Ремонт и техническое обслуживание насосов, вентилей, кранов и металлических емкостей и оборудования (Грузия - Тендер #71476397)

სსიპ ,,ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის" სათაო ოფისსა და რეგიონებში არსებული 14 გენერატორის შეკეთებისა და ტექნიკური მომსახურების შესყიდვა.

სსიპ - ლ. საყვარელიძის სახელობის დაავადებათა კონტროლისა და საზოგადოებრივი ჯანმრთელობის ეროვნული ცენტრის სათაო ოფისის, საზოგადოებრივი ჯანდაცვის სახელმწიფო პროგრამების და რეგიონული მართვის დეპარტამენტის იმერეთის და აჭარის სამმართველოების, კახეთის, შიდა ქართლის, სამცხე-ჯავახეთის, ოზურგეთის, რაჭა-ლეჩხუმი-ქვემო სვანეთის, სამეგრელო-ზემო სვანეთის და ფოთის განყოფილებების ტერიტორიაზე არსებული გენერატორების (14 ცალი) და მასთან არსებული სისტემების შეკეთება და ტექნიკური მომსახურება.

მომწოდებელმა უნდა უზრუნველყოს წარმომადგენლის გამოყოფა პირველი პუნქტით განსაზღვრულ რეგიონებში.

,,მიმწოდებელმა" გენერატორების (14 ცალი) და მასთან არსებული სისტემების გამართული ფუნქციონირებისათვის ,,შემსყიდველის" მოთხოვნის შესაბამისად (სავარაუდოდ 2-3 თვეში ერთხელ, მოთხოვნიდან ერთი კვირის განმავლობაში) უნდა მოახდინოს მათი მდგომარეობის შემოწმება (ზეთის, ფილტრების, გამაგრილებელი და გამათბობელი სისტემების შემოწმება და გამოცვლა, საკონტროლო გაშვება და სხვა) და დაზიანების შემთხვევაში ოპერატიულად (შეტყობინების მიღებიდან 24 საათში) გამოცხადდეს ადგილზე და საკუთარი ხარჯებით (მასალების და ტრანსპორტირების ჩათვლით) აღმოფხვრას დაზიანება.

სამუშაოების ჩატარების დროს ,,მიმწოდებელმა" უნდა დაიცვას უსაფრთხოების წესები. სამუშაოების ჩატარება ,,მიმწოდებელმა" უნდა უზრუნველყოს საკუთარი ხელსაწყოების და სახარჯი მასალების გამოყენებით.

ერთეულის ღირებულებაში გათვალისწინებული უნდა იყოს საქართველოს კანონმდებლობით განსაზღვრული გადასახადები, შესაცვლელი/დასამონტაჟებელი მასალების ღირებულება, დაზიანებული მასალის დემონტაჟის და ახლის მონტაჟის ღირებულება.

პრეტენდენტის მიერ წარმოდგენილი პრეისკურანტით განსაზღვრული ერთეულის ღირებულებები არ უნდა აღემატებოდეს სატენდერო დოკუმენტაციით განსაზღვრულ პრეისკურანტში მითითებულ ერთეულის ფასს.

ხელშეკრულების გაფორმებიდან 2026 წლის 31 დეკემბრის ჩათვლით.

„მომსახურების“ გაწევის ადგილი: ცენტრის სათაო ოფისი - ქ. თბილისი, კახეთის გზატკეცილი #99; ქ. ქუთაისი - ოცხელის #2; ქ.ბათუმი - ქათამაძის ჩიხი #4; ქ.გორი - ცხინვალის გზატკეცილი #14; ქ.თელავი - ალადაშვილის #2; ქ,ოზურგეთი - თაყაიშვილის #3; ქ.ზუგდიდი - ჯანაშიას #8; ქ.ამბროლაური - ბრატისლავას-რაჭის #11; ახალციხე - ახალქალაქის გზატკეცილი #6; ქ.ფოთი - გურიის ქ.#6;

გაწეული მომსახურების შემდგომ შეცვლილ აკუმულატორზე უნდა ვრცელდებოდეს არანაკლებ ორწლიანი, ხოლო დანარჩენ ნაწილებზე - არანაკლებ ერთწლიანი გარანტია.

პრეტენდენტს 01.01.2022-დან ტენდერის გამოცხადების დღემდე პერიოდში უნდა გააჩნდეს გენერატორების შეკეთებისა და ტექნიკური მომსახურების გაწევის გამოცდილება, რომლის ჯამური ღირებულება უნდა იყოს არანაკლებ 30000 ლარისა.
- იმ შემთხვევაში, თუ მოთხოვნილი გამოცდილების შესახებ ინფორმაციის დამადასტურებელი დოკუმენტაცია ატვირთულია სახელმწიფო შესყიდვების ერთიან ელექტრონულ სისტემაში, პრეტენდენტმა აღნიშნული ინფორმაცია უნდა წარმოადგინოს დანართი N2-ის ფორმით და მიუთითოს შესაბამისი SPA ან/და NAT ან/და CMR ან/და სხვა შესყიდვის საშუალების ნომრები და არ წარმოადგინოს დოკუმენტაცია.
- პრეტენდენტის მიერ იმ გამოცდილების შესახებ ინფორმაციის წარმოსადგენად, რომელშიც დამკვეთს წარმოადგენს კერძო სამართლის სუბიექტი (არა შემსყიდველი ორგანიზაციები), პრეტენდენტი ვალდებულია წარმოადგინოს ორმხრივად (როგორც დამკვეთის, ისე შემსრულებლის მხრიდან) შესაბამისი უფლებამოსილი პირების მიერ, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, კვალიფიციური ელექტრონული ხელმოწერით ხელმოწერილი ან კვალიფიციური ელექტრონული შტამპით დამოწმებული დოკუმენტი, კერძოდ: ხელშეკრულებ(ებ)ი და მიღება-ჩაბარებ(ებ)ის აქტები ან/და სხვა დამადასტურებელი დოკუმენტ(ებ)ი, საიდანაც უნდა იდენტიფიცირდებოდეს როგორც სამუშაოების შინაარსი და ღირებულება, ასევე საანგარიშგებო პერიოდში შესრულებული სამუშაოების ღირებულება, დაწყებისა და დასრულების ვადების მითითებით. თუ აღნიშნული ელექტრონული დოკუმენტი ვერ მოწმდება შესაბამისი პირის კვალიფიციური ელექტრონული ხელმოწერით ან/და შტამპით, ამ შემთხვევაში, პრეტენდენტმა სისტემაში უნდა ატვირთოს მატერიალური დოკუმენტის სანოტარო წესით დამოწმებული ელექტრონული ასლი.

