Пакеты программного обеспечения для сетей, интернета и интранета (Грузия - Тендер #71267585)

საქართველოს საგარეო საქმეთა სამინისტროსათვის მეილ სერვისის ლიცენზიის სახელმწიფო შესყიდვა

1.2.1. შესყიდვის ობიექტის ტექნიკური დავალება იხილეთ თანდართულ დანართი N1- ტექნიკური დავალებაში.

1.4.1. ლიცენზიის მოწოდება უნდა განხორციელდეს შემსყიდველის მოთხოვნიდან არაუმეტეს 15 სამუშაო დღის ვადაში. ლიცენზია მოქმედი უნდა იყოს მისი გააქტიურებიდან არანაკლებ ერთი წელი.

1.5.1. ლიცენზიებთან მიმართებით, ხელშეკრულებით განსაზღვრული რაოდენობები უნდა წარმოადგენდეს ხელშეკრულების მოქმედების ვადის განმავლობაში გამოყენებად მაქსიმალურ რაოდენობას. ამასთან, შემსყიდველი უფლებამოსილია, ხელშეკრულების გაფორმების შემდეგ ლიცენზიები გაააქტიუროს მიმდინარე პერიოდის მოთხოვნის რაოდენობის მიხედვით და საჭიროების შემთხვევაში, გაზარდოს აქტიური ლიცენზიის მომხმარებელთა რაოდენობა (არაუმეტეს ხელშეკრულებით განსაზღვრული ლიცენზიების რაოდენობებისა).
1.5.2. ლიცენზიების დამატების შემთხვევაში, დამატებითი ლიცენზიების ღირებულება განისაზღვრება მათი გააქტიურების თარიღიდან ხელშეკრულებით გათვალისწინებული ძირითადი ლიცენზიების მომდევნო განახლების თარიღამდე დარჩენილი პერიოდის პროპორციულად.
1.5.3. მიწოდება უნდა განხორციელდეს ელექტრონულად, შესაბამისი პორტალის მეშვეობით

2.1.1.1.პრეტენდენტი ვალდებულია ინფორმაცია შესყიდვის ობიექტის/ლიცენზიის დასახელებასა და მწარმოებელთან დაკავშირებით წარმოდგენოს ფასების ცხრილის დანართი N2-ის შესაბამის გრაფაში.
2.1.1.2 ქვეპუნქტი 2.1.1.1-ით მოთხოვნილი ინფორმაციის წარმოუდგენლობა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.

2.2.1.1.პრეტენდენტს უნდა გააჩნდეს შემოთავაზებული პროგრამული უზრუნველყოფის მსგავსი შესყიდვის ობიექტების მიწოდების გამოცდილება, ჯამში არანაკლებ 5 (ხუთი) შესრულებული ხელშეკრულება. პრეტენდენტი ვალდებულია წარმოადგინოს შესაბამისი ხელშეკრულებები და მისი შესრულების დამადასტურებელი მიღება-ჩაბარების აქტების ასლები ან/და ცხრილი განცხადების ნომრების მითითებით SPA/CMR/NAT/MEP და სხვა.

2.3.1.1. შემოთავაზებული ელექტრონული ფოსტის სერვისის განმახორციელებელი კომპანიის მონაცემთა ცენტრების (Data Center) რაოდენობა მსოფლიო მასშტაბით უნდა შეადგენს არანაკლებ 20 ერთეულს, აქედან არანაკლებ 5 ერთეული მონაცემთა ცენტრი უნდა (Data Center) მდებარეობდეს ევროპის ტერიტორიაზე. აღნიშნულის დასტურად პრეტენდენტმმა უნდა წარმოადგინოს მწარმოებლის მიერ გაცემული ინფორმაცია/ წერილი ან/და წარმოადგინოს შესაბისი ვებ გვერდის მისამართი სადაც შესაძლებელი იქნება ზემოაღნიშნული ინფორმაციის გადამოწმება.

2.4.1.1. პრეტენდენტთან კომპანიაში უნდა მუშაობდეს Microsoft 365 Certified არანაკლებ 1 ქართულენოვანი თანამშრომელი. პრეტენდენტი ვალდებულია წარმოადგინოს ამ თანამშრომელზე გაცემული შესაბამისი სერტიფიკატი.ასევე, სერტიფიკატების მფლობელის/მფლობელების ცნობა სამსახურიდან თანამშრომლობის დადასტურებისათვის და ინფორმაცია, რომ სერტიფიკატის მფლობელი თანამშრომელი ფლობს ქართულ ენას.

