Гостиничные услуги (Грузия - Тендер #70811785)

სსიპ „ახალგაზრდობის სააგენტო“, 2026 წლის “ახალგაზრდული ღონისძიებების ხელშეწყობის” პროგრამის“მუნიციპალიტეტების შესალებლობების გაძლიერება“ ქვეპროგრამის ფარგლებში, გეგმავს პროექტის - „ახალგაზრდული საქმიანობის დელეგატები“ განხორციელებას. პროექტის მიზანია საქართველოს რეგიონებში მცხოვრები ახალაგაზრდების სამოქალაქო გაძლიერება და მათი ჩართულობის გაზრდა ქვეყნის საზოგადოებრივ-პოლიტიკურ ცხოვრებაში. პროექტი ხელს უწყობს ახალგაზრდებში სამოქალაქო ცნობიერების ამაღლებასა და ლიდერული უნარ-ჩვევების გაძლიერებას.

შესყიდვის ობიექტს წარმოადგენს პროექტის „ახალგაზრდული საქმიანობის დელეგატები“ მონაწილეთათვის (დელეგატებისათვის) სასტუმროს მომსახურების შესყიდვა

შესყიდვის ობიექტს წარმოადგენს პროექტის „ახალგაზრდული საქმიანობის დელეგატები“ მონაწილეთათვის (დელეგატებისათვის), 2026 წლის მარტი-აპრილის პერიოდში, სასტუმროს მომსახურების შესყიდვა შემდეგი ტექნიკური მახასიათებლების შესაბამისად:

1. სასტუმრო შესაძლებელია იყოს კომპლექსის ტიპის, შესაძლოა იყოს რამდენიმე შენობით წარმოდგენილი ერთ სივრცეში/ერთ ლოკაციაზე.
2. სასტუმრო უნდა იყოს თანამედროვე სტანდარტების და კომფორტული ინფრასტრუქტურის მქონე, არ უნდა იყოს განთავსებული საცხოვრებელი სახლის ნაწილში ან მიწისქვეშ, სასტუმრო არ უნდა იყოს საოჯახო ტიპის (თანამედროვე სტანდარტების კომპლექსი, არა საოჯახო ტიპის ან საცხოვრებელი სახლის ნაწილი).
3. სასტუმრო უნდა მდებარეობდეს ქ. თბილისის მუნიციპალურ საზღვრებში (გარდა: წავკისი, შინდისი, ტაბახმელა, წყნეთი, ფონიჭალა, კიკეთი, კოჯორი, ორხევი, აეროპორტი, ლილო)
4. სასტუმრომ უნდა უზრუნველყოს ერთდროულად არაუმეტეს 67 ადამიანის განთავსება 1 ადგილიან და 2 ადგილიან ნომრებში (ოთახების რაოდენობა დაზუსტდება ჯგუფის ფორმირების შემდეგ სქესთა ბალანსის დაცვით) (იხ. ტექნიკური დავალების ცხრილი N1).
5. მომწოდებელმა უნდა უზრუნველყოს მონაწილეები სამჯერადი კვებით (საუზმე, სადილი, ვახშამი) და ყავის შესვენებებით.
6. ყველა ნომერი განთავსებული უნდა იყოს ერთ კომპლექსში/ერთ ლოკაციაზე.
7. ოთახის სპეციფიკიდან გამომდინარე, აუცილებელია, რომ საწოლები იყოს ცალ-ცალკე, ინდივიდუალური, არაგასაშლელი.
8. სასტუმროში განთავსების სავარაუდო თარიღებია 25 მარტი - 10 აპრილის პერიოდი. თუმცა, თარიღები შესაძლოა დაზუსტდეს ღონისძიების განხორციელებამდე 5 კალენდარული დღით ადრე.
9. სასტუმროს ნომრები უნდა იყოს უზრუნველყოფილი ინდივიდუალური სველი წერტილებით, უწყვეტი ცივი და ცხელი წყლით, ცენტრალური გათბობა-გაგრილების სისტემით, 24 საათიანი ელექტრომომარაგებით, ინტერნეტით და ტელევიზორით. ნომრებში ასევე დაცული უნდა იყოს სანიტარული ნორმები. სასტუმროს ასევე უნდა გააჩნდეს დენის ალტერნატიული წყარო.
10. ოთახები უნდა მარაგდებოდეს ჰიგიენის ინდივიდუალური ნივთებით ყოველდღე თითო ადამიანზე- 1 დიდი პირსახოცი, 1 პატარა პირსახოცი, ოთახის ერთჯერადი ჩუსტი და ხალათი, შამპუნი, ტანის გელი, საპონი, ოთახში ასევე უნდა იყოს თმის საშრობი ფენი.
11. ოთახის დალაგება და თეთრეულის გამოცვლა უნდა ხორციელდებოდეს სასტუმროში არსებული სტანდარტის მიხედვით, სველი/მშრალი წმენდით.
12. სასტუმროში უნდა იყოს 1 საკონფერენციო სივრცე არანაკლებ 70 ადამიანზე გათვლილი, სადაც, საჭიროების შემთხვევაში, შესაძლებელი იქნება დახურულ სივრცეში ღონისძიების/ტრენინგის განხორციელება ერთდროულად 70 ადამიანის მონაწილეობით (იხ. ტექნიკური დავალების დანართი N2). შემსყიდველის მოთხოვნის შესაბამისად, შესაძლებელი უნდა იყოს სივრცის გადაწყობა თეატრალური წყობისა (მხოლოდ სკამების განთავსება) ან მაგიდების გარშემო სხდომა (U-shape). სივრცე აღჭურვილი უნდა იყოს გამართული საპროექციო ეკრანით, პროექტორით, ფლიპჩარტის დაფით, გახმოვანების სისტემითა და 3 (სამი) ერთეული უსადენო მიკროფონით. მომწოდებელი ვალდებულია უზრუნველყოს მაღალი სიჩქარის უკაბელო ინტერნეტი და თითოეული მონაწილისათვის სასმელი წყალი 0.5-ლიტრიანი ინდივიდუალური ბოთლებით.
13. გარდა ამისა, სასტუმროს უნდა ჰქონდეს არანაკლებ 2 იზოლირებული სატრენინგო სივრცე, სადაც შესაძლებელი იქნება მონაწილეების ჯგუფების (არანაკლებ 35 პირი) შეკრება და მუშაობა (იხ. ტექნიკური დავალების დანართი N2). სატრენინგო სივრცე უზრუნველყოფილი უნდა იყოს შესაბამისი ინვენტარითა და აღჭურვილობით, რაც გულისხმობს 35 ადამიანზე გათვლილ სკამებს, სამუშაო მაგიდას, გამართულ პროექტორს საპროექციო ეკრანითა და ფლიპჩარტის დაფას. ასევე, აუცილებელია მონაწილეთათვის გათვალისწინებული იყოს სასმელი წყალი (35 ერთეული, 0.5-ლიტრიან ბოთლებში).
