Строительно-монтажные работы (Грузия - Тендер #71144800)

შპს „ეკოსერვის ჯგუფი“-ს მოვლა - პატრონობაში არსებული, ქ.თბილისის მუნიციპალიტეტის ტერიტორიაზე მდებარე, დანართ N1-ში ჩამოთვლილი, 52 (ორმოცდათორმეტი) ერთეული შადრევნის და 6 (ექვსი) ერთეული წყალსაქაჩის (შემდგომში - შადრევნები და წყალსაქაჩები), ელექტრო სამონტაჟო სამუშაოები.

სამუშაოების აღწერა (ტექნიკური დავალება):

1.2.1 შესასრულებელი სამუშაოების ჩამონათვალი და რაოდენობა განსაზღვრულია სატენდერო დოკუმენტაციის დანართი N2-ში (შესასრულებელი სამუშაოების ხარჯთაღრიცხვა).
1.2.2 პირველ ეტაპზე, მიმწოდებელი ვალდებულია, შემსყიდველის წერილობითი დავალების მიცემიდან, სატენდერო პირობების 1.4 პუნქტის 1.4.1.1. ქვეპუნქტით განსაზღვრული ვადების დაცვით, შემსყიდველის უფლებამოსილი წარმომადგენლის/წარმომადგენლების თანდასწრებით უზრუნველყოს, წერილობით დავალებაში მითითებულ შადრევნებზე/წყალსაქაჩებზე, ხარჯთაღრიცხვის პირველი პოზიციით გათვალისწინებული სამუშაოების შესრულება (შადრევნებისა და წყალსაქაჩების ყველა ელ. მოწყობილობის, მათ შორის გაჟონვის რელეების, კონტაქტორების, ელ გამშვებებისა და გადამყვანების შემოწმება სპეციალური ელ. მოწყობილობების მათ შორის ანალიზატორების გამოყენებით, კარადაში არსებული ელ.მოწყობილობების კონტაქტების სპეციალური ხსნარებით დამუშავება/გაწმენდის სამუშაოები).
1.2.3 პირველი ეტაპით გათვალისწინებული სამუშაოების (ხარჯთაღრიცხვის პირველი პოზიციით გათვალისწინებული სამუშაოების) შესრულების პროცესში, თუ რომელიმე შადრევანზე ან/და წყალსაქაჩზე გამოვლინდება ხარვეზი, მიმწოდებელი ვალდებულია, შემსყიდველის უფლებამოსილ წარმომადგენელთან/წარმომადგენლებთან ერთად უზრუნველყოს გამოვლენილი ხარვეზების შესახებ დეფექტური აქტის შედგენა. შემსყიდველის უფლებამოსილი წარმომადგენლის/წარმომადგენლებისა და მიმწოდებლის მიერ ერთობლივად შედგენილი დეფექტური აქტის, ორივე მხარის მიერ ხელმოწერით დამოწმების გარეშე, მიმწოდებლის მიერ სამუშაოების დაწყების შემთხვევაში, შემსყიდველი იტოვებს უფლებას, არ აუნაზღაუროს მიმწოდებელს შესრულებული სამუშაოს ღირებულება; ამ პუნქტით გათვალისწინებულ შემთხვევაში, დეფექტური აქტით გათვალისწინებული სამუშაოების დასრულება უნდა განხორციელდეს, სატენდერო პირობების 1.4 პუნქტის 1.4.1.3. ქვეპუნქტით განსაზღვრული ვადების დაცვით.
1.2.4 ამ პუნქტის 1.2.2. ქვეპუნქტით და საჭიროების შემთხვევაში 1.2.3 ქვეპუნქტით განსაზღვრული ქმედებების განხორციელების შემდეგ, საჭიროების შემთხვევაში, შემსყიდველი წერილობით განუსაზღვრავს მიმწოდებელს კონკრეტულ შადრევანზე ან/და წყალსაქაჩზე შესასრულებელ, კონკრეტულ ელექტრო სამონტაჟო სამუშაოებს, რომელთა დასრულება უნდა განხორციელდეს სატენდერო პირობების 1.4 პუნქტის 1.4.1.2. ქვეპუნქტით განსაზღვრული ვადების დაცვით.
1.2.5 მიმწოდებელს კონკრეტული ობიექტ(ებ)ის მისამართ(ებ)ი ეცნობება წერილობით.
1.2.6 საჭიროების შემთხვევაში მიმწოდებელი ვალდებულია უზრუნველყოს სამუშაო პერიმეტრის მარეგულირებელი ნიშნებით დაცვა/შემოსაზღვრა საქართველოში მოქმედი კანონმდებლობის შესაბამისად.
1.2.7 სამუშაოს სპეციფიკისა და შემსყიდველის საჭიროებიდან გამომდინარე შემსყიდველი არ იღებს ვალდებულებას ხარჯთაღრიცხვით გათვალისწინებული სამუშაოების მოცულობების სრულად დაკვეთის შესახებ.
1.2.8 მიმწოდებელი ვალდებულია სამუშაოების წარმოებისას ინფრასტრუქტურის დაზიანების შემთხვევაში დაუყოვნებლივ აღადგინოს დაზიანებული ინფრასტრუქტურა.
1.2.9 საქართველოში მოქმედი კანონმდებლობით გათვალისწინებული შრომის უსაფრთხოების წესების დაცვაზე, მომსახურების გაწევის პროცესში მყოფ პირთა სიცოცხლისა და ჯანმრთელობის დაცვაზე, უსაფრთხო და ჯანსაღი სამუშაო გარემოს შექმნაზე სრულადაა პასუხისმგებელი მიმწოდებელი და ცალსახად და ინდივიდუალურად იღებს პასუხისმგებლობას ზემოაღნიშნულის დარღვევის შედეგად დამდგარ შედეგებზე;
1.2.10 მიმწოდებელი ვალდებულია უზრუნველყოს შემსყიდველისთვის მიყენებული ნებისმიერი სახის ზიანის ანაზღაურება.
1.2.11 ხარჯთაღრიცხვის ექსელის ფორმატის ფაილი (დანართი N2) ატვირთულია სატენდერო დოკუმენტაციასთან ერთად.
1.2.12 ხარჯთაღრიცხვის მე-10 და მე-11 პოზიციებზე მითითებულ ტუმბოებს, შემსყიდველი მიაწვდის მიმწოდებელს, შესაბამისად აღნიშნულ პოზიციებზე არ უნდა იქნეს გათვალისწინებული ტუმბოების ფასი.
1.2.13 შადრევნების და წყალსაქაჩების ჩამონათვალი, მისამართები და ელექტრო პროექტები ატვირთულია სატენდერო პირობების 1.2 პუნქტში (იხილეთ დანართები) .
1.2.14 შემსყიდველის წერილობითი შეტყობინება შესაძლებელია განხორციელდეს როგორც ელექტრონული ფოსტის ასევე ოფიციალური წერილის საშუალებით.

