Электрическое оборудование (Грузия - Тендер #71622338)

ტექნიკური დავალებით გათვალისწინებული სხვადასხვა დასახელების ლაბორატორიული ხელსაწყოსა და დანადგარის შესყიდვა, კერძოდ:
1. არმირების მდებარეობის, დიამეტრის და დამცავი შრის განმსაზღვრელი ხელსაწყოს კომპლექტი;
2. არმირების მდებარეობის, არმირების სქემის და დამცავი შრის განმსამზღვრელი ხელსაწყოს კომპლექტი;
3. ბეტონში არმატურის მდებარეობის განმსაზღვრელი ხელსაწყოს კომპლექტი.

1. შესყიდვის ობიექტის ტექნიკური მახასიათებლები და რაოდენობა იხილეთ თანდართულ ფაილში - ტექნიკური დავალება.
2. თითოეული შესყიდვის ობიექტი (ყველა მაკომპლექტებელი ნაწილით) უნდა იყოს ახალი, არ უნდა იყოს ექსპლუატაციაში ნამყოფი. ამასთან, თითოეული შესყიდვის ობიექტი/კომპლექტი სრულად უნდა იყოს აღჭურვილი ყველა იმ მატერიალური თუ არამატერიალური კომპონენტით (მაგ.: ფუნქციონირებისათვის საჭირო აგრეგატით, ნაწილით, პროგრამით), რაც საჭიროა მისი სრულფასოვანი ფუნქციონირებისთვის, ზუსტი ცდების/გაზომვების ჩასატარებლად და მიღებული მონაცემების დასამუშავებლად.
3. თითოეული კომპლექტის შემადგენლობაში შემავალი საქონელი უნდა იყოს ტექნიკურად და პროგრამულად (საჭიროების შემთხვევაში) ერთმანეთთან სრულიად თავსებადი.

გთხოვთ იხილოთ თანდართული დოკუმენტი:

ტექნიკური დავალებით გათვალისწინებული საქონლის მიწოდება უნდა განხორციელდეს ერთჯერადად, ან ეტაპობრივად, ხელშეკრულების გაფორმებიდან არაუგვიანეს 45 კალენდარული დღის ვადაში.

1. შესყიდვის ობიექტის მოწოდება უნდა განხორციელდეს შემსყიდველის მისამართზე რომელიც განსაზღვრულია ხელშეკრულებით, ან, ქ. თბილისში, შემსყიდველის მიერ მითითებულ მისამართზე, რომელიც მიმწოდებელს ეცნობება დამატებით.
2. მომწოდებელმა საქონლის ტრანსპორტირება/მოწოდება უნდა უზრუნველყოს უსაფრთხოების ნორმებისა და სტანდარტების განუხრელი დაცვით.

1. ტექნიკური დავალების 1.1, 2.1 და 3.1 პუნქტებით განსაზღვრულ საქონელზე, შესყიდვის ობიექტის მაკომპლექტებელ ხელსაწყო(ებ)ზე ვრცელდება გარანტია შესყიდვის ობიექტის მოწოდების დამადასტურებელი მიღება-ჩაბარების აქტის გაფორმების დღიდან არანაკლებ 2 (ორი) წლის განმავლობაში.
2. საგარანტიო ვადის განმავლობაში მიმწოდებელი ვალდებულია, შემსყიდველის მიმართვის შემდეგ, საკუთარი ხარჯებით უზრუნველყოს შესაბამისი საქონლის ქარხნული წუნის/დეფექტებისა ან/და ნორმალური ექსპლუატაციის პროცესში წარმოქმნილი ხარვეზების, ასევე, თანმდევი მომსახურების ხარვეზ(ებ)ის აღმოფხვრა, მათ შორის წუნდებული საქონლის შეცვლა ახლით (ტრანსპორტირების ჩათვლით), ასეთი დეფექტის/ხარვეზის/წუნის დაფიქსირების დღიდან შემსყიდველთან შეთანხმებულ გონივრულ ვადაში.
3. საგარანტიო პერიოდში მიმწოდებელმა, ასევე უნდა უზრუნველყოს შემსყიდველის კონსულტირება შესყიდვის ობიექტების ფუნქციონირებასთან დაკავშირებულ საკითხებზე.
4. თითოეულ ხელსაწყოზე, შემსყიდველის მოთხოვნიდან არაუგვიანეს 10 კალენდარული დღის ვადაში, უზრუნველყოს არაუმეტეს 5 თანამშრომლის ტრენინგი მოწყობილობების
ექსპლუატაციასთან დაკავშირებულ საკითხებზე და მასთან დაკავშირებული ყველა სახის ხარჯის გაწევა. ტრენინგი უნდა მოიცავდეს თეორიულ და პრაქტიკულ ნაწილს (მათ, შორის, ტექნიკური დავალებით განსაზღვრულ ხელსაწყოებთან დაკავშირებით, მიმწოდებელმა უნდა უზრუნველყოს თანამშრომელთა თეორიული და პრაქტიკული სწავლება ცდის/შემოწმების მიმდინარეობის მეთოდთან/პროცესთან დაკავშირებით).

პრეტენდენტმა, სატენდერო დოკუმენტაციის ფასების ცხრილში, თითოეულ პოზიციაზე, ფასების ცხრილის მოთხოვნათა შესაბამისად, უნდა მიუთითოს ინფორმაცია შემოთავაზებული საქონლის მწარმოებლის, მწარმოებელი ქვეყნისა და მოდელის (ან საქონლის ნომრის/იდენტიფიკატორის) შესახებ. იმ შემთხვევაში თუ საქონელს მოდელი არ გააჩნია, პრეტენდენტმა აღნიშნულის შესახებ უნდა მიუთითოს მოდელის დასახელებაში.

ტექნიკური დავალების 1.1, 2.1. და 3.1. პოზიციებზე შემოთავაზებულ საქონელზე მიმწოდებელმა უნდა გაითვალისწინოს შემდეგი:

1. შემოთავაზებული საქონლის მწარმოებელი უნდა აკმაყოფილებდეს ISO 9001:2015; სტანდარტის მოთხოვნებს და აღნიშნულის დამადასტურებლად წარმოდგენილი უნდა იქნას შესაბამისი ძალაში მყოფი სერტიფიკატის ასლი, რომელიც გაცემული უნდა იყოს EA(uropean co-operation for Accreditation)-ის ან ANAB(ANSI National Accreditation Board)-ის ან A2LA(American Association for Laboratory Accreditation)-ის ან IAS(International Accreditation Service)-ის წევრი ეროვნული აკრედიტაციის ორგანოს მიერ აკრედიტებული სერტიფიკაციის ორგანოს მიერ.
2. პრეტენდენტმა უნდა წარმოადგინოს ტექნიკური დოკუმენტაციის 1.1, 2.1 და 3.1 მუხლით განსაზღვრული შემოთავაზებული საქონლის მწარმოებლის ავტორიზაციის წერილ(ებ)ი (MAF), რომელიც დაადასტურებს რომ პრეტენდენტი არის შემოთავაზებული საქონლის მწარმოებლის ოფიციალური წარმომადგენელი ან/და პრეტენდენტს გააჩნია შემოთავაზებული საქონლის გაყიდვის ავტორიზაცია. აღნიშნული დოკუმენტი ხელმოწერილი უნდა იყოს შემოთავაზებული შესყიდვის ობიექტ(ებ)ის მწარმოებელის უფლებამოსილი პირის მიერ და მასში მითითებული უნდა იყოს პრეტენდენტის დასახელება.
3. საქონელს უნდა გააჩნდეს CE მარკირება, რის დამადასტურებლადაც, მიმწოდებელმა საქონლის მოწოდებისას უნდა წარმოადგინოს მწარმოებლის მიერ გაცემული, ევროკავშირის შესაბამისობის დეკლარაციებთან თანხვედრის დოკუმენტი;
4. საქონლის მოწოდების მომენტში წარმოდგენილი უნდა იქნას, მწარმოებლის მიერ გაცემული, ან EA(uropean co-operation for Accreditation)-ის ან ANAB(ANSI National Accreditation Board)-ის ან A2LA(American Association for Laboratory Accreditation)-ის ან IAS(International Accreditation Service)-ის წევრი ეროვნული აკრედიტაციის ორგანოს მიერ ISO17025 სტანდარტით აკრედიტირებული სასერთიფიკატო ორგანოდან გაცემული, ძალაში მყოფი, კალიბრაციის დოკუმენტი;

პრეტენდენტმა უნდა წარმოადგინოს ტექნიკური დავალების 1.1, 2.1. და 3.1. პოზიციებზე შემოთავაზებული საქონლის მწარმოებლის მიერ ოფიციალურად დეკლარირებული ინფორმაცია (მწარმოებლის წერილი ან/და მისაწოდებელი საქონლის პასპორტი ან/და ამონაბეჭდი მწარმოებლის ოფიციალური საიტიდან წყაროს/ბმულისმითითებით, თარგმნილი ქართულ ენაზე) თითოეული შემოთავაზებული საქონლის ტექნიკური მონაცემების შესახებ, ტექნიკური დავალებით განსაზღვრული შესაბამისი „საქონლის აღწერილობაში“ მითითებული მოთხოვნების მიხედვით. ინფორმაცია/დოკუმენტაცია სისტემაში ატვირთულ უნდა იქნას სატენდერო დოკუმენტაციის 10.1.2 პუნქტის მოთხოვნათა გათვალისწინებით.

