Ресторан и подача блюд (Грузия - Тендер #70811783)

სსიპ “ახალგაზრდობის სააგენტოს” 2026 წლის "ახალგაზრდული ღონისძიებების ხელშეწყობის პროგრამის" "„ახალგაზრდების მონაწილეობის გაძლიერება“ ქვეპროგრამის ფარგლებში განსახორციელებელი „გაეროს მოდელირების“ პროექტისა და „ახალგაზრდული პოლიტიკისა და საერთაშორისო თანამშრომლობა“ ქვეპროგრამის ფარგლებში განსახორციელებელი სხვადასხვა ტიპის შეხვედრების (მათ შორის: სამუშაო შეხვედრები, პრეზენტაციები, საჯარო განხილვები) მონაწილეთათვის კვების მომსახურების შესყიდვა (ფურშეტი ადგილზე მიტანით).

ფურშეტით/კვებითი მომსახურების დროს აუცილებელია, დაცული იქნეს შემდეგი პირობები:
1. შემსყიდველის მოთხოვნის შემთხვევაში, მიწოდების ადგილზე (ფურშეტის ადგილზე) მიმწოდებელმა შემსყიდველს კვებითი მომსახურება უნდა გაუწიოს შესაბამისი რაოდენობის მომსახურე პერსონალის დახმარებით.
2. მომსახურე პერსონალი უნდა იყოს შესაბამისი უნიფორმით და ვიზუალურად მოწესრიგებული, სამუშაო მდგომარეობისათვის შესაბამისი, მათ ასევე დროულად უნდა მოახდინონ ნარჩენებისა და გამოყენებული ჭურჭლის ალაგება, რაიმე სახის დაზიანების აღმოფხვრა, მაგიდის გადაწმენდა და განახლება. მომსახურე პერსონალის მოცდის დრო განისაზღვრება შემსყიდველთან შეთანხმებით.
3. მისაწოდებელი კერძები უნდა მომზადდეს ეკოლოგიურად სუფთა გარემოში. კერძები უნდა მომზადდეს ჰიგიენის ნორმების მკაცრი დაცვით. კერძებისთვის საჭირო ინგრედიენტები უნდა იყოს ახალი, მაღალხარისხიანი. მომსახურების გაწევის პროცესში, მიმწოდებელმა უნდა დაიცვას „სურსათის ჰიგიენის ზოგადი წესისა“ და „სურსათის ჰიგიენის გამარტივებული წესის“ დამტკიცების თაობაზე საქართველოს მთავრობის 2010 წლის 25 ივნისის №173 დადგენილებით დამტკიცებული ტექნიკური რეგლამენტები, „ტექნიკური რეგლამენტის - მომხმარებლისათვის სურსათის შესახებ ინფორმაციის მიწოდების თაობაზე დამტკიცების შესახებ“ საქართველოს მთავრობის 2016 წლის 01 ივლისის №301 დადგენილებით დამტკიცებული ტექნიკური რეგლამენტი, “სურსათის/ცხოველის საკვების უვნებლობის სახელმწიფო კონტროლის განხორციელების წესის დამტკიცების თაობაზე“ საქართველოს მთავრობის 2015 წლის 16 ოქტომბრის №533 დადგენილებით დამტკიცებული წესი, “ცხოველური წარმოშობის სურსათის ჰიგიენის სპეციალური წესის შესახებ“ საქართველოს მთავრობის 2012 წლის 7 მარტის №90 დადგენილებით დამტკიცებული წესი და სურსათის უვნებლობის მიმართულებით საქართველოში მოქმედი კანონმდებლობა. წინააღმდეგ შემთხვევაში შემსყიდველი იძენს უფლებამოსილებას დასვას მიმწოდებლის პასუხისმგებლობის საკითხი კანონმდებლობით გათვალისწინებული სათანადო წესით.
4. მიმწოდებელი ვალდებულია, მომსახურების გაწევის დროს, შემსყიდველი უზრუნველყოს: ჭურჭლით, ხელსახოცებით, მაგიდის გადასაფარებლებით. ჭურჭელი უნდა იყოს ერთნაირი, ხარვეზის გარეშე, შემსყიდველის მოთხოვნის მიხედვით მრავალჯერადი ან ერთჯერადი მოხმარების: დაუშვებელია გატეხილი, გაბზარული ჭურჭლის ან სხვა მიზეზით არასათანადო ვიზუალურ და ჰიგიენურ მდგომარეობაში არსებული ჭურჭლის გამოყენება; ერთჯერადი ჭურჭლით მომსახურებისას (თეფში, ჭიქა, კოვზი, ჩანგალი, დანა) გამოყენებული უნდა იყოს მყარი ფაქტურის (არა პლასტიკი) ნივთები.
5. კერძების და სუფრის გაფორმება უნდა განხორციელდეს თანამედროვე და დახვეწილი სტილით, შემსყიდველთან შეთანხმებით.
6. საკვების მიწოდება უნდა განხორციელდეს შესაბამისი თერმული კონტეინერებით. დაუშვებელია პოლიეთილენის პარკებით და სხვა არასათანადო საშუალებების გამოყენებით პროდუქციის მიწოდება.
7. ტრანსპორტირება უნდა განხორციელდეს ღონისძიების ადგილამდე ჰიგიენური და ტემპერატურული ნორმების დაცვით. დაუშვებელია კერძების ტრანსპორტირება ისეთი საბარგულების მეშვეობით, სადაც განთავსებული იქნება სხვადასხვა ხელსაწყოები, საცხებ/საპოხი საშუალებები, საწვავი და ნებისმიერი სხვა რამ, რაც მიუღებელია საკვებთან ერთად ტრანსპორტირებისათვის.
8. შემსყიდველი იტოვებს უფლებას, ხელშეკრულების მოქმედების ნებისმიერ ეტაპზე, გადაამოწმოს ჰიგიენის ნორმების დაცვა, როგორც საკვები პროდუქტების მომზადების ადგილზე, ასევე ტრანსპორტირების დროს.
9. საკვების მიწოდებისა და საკვების მოხმარების შემდეგ, მიმწოდებელმა უნდა უზრუნველყოს მიწოდების ადგილის დასუფთავება და ნარჩენების გატანა.
10. მომსახურების გაწევა უნდა განხორციელდეს თბილისში ან თბილისის ადმინისტრაციული საზღვრებიდან არაუმეტეს 30კმ. რადიუსით დაშორებულ ქალაქებში/დასახლებულ პუნქტებში. მიმწოდებელს კვებითი მომსახურების გაწევის ადგილი, დრო, მონაწილეთა რაოდენობა და კონკრეტული მოსაწოდებელი მენიუ ეცნობება მომსახურების გაწევამდე 5 (ხუთი) დღით ადრე.
11. შემსყიდველი უფლებამოსილია, ყოველ კონკრეტულ შემთხვევაში შეარჩიოს განსხვავებული მენიუ, კერძების ერთეულის შემოთავაზებული ღირებულების მიხედვით.
12. მომსახურების გაწევა უნდა განხორციელდეს ეტაპობრივად, ხელშეკრულების გაფორმების დღიდან 2026 წლის 28 დეკემბრის ჩათვლით. შემსყიდველი იტოვებს უფლებას, ხელშეკრულებით გათვალისწინებული რაოდენობები არ აითვისოს სრულად.
13. მენიუ, შესაბამისი რაოდენობების მითითებით, წარმოდგენილია სატენდერო დოკუმენტაციის 1.2 პუნქტის დანართის სახით.

კვებითი მომსახურება უნდა განხორციელდეს ეტაპობრივად, შემსყიდველის მოთხოვნის შესაბამისად, ხელშეკრულების გაფორმების დღიდან 2026 წლის 28 დეკემბრის ჩათვლით.

1.5.1 კვებითი მომსახურების გაწევა უნდა განხორციელდეს თბილისში ან თბილისის ადმინისტრაციული საზღვრებიდან არაუმეტეს 30კმ. რადიუსით დაშორებულ ქალაქებში/დასახლებულ პუნქტებში.

1.5.2 მიმწოდებელს კვებითი მომსახურების გაწევის ადგილი, დრო, მონაწილეთა რაოდენობა და კონკრეტული მოსაწოდებელი მენიუ ეცნობება მომსახურების გაწევამდე 5 (ხუთი) დღით ადრე.