1.4.1 სამუშაოების შესრულების ვადა: ხელშეკრულების გაფორმებიდან 2026 წლის 25 დეკემბრის ჩათვლით, ეტაპობრივად, შემსყიდველის საჭიროების და წერილობითი მოთხოვნის შესაბამისად, შემდეგი პირობების გათვალისწინებით:
1.4.1.1. იმ შემთხვევაში, თუ შემსყიდველის მიერ, სატენდერო პირობების 1.2 პუნქტის 1.2.2 ქვეპუნქტით გათვალისწინებული სამუშაოების შესრულება (შადრევნებისა და წყალსაქაჩების ყველა ელ. მოწყობილობის, მათ შორის გაჟონვის რელეების, კონტაქტორების, ელ გამშვებებისა და გადამყვანების შემოწმება სპეციალური ელ. მოწყობილობების მათ შორის ანალიზატორების გამოყენებით, კარადაში არსებული ელ.მოწყობილობების კონტაქტების სპეციალური ხსნარებით დამუშავება/გაწმენდის სამუშაოები), შემსყიდველის წერილობით დავალებით მოთხოვნილი იქნება, 20-ზე მეტი რაოდენობის შადრევანზე ან/და წყალსაქაჩზე, მიმწოდებელი ვალდებულია, აღნიშნული სამუშაოების დასრულება განახორციელოს წერილობითი დავალების მიცემიდან (ჩაბარებიდან) 20 (ოცი) კალენდარული დღის ვადაში, ხოლო იმ შემთხვევაში, თუ შემსყიდველის მიერ, სატენდერო პირობების 1.2 პუნქტის 1.2.2 ქვეპუნქტით გათვალისწინებული სამუშაოების შესრულება (შადრევნებისა და წყალსაქაჩების ყველა ელ. მოწყობილობის, მათ შორის გაჟონვის რელეების, კონტაქტორების, ელ გამშვებებისა და გადამყვანების შემოწმება სპეციალური ელ. მოწყობილობების მათ შორის ანალიზატორების გამოყენებით, კარადაში არსებული ელ.მოწყობილობების კონტაქტების სპეციალური ხსნარებით დამუშავება/გაწმენდის სამუშაოები), შემსყიდველის წერილობით დავალებით მოთხოვნილი იქნება, 20 ან 20-ზე ნაკლები რაოდენობის შადრევანზე ან/და წყალსაქაჩზე, მიმწოდებელი ვალდებულია, აღნიშნული სამუშაოების დასრულება განახორციელოს წერილობითი დავალების მიცემიდან (ჩაბარებიდან) 10 (ათი) კალენდარული დღის ვადაში.
1.4.1.2. სატენდერო პირობების 1.2 პუნქტის 1.2.4 ქვეპუნქტით გათვალისწინებულ შემთხვევაში, მიმწოდებელი ვალდებულია, შემსყიდველის წერილობითი დავალებით განსაზღვრული სამუშაოების დასრულება განახორციელოს, წერილობითი დავალების მიცემიდან (ჩაბარებიდან) 20 (ოცი) კალენდარული დღის ვადაში.
1.4.1.3. სატენდერო პირობების 1.2 პუნქტის 1.2.3 ქვეპუნქტით გათვალისწინებულ შემთხვევაში, მიმწოდებელი ვალდებულია სამუშაოები დაასრულოს, შემსყიდველისა და მიმწოდებლის უფლებამოსილი წარმომადგენლის/წარმომადგენლების მიერ დეფექტური აქტის ხელმოწერით დამოწმებიდან არაუგვიანეს დეფექტურ აქტში მითითებულ ვადაში, რომელიც არ უნდა აღემატებოდეს 10 (ათი) კალენდარულ დღეს (იმ შემთხვევაში, თუ დეფექტურ აქტში სამუშაოს დასრულების ვადა მითითებული არ იქნება, აღნიშნული ვადა ავტომატურად განისაზღვრება 10 (ათი) კალენდარული დღით).

მიწოდების ადგილი – ქალაქ თბილისის მუნიციპალიტეტის ტერიტორია (შპს „ეკოსერვის ჯგუფი“-ს მოვლა-პატრონობაში არსებული შადრევნები და წყალსაქაჩები).

1.6.1 შესრულებული სამუშაოს საგარანტიო ვადაა მიღება-ჩაბარების აქტის გაფორმებიდან არანაკლებ 1 (ერთი) წელი.
1.6.2 სამუშაოების დასრულების შემდეგ საგარანტიო ვადის განმავლობაში რაიმე წუნის (ნაკლოვანებები, დეფექტი) აღმოჩენის შემთხვევაში, თუ დადგინდება რომ აღნიშნული წუნი (ნაკლოვანებები, დეფექტი) გამოწვეულია უხარისხო ან/და არაჯეროვანი შესრულებით, მიმწოდებელი ვალდებულია საკუთარი ხარჯებით აღმოფხვრას უხარისხოდ შესრულებული სამუშაოები შემსყიდველის მიერ განხორციელებული შეტყობინების მიღებიდან 10 (ათი) სამუშაო დღის განმავლობაში.
1.6.3 შემსყიდველის მიერ დაკავებული იქნება თანხა ფაქტობრივად შესრულებული სამუშაოების ღირებულების 2,5% ოდენობით, რომელიც წარმოადგენს მიმწოდებლის მხრიდან შესრულებული სამუშაოების გარანტიის ფინანსურ უზრუნველყოფას.
1.6.4 იმ შემთხვევაში, თუ საგარანტიო პერიოდის განმავლობაში ობიექტზე გამოვლენილი წუნის (ნაკლოვანებები, დეფექტი) გამოსწორებას მიმწოდებელი ორგანიზაცია ვერ უზრუნველყოფს ან უარს აცხადებს მათ აღმოფხვრაზე, შემსყიდველი უზრუნველყოფს წუნის (ნაკლოვანებები, დეფექტი) აღმოფხვრას შესრულებული სამუშაოს ღირებულებიდან დაკავებული 2,5%-ით, ხოლო მიმწოდებლის მიერ საბანკო გარანტიის წარმოდგენის შემთხვევაში, შეაფასებს წუნის (ნაკლოვანებები, დეფექტი) აღმოფხვრის ხარჯს და უზრუნველყოფს წარმოდგენილი საბანკო გარანტიიდან თანხის მოთხოვნას მის პროპორციულად. თუ დეფექტების აღმოფხვრის ხარჯისათვის საჭირო თანხა აღემატება საბანკო გარანტიით განსაზღვრულ თანხას, შემსყიდველი დამატებით დააკისრებს მიმწოდებელს ზემოაღნიშნული განსხვავების გადახდას, საქართველოს კანონმდებლობით დადგენილი წესით);