იმ შემთხვევაში, თუ პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს სსიპ "ლევან სამხარაულის სასამართლო ექსპერტიზის ეროვნული ბიურო"-ს ან/და საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით, რომლითაც ცალსახად უნდა დასტურდებოდეს ხელშეკრულებით ნაკისრი ვალდებულებების შესრულების შესაძლებლობა, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილის ერთეულებთან მიმართებით.

პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.

ხელშეკრულების ფარგლებში ანგარიშსწორება ხორციელდება უნაღდო ანგარიშსწორების ფორმით, საქართველოს ეროვნულ ვალუტაში, ხელშეკრულებით გათვალისწინებულ რეკვიზიტებზე, მხარეთა შორის გაფორმებული მიღება-ჩაბარების აქტის გაფორმებიდან და საგადასახადო ანგარიშ-ფაქტურის დადასტურებიდან (თუ მიმწოდებელი რეგისტრირებულია დღგ-ის გადამხდელად) არაუგვიანეს 10 (ათი) სამუშაო დღის განმავლობაში.

ანგარიშსწორებისთვის განსაზღვრული დოკუმენტების სრულყოფილად გაფორმებიდან 10 (ათი) სამუშაო დღის განმავლობაში.

გვანცა ბაბულეიშვილი, 598633263, gvantsa.babuleishvili@georoad.ge

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე, რომელშიც, თარგმანის სისწორე ან/და მთარგმნელის ხელმოწერის ნამდვილობა დამოწმებული უნდა იყოს ნოტარიული წესით.
3. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. იმ შემთხვევაში, თუ პრეტენდენტის მიერ ტექნიკური დოკუმენტაციის სახით წარმოდგენილი დოკუმენტ(ებ)ი შედგენილია და მხარეთა მიერ ხელმოწერილია ელექტრონულად, პრეტენდენტი ვალდებულია წარმოადგინოს აღნიშნული ელექტრონული დოკუმენტ(ებ)ის ორიგინალი ეგზემპლარ(ებ)ი, ან მისი დამოწმებული ამონაბეჭდი, საქართველოს კანონმდებლობის მოთხოვნათა შესაბამისად;
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. პრედენდენტს არა აქვს უფლება წარმოადგინოს ალტერნატიული სატენდერო წინადადება;
7. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.
8. პრეტენდენტი ვალდებულია ფასების ცხრილში მითითებული ერთეულისა და საერთო ფასები, მათი ათწილადით გამოსახვის შემთხვევაში, გამოსახოს და შესაბამისად გაინაგარიშოს მძიმის შემდეგ ორი ციფრის (მეასედის) სიზუსტით;
9. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი ან ის წარმოდგენილი იქნება განუფასებლად. ასევე, თუ მის მიერ, სატენდერო პირობების და კანონმდებლობის მოთხოვნათა გათვალისწინებით, არ იქნება წარმოდგენილი სატენდერო დოკუმენტაციით განსაზღვრული ინფორმაცია შემოთავაზებული საქონლის მწარმოებლის, მწარმოებელი ქვეყნისა და მოდელის (ან საქონლის ნომრის/იდენტიფიკატორის) შესახებ;
10. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
11. პრეტენდენტი ვალდებულია, დაიცვას „პერსონალურ მონაცემთა დაცვის შესახებ“ საქართველოს კანონის მოთხოვნები და ინფორმაცია დაამუშავოს ამავე კანონით განსაზღვრული წესითა და პირობებით.
12. ტენდერში მონაწილეობით პრეტენდენტი ადასტურებს, რომ მის სატენდერო წინადადებაში მითითებული, ფიზიკური პირების პერსონალური მონაცემები (ასეთის არსებობის შემთხვევაში), მოპოვებულია „პერსონალურ მონაცემთა დაცვის შესახებ“ საქართველოს კანონის მოთხოვნათა შესაბამისად და პირი თანახმაა მიმწოდებლის მიერ შემსყიდველისთვის აღნიშნული ინფორმაციის წარდგენაზე, ასევე, მიმწოდებლის და შემსყიდველის მიერ მათი პერსონალური მონაცემების დამუშავებაზე ამავე კანონის მოთხოვნათა დაცვით.
13. იმ შემთხვევაში, თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.