იმ შემთხვევაში, თუ ტენდერში ყველაზე დაბალი ფასის წინადადების მქონე „მიმწოდებლის“ მიერ სისტემაში დაფიქსირებული საბოლოო ფასი 20%‐ით ან მეტით დაბალია შესყიდვის ობიექტის სავარაუდო ღირებულებაზე, „მიმწოდებელი“ ვალდებულია წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2024 წლის პირველი იანვრის შემდეგ), შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.

ანგარიშსწორების ფორმა: უნაღდო ანგარიშსწორება.
ანგარიშსწორება განხორციელდება ეროვნულ ვალუტაში მიმწოდებლის საბანკო ანგარიშზე თანხის ჩარიცხვის გზით, ფაქტობრივად გაწეული „მომსახურების“ შესაბამისად.

მიღება-ჩაბარების აქტის გაფორმებიდან 10 სამუშაო დღის ვადაში.

ნინო მარჯანიძე, 593689988, nino.marjanidze@ncdc.ge ელექტრონული ტენდერისთვის ტენდერის სტატუსის „გამოცხადებულია“ მინიჭებიდან ტენდერის სტატუსის „წინადადებების მიღება დაწყებულია“ მინიჭებამდე, სისტემაში „მიმწოდებლად“ რეგისტრირებულ ნებისმიერ მომხმარებელს უფლება აქვს, სისტემაში არსებული „კითხვა-პასუხის“ მოდულის მეშვეობით, მოითხოვოს სატენდერო პირობების კონკრეტული ჩანაწერის განმარტება. სატენდერო კომისია კითხვის დასმიდან არაუგვიანეს მომდევნო სამუშაო დღისა, „კითხვა-პასუხის“ მოდულის მეშვეობით, გააკეთებს შესაბამის განმარტებას. აღნიშნულით შესაძლებელია იხელმძღვანელოს ნებისმიერმა დაინტერესებულმა პირმა.

სახელმწიფო შესყიდვების ერთიან ელექტრონულ სისტემაში სატენდერო წინადადების (ტექნიკური დოკუმენტაციისა და სატენდერო წინადადების ფასი) წარდგენით პრეტენდენტი ავტომატურად გამოხატავს თანხმობას ამ პუნქტის „ა“-„ვ“ ქვეპუნქტებში განსაზღვრულ მოთხოვნებზე:

ა. სატენდერო წინადადება უნდა იყოს ელექტრონულად დამოწმებული „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნების შესაბამისად.

ბ. სატენდერო წინადადების წარმოდგენა დასაშვებია უცხო ენაზე, ასეთ შემთხვევაში სატენდერო დოკუმენტაციას უნდა ახლდეს ქართულენოვანი და ნოტარიულად დამოწმებული თარგმანი.

გ. სატენდერო წინადადებაში საერთო ფასი (ეროვნული ვალუტა) გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით.

დ. წარმოდგენილ ფასების ცხრილში, ერთეულის ღირებულება (ლარი) უნდა განისაზღვროს მეასედის სიზუსტით.

ე. იმ შემთხვევაში, თუ ტენდერში ყველაზე დაბალი ფასის წინადადების მქონე „მიმწოდებლის“ მიერ სისტემაში დაფიქსირებული საბოლოო ფასი 20%‐ით ან მეტით დაბალია შესყიდვის ობიექტის სავარაუდო ღირებულებაზე, „მიმწოდებელი“ ვალდებულია მოთხოვნიდან 2 სამუშაო დღის ვადაში წარმოადგინოს ფასწარმოქმნის ადეკვატურობის დამადასტურებელი ინვოისი ან/და სასაქონლო ზედნადები (რომელიც გაცემულია 2024 წლის პირველი იანვრის შემდეგ), შესაძენი/შეძენილი მასალების შესახებ და დამატებითი წერილი მხოლოდ იმ შემთხვევაში თუ პრეტენდენტი საკუთარი ძალებით ახორციელებს თანმდევი მომსახურების გაწევას.

ვ. „მიმწოდებლის“ მიერ სავალდებულოდ წარმოსადგენი დოკუმენტია: პუნქტი 1.3 - ფასების ცხრილი დანართი #1 და პუნქტი 2.2.1 - დანართი #2 ინფორმაცია გამოცდილების შესახებ.