1.5.3 საკვების მიწოდება უნდა განხორციელდეს მიმწოდებლის ხარჯებით (მომსახურე პერსონალი, ტრანსპორტირება, შენობის შესაბამის სართულზე ატანა და სხვ.)

2.2.1.1. პრეტენდენტს 2023 წლის 01 იანვრიდან ტენდერის გამოცხადების დღემდე უნდა ჰქონდეს არანაკლებ ჯამში 24500.00 (ოცდაოთხი ათას ხუთასი) ლარის ღირებულების ანალოგიური მომსახურების (ფურშეტის მომსახურების) გაწევის გამოცდილება;
2.2.1.2 პრეტენდენტმა უნდა წარმოადგინოს ანალოგიური მომსახურების გაწევის დამადასტურებელი დოკუმენტების ასლები (ხელშეკრულება შესაბამისი მიღება-ჩაბარების აქტითა (არსებობის შემთხვევაში) და გადარიცხვის დამადასტურებელი დოკუმენტაციით, ან/და შემსყიდველის/დამკვეთის მიერ დადასტურებული მკაცრი აღრიცხვის დოკუმენტ(ებ)ი რითაც დადასტურდება პრეტენდენტის გამოცდილება).
სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში საკმარისია შესაბამისი SPA, NAT, CMR, MEP, DAP ნომრების წარმოდგენა.
ზემოაღნიშნულის დასადასტურებლად პრეტენდენტმა უნდა უზრუნველყოს ინფორმაციის წარმოდგენა გამოცდილების შესახებ (სატენდერო დოკუმენტაციის 2.2.1 პუნქტში არსებული დანართი N2-ის შესაბამისად).
2.2.1.3 სატენდერო დოკუმენტაციის დანართი N2-ში, პრეტენდენტის მიერ ფაქტობრივად გაწეული ანალოგიური მომსახურების ღირებულების შესახებ ინფორმაცია მითითებულ უნდა იქნას ლარში. უცხოურ ვალუტაში გაწეული მომსახურების შემთხვევაში, აღნიშნული ინფორმაცია მითითებული უნდა იყოს მომსახურების გაწევის დამადასტურებელი დოკუმენტების გაფორმების თარიღისთვის, შესაბამისი ვალუტის მიმართ საქართველოს ეროვნული ბანკის მიერ დადგენილი, ლარის ოფიციალური გაცვლითი კურსის მიხედვით.

2.2.1.4 პრეტენდენტმა ასევე უნდა წარმოადგინოს მინიმუმ 2 სახელმწიფო შემსყიდველი ორგანიზაციის დადებითი რეკომენდაცია 2023 წლიდან ტენდერის გამოცხადებამდე პერიოდში გაწეულ ანალოგიურ მომსახურებაზე.

1.იმ შემთხვევაში თუ ტენდერში პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალი იქნება შესყიდვის ობიექტის სავარაუდო ღირებულებაზე, მიმწოდებელმა უნდა დაასაბუთოს (სისტემაში ატვირთოს) ფასწარმოქმნის ადეკვატურობა (ამ ფასად ტენდერით გათვალისწინებული ვალდებულების შესრულების შესაძლებლობა).
2.ფასწარმოქმნის ადეკვატურობა, შესაძლებელია დასაბუთდეს ექსპერტიზის ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი). აღნიშნულის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას.
3. ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს როგორც პრეტენდენტის მიერ დაფიქსირებული წინადადების ფასთან (ხარჯთაღრიცხვის ჯამურ ღირებულებასთან), ასევე ხარჯთაღრიცხვის ერთეულებთან მიმართებით.

ანგარიშსწორება მოხდება უნაღდო ანგარიშსწორებით ლარში, ეტაპობრივად, ფაქტობრივად გაწეული მომსახურების შესაბამისად, ანგარიშ-ფაქტურის (არსებობის შემთხვევაში), მხარეებს შორის მიღება-ჩაბარების აქტისა და შესაბამისი ინსპექტირების აქტის (დადებითი დასკვნით) საფუძველზე.

