 1 (ერთი) პროვაიდერი სტომატოლოგიური კლინიკა საგარეჯოში, თბილისში, არანაკლებ 20 პროვაიდერი სტომატოლოგიური კლინიკა, რომელთაგან არანაკლებ 5 კლინიკაში შესაძლებელი უნდა იყოს სამედიცინო ჩვენების შემთხვევაში მიკროსკოპით მკურნალობა.

2.3.1.2 პრეტენდენტს ქალაქ საგარეჯოში უნდა ჰყავდეს არანაკლებ 1 (ერთი) ოჯახის ექიმი ან/და სადაზღვევო კომპანიის წარმომადგენელი, რომელმაც უნდა უზრუნველყოს გეგმიური ამბულატორიული მომსახურების დროს ყველა საჭირო მიმართვების გამოწერა/გადაგზავნა პროვაიდერ კლინიკებში, მედიკამენტების შემთხვევაში ე.წ სმს კოდების გაგზავნა პროვაიდერ სააფთიაქოქსელში.

2.3.1.3. პრეტენდენტს უნდა ჰქონდეს არანაკლებ 5 (ხუთი) პროვაიდერი სააფთიაქო ქსელი, ქ.საგრეჯოში არანაკლებ 3 (სამი) ქსელი, სადაც დაზღვეულს შესაძლებლობა ექნება ექიმის მიერ დანიშნული მედიკამენტების მიღება, თანადაფინანსების ფარგლებში.

2.3.1.4 პრეტენდენტს უნდა გააჩნდეს დოკუმენტბრუნვის და ანაზღაურების მარტივი ელექტრონული უზრუნველყოფა, მობილური აპლიკაცია ან/და ელექტრონული პორტალი.

პრეტენდენტს უნდა გააჩნდეს და ელექტრონულ სისტემაში ატვირთოს შესყიდვის ობიექტით განსაზღვრული მომსახაურების სფეროში სადაზღვევო საქმიანობის ლიცენზია.

პრეტენდენტმა სისტემაში უნდა ატვირთოს შემდეგი დოკუმენტები და ინფორმაცია:
1. ფასების ცხრილი 1.3 პუნქტის შესაბამისად;
2. შესყიდვის ობიექტით განსაზღვრული მომსახაურების სფეროში სადაზღვევო საქმიანობის ლიცენზია (ლიცენზიები);
3. ტექნიკური დავალება - დანართი №1.(ხელმოწერით დადასტურებული)
4. პაკეტები წარმოდგენილი Excel-ის ფაილში (დანართი N4) , გაფასებული და PDF ფორმატში ხელმოწერით დადასტურებული.
5. ინფორმაცია პროვაიდერული კლინიკების შესახებ - ზედმიწევნად სრულად შევსებული დანართი №3(შევსებული ყველა ე.წ. შიტები). პრეტენდენტი ვალდებულია წარმოადგინოს, დანართ №3-ით დადგენილი მოთხოვნის შესაბამისად, პროვაიდერ კლინიკებთან გაფორმებული კონტრაქტების მოქმედების ვადის შესახებ ინფორმაცია, ამასთან კონტრაქტის მოქმედების ვადა მომსახურების გაწევის ვადაზე ნაკლები არ უნდა იყოს.
5.1. პრეტენდენტმა უნდა წარმოადგინოს: პროვაიდერი კლინიკის მიერ გაცემული ცნობა/წერილი, რომელშიც უნდა იკითხებოდეს კლინიკის პროფილი/მრავალპროფილურობა და რომელიც დაადასტურებს, რომ კლინიკებთან გაფორმებული კონტრაქტის მოქმედების ვადა, მომსახურების გაწევის ვადაზე ნაკლები არაა და ცნობის/ წერილის გაცემის თარიღი წინ არ უნდა უსწრებდეს ტენდერის სტატუსს ,,გამოცხადებულია".
6. ინფორმაცია ოჯახის ექიმის შესახება - პრეტენდენტს ქალაქ საგარეჯოში უნდა ჰყავდეს არანაკლებ 1 (ერთი) ოჯახის ექიმი ან/და სადაზღვევო კომპანიის წარმომადგენელი, რომელიც გაცემს მიმართვებს და რეცეპტებს ან შესაძლებელი იქნება მიმართვების და რეცეპტების ელექტრონული ფორმით აღება. რომელიც უნდა დადასტურდეს შესაბამისი კლინიკიდან გაცემული ცნობა/წერილით;
7. პრეტენდენტმა უნდა წარმოადგინოს ინფორმაცია პროვაიდერი სააფთიაქო ქსელის შესახებ, არანაკლებ 5 (ხუთი) პროვაიდერი სააფთიაქო ქსელი, ქ.საგრეჯოში არანაკლებ 3 (სამი) ქსელი.
8. პრეტენდენტმა უნდა წარმოადგინოს ინფორმაცია (ცნობა/წერილი) პროვაიდერი სტომატოლოგიური კლინიკიდან, სადაც შესაძლებელი უნდა იყოს სამედიცინო ჩვენების შემთხვევაში მიკროსკოპით მკურნალობა.
9. ინფორმაცია - ონლიან მობილური აპლიკაციის ან/და ელექტრონული პორტალის შესახებ. (წარმოდგენილი უნდა იყოს ელექტრონული სერვისებით სარგებლობის ინსტრუქცია).