4.1.1.1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

4.1.1.2.ფასწარმოქმნის ადეკვატურობა, შესაძლებელია დასაბუთდეს საშემფასებლო დასკვნით (ამასთან,ბუღალტრული აღრიცხვის,ანგარიშგებისა და აუდიტის შესახებ საქართველოს კანონის 28-ე მუხლის მე-8 პუნქტის ,,გ“ ქვეპუნქტის შესაბამისად, საშემფასებლო მომსახურების გაწევის უფლება ეძლევა მხოლოდ იმ პირს, რომელშიც დასაქმებულია აკრედიტებული შემფასებელთა სერტიფიკაციის ორგანოს მიერ სერტიფიცირებული შემფასებელი. შეფასების განხორციელების და შეფასების ანგარიშზე/დასკვნაზე ხელის მოწერის უფლება ენიჭება აკრედიტებული შემფასებელთა სერტიფიკაციის ორგანოს მიერ სერტიფიცირებულ შემფასებელს. საშემფასებლო დასკვნასთან ერთად ასევე, წარმოდგენილი უნდა იქნას ანგარიშზე/დასკვნაზე ხელის მოწერის უფლების მქონე პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებაში.

7.2.1. ანგარიშსწორება განხორციელდება უნაღდო ანგარიშსწორებით ეროვნულ ვალუტაში-ლარში და ითვალისწინებს ყველა ხარჯს დღგ-ს ჩათვლით. აგრეთვე, საქართველოს მოქმედი კანონმდებლობით დადგენილ ყველა სხვა გადასახადს.

7.3.1. ანგარიშსწორება განხორციელდება უნაღდო ანგარიშსწორებით ეროვნულ ვალუტაში, შესაბამისი მიღება -ჩაბარების აქტის გაფორმებიდან 10 სამუშაო დღის განმავლობაში.

ანა ხარებავა, 577177433, akharebava@mfa.gov.ge

10.1.1. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარებში.
10.1.2. სატენდერო წინადადება, აგრეთვე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია წარმოდგენილი იქნას ქართულ ენაზე. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი ან/და ინფორმაცია უნდა იყოს კვალიფიციური ელექტრონული ხელმოწერით ან/და კვალიფიციური ელექტრონული შტამპით დამოწმებული.
10.1.4. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
10.1.5. აღნიშნულ ელექტრონულ ტენდერში მონაწილეობით პრეტენდენტი ადასტურებს, რომ სრულად ეთანხმება ამ კონკრეტული ელექტრონული ტენდერის სატენდერო განცხადებით და სატენდერო დოკუმენტაციით მოთხოვნილ პირობებს.

10.1.6. პრეტენდენტის მიერ ერთიან ელექტრონულ სისტემაში ასატვირთი დოკუმენტაცია/ინფორმაცია:
• ფასების ცხრილი, დანართი N2 (სატენდერო დოკუმენტაციის 1.3 პუნქტის მოთხოვნის შესაბამისად);
• დანართი N1 - ტექნიკური დავალება (სატენდერო დოკუმენტაციის 1.2.1 პუნქტი);
• მოთხოვნა შესყიდვის ობიექტის სასაქონლო ნიშანთან, პატენტთან, მოდელთან, წარმოშობის წყაროსთან ან/და მწარმოებელთან დაკავშირებით (სატენდერო დოკუმენტაციის 2.1.1. პუნქტის მოთხოვნის შესაბამისად);
• პრეტენდენტის გამოცდილებასთან დაკავშირებული მოთხოვნები (სატენდერო დოკუმენტაციის 2.2.1. პუნქტის მოთხოვნის შესაბამისად);
• პრეტენდენტის მატერიალურ-ტექნიკურ ბაზასთან დაკავშირებული მოთხოვნები (სატენდერო დოკუმენტაციის 2.3.1. პუნქტის მოთხოვნის შესაბამისად);
• პრეტენდენტის პერსონალის გამოცდილებასთან დაკავშირებული მოთხოვნები (სატენდერო დოკუმენტაციის 2.4.1. პუნქტის მოთხოვნის შესაბამისად);