14. საკონფერენციო სივრცე ხელმისაწვდომი უნდა იყოს სასტუმროში განთავსების 1-ელ, მე-2 და მე-3 დღეს, ხოლო სატრენინგო სივრცეები მე-2 და მე-3 დღეს, დღის ნებისმიერ მონაკვეთში, პროგრამული აქტივობების განხორციელებისთვის. მიმწოდებელმა უნდა უზრუნველყოს ყოველივე ზემოთაღნიშნულის შესაბამისი ტექნიკური პერსონალით მომსახურება.
15. საკონფერენციო სივრცე და სატრენინგო სივრცეები უნდა იყოს იზოლირებული და დამოუკიდებელი სხვა ოთახებისგან, მათ შორის სამზარეულოსგან/კვებისთვის განკუთვნილი სივრცისგან (ფარდით ან სხვა საშუალებებით გამოყოფა არ მოიაზრება), ასევე, უზრუნველყოფილი უნდა იყოს გათბობა/კონდიცირების სისტემით და ცენტრალური ვენტილაციით. საკონფერენციო დარბაზი უნდა მდებარეობდეს შენობის მიწისზედა სართულზე და უზრუნველყოფილი უნდა იყოს ბუნებრივი განათებით (ფანჯრების ან ვიტრაჟული კონსტრუქციების სახით). სივრცეები აღჭურვილი უნდა იყოს პროექტორით, ლეპტოპით, პროექტორის ეკრანით, თეთრი დაფით და მარკერებით, მონაწილეთა შესაბამისი რაოდენობის სკამებით, სამუშაო მაგიდებით, ხმის გამაძლიერებელი სისტემით (მიკროფონი და დინამიკები), უკაბელო ინტერნეტით, მონაწილეებისათვის სასმელი წყლით (0.5 მლ ბოთლებით).
16. კვებისთვის განკუთვნილი საათების განსაზღვრა უნდა მოხდეს შემსყიდველთან შეთანხმებით. სასადილო სივრცე უნდა იძლეოდეს ერთდროულად 70 მონაწილის განთავსების შესაძლებლობას. მომწოდებელმა ყოველდღიურად უნდა უზრუნველყოს 70 ადამიანის 3-ჯერადი კვება შვედური მაგიდის პრინციპით, შემსყიდველის მიერ შეთანხმებული მენიუს მიხედვით (იხ. ტექნიკური დავალების ცხრილი N3, N4). გათვალისწინებული უნდა იყოს ვეგეტარიანული მოთხოვნები, აუცილებელია ცხელი კერძის ერთ-ერთ რაციონში არ შედიოდეს ღორის ხორცი. ასევე, პროექტის მიმდინარეობის დროს, სასტუმრომ შემსყიდველთან შეთანხმებით, 70 პერსონაზე უნდა უზრუნველყოს 4-ჯერ ყავის შესვენება.
17. კვებითი მომსახურების გაწევის დროს მიმწოდებელმა უნდა უზრუნველყოს შესაბამისი რაოდენობის მომსახურე პერსონალის ადგილზე ყოფნა. კერძები უნდა მომზადდეს ჰიგიენის ნორმების მკაცრი დაცვით. კერძებისთვის საჭირო ინგრედიენტები უნდა იყოს ახალი, მაღალხარისხიანი. მომსახურების გაწევის პროცესში, მიმწოდებელმა უნდა დაიცვას საქართველოს კანონმდებლობით დადგენილი რეგულაციები, წინააღმდეგ შემთხვევაში, შემსყიდველი იძენს უფლებამოსილებას, დასვას მიმწოდებლის პასუხისმგებლობის საკითხი კანონმდებლობით გათვალისწინებული სათანადო წესით.
18. პერიმეტრი 24 საათის მანძილზე უნდა კონტროლდებოდეს შესაბამისი დაცვის სისტემით. სასტუმროს პერიმეტრი მუდმივად უნდა იყოს დაცვის ქვეშ. 24 საათის განმავლობაში ხელმისაწვდომი უნდა იყოს ადმინისტრაციის სამსახური (ადმინისტრატორი).
19. სასტუმროში განთავსებული უნდა იყოს სახანძრო უსაფრთხოების სისტემები/სისტემა, რომელიც უნდა შეესაბამებოდეს უსაფრთხოების დადგენილ ნორმებს (ბრძანება - საქართველოში მოქმედი სახანძრო უსაფრთხოების წესების დამტკიცების შესახებ; ასევე ტექნიკური რეგლამენტი სახანძრო უსაფრთხოების წესების და პირობების შესახებ). სასტუმროში ხელმისაწვდომი უნდა იყოს პირველადი გადაუდებელი დახმარებისთვის საჭირო სამედიცინო ჩანთა.
20. სპეციფიკაციები შესაძლოა შეიცვალოს, სერვისის გაწევის დროისთვის, ქვეყანაში არსებული რეგულაციების შესაბამისად.
21. სასტუმროს შერჩევა-შეფასების ეტაპზე შესაბამის კომისიის ნებისმიერი წევრი უფლებამოსილია, ადგილზე დაათვალიეროს პრეტენდენტის მიერ შემოთავაზებული სასტუმრო და შეაფასოს მისი შესაბამისობა ტექნიკურ დავალებაში განსაზღვრულ მოთხოვნებთან.

