Лабораторные услуги (Грузия - Тендер #70788857)

მზა კერძების, სასმელი წყლის, მიკრობიოლოგიური მაჩვენებლების ლაბორატორიული კვლევის მომსახურება დასავლეთ საქართველოს ტერიტორიაზე.

ლაბორატორიული კვლევისათვის წარდგენილი ნიმუშების ტესტირება (გამოცდა) უნდა ჩატარდეს საქართველოში მოქმედი ნორმატიული ბაზის შესაბამისად;
- ასევე შესაძლებელია კვლევები ჩატარდეს საერთაშორისო სტანდარტების შესაბამისად;
- თუ ტენდერის მიმდინარეობის პერიოდში შეიცვლება მოცემულ პროდუქციაზე საკანონმდებლო მოთხოვნა, ამ შემთხვევაში, ხელშეკრულების გაფორმებისას გათვალისწინებული უნდა იქნეს აღნიშნული საკანონმდებლო მოთხოვნებიც;
- სავალდებულოა კვლევები განხორციელდეს მომწოდებლის საკუთრებაში არსებულ, ან ქვეკონტრაქტორ ლაბორატორიაში;
- ლაბორატორიული გამოცდის მიზნით აღებული სურსათის ნიმუშის აღება უნდა განხორციელდეს ლაბორატორიის მიერ,
- ლაბორატორიული კვლევის ოქმში გათვალისწინებული შედეგები შედარებული უნდა იყოს დასაშვებ ნორმასთან.
შემსყიდველის უფლებამოსილი თანამშრომელის მიერ მიმართვით ( მათ შორის სატელეფონო და სიტყვიერი შეთანხმება). შემსყიდველი მიმწოდებელს აუნაზღაურებს მხოლოდ მიმართვაში ასახული და ჩატარებული კვლევის ღირებულებას. საჭიროების შემთხვევაში მიმწოდებელმა უნდა უზრუნველყოს შპს „სახელმწიფო კვებითი უზრუნველყოფა“-ს შესაბამისი სტრუქტურული ერთეულის ხელმძღვანელის ან ნიმუშის/სინჯის ამღები უფლებამოსილი თანამშრომლის დაუყოვნებელი ინფორმირება (სატელეფონო შეტყობინებით ან ელ. ფოსტის საშუალებით) ნიმუშის/სინჯის გამოცდის შედეგების შესახებ, ხოლო გამოცდის ოქმი (სათანადო ნორმატიული აქტით დადგენილი შინაარსითა და ფორმით) უნდა გაუგზავნოს შემსყიდველს წერილობით (შესაძლებელია ელექტრონული ფოსტის საშუალებით), კვლევის დასრულებიდან 48 საათის განმავლობაში. თუ აღნიშნული 48 საათიანი ვადის ამოწურვა ემთხვევა არასამუშაო დღეს, გამოცდის ოქმი (სათანადო ნორმატიული აქტით დადგენილი შინაარსითა და ფორმით) უნდა გაეგზავნოს შემსყიდველს ვადის ამოწურვიდან პირველივე სამუშაო დღეს. ანგარიშსწორების მიზნებისათვის, მიმწოდებელი ვალდებულია თავისი ხელმოწერითა და ბეჭდით დადასტურებული გამოცდის ოქმის ორიგინალი და მიმართვა ინვოისთან ერთად წარადგინოს შემსყიდველთან ყოველი საანგარიშო თვის მომდევნო თვის 10 რიცხვამდე.
- ლაბორატორიამ უნდა უზრუნველყოს აკრედიტაციის პასპორტის შესაბამისი ფორმის მიხედვით ჩატარებული ტექნიკური ოპერაციის, თითოეული გამოცდა-ანალიზის, საანალიზო ნიმუშების გამოცდის ოქმების, მიღებული პასუხების, ინსტრუმენტალური კვლევის შედეგების, შენახვა და დაცვა პირადი პასუხისმგებლობის ქვეშ და წარმოადგინონ ისინი მოთხოვნის შემთხვევაში.

სურსათში მიკრობიოლოგიურ მაჩვენებელზე ლაბორატორიული კვლევა უნდა აკმაყოფილებდეს საქართველოს შრომის, ჯანმრთელობისა და სოციალური დაცვის მინისტრის 2001 წლის 16 აგვისტოს N301/ნ ბრძანება ან/და საქართველოს მთავრობის 2015 წლის 10 ნოემბრის N581 დადგნილებას სურსათის მიკრობიოლოგიური მაჩვენებლის შესახებ და ასევე წყლის ლაბორატორიული კვლევა უნდა აკმაყოფილებდეს 2014 წლის 15 იანვარის საქართველოს მთავრობის №58 დადგენილებას.

