Техническое обслуживание и ремонт (Грузия - Тендер #70788856)

სსიპ ივანე ჯავახიშვილის სახელობის თბილისის სახელმწიფო უნივერსიტეტის საკუთრებაში არსებული რობოტი სკანერის Treventus ScanRobot 2.0 ტექნიკური მონიტორინგი, დიაგნოსტირება და შეკეთება.

1.2.1. მიმწოდებელმა უნდა უზრუნველყოს ხელშეკრულების გაფორმების დღიდან 2026 წლის 25 დეკემბრის ჩათვლით უნივერსიტეტის საკუთრებაში არსებული რობოტი სკანერის Treventus
ScanRobot 2.0 ტექნიკური მონიტორინგი, დიაგნოსტირება და შეკეთება (ჩამონათვალი იხ. დანართი №1-ში ფასების ცხრილი (პრეისკურანტი);
1.2.2. შეკეთება და ტექნიკური მომსახურება გულისხმობს სკანერის დროულ და სრულყოფილ შეკეთებას, პროფილაქტიკური და დიაგნოსტიკური სამუშაოების ჩატარებას, ტექნიკის ნაწილების შეკეთებას და/ან გამოცვლას;

ტენდერში მონაწილე პრეტენდენტმა ასევე უნდა გაითვალისწინოს შემდეგი:
ა) ტენდერში გამარჯვებულ პრეტენდენტთან ხელშეკრულება გაფორმდება 10000 (ათიათასი) ლარზე, სატენდერო წინადადების ფასი კი წარმოდგენილი უნდა იყოს სატენდერო დოკუმენტაციის, ფასების ცხრილი, დანართი N1-ში მოცემულ გრაფებში: „პრეტენდენტის მომსახურების ერთეულის ღირებულება“ შესაბამისად, მაგრამ არაუმეტეს შემსყიდველის მიერ განსაზღვრული ერთეულების სავარაუდო ღირებულებისა, წინააღმდეგ შემთხვევაში მოხდება პრეტენდენტის დისკვალიფიკაცია ყოველგვარი დაზუსტების გარეშე;
ბ) ელექტრონული ვაჭრობის დროს პრეტენდენტის მიერ ფასის ცვლა განხორციელდება პრეისკურანტში მოცემული ერთეულის ღირებულებების ჯამური რაოდენობის კლებადობის პრინციპით. პრეტენდენტის მიერ წარმოდგენილ საბოლოო ფასს და პრეისკურანტის საწყის ფასს (შემსყიდველის მიერ დაფიქსირებული სავარაუდო ღირებულება) შორის სხვაობა შემსყიდველის მიერ გამოანგარიშდება პროცენტულად, რომლის მიხედვითაც დაევალება პრეტენდენტს, წარმოადგინოს კორექტირებული დანართი N1, ფასების ცხრილი ზემოაღნიშნული პროცენტული მაჩვენებლის პროპორციულად, კლებადობის პრინციპით, თითოეული მომსახურებისათვის.

ხელშეკრულების გაფორმების დღიდან 2026 წლის 25 დეკემბრის ჩათვლით.

1.5.1. მომსახურების გაწევის ადგილია სსიპ ივანე ჯავახიშვილის სახელობის თბილისის სახელმწიფო უნივერსიტეტი, თსუ ბიბლიოთეკის კორპუსი, ქ. თბილისი, უნივერსიტეტის ქ. N11.
1.5.2. მიმწოდებელმა უნდა უზრუნველყოს უნივერსიტეტის საკუთრებაში არსებული რობოტი სკანერის შეკეთება და ტექნიკური მომსახურება (ჩამონათვალი იხ. დანართი 1-ში (პრეისკურანტი), მოთხოვნიდან 10 (ათი) კალენდარული დღის ვადაში, თუ ასეთი პროდუქციისათვის საჭირო სათადარიგო ნაწილები მიმწოდებელს აქვს ადგილზე (საწყობში), წინააღმდეგ შემთხვევაში დეფექტური აქტით განსაზღვრულ გონივრულ ვადაში, მაგრამ არაუმეტეს 30 (ოცდაათი) კალენდარული დღისა;
1.5.3. შეკეთება და ტექნიკური მომსახურება გულისხმობს საოფისე აპარატურის დროულ და სრულყოფილ შეკეთებას; პროფილაქტიკური და დიაგნოსტიკური სამუშაოების ჩატარებას; ტექნიკის ნაწილების შეკეთებას და/ან გამოცვლას, ახალი, არამეორადი გადამუშავებული, დეტალებით;
1.5.3. მიმწოდებელი ვალდებულია შემსყიდველის ელექტრონული ფორმით შეტყობინებიდან არაუგვიანეს ორი სამუშაო დღის ვადაში მოახდინოს რეაგირება, ჩაატაროს დაზიანებული ტექნიკის დათვალიერება მისი წარმომადგენლის მიერ ტრანსპორტირების ჩათვლით, რის შემდგომაც მხარეები ადგენენ დეფექტურ აქტს, რომელშიც მითითებული უნდა იქნეს აღმოჩენილი ხარვეზი, აღმოჩენილი ხარვეზისთვის საჭირო გასაწევი მომსახურებების ჩამონათვალი, მომსახურების დაწყებისა და დასრულების ვადები.
1.5.4. პრეისკურანტში მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას, დგინდება შემსყიდველი ორგანიზაციისა და მიმწოდებლის შეთანხმებით, შემსყიდველი ორგანიზაციის მიერ მოკვლეული საბაზრო ფასის გათვალისწინებით. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.
1.5.5. ხელშეკრულების დამდებ არცერთ მხარეს არა აქვს უფლება შეიტანოს გრაფიკში ცვლილებები მეორე მხარესთან შეთანხმების გარეშე.