მომსახურების გაწევის სავარაუდო თარიღია 2026 წლის 25 მარტი - 10 აპრილის პერიოდი.

სასტუმრო უნდა მდებარეობდეს ქ. თბილისის მუნიციპალურ საზღვრებში (გარდა: წავკისი, შინდისი, ტაბახმელა, წყნეთი, ფონიჭალა, კიკეთი, კოჯორი, ორხევი, აეროპორტი, ლილო).

1. პრეტენდენტს 2023 წლის 01 იანვრიდან ტენდერის გამოცხადების დღემდე უნდა ჰქონდეს ჯამში არანაკლებ 97400.00 (ოთხმოცდაჩვიდმეტი ათას ოთხასი) ლარის ღირებულების ანალოგიური (სასტუმროს მომსახურება, სასტუმროში კვებით დაბინავების მომსახურება, სასტუმროში შეხვედრებისა და კონფერენციების ორგანიზების მომსახურება)მომსახურების გაწევის გამოცდილება.
2. პრეტენდენტმა უნდა წარმოადგინოს ანალოგიური მომსახურების გაწევის დამადასტურებელი დოკუმენტების ასლები (ხელშეკრულება, შესაბამისი მიღება-ჩაბარების აქტითა (არსებობის სემთხვევაში) და გადარიცხვის დამადასტურებელი დოკუმენტით, ან/და შემსყიდველის/დამკვეთის მიერ დადასტურებული მკაცრი აღრიცხვის დოკუმენტ(ებ)ი რითაც დადასტურდება პრეტენდენტის გამოცდილება). სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში საკმარისია შესაბამისი SPA, NAT, CMR, MEP, DAP ნომრების წარმოდგენა. ზემოაღნიშნულის დასადასტურებლად პრეტენდენტმა უნდა უზრუნველყოს ინფორმაციის წარმოდგენა გამოცდილების შესახებ (სატენდერო დოკუმენტაციის 2.2.1 პუნქტში არსებული დანართი N2-ის შესაბამისად).
3. სატენდერო დოკუმენტაციის დანართი N2-ში, პრეტენდენტის მიერ ფაქტობრივად გაწეული მომსახურებ(ებ)ის ღირებულების შესახებ ინფორმაცია მითითებულ უნდა იქნას ლარში. უცხოურ ვალუტაში გაწეული მომსახურების შემთხვევაში, აღნიშნული ინფორმაცია მითითებული უნდა იყოს მომსახურების გაწევის დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.

1.პრეტენდენტმა, წინადადებების მიღების ეტაპზე, უნდა წარმოადგინოს ინფორმაცია მის მიერ შემოთავაზებული სასტუმროს შესახებ, სასტუმროს ზუსტი ფაქტობრივი მისამართი, წინააღმდეგ შემთხვევაში, იგი დისკვალიფიცირებულ იქნება სატენდერო პროცედურებიდან, დაზუსტების გარეშე.

2. იმ შემთხვევაში, თუ პრეტენდენტი არ არის მის მიერ მომსახურების გასაწევად შემოთავაზებული სასტუმროს წარმომადგენელი, წინადადების მიღების ეტაპზე, უნდა წარმოადგინოს მომსახურების გასაწევად შემოთავაზებული სასტუმროს ზუსტი მისამართი. ასევე, მომსახურების გასაწევად შემოთავაზებული სასტუმროს ხელმძღვანელი ან/და უფლებამოსილი პირის მიერ დადასტურებული წერილობითი შეტყობინება, იმის თაობაზე, რომ გაცნობილია ტექნიკური დავალების პირობებს და მზად არის, გასწიოს ტენდერით გათვალისწინებული მომსახურება ტექნიკურ დავალებაში მითითებული პირობების მიხედვით. წინააღმდეგ შემთხვევაში, იგი დისკვალიფიცირებულ იქნება სატენდერო პროცედურებიდან, დაზუსტების გარეშე.
ასევე პრეტენდენტის მიერ წარმოდგენილი სასტუმრო უნდა აკმაყოფილებდეს სატენდერო დოკუმენტაციის 2.2.1 პუნქტით განსაზღვრულ პირობებს, შესაბამისად წარმოდგენილი უნდა იყოს 2.2.1 - ით მოთხოვნილი დოკუმენტაცია.

წარმოდგენილი დოკუმენტები დამოწმებული უნდა იყოს პრეტენდენტის მიერ კვალიფიციური ელექტრონული ხელმოწერით ან/და კვალიფიციური ელექტრონული შტამპით.

