Типографские услуги и связанные с ними услуги (Грузия - Тендер #70975288)

მკაცრი აღრიცხვის ფორმების – დიპლომებისა და სერტიფიკატების ბეჭდვა და შევსება

მკაცრი აღრიცხვის ფორმების ბეჭდვა და შევსება:

1. ბაკალავრის დიპლომი (სფსN 01-4568) - სულ 2445 ცალი (აქედან 2341 - შევსება-ბეჭდვა, 104 - მხოლოდ ბეჭდვა); - 2225 ცალი;
2. მაგისტრის დიპლომი (სფს N 01-4569) -715 ცალი (შევსება-ბეჭდვა);
3. მასწავლებლის მომზადების სერტიფიკატი (სფს N 53-5185) - 170 ცალი (შევსება-ბეჭდვა);
4. გლაზგოს უნივერსიტეტის მაგისტრის დიპლომი (CRRC) (სფს N01-5719) - 10 ცალი (მხოლოდ ბეჭდვა);
5. დოქტორის დიპლომი (სფს N01-4573) – 20 ცალი (მხოლოდ ბეჭდვა);
6. უმაღლესი განათლება (სფს N 05-4579) – 70 ცალი (მხოლოდ ბეჭდვა);
7. ერთსაფეხურიანი უმაღლესი საგანმანათლებლო პროგრამა (მედიცინა)(სემგს-ს 26-6380) - სულ 80 ცალი (აქედან 73 - შევსება-ბეჭდვა, 7 - მხოლოდ ბეჭდვა).

ფორმები სტამბის მიერ უნდა იქნას დაბეჭდილი და შევსებული ილიას სახელმწიფო უნივერსიტეტის მიერ მიწოდებული მახასიათებლებით, გარდა სტანდარტული წარწერებისა, უნდა შეივსოს სახელი, გვარი, დაბადების თარიღი, ფაკულტეტის დასახელება, რა პროგრამა დაასრულა სტუდენტმა და რომელი საფეხური.

ტექნიკური აღწერილობა და მახასიათებლები იხილეთ ექსელის ფაილში,

შენიშვნა: დიპლომებისა და სერთიფიკატების შევსებისთვის საჭირო ინფორმაცია მიწოდებული იქნება შემსყიდველი ორგანიზაციის მიერ.

მომსახურება გაწეული უნდა იქნეს მოთხოვნის შესაბამისად, ხელშეკრულების გაფორმებიდან 2026 წლის 31 დეკემბრის ჩათვლით, მოთხოვნიდან არაუგვიანეს 10 კალენდარული დღისა

ქ.თბილისი, ი. ჭავჭავაძის გამზ. N45. ეტაპობრივად, მოთხოვნის შესაბამისად

პრეტენდენტს უკანასკნელი 10 წლის განმავლობაში (2016-2025 წლები) უნდა გააჩნდეს უმაღლესი საგანმანათლებლო დაწესებულების დიპლომების ბეჭდვის და შევსების გამოცდილება.

დადასტურების მიზნით პრეტენდენტმა უნდა წარმოადგინოს ზემოაღნიშნულ პერიოდში მინიმუმ ერთი შესყიდვის ხელშეკრულება და მიღება-ჩაბარების დოკუმენტი.

სახელმწიფო საიდუმლოებასთან დაკავშირებული საქმიანობის უფლების მიღების დამადასტურებელი შესაბამისი დოკუმენტი

თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა აუდიტორის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას როგორც პრეტენდენტის მიერ დაფიქსირებული წინადადების ფასთან (ჯამურ ღირებულებასთან), ასევე შესყიდვის ობიექტის ერთეულის ფას(ებ)თან მიმართებით.

დასკვნის გამცემი პირი რეგისტრირებული უნდა იყოს ბუღალტრული აღრიცხვის, ანგარიშგებისა და აუდიტის ზედამხედველობის სამსახურის სახელმწიფო რეესტრში (www.saras.gov.ge)

ანგარიშსწორება მოხდება მომსახურების გაწევის შესახებ მხარეებს შორის ეტაპობრივად გაფორმებული მიღება-ჩაბარების აქტის საფუძველზე

ეტაპობრივად, მიღება-ჩაბარების აქტის ხელმოწერიდან 10 (ათი) სამუშაო დღის განმავლობაში

ეკატერინე ქვაცაბაია, 577471199, ekaterine_kvatsabaia@iliauni.edu.ge

1. პრეტენდენტის მიერ წარმოდგენილი სატენდერო წინადადების მთლიანი ღირებულება და ერთეულის ფასი უნდა შეიცავდეს საქართველოს კანონმდებლობით გათვალისწინებულ ყველა გადასახადს და შესყიდვის ობიექტის მიწოდებასთან დაკავშირებულ ყველა ხარჯს. სატენდერო წინადადების მთლიანი ღირებულების და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
2. ელექტრონულ ტენდერთან დაკავშირებული ყველა დოკუმენტი ან/და ინფორმაცია, მათ შორის შემსყიდველსა და პრეტენდენტს შორის გაცვლილი კორესპონდენცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
3. სახელმწიფო შესყიდვების ერთიან ელექტრონულ სისტემაში ატვირთულ ყველა ელექტრონულ დოკუმენტზე უნდა იქნას შესრულებული კვალიფიციური ელექტრონული ხელმოწერა უფლებამოსილი პირის მიერ, ან ეს დოკუმენტები დამოწმებული უნდა იქნას კვალიფიციური ელექტრონული შტამპით. კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
4. პრეტენდენტი დაექვემდებარება დისკვალიფიკაციას, თუ მის მიერ, არ იქნება წარმოდგენილი ფასების ცხრილი (ხარჯთაღრიცხვა) ან წარდგენილ ხარჯთაღრიცხვაში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს;
5. პრეტენდენტმა ფასების ცხრილში (ხარჯთაღრიცხვა) აუცილებლად უნდა აღწეროს შესყიდვის ობიექტის ტექნიკური პარამეტრები, ანუ მიუთითოს მინიმუმ ის ტექნიკური პარამეტრები, რაც მოთხოვნილია სატენდერო დოკუმენტაციაში.
6. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად;
7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა და სატენდერო განცხადების ყველა პირობას.