Ремонт и техническое обслуживание транспортных средств и оборудования и сопутствующие услуги (Грузия - Тендер #70975284)

ა(ა)იპ ,,თერჯოლის დასუფთავებისა და კეთილმოწყობის მუნიციპალური სამსახურის" ბალანსზე რიცხული სატვირთო სპეციალიზირებული ავტომანქანების ტექნიკური მომსახურების შესყიდვა.

სპეციალიზირებული ავტომანქანების ტექნიკური მომსახურება უნდა განხორციელდეს პრეისკურანტში მითითებული შესაბამისი საქონლის და მომსახურების შესაბამისად, მიმწოდებელსა და შემსყიდველ ორგანიზაციას შორის თითოეულ კონკრეტულ შემთხვევაში დეფექტური აქტის შედგენის შემდეგ, რომელშიც მითითებული უნდა იყოს გასაწევი მომსახურების ან/და ასეთი მომსახურებისათვის საჭირო საქონლის (სათადარიგო ნაწილების) ჩამონათვალი.
თუ ხელშეკრულების მოქმედების პერიოდში აღმოჩნდება, რომ განფასების ცხრილში (პრეისკურანტში) არ არის გათვალისწინებული იმ მომენტისათვის საჭირო საქონელი (ნაწილები და საცხებ საპოხი) და მომსახურება, აღნიშნული ერთეულ(ებ)ის ფასი, მისი შესყიდვის აუცილებლობისას, დგინდება მხარეთა შორის შეთანხმებით, საბაზრო ფასის გათვალისწინებით. ასეთ შემთხვევაში პრეისკურანტში საქონლის რომელიმე ერთეულ(ებ)ის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
ტენდერში გამარჯვებულ პრეტენდენტთან ხელშეკრულება გაფორმდება 50 000 (ოთხმოცდაათი ათასი) ლარზე, სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის პრეისკურანტში მოცემული საქონლის და მომსახურების ერთეულის ფასების ჯამურ ღირებულების შესაბამისად, მაგრამ არაუმეტეს ტენდერის ჩატარების შესახებ, განცხადებაში მითითებული პრეისკურანტის სავარაუდო ღირებულებისა.
პრეტენდენტის მიერ, შესყიდვების ერთიანი ელექტრონული სისტემის მეშვეობით, წარმოდგენილ პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს.

პრეტედენტის მიერ, სისტემაში ატვირთული პრეისკურანტის ჯამურ ღირებულებას და ვაჭრობის შედაგად დაფიქსირებულ ფასებს შორის სხვაობის შემთხვევაში, სხვაობა პროპორციულად უნდა გადანაწილდეს პრეისკურანტში მოცემულ ყოველ ცალკეულ პოზიციაზე. ამისათვის, პრეისკურანტის ჯამური ღირებულების დაზუსტებისას, პრეტენდენტმა პროპორციულად უნდა შეამციროს თითოეული საქონლის და მომსახურების ღირებულება.

პრეტენდენტის მიერ პრეისკურანტის წარმოუდგენლობა ან არსებითად შეუსაბამო პრეისკურანტის წარმოდგენა (ერთეულის ფას(ებ)ი აღემატება შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს) გამოიწვევს პრეტენდენტის დისკვალიფიკაციას აღნიშნულ ტენდერში;

მომსახურების გაწევის პროცესში, შესაკეთებელი ავტოსატრანსპორტო საშუალებ(ებ)ის სხვა სერვისცენტრში სავალდებულო გადაყვანის ხარჯებს უზრუნველყოფს მიმწოდებელი ორგანიზაცია (საწვავი, ევაუკატორის მომსახურება და ა.შ.).

მიმწოდებელმა უნდა უზრუნველყოს მომსახურების გაწევა ხელშეკრულების გაფორმების დღიდან 2026 წლის 31 დეკემბრის ჩათვლით. მომსახურება გაწეული უნდა იქნას დაუყოვნებლივ, რიგგარეშე, ამასთან მომსახურების ვადა თითოეულ შემთხვევაზე არ უნდა აღემატებოდეს:
• სავალი ნაწილებისათვის - არაუმეტეს 2 დღეს;
• აგრეგატებისათვის - არაუმეტეს 3 დღეს;
• ელექტროობისათვის - არაუმეტეს 2 დღეს;
• იმ შემთხვევაში თუ საჭირო იქნება ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით.

მიმწოდებლის მიერ მომსახურების გაწევა უნდა მოხდეს ეტაპობრივად შემსყიდველის მოთხოვნის შესაბამისად მიმწოდებლის სერვის ცენტრ(ებ)ში, რომელიც უნდა მდებარეობდეს ქ.თერჯოლაში ან და შემყიდველის მისამართიდან 5 კმ რადიუსში.

მიმწოდებლის მიერ შეცვლილ (ახალი) სათადარიგო ნაწილზე ქარხნული გარანტია უნდა ვრცელდებოდეს მინიმუმ 3(სამი) თვის განმავლობაში, (მეორადი) სათადარიგო ნაწილზე ქარხნული გარანტია უნდა ვრცელდებოდეს მინიმუმ 1(ერთი) თვის განმავლობაში, შეკეთებულ ნაწილზე გარანტია უნდა ვრცელდებოდეს მინიმუმ 1(ერთი) თვის განმავლობაში.

პრეტენდენტს, 2024 წლიდან მოცემული ტენდერის გამოცხადების დღემდე გაწეული უნდა ჰქონდეს ანალოგიური მომსახურება. (სპეციალიზირებული ავტომანქანების/მძიმე ტექნიკის შეკეთება) აღნიშნულის დადასტურების მიზნით, პრეტენდენტი ვალდებულია წარმოადგინოს შესაბამისი ხელშეკრულება და ამავე ხელშეკრულების საფუძველზე მომსახურების შესრულების დამადასტურებელი დოკუმენტ(ებ)ი. სახელმწიფო შესყიდვის განხორციელების შემთხვევაში, პრეტენდენტმა უნდა წარმოადგინოს უფლებამოსილი პირის ხელმოწერით დამოწმებული დოკუმენტი (დანართი 2) , სადაც მითითებული იქნება შესაბამისი SPA/ CMR/ NAT და ა.შ. ნომერი - ამ შემთხვევაში დამატებითი დოკუმენტაციის (ხელშეკრულება, მიღება-ჩაბარების აქტი) წარმოდგენა სავალდებულო არ არის.

პრეტენდენტს საკუთრებაში ან/და სამოქალაქო კოდექსის აუკრძალავი ნებისმიერი ფორმით უნდა გააჩნდეს არანაკლებ ერთი მოქმედი სერვისცენტრი, პრეტენდენტის მიერ წარმოდგენილ უნდა იქნეს სერვისცენტრ(ებ)ის საკუთრებაში ან სარგებლობაში არსებობის დამადასტურებელი დოკუმენტაცია.
იმ შემთხვევაში, თუ სერვის-ცენტრი წარმოადგენს პრეტენდენტის საკუთრებას პრეტენდენტმა უნდა წარმოადგინოს:
ა) შემოთავაზებული სერვის-ცენტრის საკუთრების დამადასტურებელი შესაბამისი დოკუმენტაცია (განახლებული საჯარო რეესტრის ამონაწერი).
იმ შემთხვევაში, თუ სერვის-ცენტრი პრეტენდენტს აქვს სარგებლობის უფლებით, პრეტენდენტმა უნდა წარმოადგინოს;
ა) იჯარის ხელშეკრულება, რომლის მიხედვითაც იჯარის ვადა არ უნდა იყოს 2026 წლის 31 დეკემბერზე ნაკლები ვადით და განახლებული საჯარო რეესტრის ამონაწერი
შენიშვნა: მიმწოდებელმა უნდა წარმოადგინოს წინამდებარე ტენდერის გამოცხადების შემდგომი თარიღით განახლებული საჯარო რეესტრის ამონაწერი.
სერვისცენტრში უნდა არსებობდეს: სპეცავტომანქანებისათვის/მძიმე ტექნიკისათვის დახურული ანგარი მინიმუმ ორი სპეცავტომაქანის/მძიმე ტექნიკის განთავსებისათვის, სადაც მოხდება დაზიანებული სპეცავტომანქანის/მძიმეტექნიკის განთავსება როგორც შეკეთებამდე ასვე შეკეთების პროცესში, ასევე უნდა იყოს მინიმუმ ერთი სამუშაო ორმო (იამა) დიდი ტვიტთამწეობის სპეცავტომობილებისათვის/მძიმე ტექნიკისათვის და მსუბუქი ავტომანქანის მინიმუმ ერთი ამწე მექანიზმი
სერვისცენტრში სამუშაო ფართობი დაფარული უნდა იყოს ბეტონის ან მსგავსი ზედაპირით; დაცული უნდა იყოს ჰიგიენური და უსაფრთხოების ნორმები. პრეტენდენტს უნდა გააჩნდეს სასაწყობო მარაგი, რომელშიც უნდა შედიოდეს სპეცავტომობილების/მძიმე ტექნიკის სავალი ნაწილის სწრაფადცვეთადი დეტალები, ასევე ზეთის, ჰაერის და კონდენციონერის ფილტრები, მინის მწმენდები, ძრავის ზეთი , ანტიფრიზი. პრეტენდენტი ვალდებულია წარმოადგინოს შესაბამისობის დადასტურებისთვის სათანადო მასალები (ფოტო ან სხვა სახის ინფორმაცია). შემსყიდველი უფლებამოსილია, პრეტენდეტის მიმართ განახორციელოს სერვისცენტრის დათვალიერება ზემოთ აღნიშნულ სტანდარტებთან შესაბამისობაზე და შეუსაბამობის შემთხვევაში მოახდინოს პრეტენდენტის დისკვალიფიკაცია კანონით დადგენილი ნორმების შესაბამისად.
სერვის ცენტრსი იჯარის შემთხვევაში, ხელშეკრულება რეგისტრირებული უნდა იყოს საჯარო რეესტრში „საჯარო რეესტრის შესახებ“ საქართველოს კანონის მე-11 მუხლის, მე-5 პუნქტის შესაბამისად.

სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „გამარტივებული ელექტრონული ტენდერისა და ელექტრონული ტენდერის ჩატარების წესის“ მე-18 მუხლის მე-6, მე-7 პუნქტის საფუძველზე იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა. უნდა წარმოადგინოს/ატვირთოს ფასწარმოქმნის ადეკვატურობის დასაბუთება. ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული ან/და საშემფასებლო დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი. დასკვნა ცალსახად უნდა ადასტურებდეს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის ასევე საერთო ღირებულებასთან მიმართებით. ამასთან, ფასწარმოქნის ადეკვატურობის დასაბუთების წარმოუდგენლობა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის შესაბამისად.

7.2.1 მიმწოდებელთან ანგარიშსწორება შემსყიდველის მიერ განხორციელდება, ეტაპობრივად, უნაღდო ანგარიშსწორების ფორმით, ეროვნულ ვალუტაში;
7.2.2 მიმწოდებელთან ანგარიშსწორება იწარმოებს ხელშეკრულებით გათვალისწინებული ფაქტიურად გაწეული მომსახურების შესრულების შესახებ გაფორმებული მიღება-ჩაბარების აქტისა და შესაბამისი საანგარიშსწორებო დოკუმენტის საფუძველზე მომწოდებლის მიერ ხელშეკრულებაში მითითებულ საბანკო რეკვიზიტებზე,

ანგარიშსწორება განხორციელდება მიმწოდებლის მიერ ანგარიშსწორებისათვის საჭირო დოკუმენტაციის წარდგენიდან 10 (ათი) სამუშაო დღის ვადაში, მიმწოდებლის მიერ მითითებული რეკვიზიტების მიხედვით.

ტარიელ ფანჩულიძე, 599935936, terjoladasuftaveba@gmail.com მედეა გვენეტაძე 595 45 32 62

1. პრეტენდენტის მიერ წარმოდგენილ სატენდერო წინადადებაში საერთო ფასი წარმოდგენილი უნდა იყოს მომსახურების განხორციელებასთან დაკავშირებული ყველა ხარჯისა და საქართველოს კანონმდებლობით განსაზღვრული გადასახადების გათვალისწინებით.
2. პრეტენდენტის მიერ სატენდერო წინადადების ან მისი შემადგენელი დოკუმენტის წარდგენა შესაძლებელია როგორც ქართულ, ასევე უცხო ენებზე. დოკუმენტის უცხო ენაზე წარდგენის შემთხვევაში, მას უნდა დაერთოს ნოტარიულად დამოწმებული თარგმანი ქართულ ენაზე. დოკუმენტთან დაკავშირებული სადავო საკითხ(ებ)ის გადაწყვეტისას უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
3. პრეტენდენტის მიერ წარმოდგენილი სატენდერო წინადადება „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების მოთხოვნათა შესაბამისად დამოწმებული უნდა იყოს უფლებამოსილი ან მისი ნდობით აღჭურვილი (სათანადო წესით დამოწმებული მინდობილობის საფუძველზე) პირის კვალიფიციური ელექტრონული ხელმოწერით ან/და კვალიფიციური ელექტრონული შტამპით. იგივე წესი უნდა იქნეს დაცული პრეტენდენტის მიერ სხვა, შემდგომი დოკუმენტების წარდგენის საჭიროების წარმოშობის შემთხვევაში (მაგალითად, დაზუსტებული ტექნიკური დოკუმენტაცია და სხვა).
4. კვალიფიციური ელექტრონული ხელმოწერა ან/და დასმული კვალიფიციური ელექტრონული შტამპი უნდა იყოს შესრულებული უფლებამოსილი ან მისი ნდობით აღჭურვილი (ნოტარიულად დამოწმებული მინდობილობის საფუძველზე) პირის მიერ.
5. პრეტენდენტს არა აქვს უფლება წარმოადგინოს ალტერნატიული სატენდერო წინადადება.
6. პრეტენდენტი სატენდერო დოკუმენტაციის გათვალისწინებულ ყველა პირობას უნდა აკმაყოფილებდეს უშუალოდ.
7. სატენდერო დოკუმენტაციასთან დაკავშირებული განმარტებების მიღება პრეტენდენტს შეუძლია ერთიანი ელექტრონული სისტემის შესაბამისი მოდულის მეშვეობით.
8. სატენდერო პირობების შესახებ დამატებითი ინფორმაციისა და განმარტებების მიღების საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანებით დამტკიცებული ,,ელექტრონული ტენდერის ჩატარების წესის“ მე-8 მუხლით დადგენილი წესის შესაბამისად.
9. წინამდებარე შესყიდვა ხორციელდება ,,სახელმწიფო შესყიდვის შესახებ’’ საქართველოს კანონისა და ,,ელექტრონული ტენდერის ჩატარების შესახებ წესის’’ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების შესაბამისად.