3. პრეტენდენტმა უნდა წარმოადგინოს სასტუმროს ვიზუალური მასალა, მათ შორის, სასტუმროს ლობის, ნომრების, სასადილო სივრცის, 2 სატრეინინგო სივრცის,1 საკოფერენციო სივრცის ((სასურველია, აღნიშნული ინფორმაციის გადამოწმება შესაძლებელი იყოს ვებ-გვერდის საშუალებით (არსებობის შემთხვევაში)).

ა) სატენდერო დოკუმენტაციის 1.3 პუნქტით გათვალისწინებული შევსებული ფასების ცხრილი.
ბ) წინამდებარე სატენდერო პირობების 2.2.1 ქვეპუნქტში მოცემული პირობების შესაბამისად შევსებული დანართი N2 შესაბამისი გამოცდილების დამადასტურებელი დოკუმენტაცია.
გ) წინამდებარე სატენდერო პირობების 2.3.1 პუნქტით გათვალისწინებული ინფორმაცია და ვიზუალური მასალა მატერიალურ-ტექნიკური ბაზის შესახებ.


შენიშვნა: პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები (გარდა ფასების ცხრილისა და 2.3.1 პუნქტის მე-3 ქვეპუნქტით გათვალისწინებული ვიზუალური მასალისა) დაამოწმოს/დაადასტუროს კვალიფიციური ხელმოწერით/კვალიფიციური შტამპით.
ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად

1.იმ შემთხვევაში თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, მიმწოდებელმა უნდა დაასაბუთოს (სისტემაში ატვირთოს) ფასწარმოქმნის ადეკვატურობა (ამ ფასად ტენდერით გათვალისწინებული ვალდებულების შესრულების შესაძლებლობა).
2.ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება მოხდება ფაქტიურად გაწეული მომსახურების შესაბამისად, უნაღდო ანგარიშსწორებით ლარში.

ანგარიშსწორება მოხდება მხარეებს შორის მიღება-ჩაბარების აქტის გაფორმებიდან 10 (ათი) სამუშაო დღის ვადაში.

ქეთევან გელაშვილი, 551215857, kgelashvili43@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
3. პრეტენდენტი ვალდებულია ნებისმიერი უცხოურენოვანი დოკუმენტაციის ატვირთვის შემთხვევაში წარმოადგინოს იგი ქართულ ენაზე ნათარგმნი და ნოტარიულად დამოწმებული;
4. სახელმწიფო შესყიდვების ერთიან ელექტრონულ სისტემაში ატვირთული პრეტენდენტის მიერ შექმნილი დოკუმენტები და/ან ინფორმაცია (გარდა ხარჯთაღრიცხვისა) უნდა იქნას ელექტრონულად ხელმოწერილი შესაბამისი უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ მის მიერ შექმნილ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. „სახელმწიფო შესყიდვის განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმწიფო შესყიდვების სააგენტოს მიერ დადგენილი სახელმძღვანელო ინსტრუქცია). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
სხვა დამატებითი დოკუმენტაცია/ინფორმაცია, რომელიც არ არის პრეტენდენტის მიერ შექმნილი, მათ შორის, გეგმები და პროექტის ნახაზები, დასკვნები, MAF, უცხოური დოკუმენტების თარგმანი, ექსპერტიზის დასკვნები, აკრედიტაცია/ნებართვა, ხელშეკრულება, მიღება-ჩაბარების აქტები, დიპლომი/სიგელი/სერთიფიკატი, ტექპასპორტი, ფოტოსურათი, ესკიზი და სხვა, მათ დამატებით აღარ ესაჭიროება კვალიფიციური ხელმოწერა ან/და კვალიფიციური შტამპი, რადგან კანონმდებლობა არ მოითხოვს სისტემაში დოკუმენტის დამოწმებული ასლების ატვირთვას.
სახელმწიფო შესყიდვების ერთიან ელექტრონულ სისტემაში პრეტენდენტის მიერ შექმნილი ყველა დოკუმენტი (წინადადების სახით) ან/და ინფორმაცია ხელმოწერილი უნდა იყოს ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი უნდა იქნას Excel-ის ფორმატის სახით.
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (პრეისკურანტი) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ პრეისკურანტში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 5%-ს).
7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.