Ремонт и техническое обслуживание строительных сооружений (Грузия - Тендер #71267579)

ქალაქ ქუთაისის საკრებულოს, მერიის და მერიის სტრუქტურული ერთეულების კონდინციონერების, მაცივრებისა და დისპენსერების შეკეთების სახელმწიფო შესყიდვა

1. ,,მიმწოდებელმა” უნდა განახორციელოს ქალაქ ქუთაისის მუნიციპალიტეტის მერიისა და მისი სტრუქტურული ერთეულების ადმინისტრაციული შენობებში განთავსებული კონდინციონერების, მაცივრებისა და დისპენსერების შეკეთება.
2. მიმწოდებელმა მომსახურების გაწევა უნდა განახორციელოს საკუთარი სამონტაჟო მასალებით, საჭიროების შემთხვევაში კი უზრუნველყოს სპეცტექნიკის გამოყენება.
3. თუ ხელშეკრულების მოქმედების პერიოდში აღმოჩნდება, რომ განფასების ცხრილში არ არის გათვალისწინებული იმ მომენტისათვის საჭირო საქონელი (ნაწილები) და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით.
4. ფასების ცხრილით გათვალიწინებული მომსახურება „შემსყიდველმა“ შესაძლებელია სრულად არ შეისყიდოს და ანგარიშსწორება განხორციელდება ფაქტიურად გაწეული მომსახურების შესაბამისად, ერთეულის ღირებულების შეუცვლელად.
5. ,,მიმწოდებელმა" მომსახურების გაწევა უნდა განახორციელოს ეტაპობრივად, მოთხოვნიდან არაუგვიანეს 2 (ორი) სამუშაო დღის ვადაში.
6. ტექნიკური დავალების მიღების თარიღად ითვლება უფლებამოსილი პირ(ებ)ის მიერ სატელეფონო შეტყობინების ან ელ. ფოსტაზე ტექსტური შეტყობინების გაგზავნის თარიღი. „შემსყიდველის“ მიერ ელექტრონული ფოსტით ან სატელეფონო შეტყობინებით გაგზავნილი შეკვეთის გაგზავნის თარიღი ითვლება - შეკვეთის მიცემის თარიღად, ხოლო შეკვეთაში დაფიქსირებული მიწოდების თარიღი - მიწოდების თარიღად.
7. იმ შემთხვევაში, თუ მიმწოდებლის მიერ არ არის სრულყოფილად გაწეული მომსახურება ან/და შეცვლილი ნაწილი აღმოჩნდება წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით, შეტყობინებიდან არაუგვიანეს ერთი სამუშაო დღეში. მომსახურების დროს გამოყენებული შეცვლილი ნაწილი (დეტალი) უნდა იყოს ახალი და ხარისხობრივად უნაკლო.
8. პრეტენდენტმა, საბოლოო პრეისკურანტის წარმოდგენისას, პრეისკურანტის თითოეულ პოზიციაზე ფასის კლება უნდა განახორციელოს, მინიმუმ, პრეისკურანტის სავარაუდო ღირებულებასა და პრეტენდენტის მიერ სისტემაში დაფიქსირებულ პრეისკურანტის საბოლოო ღირებულებას შორის არსებული %-ლი სხვაობის მიხედვით, შემსყიდველის მიერ სისტემაში ატვირთულ პრეისკურანტში (დანართი N1) განსაზღვრულ ფასებთან მიმართებაში.

"მიმწოდებელმა" მომსახურების გაწევა უნდა განახორციელოს ეტაპობრივად, მოთხოვნიდან არაუგვიანეს 2 (ორი) სამუშაო დღის ვადაში, ხელშეკრულების დადებიდან 2026 წლის 31 დეკემბრის ჩათვლით.

ქალაქ ქუთაისის მუნიციპალიტეტის მერიისა და სტრუქტურული ერთეულების ადმინისტრაციულ შენობები.

,,მიმწოდებლის" მიერ შეცვლილ ან/და შეკეთებულ ნაწილებზე (დეტალებზე) საგარანტიო ვადა განისაზღვრება მიღება-ჩაბარების აქტის გაფორმებიდან მინიმუმ 6 ექვსი) თვით, გარდა მექანიკური ზემოქმედების, არასტაბილური ელექტრო ენერგიის მიწოდებით ან არასწორი ექსპლოატაციით გამოწვეული დაზიანებისა. წუნის შემთხვევაში ,,მიმწოდებელი“ ვალდებულია განახორციელოს რეაგირება არაუმეტეს ერთი სამუშაო დღისა, საჭიროების შემთხვევაში გამოცხადდეს ,,შემსყიდველთან“ და საკუთარი ხარჯებით უზრუნველყოს ხარვეზის აღმოფხვრა ან შეკეთებული ნაწილის ახლით შეცვლა.

1. იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის დასკვნა. ექსპერტიზის დასკვნას თან უნდა ერთვოდეს სატენდერო ფასების ცხრილი (ხარჯთაღრიცხვა).

2. ფასწარმოქმნის ადეკვატურო ბა შესაძლებელია დასაბუთდეს ექსპერტიზის/აუდიტორული/საშემფასებლო დასკვნით.

3. ფასწარმოქმნის ადეკვატურობის დამადასტურებელი დოკუმენტით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (ფასების ცხრილის ჯამურ ღირებულებასთან), ასევე ფასების ცხრილში მითითებულ ერთეულებთან მიმართებაში.

ანგარიშსწორება განხორციელდება ეტაპობრივად, უნაღდო ანგარიშსწორების ფორმით ლარში, ფაქტიურად გაწეული მომსახურების შესაბამისად.

ანგარიშსწორება განხორციელდება უნაღდო ანგარიშსწორების წესით, ფაქტიურად გაწეული მომსახურების შესაბამისად გაფორმებული მიღება-ჩაბარების აქტის და საქართველოს კანონმდებლობით გათვალისწინებული შესაბამისი საგადახდო დოკუმენტაციის წარდგენიდან 10 (ათი) სამუშაო დღის ვადაში.

ირაკლი ადეიშვილი, 599285289, kutaisi.procurement@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე.

3. 2019 წლის 1 იანვრიდან, შესყიდვებში მონაწილეობის მსურველები/პრეტენდენტები/მიმწოდებლები „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულები არიან, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულონ კვალიფიციური ელექტრონული ხელმოწერა ან/და ეს დოკუმენტები დაამოწმონ კვალიფიციური ელექტრონული შტამპით /კვალიფიციური ელექტრონული ხელმოწერის შესრულება ან/და კვალიფიციური ელექტრონული შტამპის დასმა შესაძლებელია მხოლოდ PDF ფორმატის დოკუმენტებზე/

4. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.

5. პრედენდენტს არა აქვს უფლება წარმოადგინოს ალტერნატიული სატენდერო წინადადება.

6. სატენდერო წინადადებაში საერთო ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა ხარჯისა და გადასახადის გათვალისწინებით.

7. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე) თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა) ან ის წარმოდგენილი იქნება განუფასებლად.