მხარეებს შორის მიღება-ჩაბარების აქტისა და შესაბამისი ინსპექტირების აქტის (დადებითი დასკვნით) გაფორმებიდან 10 (ათი) სამუშაო დღის ვადაში.

ქეთევან გელაშვილი, 551215857, kgelashvili43@gmail.com

1. სახელმწიფო შესყიდვების ერთიან ელექტრონულ სისტემაში (შემდგომში – „სისტემა“) შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. პრეტენდენტს არ აქვს უფლება წარმოადგინოს ალტერნატიული სატენდერო წინადადება;
3. პრეტენდენტი ვალდებულია ნებისმიერი უცხოურენოვანი დოკუმენტაციის ატვირთვის შემთხვევაში წარმოადგინოს იგი ქართულ ენაზე ნათარგმნი და ნოტარიულად დამოწმებული;
4. სახელმწიფო შესყიდვების ერთიან ელექტრონულ სისტემაში ატვირთული პრეტენდენტის მიერ შექმნილი დოკუმენტები და/ან ინფორმაცია (გარდა ხარჯთაღრიცხვისა) უნდა იქნას ელექტრონულად ხელმოწერილი შესაბამისი უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვების ერთიან ელექტრონულ სისტემაში ასატვირთ მის მიერ შექმნილ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. „სახელმწიფო შესყიდვის განხორციელებისას, დოკუმენტებზე კვალიფიციური ელექტრონული ხელმოწერის შესრულების ან/და დოკუმენტების კვალიფიციური ელექტრონული შტამპით დამოწმების თაობაზე“ სახელმწიფო შესყიდვების სააგენტოს მიერ დადგენილი სახელმძღვანელო ინსტრუქცია). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
სხვა დამატებითი დოკუმენტაცია/ინფორმაცია, რომელიც არ არის პრეტენდენტის მიერ შექმნილი, მათ შორის, გეგმები და პროექტის ნახაზები, დასკვნები, MAF, უცხოური დოკუმენტების თარგმანი, ექსპერტიზის დასკვნები, აკრედიტაცია/ნებართვა, ხელშეკრულება, მიღება-ჩაბარების აქტები, დიპლომი/სიგელი/სერთიფიკატი, ტექპასპორტი, ფოტოსურათი, ესკიზი და სხვა, მათ დამატებით აღარ ესაჭიროება კვალიფიციური ხელმოწერა ან/და კვალიფიციური შტამპი, რადგან კანონმდებლობა არ მოითხოვს სისტემაში დოკუმენტის დამოწმებული ასლების ატვირთვას.
სახელმწიფო შესყიდვების ერთიან ელექტრონულ სისტემაში პრეტენდენტის მიერ შექმნილი ყველა დოკუმენტი (წინადადების სახით) ან/და ინფორმაცია ხელმოწერილი უნდა იყოს ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მოთხოვნათა გათვალისწინებით. გარდა, სატენდერო დოკუმენტაციის კითხვარის 1.3 პუნქტით გათვალისწინებული დანართისა (ფასების ცხრილი/ხარჯთაღრიცხვა) რომელიც წარმოდგენილი უნდა იქნას Excel-ის ფორმატის სახით.
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად;
6. სატენდერო კომისიის მიერ პრეტენდენტი დისკვალიფიცირებული იქნება ტენდერიდან (დაზუსტების გარეშე), თუ არ იქნება წარმოდგენილი სატენდერო დოკუმენტაციის 1.3 პუნქტით გათვალისწინებული ფასების ცხრილი (პრეისკურანტი) ან ის წარმოდგენილი იქნება განუფასებლად (გარდა იმ შემთხვევისა, თუ წარდგენილ პრეისკურანტში განუფასებელი პოზიცი(ებ)ის რაოდენობა არ აღემატება განსაფასებელი პოზიციების 5%-ს).
7. ტენდერში მონაწილეობით პრეტენდენტი ეთანხმება სატენდერო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო. ამასთან, პრეტენდენტის მიერ ხელშეკრულების დადებისას რომელიმე პირობაზე უარის თქმის შემთხვევაში, მისი ქმედება განიხილება როგორც უარი ხელშეკრულების დადებაზე.