შენიშვნა: ინფორმაცია შესრულებულ სამუშაოზე საგარანტიო ვადისა და პირობების შესახებ წარმოდგენილი უნდა იქნას სატენდერო პირობების 2.9 მუხლში ატვირთული დანართი N3-ის შესაბამისად.

2.2.1.1. პრეტენდენტს, 2023 წლის 01 იანვრიდან ტექნიკური დოკუმეტაციის (მათ შორის დაზუსტებული ტექნიკური დოკუმენტაციის) ერთიან ელექტრონულ სისტემაში ატვირთვის დღემდე, ჯამურად უნდა გააჩნდეს არანაკლებ შესყიდვის ობიექტის სავარაუდო ღირებულების 150%-ს ოდენობის, შადრევნების ან/და წყალსაქაჩების ელექტრო სამონტაჟო სამუშაოების შესრულების გამოცდილება, რომელიც ინფორმაციის სახით მოცემული უნდა იყოს დანართი N4–ით გათვალისწინებულ ცხრილში ან 2.2.1.3 პუნქტის გათვალისწინებით.
2.2.1.2. დანართი N4-ის ატვირთვა სავალდებულო არ არის;
2.2.1.3. იმ შემთხვევაში თუ დანართი N4 არ იქნება ატვირთული ან დანართ N4-ში არ იქნება ასახული ინფორმაცია CMR/SPA/NAT/MEP/DAP ნომრების შესახებ ან ასახული CMR/SPA/NAT/MEP/DAP ნომრებში მოცემული ინფორმაცია ვერ უზრუნველყოფს სატენდერო დოკუმენტაციით მოთხოვნილი გამოცდილების პრეტენდნენტის მიერ შესრულების დადასატურებას, პრეტენდენტმა უნდა წარმოადგინოს ამ გამოცდილების დამადასტურებელი დოკუმენტ(ებ)ის ასლები (ხელშეკრულება და მიღება-ჩაბარების აქტი ან/და დამკვეთის მიერ დადასტურებული სხვა სახის რაიმე დოკუმენტი რომლითაც დადასტურდება პრეტენდენტის გამოცდილების სატენდერო პირობებთან შესაბამისობა).

პრეტენდენტის მიერ ერთიან ელექტრონულ სისტემაში ასატვირთი მონაცემები:

1. ხარჯთაღრიცხვა დანართი N2–ის მიხედვით (ხარჯთაღრიცხვის წარმოუდგენლობა ან ისეთი ხარჯთაღრიცხვის წარმოდგენა, რომელშიც განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს დაზუსტებას არ დაექვემდებარება და გამოიწვევს პრეტენდეტის დისკვალიფიკაციას).
2. გამოცდილების დამადასტურებელი დოკუმენტაცია, სატენდერო დოკუმენტაციის 2.2.1 მუხლის შესაბამისად.
3. ინფორმაცია შესრულებულ სამუშაოზე საგარანტიო ვადისა და პირობების შესახებ დანართი N3-ის შესაბამისად.

4.1.1.1 იმ შემთხვევაში თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტმა შემსყიდველი ორგანიზაციის წერილობითი მოთხოვნის საფუძველზე, უნდა წარმოადგინოს (სისტემაში ატვირთოს) ფასწარმოქმნის ადეკვატურობის დამადასტურებელი დოკუმენტი. ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
4.1.1.2 ფასწარმოქმნის ადეკვატურობის დადგენა უნდა განხორციელდეს ,,ტექნიკური რეგლამენტის – „სამშენებლო სამუშაოების ხარჯთაღრიცხვის ფასწარმოქმნის ადეკვატურობის დადგენის მეთოდიკა“ დამტკიცების თაობაზე“ საქართველოს მთავრობის 2017 წლის 26 სექტემბრის N439 დადგენილების შესაბამისდ.

10

10

ხელშეკრულების შესრულების უზრუნველყოფის საბანკო გარანტიის მოქმედების ვადა არანაკლებ 60 (სამოცი) კალენდარული დღით უნდა აღემატებოდეს შესყიდვის ობიექტის მიწოდების საბოლოო ვადას (2026 წლის 25 დეკემბერს).

6.4.1 ტენდერში გამოყენებულ იქნება ხელშეკრულებების შესრულების უზრუნველყოფის საბანკო გარანტია, სატენდერო დოკუმენტაციის 6.1 ან 6.2 პუნქტების შესაბამისად, დანართი N5–ის მიხედვით ან დანართ N5-ში ასახული ინფორმაციის შემცველი (დანართი N5 ატვირთულია სატენდერო დოკუმენტაციის 10.1 პუნქტში).
6.4.2 უპირობო, გამოუთხოვადი ხელშეკრულების შესრულების გარანტია წარმოდგენილი უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში.
6.4.3 პრეტენდენტი ვალდებულია შემსყიდველ ორგანიზაციაში წარადგინოს ხელშეკრულების შესრულების უზრუნველყოფის საბანკო გარანტია მატერიალური სახით და სატენდერო პირობების გათვალისწინებით.

7.2.1 სატენდერო წინადადების ფასი უნდა მოიცავდეს სამუშაოების შესრულებასთან დაკავშირებულ ყველა ხარჯს, მათ შორის კანონმდებლობით გათვალისწინებულ ყველა გადასახადს. ხარჯები, რომლებიც წინადადების ფასში არ იქნება გათვალისწინებული არ დაექვემდებარება ანაზღაურებას.
7.2.2 ანგარიშსწორება მოხდება უნაღდო ანგარიშსწორებით ლარში.
7.2.3 დაფინანსების წყარო: შპს ,,ეკოსერვის ჯგუფი“-ს 2026 წლის საკუთარი სახსრები.
7.2.4 ანგარიშსწორება განხორციელდება შემდეგი ეტაპების მიხედვით:
I ეტაპი - ფაქტიურად შესრულბული სამუშაოების შემდეგ, მიღება–ჩაბარების აქტის, მიმწოდებლისა და შემსყიდველის უფლებამოსილი პირების მიერ შედგენილი და ხელმოწერილი ფაქტიურად შესრულებული სამუშაოების აქტის (ფორმა N2) და საგადასახადო ანგარიშ–ფაქტურის (ანგარიშსწორების მომენტში დღგ-ს გადამხდელის შემთხვევაში), მიმწოდებლის მიერ წარდგენის შემდეგ, შესრულებული სამუშაოს ღირებულების 2,5%-ის დაკავებით (შემსყიდველი უფლებამოსილია არ დაუკაოს მიმწოდებელს აღნიშნული 2,5% იმ შემთხვევაში, თუ მიმწოდებელი ანგარიშსწორების დროს წარმოადგენს დასაკავებელი თანხის ოდენობის უპირობო/გამოუთხოვად საბანკო გარანტიას, რომელიც წარმოდგენილ უნდა იქნას საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახურის" მიერ ლიცენზირებული სადაზღვევო კომპანიიდან, ეროვნულ ვალუტაში - ლარში, რომლის მოქმედების ვადა არანაკლებ 30 კალენდარული დღით უნდა აღემატებოდეს სამუშაოების საგარანტიო ვადას);
II ეტაპი - შესრულებული სამუშაოების ღირებულების 2,5%-ის დაკავების შემთხვევაში - დანარჩენი ფაქტიურად შესრულებული სამუშაოების ღირებულების 2,5%, საგარანტიო ვადის გასვლის შემდგომ, მიმწოდებლის წერილობითი მოთხოვნიდან 10 (ათი) სამუშაო დღეში (წერილობით მოთხოვნას თან უნდა ახლდეს შემსყიდველის მხრიდან ინსპექტირებაზე პასუხისმგებელი პირის დასტური მასზედ, რომ საგარანტიო პერიოდის განმავლობაში შესრულებულ სამუშაოს არ გამოუვლენია დეფექტი ან და გამოვლენილი დეფექტი სრულად აღმოფხვრილია მიმწოდებლის მიერ).
7.2.5 ხარჯთაღრიცხვით გაუთვალისწინებელი ხარჯების არსებობისას, მიმწოდებელმა უნდა უზრუნველყოს ასეთი ხარჯების დეტალური გაშიფვრა და დასაბუთება, რომლის საფუძველზეც მიზანშეწონილად მიჩნევის შემთხვევაში შემსყიდველის მხრიდან ინსპექტირებაზე პასუხისმგებელი პირის მიერ განხორციელდება შესასრულებელი სამუშაოების განხორცილების დადასტურება. გაუთვალისწინებლი სამუშაოების გაწევის უფლება მიმწოდებელს ეძლევა შესმყიდველის მხრიდან ინსპექტირებაზე პასუხისმგებელი პირის თანხმობის შემთხვევაში (იმ შემთხვევაში თუ მიმწოდებელი გაწევს ხარჯთაღრიცხვით გაუთვალისწინებელ სამუშაოებს ინსპექტირებაზე პასუხისმგებელი პირის თანხმობის გარეშე, მაშინ შემსყიდველი არ აუნაზღაურებს მიმწოდებელს გაუთვალისწინებელი სამუშაოების ხარჯებს).
შენიშვნა: თანხმობად ჩაითვლება ორივე მხარის მიერ დამოწმებული გაუთვალისწინებელი სამუშაოების აქტი.
7.2.6 იმ შემთხვევაში, თუ ხელშეკრულების ფასის გაზრდა გამოწვეულია სამუშაოთა მოცულობის გაზრდის გამო, გამოყენებული იქნება წინამდებარე ხელშეკრულების დანართით (ხარჯთაღრიცხვა)
გათვალისწინებული ერთეულის ფასები, ხოლო თუ აუცილებელი გახდა ხელშეკრულების დანართით (ხარჯთაღრიცხვა) გაუთვალისწინებელი სამუშაოს დამატების გამო ცვლილების განხორციელება, ასეთ
შემთხვევაში ერთეულის ფასის დაანგარიშება უნდა განხორციელდეს ცვლილების განხორციელების პერიოდისათვის არსებული საბაზრო ფასის მიხედვით (მიმწოდებლის მიერ საბაზრო ფასის დადასტურება უნდა მოხდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/ აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით).

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო ყველა დოკუმენტაციის წარმოდგენიდან 10 (ათი) სამუშაო დღის ვადაში.

გელა იაკობაშვილი, 577095553, gelaiakobashvili7@gmail.com სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.

ტექნიკურ საკითხებთან დაკავშირებით საკონტაქტო პირია დავით სამხარაძე, ტელ: 551-22-88-78;

10.1.1 ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
10.1.2 ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.3 პრეტენდენტი ვალდებულია სახელმწიფო შესყიდვებში ერთიან ელექტრონულ სისტემაში დოკუმენტაციის ატვირთვისას იხელმძღვანელოს „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონისა და 10.1 პუნქტში ატვირთული სახელმწიფო შესყიდვების განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე სახელმწიფო შესყიდვების სააგენტოს სახელმძღვანელო ინსტრუქციის შესაბამისად.
10.1.4 ყველგან თუკი სადმე მითითებულია კონკრეტული სასაქონლო ნიშანი, პატენტი, მოდელი, წარმოშობის წყარო ან მწარმოებელი იგულისხმება ,,მსგავსი“ ან ,,ექვივალენტური
10.1.5 პრეტენდენტს არ აქვს უფლება წარმოადგინოს ალტერნატიული სატენდერო წინადადება.