1.7.1. საკნერის შეკეთება და ტექნიკური მომსახურება უნდა აკაყოფილებდეს შემსყიდველის მოთხოვნებს, მომსახურება შესრულებული უნდა იყოს მაღალკვალიფიციურ დონეზე. გამოცვლილი სათადარიგო ნაწილი/დეტალი უნდა იყოს ახალი, არა მეორადი ქარხნულად აღდგენილი და არ უნდა გამოიწვიოს შეკეთებული ტექნიკის მუშაობის ხარისხის გაუარესება. მიმწოდებელმა უნდა გაავრცელოს მის მიერ გამოცვლილ სათადარიგო ნაწილზე და გაწეულ მომსახურებაზე საგარანტიო ვადა არანაკლებ 3 თვის ვადით;
1.7.2. იმ შემთხვევაში, თუ აღმოჩნდება რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდება მეორადი ან/და წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით, ტრანსპორტირების ჩათვლით, 5 (ხუთი) კალენდარული დღის ვადაში.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან აუდიტის მიერ გაცემული შესაბამისი დასკვნა/ანგარიში, რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
დასკვნასთან ერთად წარმოდგენილ უნდა იქნეს „ბუღალტრული აღრიცხვის, ანგარიშგების და აუდიტის შესახებ“ საქართველოს კანონის შესაბამისად, დასკვნაზე/ანგარიშზე ხელმომწერი პირის, ქონების ან/და ბიზნესის შემფასებლის, მოქმედი სერტიფიკატ(ებ)ის ასლი, რომელიც გაცემული უნდა იყოს სსიპ საქართველოს აკრედიტაციის ეროვნული ორგანოს - აკრედიტაციის ცენტრის მიერ, აკრედიტებულ შემფასებელთა სერტიფიკაციის ორგანოს მიერ.

7.2.1. ანგარიშსწორება განხორციელდება უნაღდო ანგარიშსწორებით ეროვნულ ვალუტაში, საქართველოს კანონმდებლობით გათვალისწინებული შესყიდვის ობიექტის მიწოდებასთან დაკავშირებული ყველა გადასახადის გათვალისწინებით;
7.2.2. ანგარიშსწორება შემსყიდველსა და მიმწოდებელს შორის იწარმოებს ეტაპობრივად, ფაქტიურად გაწეული მომსახურების შესაბამისად, მხარეთა შორის გაფორმებული დეფექტური აქტის, მიმწოდებლის მიერ წარმოდგენილი შესრულების აქტის, სასაქონლო ზედნადების, საგადასახადო ანგარიშფაქტურის და ინსპექტირებაზე უფლებამოსილი პირების დადებითი დასკვნის საფუძველზე შედგენილი მიღება-ჩაბარების აქტის საფუძველზე.
7.2.3. გასაწევი მომსახურების ღირებულება აღებულ უნდა იყოს შესაძლო გასაწევი მომსახურების მიხედვით, ხოლო ანაზღაურება „მიმწოდებელთან“ განხორციელდება მის მიერ ფაქტობრივად გაწეული მომსახურების მიხედვით, შესაბამისად ხელშეკრულების მოქმედების ვადის ამოწურვის მომენტისათვის ხელშეკრულების საერთო ღირებულებიდან გამოუმუშავებელი თანხა დარჩება„ შემსყიდვეთან“ და იგი არ წარმოშობს მხარეებს შორის რაიმე დამატებით ვალდებულებებს.

ანგარიშსწორება განხორციელდება შემსყიდველსა და მიმწოდებელს შორის მიღება-ჩაბარების აქტის წარმოდგენიდან 10 (ათი) სამუშაო დღის განმავლობაში.

დინარა ტიკარაძე, 577943999, dinara.tikaradze@tsu.ge

10.1.1. პრეტენდენტის ელექტრონულ ტენდერში მონაწილეობის მიღებით (წინადადების წარმოდგენა) სრულად ეთანხმება შემსყიდველის ელ. ტენდერის სატენდერო დოკუმენტაციით გათვალისწინებულ მოთხოვნებს.
10.1.2. პრეტენდენტის მიერ შექმნილი და ერთიან ელექტრონულ სისტემაში ატვირთული დოკუმენტაცია გარდა 1.3.პუნქტით გათვალისწინებული Excel-ის ფორმატით წარმოსადგენი ფასების ცხრილი, დანართი N1-სა „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე საჭიროებს კვალიფიციურ ელექტრონულ ხელმოწერას ან/და კვალიფიციურ ელექტრონულ შტამპის დასმას.
10.1.3. ტენდერთან დაკავშირებული დოკუმენტების ან/და ინფორმაციის უცხოურ ენაზე წარდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი. ტექნიკური დოკუმენტაციის განხილვისას უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია.
10.1.4. სატენდერო წინადადებაში ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტთან დაკავშირებული ყველა ხარჯისა და გადასახადის გათვალისწინებით.ხარჯები, რომელიც სატენდერო წინადადებაში არ არის გათვალისწინებული არ ანაზღაურდება.
10.1.5. სატენდერო დოკუმენტაციის შესახებ დამატებითი ინფორმაციისა და განმარტებების მიღება პრეტენდენტს შეუძლია სისტემის მოდულის-,,კითხვა/პასუხის“ მეშვეობით.