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია მის მიერვე განსაზღვრულ ვადაში პრეტენდენტისაგან ითხოვს ფასწარმოქმნის ადეკვატურობის დასაბუთებას. ფასწარმოქმნის ადეკვატურობა უნდა დასაბუთდეს აკრედიტებული ან სერთიფიცირებული ორგანოს/პირის მიერ გაცემული შესაბამისი დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას (დასკვნასთან ერთად წარმოდგენილ უნდა იქნეს დასკვნის გამცემი პირის აკრედიტაციის/სერთიფიცირების დამადასტურებელი დოკუმენტის ასლი), იმ შემთხვევაში თუ პრეტენდენტის მიერ არ იქნა წარმოდგენილი დასკვნა და აკრეტიტაციის/სერთიფიცირების დამადასტურებელი დოკუმენტი შემსყიდველის მიერ იგი არ ჩაითვლება დამაკმაყოფილებლად და შესაბამისად მოხდება პრეტენდენტის დისკვალიფიკაცია. ფასწარმოქმნის ადეკვატურობის დასაბუთების წარმოდგენაზე ვრცელდება „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის # 12 ბრძანების მე-18 მუხლის მე-6 და მე-7 პუნქტებით განსაზღვრული წესები.

7.2.1. ანგარიშსწორება განხორციელდება, უნაღდო ანგარიშწორებით ლარებში, ფაქტობრივად გაწეული მომსახურების შესაბამისად.
7.2.2. ხელშეკრულების ღირებულების ფარგლებში სადაზღვევო პრემიის გადახდა განხორციელდება თითოეულ დაზღვეულ თანამშრომელზე არაუმეტეს ინდივიდუალური პაკეტის“ ღირებულების ოდენობით. ანგარიშსწორება იწარმოებს მომსახურების გაწევის შემდეგ, ყოველთვიურად, მხარეთა შორის გაფორმებული მიღება–ჩაბარების აქტის საფუძველზე.
7.2.3. იმ შემთხვევაში, თუ თანამშრომელს სურვილი აქვს, შეიძინოს პაკეტი (ინდივიდუალური, საოჯახო ან/და ოჯახის წევრის ან/და გაუმჯობესებული პაკეტი), რომლის ღირებულებაც აღემატება ინდივიდუალური პაკეტის“ ფასს - შემსყიდველი, დაზღვეულის სასარგებლოდ იხდის მხოლოდ ინდივიდუალური პაკეტის“ სადაზღვევო პრემიას, ხოლო ფასთა შორის სხვაობას, შემსყიდველის მიერ გადახდილ პრემიასა და სასურველი პაკეტის პრემიებს შორის, იხდის დაზღვეული.
7.2.4. შემსყიდველი, უზრუნველყოფს დაზღვეულის მიერ გადასახდელი თანხის მიმწოდებლისთვის გადარიცხვას თანამშრომლის ხელფასიდან.

ანგარიშსწორებისთვის აუცილებელი დოკუმენტების სრულყოფილად გაფორმებიდან/წარმოდგენიდან არაუგვიანეს 10 (ათი) სამუშაო დღის განმავლობაში.

ხატია ძაბილაშვილი, 598126294, shesyidvebisagarejo@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.
3. 2019 წლის 1 იანვრიდან, შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით /კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა შესაძლებელია მხოლოდ PDF ფორმატის დოკუმენტებზე/.
4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
5. პრედენდენტს არა აქვს უფლება წარმოადგინოს ალტერნატიული სატენდერო წინადადება.
6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე):
7.1. თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად.