Инструменты для контроля физических характеристик (Грузия - Тендер #71267507)

უსადენო მოძრაობის დეტექტორის და უსადენო მოწყობილობების მიმღების შესყიდვა

1.2.1. უსადენო მოძრაობის დეტექტორი - 1500 ცალი;
უნდა იყოს სრულად თავსებადი დაცვის პოლიციის დეპარტამენტის მიერ, დაცულ ობიექტებზე დამონტაჟებული InimSmartLiving სერიის საკონტროლო პანელებთან და შესაბამის უსადენო მიმღებ-გადამცემ მოწყობილობასთან. მაღალი საიმედოობა ცრუ განგაშების მიმართ, მჭიდროდ დახურული კორპუსი მწერებისგან დასაცავად, გაშლის კუთხე არანაკლებ 90 გრადუსი, მოქმედების მანძილი არანაკლებ 10 მეტრი, ორმხრივი კომუნიკაციის სისტემით. დეტექციის ტექნოლოგია ინფრაწითელი, პროგრამირებადი მგრძნობელობა პროგრამული უზრუნველყოფიდან. მართვადი LED, თერმული კომპენსაციით, დეტექტორს უნდა გააჩნდეს სამაგრი საშუალება და უნდა მოყვებოდეს შესაბამისი ელემენტი.

1.2.2. უსადენო დეტექტორების უნივერსალური მიმღები - 300 ცალი:
1.უსადენო მოწყობილობების მიმღებ-გადამცემი უნდა იყოს სრულად თავსებადი დაცვის პოლიციის დეპარტამენტის მიერ, დაცულ ობიექტებზე დამონტაჟებული InimSmartLiving სერიის საკონტროლო პანელებთან და გააჩნდეს საკონტროლო პანელთან I-BUS კავშირის და სრულყოფილად ფუნქციონირების ტექნოლოგია, სამუშაო სიხშირე 868 Mhz-არანაკლებ 3 არხი;
2. მიმღებ-გადამცემი უნდა აკონტროლებდეს მინიმუმ 30 დეტექტორს, არანაკლებ 10 პულტს (ბრელოკი), არანაკლებ 4 უსადენო კლავიატურას და არანაკლებ 4 უსადენო სირენას.
3. მოწყობილობას უნდა ჰქონდეს შესაძლებლობა მიიღოს სიგნალი სხვა და სხვა ტიპის უსადენო დეტექტორებიდან;
როგორც მინიმუმ:
• მოძრაობის დეტექტორი;
• მაგნიტური კონტაქტი;
• სახანძრო დეტექტორი;
• საგანგაშო ღილაკი;
• მართვის რადიო პულტი (განგაშზე აყვანა/მოხსნა);
4. მიმღები უნდა რეაგირებდეს შემდეგ პროცესებზე:
• ბატარეის განმუხტვა (Low Bat.);
• ტამპერი;
• მონიტორინგის პრობლემა (დეტექტორის დაკარგვა მიღების ზონიდან).


1.2.3. უსადენო კვამლის დეტექტორი - 1000 ლარი:
სრულად თავსებადი მოთხოვნილ უსადენო მიმღებ-გადამცემ მოწყობილობასთან და SmartLiving სერიის საკონტროლო პანელებთან, მაღალი საიმედოობა ცრუ განგაშების მიმართ, ორმხრივი კომუნიკაციის შესაძლებლობა, პროგრამირებადი მგრძნობელობის რეგულირებით. უნდა მოყვებოდეს შესაბამისი ელემენტი.


1.2.4. გამაფართოვებელი მოდული - 200 ცალი:
გამაფართოვებელი მოდული, უნდა იყოს სრულად თავსებადი დაცვის პოლიციის დეპარტამენტის მიერ, დაცულ ობიექტებზე დამონტაჟებული InimSmartLiving სერიის საკონტროლო პანელებთან და გააჩნდეს საკონტროლო პანელთან I-BUS კავშირის და სრულყოფილად ფუნქციონირების ტექნოლოგია. არა ნაკლებ 5 ტერმინალით, არანაკლებ 10 ზონამდე გაფართოვების საშუალებით.


1.2.5. უსადენო მაგნიტო - კონტაქტური დეტექტორი - 100 ცალი;
სრულად თავსებადი მოთხოვნილ უსადენო მიმღებ-გადამცემ მოწყობილობასთან. მაღალი საიმედოობა ცრუ განგაშების მიმართ, თეთრი კორპუსით.უნდა მოყვებოდეს შესაბამისი ელემენტი.


1.2.6. უკაბელო გასაღები (ბრელოკი) - 125 ცალი:
სრულად თავსებადი მოთხოვნილ უნივერსალურ მიმღებ მოწყობილობასთან. უკაბელო გასაღები ბრელოკი (ორმხრივი) ოთხი პროგრამირებადი ღილაკით,
მონიტორინგის პროგრამულ უზრუნველყოფასთან ორმხრივი საკომუნიკაციო არხის გამოყენებით, LED ინდიკატორზე ვიზუალურ უკუკავშირის სიგნალს წარმოქმნით.
უკაბელო გასაღებს უნდა ჰქონდეს ოთხი მართვის ღილაკი, რომელთა პროგრამირება შესაძლებელია მართვის პანელის მეშვეობით. დისტანციური მართვა ასევე საშუალებას უნდა აძლევდეს მომხმარებელს აყვანა/მოხსნის კონტროლის საშუალებას და იძლეოდეს ხმოვან უკუკავშირის სიგნალს, რომელიც მიუთითებს მოთხოვნილი ოპერაციის წარმატებით დასრულებაზე.
უკაბელო გასაღები აღჭურვილი უნდა იყოს „ბრელოკის ღილაკების ბლოკირების“ ოფციით, რომელიც დაიცავს ბრელოკს შემთხვევითი ამოქმედებისგან, უნდა მოყვებოდეს შესაბამისი ელემენტი (მუშაობის გარანტირებული პერიოდი არანაკლებ 1 წელი)

ხელშეკრულების გაფორმებიდან 2026 წლის 5 დეკემბრის ჩათვლით, ეტაპობრივად, შემსყიდველის მოთხოვნიდან არაუმეტეს 90 (ოთხმოცდაათი) კალენდარული დღის ვადაში.
მოთხოვნა განხორციელდება მიმწოდებლის მიერ მითითებულ ელექტრონულ მისამართზე ელექტრონული ფოსტისა და/ან სატელეფონო ზარის მეშვეობით.

მომწოდებელმა საქონლის მიწოდება უნდა უზრუნველყოს საკუთარი მუშახელით, სსიპ დაცვის პოლიციის დეპარტამენტის ც/საწყობში, მის: ქ. თბილისი, ლ. ფირცხელიანის ქ. N1.

1.7.1.1.საგარანტიო ვადა განისაზღვრება არანაკლებ 1 (ერთი) წლის ვადით, მიღება-ჩაბარების აქტის გაფორმებიდან, არამექანიკური დაზიანების შემთხვევაში.
1.7.1.2.საგარანტიო ვადის პერიოდში გამოვლენილი ხარვეზების აღმოფხვრა უნდა უზრუნველყოს საკუთარი ხარჯებით მომწოდებელმა;
1.7.1.3.ხარვეზის, დაზიანების და დეფექტის მქონე საქონლის დაფიქსირების შემთხვევაში, საქონლის საგარანტიო მოქმედების ვადაში შემსყიდველი უფლებამოსილია მოითხოვოს გამოვლენილი ნაკლის ან ხარვეზის გამოსწორება (თუ ეს შესაძლებელია) ან საქონლის შეცვლა ახლით, აღნიშნულის შესახებ შემსყიდველი ატყობინებს მიმწოდებელს წერილობით ან/და ელექტრონული ფოსტის მეშვეობით (მიმწოდებლის მიერ მითითებულ ელ. მისამართზე), შეტყობინების გაგზავნის მომდევნო დღიდან აითვლება წუნდებული საქონლის ხარვეზის გამოსწორების ან შეცვლის 20 (სამუშაო) დღიანი ვადა.

• შენიშვნა: რეკვიზიტების მათ შორის ელექტრონული ფოსტის მისამართი შეცვლის შემთხვევაში, „მომწოდებელი“ ვალდებულია დაუყოვნებლივ აცნობოს „შემსყიდველს“ განხორციელებული ცვლილების შესახებ. რეკვიზიტებში (ელ.ფოსტის მისამართი შეცვლის) განხორციელებიული ცვლილების „შემსყიდველისათვის“ შეუტყობინებლობის შემთხვევაში, ელექტრონული ფოსტით ან მისამართზე გაგზავნილი წერილი ჩაითვლება ჩაბარებულად.

2.1.1.1. პრეტენდენტმა უნდა წარმოადგინოს შესყიდვის ობიექტის წარმოშობის ქვეყანა, მწარმოებელი/ბრენდი და მოდელი/დასახელება.
2.1.1.2. პრედენდენტის მიერ 2.1.1.1.პუნქტით მოთხოვნილი ინფორმაციის წარმოუდგენლობა დაზუსტებას არ ექვემდებარება და გამოიწვევს პრეტენდენტის დისკვალიფიკაციას.

2.7.1.1.,,პრეტენდენტის მიერ წარმოდგენილი უნდა იქნას შემოთავაზებული საქონლის მწარმოებლის მიერ გაცემული ინფორმაცია/დოკუმენტი ან/და ვებ-ბმული მწარმოებლის ოფიციალური ვებ-გვერდიდან, ან კატალოგიდან რომელიც დადასტურებს ტექნიკური დავალების შესაბამისად მოთხოვნილ ყველა მახასიათებელის შესაბამისობას, ან აღნიშნული ინფორმაცია ქარხნულად უნდა იქნას დატანილი შემოთავაზებული საქონელზე ან/და მითითებული უნდა იყოს ეტიკეტზე და პრეტენდენტმა უნდა წარმოადგინოს აღნიშნულის დამადასტურებელი დოკუმენტი (მაგ. ფოტო სურათები)."

შ ე ნ ი შ ვ ნ ა: იმ შემთხვევაში, თუ პრეტენდენტის მიერ წარმოდგენილ, დოკუმენტებში, მწარმოებლის ოფიციალური ვებ-გვერდზე, ეტიკეტის ფოტო-სურათზე ან/და საქონლს ფოტო-სურათზე ინფორმაცია იქნება უცხო ენაზე პრეტენდენტი ვალდებულია მოქმედი კანონმდებლობის შესაბამისად წარმოადგინოს ნოტარიულად დამოწმებული ქართული თარგმანი".

4.1.1.1. ,,იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული შესყიდვის ობიექტის მიწოდების შესაძლებლობა.
4.1.1.2. ექსპერტიზის ან/და აუდიტის მიერ გაცემული შესაბამისი დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.3. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები“

5 Процентов

10 Процентов

6.3.1. ხელშეკრულების უზრუნველყოფის საბანკო გარანტიის მოქმედების ვადა 60 (სამოცი) კალენდარული დღით უნდა აღემატებოდეს საქონლის მიწოდების ვადას.

ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ეროვნულ ვალუტაში - ლარში. გარანტია უნდა იყოს უპირობო და გამოუთხოვადი რაც გულისხმობს, გარანტი იღებს ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა არ შეასრულა ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.

7.2.1. ანგარიშსწორება განხორცილდება ეტაპობრივად უნაღდო ანგარიშსწორებით, ლარებში, მიმწოდებლის საბანკო ანგარიშზე, მიღება-ჩაბარების აქტის და საგადასახადო ანგარიშ-ფაქტურის (კანონმდებლობით გათვალისწინებულ შემთხვევაში).
7.2.2. ანგარიშსწორება შემსყიდველის მიერ განხორციელდება ფაქტობრივად მიწოდებული შესყიდვის ობიექტის მიხედვით, უნაღდო ანგარიშსწორებით ლარში, 2026 წლის საკუთარი სახსრებით.

ანგარიშსწორება განხორციელდება 7,2 პუნქტში მითითებული დოკუმენტების წარმოდგენიდან არაუგვიანეს 10 (ათი) სამუშაო დღის ვადაში.

გოჩა გოგოლაური, 577025250, gogolauri@spd.ge spd@procurement.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტი წარმოდგენილი უნდა იყოს მოქმედი კანონმდებლობის შესაბამისად. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3. პრეტენდენტს არ აქვს უფლება წარმოადგინოს ალტერნატიული სატენდერო წინადადება.
10.1.4. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.5 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, შსს სსიპ დაცვის პოლიციის დეპარტამენტის მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის.