Ремонт и техническое обслуживание транспортных средств и оборудования и сопутствующие услуги (Грузия - Тендер #71144798)

სსიპ მიწის მდგრადი მართვისა და მიწათსარგებლობის მონიტორინგის ეროვნული სააგენტოს ბალანსზე არსებული მანქანების რეცხვის მომსახურების სახელმწიფო შესყიდვა

ელექტრონულ ტენდერში გამარჯვებულმა ორგანიზაციამ ტალონური სისტემით უნდა უზრუნველყოს სსიპ მიწის მდგრადი მართვისა და მიწათსარგებლობის მონიტორინგის ეროვნული სააგენტოსთვის შემდეგი სახის და ოდენობის მანქანის რეცხვითი მომსახურების გაწევა:

ჯიპი - 140 ერთეული რეცხვა
სედანი (ჰეტჩბეკი) - 20 ერთეული რეცხვა

* რეცხვაში იგულისხმება ავტომანქანის რეცხვა გარედან და შიგნიდან, რეცხვა შესაძლებელია როგორც სტანდარტულად (მინიმუმ მაღალი ხარისხის სარეცხი საშუალებების (ქაფი) გამოყენებით, მაღალი წნევის სარეცხი მოწყობილობებით რეცხვა, წყლის გადავლება და გამშრალება, შიგნიდან მინიმუმ მტვერსასრუტით დასუფთავება, მტვრის და ჭუჭყის მოშორება ჩვრებით და სხვა სათანადო საშუალებებით), ასევე სპეციალური ქიმიკატების გამოყენებით მანქანის რეცხვა (წყლის გარეშე).

აუცილებელი პირობები:
1. მომსახურების მიწოდება უნდა განხორციელდეს მიმწოდებლის მიერ დამზადებული შესაბამისი მომსახურების დამადასტურებელი საბუთის - ტალონის მეშვეობით. ტალონი უნდა შეიცავდეს შემდეგ მინიმალურ ინფორმაციას:
ა) მიმწოდებლის დასახელება;
ბ) ტალონის საიდენტიფიკაციო ნომერი;
გ) ავტომანქანის/რეცხვის ტიპი;

2. მანქანის რეცხვის მომსახურება უნდა განხორციელდეს მიმწოდებლის სარგებლობაში ან საკუთრებაში არსებულ სამრეცხაოებში, შემსყიდველი ორგანიზაციის თანამშრომლების მიერ ტალონების წარდგენისთანავე, რიგის გარეშე, ან იმ შემთხვევაში, თუ მიმწოდებელი ახორციელებს მომსახურებას ადგილზე გამოძახებით - შემსყიდველის ფაქტობრივ მისამართზე ან შემსყიდველის მიერ წინასწარ განსაზღვრულ მისამართზე.

3. მომსახურების გაწევის ეტაპზე მიმწოდებლის ბრალეული შემთხვევით შემსყიდველის ავტომობილზე მიყენებული ნებისმიერი ზარალის აღმოფხვრის ხარჯები ეკისრება მიმწოდებელს.

4. იმ შემთხვევაში, თუ მიმწოდებელი ახორციელებს მომსახურებას სტანდარტულად რეცხვით (წყლით) - აუცილებელია, რომ მიმწოდებელს გააჩნდეს წყლით რეცხვის ობიექტი (ან ფილიალი) სააგენტოს ოფისიდან (ნუცუბიძის ქუჩა N51ა) არაუმეტეს 5 კმ-ის დაშორებით (მანძილში იგულისხმება სამანქანო გზა), სადაც უნდა იყოს მინიმუმ 2 (ორი) სამრეცხაო ბოქსი.

ხელშეკრულების გაფორმებიდან 2026 წლის 31 დეკემბრის ჩათვლით

იმ შემთხვევაში, თუ მიმწოდებელი ახორციელებს მომსახურებას სტანდარტულად რეცხვით (წყლით) - მანქანის რეცხვის მომსახურება უნდა განხორციელდეს ქ.თბილისში მიმწოდებლის სარგებლობაში ან საკუთრებაში არსებულ სამრეცხაოებში, შემსყიდველი ორგანიზაციის თანამშრომლების მიერ ტალონების წარდგენისთანავე, რიგის გარეშე.

იმ შემთხვევაში, თუ მიმწოდებელი მომსახურებას ახორციელებს სპეციალური ქიმიკატების გამოყენებით (წყლის გარეშე) - მიმწოდებელი ვალდებულია მანქან(ებ)ის რეცხვა განახორციელოს შემსყიდველის მიერ წინასწარ განსაზღვრულ მისამართზე, ადგილზე გამოძახებით.

იმ შემთხვევაში, თუ მიმწოდებელი ახორციელებს მომსახურებას სტანდარტულად რეცხვით (წყლით) - აუცილებელია, რომ მიმწოდებელს საკუთრებაში ან სარგებლობაში გააჩნდეს წყლით რეცხვის ობიექტი (ან ფილიალი) სააგენტოს ოფისიდან (ნუცუბიძის ქუჩა N51ა) არაუმეტეს 5 კმ-ის დაშორებით (მანძილში იგულისხმება სამანქანო გზა), სადაც უნდა იყოს მინიმუმ 2 (ორი) სამრეცხაო ბოქსი.

პრეტენდენტმა უნდა წარმოადგინოს ინფორმაცია არსებული ავტოსამრეცხაოების შესახებ დანართი N2-ის მიხედვით, შესაბამისი მისამართების მითითებით. ასევე, საკუთრების ან/და სარგებლობის დამადასტურებელი დოკუმენტების ასლები. იმ შემთხვევაში, თუ პრეტენდენტს სამრეცხაო აღებული აქვს დროებით სარგებლობაში (ქირავნობა, იჯარა, ლიზინგი, უზუფრუქტი და/ან სხვა) სისტემაში უნდა ატვირთოს შესაბამისი ხელშეკრულების ასლი, რომელიც ძალაში უნდა იყოს მინიმუმ 2026 წლის 31 დეკემბრის ჩათვლით

იმ შემთხვევაში, თუ წინამდებარე ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული (პრეისკურანტის სავარაუდო ღირებულება) საბოლოო ფასი 20%-ით ან მეტით დაბალია შემსყიდველის მიერ დაფიქსირებულ პრეისკურანტის სავარაუდო ღირებულებაზე, პრეტენდენტი ვალდებულია უზრუნველყოს ფასწარმოქმნის ადეკვატურობის დასაბუთება (პრეტენდენტის მიერ წარმოდგენილ უნდა იქნას სსიპ „ლევან სამხარაულის სახელობის ექსპერტიზის ეროვნული ბიუროს“ ან სხვა აკრედიტირებული პირის ან დამოუკიდებელი სერტიფიცირებული აუდიტორის/შემფასებლის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნეს დასკვნის გამცემი პირის აკრედიტაციის/სერთიფიცირების დამადასტურებელი დოკუმენტის ასლი), რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. სსიპ „ლევან სამხარაულის სახელობის ექსპერტიზის ეროვნული ბიუროს" მიერ გაცემული დასკვნის შემთხევაში, დასკვნის გამცემი პირის (როგორც დასკვნის გამცემი კომპანია ასევე დასკვნაზე ხელმომწერი პირები) შესაბამისი უფლებამოსილების/აკრედიტაციის დამადასტურებელი დოკუმენტის წარმოდგენა არ მოითხოვება.

შენიშვნა: ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება მოხდება უნაღდო ანგარიშსწორებით ლარში, ფაქტობრივად გაწეული მომსახურების შესაბამისად, მხარეთა შორის გაფორმებული მიღება-ჩაბარების აქტ(ებ)ის საფუძველზე.

ანგარიშსწორება განხორციელდება ეტაპობრივად მიღება–ჩაბარების აქტის გაფორმების შემდეგ არაუგვიანეს 10 სამუშაო დღის ვადაში.

უჩა ხუციანიძე, 599954775, ucha.khutsianidze@land.gov.ge

1.ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
2. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
3. სახელმწიფო შესყიდვების ერთიან ელექტრონულ სისტემაში (შემდგომში – სისტემა) ატვირთული ყველა დოკუმენტი ან/და ინფორმაცია ხელმოწერილი ან/და ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში ატვირთულ უნდა იქნას მინდობილობა ან რწმუნებულება).
4. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.