შენიშვნა: ნიმუშის აღების რაოდენობები და პარამეტრები არის საორიენტაციო, შესაბამისად შემსყიდველი არ არის ვალდებული მოცემული რაოდენობები ( ნიმუშის რაოდენობები და პარამეტრები) აითვისოს სრულად.

მომსახურების გაწევა უნდა განხორციელდეს შემსყიდველის მოთხოვნის შესაბამისად, ხელშეკრულების გაფორმებიდან 2026 წლის 31 დეკემბრის ჩათვლით. ამასთან, თითოეული კვლევის შესრულების ვადა არ უნდა აღემატებოდეს 10 (ათი) სამუშაო დღეს.

ლაბორატორიული კვლევა უნდა განხორციელდეს მომწოდებლის საკუთრებაში ან/და სარგებლობაში არსებულ ან/და ქვეკონტრაქტორ აკრედიტირებულ ლაბორატორიაში;

ინფორმაცია პრეტენდენტის საკუთრებაში ან/და სარგებლობაში არსებული ან/და ქვეკონტრაქტორი კვლევითი ლაბორატორიების ტერიტორიული მდებარეობისა და ფაქტიური მისამართების შესახებ;

1. პრეტენდენტმა უნდა წარმოადგინოს აკრედიტაციის მოწმობა (ან ნოტარიულად დამოწმებული ასლი);

2. ასევე წარმოდგენილი უნდა იქნას აკრედიტაციის სფეროს ის ნაწილი, (ნოტარიულად ან აკრედიტაციის ცენტრის მიერ დამოწმებული ასლი), რომელითაც დასტურდება, რომ პრეტენდენტს შეუძლია მოცემულ ტენდერში განსაზღვრული გამოსაკვლევი მზა კერძებისა და გამოსაკვლევი მაჩვენებლების ტესტირება;

1. ქვეკონტრაქტორის არსებობის შემთხვევაში პრეტენდენტმა უნდა წარმოადგინოს ქვეკონტრაქტორის აკრედიტაციის მოწმობა;

2. ასევე წარმოდგენილი უნდა იქნას ქვეკონტრაქტორის აკრედიტაციის სფეროს ის ნაწილი, რომელითაც დასტურდება, რომ პრეტენდენტს შეუძლია მოცემულ ტენდერში განსაზღვრული გამოსაკვლევი მზა კერძებისა და გამოსაკვლევი მაჩვენებლების ტესტირება:

3. ამასთანავე, წარმოდგენილი უნდა იქნას მიმწოდებელსა და ქვეკონტრაქტორს შორის დადებული ხელშეკრულება, რომლის მოქმედების ვადა უნდა იყოს იდენტური ან უნდა აღემატებოდეს ტენდერით გათვალისწინებულ მომსახურების გაწევის (ხელშეკრულების შესრულების) ვადას.

4. პრეტენდენტი ვალდებულია ნებისმიერი ცვლილება ქვეკონტრაქტორთან დაკავშირებით არანაკლებ ერთი თვით ადრე აცნობოს შემსყიდველს.

1.სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, მათ შორის ტრანსპორტირების ხარჯის.
2. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ლარში.
3. სატენდერო წინადადების წარდგენით პრეტენდენტი ავტომატურად გამოხატავს თანხმობას სატენდერო პირობებით განსაზღვრულ მოთხოვნებზე.

იმ შემთხვევაში, თუ ყველაზე დაბალი წინადადების ფასის მქონე პრეტენდენტის მიერ ელექტრონული ვაჭრობის შედეგად დაფიქსირებული წინადადების საბოლოო ფასი 20%-ით ან მეტით ნაკლებია შესყიდვის ობიექტის სავარაუდო ღირებულებაზე, სატენდერო კომისია პრეტენდენტისგან ითხოვს ფასწარმოქმნის ადეკვატურობის დამადასტურებელი დოკუმენტ(ებ)ის წარდგენას. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის ან/და ორგანიზაციის შესაბამისი უფლებამოსილების დამადასტურებელი დოკუმენტი). დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი მომწოდებლის დისკვალიფიკაციას.

1. ანგარიშსწორების ფორმა - უნაღდო.
2. მიღება-ჩაბარების გაფორმების შემდეგ.

1. მიმწოდებელთან ანგარიშსწორება უნდა განხორციელდეს უნაღდო ანგარიშსწორების ფორმით ეროვნულ ვალუტაში და უნდა მოიცავდეს საქართველოს კანონმდებლობით დადგენილ ყველა გადასახადს.
2. ანგარიშსწორება მოხდება შემდეგი წესით:
2.1. პროდუქციის მიწოდებიდან არაუმეტეს 5 სამუშაო დღის ვადაში მხარეები გააფორმებენ მიღება-ჩაბარების აქტს, რის საფუძველზეც შედგება ანგარიშფაქტურა.
2.2. მიღება-ჩაბარების აქტის მიღებიდან 5 სამუშაო დღის ვადაში, 2.3. პუნქტით განსაზღვრული წესის შესაბამისად, შემსყიდველი მიმწოდებელს აუნაზღაურებს მიწოდებული პროდუქციის ღირებულებას.
2.3. შემსყიდველი ანგარიშსწორებას განახორციელებს 1-15 რიცხვამდე მიწოდებული პროდუქციის შემთხვევაში არაუგვიანეს შესაბამისი თვის 25 რიცხვისა, ხოლო 16-30/31 რიცხვებში მიწოდებული პროდუქციის შემთხვევაში არაუგვიანეს მომდევნო თვის 10 რიცხვისა. წინამდებარე პუნქტი არ მოქმედებს თუკი მიმწოდებელი განზრახი ან გაუფრთხილებელი მოქმედებით/უმოქმედობით აბრკოლებს მიღება-ჩაბარების აქტის გაფორმებას.
3. იმ შემთხვევაში, თუ ანგარიშსწორების დღე ემთხვევა არასამუშაო დღეს, ანგარიშსწორება განხორციელდება მომდევნო სამუშაო დღეს, რაც არ ჩაითვლება ვადაგადაცილებად.

ხატია რიგვავა, 595404494, khrigvava@scs.gov.ge

1. პრეტენდენტის მიერ ელ. ტენდერში მონაწილეობის მიღება (წინადადების წარმოდგენა) ნიშნავს, რომ იგი სრულად ეთანხმება შემსყიდველის ელ. ტენდერის დოკუმენტაციით გათვალისწინებულ მოთხოვნებს.
2. ხელშეკრულებაში დაფიქსირებული ფასების შეცვლა დაუშვებელია თუ ამ ცვლილების შედეგად იზრდება ხელშეკრულების საერთო ღირებულება ან უარესდება ხელშეკრულების პირობები “შემყიდველი”-სათვის.
3. ფასების ცხრილში ერთეულის ფასი გამოსახული უნდა იყოს არაუმეტეს მეათასედის სიზუსტით. იმ შემთხვევაში თუ ფასების ცხრილში დაფიქსირებულია მძიმის შემდეგ 3 (სამ) სიმბოლოზე მეტი, ერთეულის ფასად ჩაითვლება მხოლოდ მძიმის შემდეგ სამი სიმბოლო.
4. ელექტრონულ ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ორიგინალის სახით (ასლის შემთხვევაში ნოტარიულად დამოწმებული ასლი) ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
5. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
6. სახელმწიფო შესყიდვების ერთიან ელექტრონულ სისტემაში (შემდგომში-სისტემა) ატვირთული ყველა დოკუმენტზე ან/და ინფორმაციაზე შესრულებული უნდა იყოს კვალიფიციური ელექტრონული ხელმოწერა ან/და დასმული უნდა იყოს კვალიფიციური ელექტრონული შტამპი უფლებამოსილი პირის მიერ (საჭიროების შემთხვევაში ატვირთული უნდა იქნას მინდობილობა ან რწმუნებულება).
7. სახელმწიფო შესყიდვების შესახებ ხელშეკრულების ფორმა და ძირითდი პირობები მოცემულია სატენდერო დოკუმენტაციაში ხელშეკრულების პროექტის სახით, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
8. პრეტენდენტს არა აქვს უფლება წარმოადგინოს ალტერნატიული წინადადება.
9. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის გათვალისწინებით, მათ შორის ტრანსპორტირების ხარჯი.
10. ტენდერში მონაწილე პრეტენდენტის შემოთავაზებული საქონელი არ უნდა იყოს ექსპლუატაციაში ნამყოფი (უნდა იყოს ახალი).
11. იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება.
12. ფასების ცხრილის დაზუსტების შემთხვევაში პრეტენდენტის მიერ არ უნდა მოხდეს საქონლის ერთეულის ფასის ზრდა.