Ремонт и техническое обслуживание транспортных средств и оборудования и сопутствующие услуги (Грузия - Тендер #70724277)

ა(ა)იპ ,,საქართველოს სამედიცინო ჰოლდინგი-ს ,,სოფლის ექიმი-ს სახელმწიფო პროგრამის ფარგლებში ავტომობილების და მასთან დაკავშირებული მოწყობილობების შეკეთების და ტექნიკური მომსახურების შესყიდვა

1. ავტომანქანა SKODA OCTAVIA 2010 (სახ. ნომერი OO-953-LO) მიმდინარე შეკეთება ______________________________ 1 ცალი
2. ავტომანქანა Hunday I 10 (2011,2012)-ის (სახ. ნომერი ZZ-134-ZZ, AI-281-AA) მიმდინარე შეკეთება ______________ 2 ცალი
3. ავტომანქანა Ford Custom 2.2 (2014)-ის (სახ. ნომერი AQ-146-AQ, AQ143AQ) მიმდინარე შეკეთება ________________ 2 ცალი

განსაკუთრებული მოთხოვნები:
1. მიმწოდებელმა უნდა უზრუნველყოს მის მიერ ტექნიკურ დოკუმენტაციაში განსაზღვრულ სერვისცენტრ(ებ)ში ავტოსატრანსპორტო საშუალებების პროფილაქტიკური და დიაგნოსტიკური მომსახურება, მათ შორის სათადარიგო ნაწილების შეკეთება ან/და შეცვლა, საცხებ–საპოხი მასალების შეცვლა, საჭიროების შემთხვევაში ევაკუატორით მომსახურება. (ევაკუატორით მომსახურება მიმწოდებელმა შემსყიდველს უნდა გაუწიოს საქართველოს მთელ ტერიტორიაზე 24 საათის განმავლობაში უქმე დღეების ჩათვლით).
2. ავტომობილზე მომსახურება უნდა განხორციელდეს ცენტრში, მოთხოვნიდან არაუმეტეს 1 საათისა, შეფერხების გარეშე (ურიგოდ), იმ შემთხვევაში თუ მომსახურება ითვალისწინებს მოცულობით სამუშაოებს, მომსახურება უნდა დასრულდეს 2 (ორი) სამუშაო დღის ვადაში, იმ გამონაკლისის გარდა, თუ დაზიანებული არ არის ძრავი, გადაცემათა კოლოფი და ხიდი.
3. მომსახურება მიმწოდებელმა შემსყიდველს უნდა გაუწიოს ყოველდღე შაბათ-კვირის ჩათვლით, გარდა საქართველოს კანონმდებლობით დადგენილი უქმე დღეებისა (დღესასწაულები).
4. იმ შემთხვევაში, თუ ტექნიკური მომსახურება საჭიროებს დროის ხანგრძლივ მონაკვეთს, მომსახურების ვადები განისაზღვრება შემსყიდველთან შეთანხმებით, გონივრულ ვადაში, არაუმეტეს 10 დღისა. მაგალითად როგორიცაა ძრავის შეკეთება/შეცვლა, ბ)სიჩქარეთა გადამცემის კოლოფის შეკეთება/შეცვლა;გ)ხიდის შეკეთება; თუ შეკეთებისთვის საჭირო ნაწილი არ იძებნება საქართველოს ბაზარზე და საჭიროა მისი ჩამოტანა სხვა ქვეეყნ(ებ)იდან, აღნიშნულის შესახებ მიმწოდებელმა წერილობით უნდა აცნობოს შემსყიდველს შესაბამისი დამადასტურებელი დოკუმენტაციის თანხლებით და შეკვეთა უნდა განხორციელდეს მხოლოდ შემსყიდველთან შეთანხმების/მისი დასტურის შემდეგ.ასეთ შემთხვევაში ავტომობილის შეკეთების ვადა ასევე განისაზღვრება მხარეთა შეთანხმების შესაბამისად.

მომსახურების გაწევის ვადა: ხელშეკრულების გაფორმებიდან 2026 წლის 25 დეკემბრის ჩათვლით.

პრეტენდენტის მიერ, სატენდერო დოკუმენტაციის 1.3 პუნქტით განსაზღვრულ ფასების ცხრილ - დანართ N1-ის შესაბამის გრაფაში, მითითებული უნდა იყოს მომსახურების გაწევის კონკრეტული მისამართ(ებ)ი.

საგარანტიო ვადა და კონკრეტული პირობები:
1. მიმწოდებლის მიერ შეცვლილ/შეკეთებულ სათადარიგო ნაწილებზე (გარდა ძირითადი აგრეგატების (ძრავი, ხიდი, გადაცემათა კოლოფი და ცვეთადი ნაწილებისა) გარანტია უნდა შეადგენდეს მიღება-ჩაბარების აქტის გაფორმებიდან არანაკლებ 6 (ექვსი) თვეს.
2. ძირითად აგრეგატებზე (ძრავი, ხიდი, გადაცემათა კოლოფი) გაწეული მომსახურების შემთხვევაში, შეცვლილ სათადარიგო ნაწილებზე გარანტია უნდა შეადგენდეს მიღება-ჩაბარების აქტის გაფორმებიდან არანაკლებ 1 (ერთი) წელს.
3. სწრაფად ცვეთად დეტალებზე, კერძოდ: განათების ნათურებზე, დამცველებზე, ანთების საკონტაქტო ერთეულებზე, და ჰაერის ფილტრებზე გარანტია უნდა ვრცელდებოდეს არანაკლებ 2 (ორი) თვის განმავლობაში;
4. მიმწოდებლის მიერ შეცვლილ შემდეგ სათადარიგო ნაწილებზე, უნდა ვრცელდებოდეს საგარანტიო ვადა, ავტომობილის მიერ განვლილი კილომეტრაჟის შესაბამისად - ძრავის კბილანა ღვედი 50 000 კმ, სამუხრუჭე ხუნდები 20 000 კმ.
5. სამუხრუჭე ხუნდების უხარისხობის გამოვლენის შემთხვევაში, მიმწოდებელი ვალდებულია შემსყიდველის მოთხოვნის საფუძველზე, საკუთარი სახსრებით ჩაუტაროს აღნიშნულ დეტალს ექსპერტიზა და ხარვეზის აღმოჩენის შემთხვევაში საკუთარი სახსრებით აღმოფხვრას აღნიშნული უხარისხობიდან გამოწვეული ყველა სახის უხარისხობა და ზიანი.
6. მიმწოდებელი პასუხისმგებელია წუნდებული საქონლის გამოცვლაზე შესაბამისი მომსახურებით საკუთარი ხარჯით.

1. პრეტენდენტს 2024-2025 წლების განმავლობაში (მისაღებია ერთ-ერთ წელს არსებული გამოცდილებაც) უნდა გააჩნდეს ავტომობილების ტექნიკური მომსახურების გაწევის გამოცდილება, რომლის ჯამური ღირებულება უნდა იყოს არანაკლებ 14 000 ლარი. იმ შემთხვევაში თუ პრეტენდენტის მიერ მიწოდებული სამედიცინო მოწყობილობების შესახებ ინფორმაცია იძებნება სახელმწიფო შესყიდვების ერთიან ელექტორნულ სისტემაში, პრეტენდენტმა უნდა წარმოადგინოს ინფორმაცია CON, SPA, NAT ან CMR ნომრების მითითებით (დანართი N3-ში).

2. იმ შემთხვევაში თუ შესყიდვის ხელშეკრულება და შესრულების დამადასტურებელი დოკუმენტაცია არ იძებნება სახელმწიფო შესყიდვების ერთიან ელექტრონულ სისტემაში, გამოცდილების დადასტურების მიზნით, პრეტენდენტმა უნდა წარმოადგინოს ანალოგიური გამოცდილების შესახებ ინფორმაცია (დანართი N3-ის შესაბამისად CON, SPA, NAT ან CMR ნომრების მითითების გარეშე), კერძოდ, წარმოადგინოს შესაბამისი დამადასტურებელი დოკუმენტ(ებ)ი: ხელშეკრულებ(ებ)ა და ამავე ხელშეკრულებ(ებ)ის სრულად შესრულების მიღება-ჩაბარების დამადასტურებელი დოკუმენტ(ებ)ი.

მიმწოდებელს ქ. თბილისში ექსპლუატაციაში უნდა გააჩნდეს (საკუთრების, ან/და დროებითი სარგებლობის ფორმით) არანაკლებ 1 სერვისცენტრი (სადაც განხორციელდება ტექმომსახურება), სულ მცირე 2 ცალი ავტომანქანის ამწით, თანამედროვე აპარატურითა და დანადგარებით, რისი დადასტურების მიზნით სახელმწიფო შესყიდვების ერთიანი ელექტრონული სისტემის მეშვეობით წარმოდგენილი უნდა იქნეს:

1.ინფორმაცია სერვისცენტრის შესახებ (სერვისცენტრის მისამართისა და აღჭურვილობის მითითებით) წერილობითი ფორმით, რომელშიც განხორციელდება ავტომობილების ტექნიკური მომსახურება.

2. სერვის ცენტრის საკუთრებაში, ან სარგებლობაში არსებობის შემთხვევაში, პრეტენდენტმა უნდა წარმოადგინოს ინფორმაცია მის სარგებლობაში ან საკუთრებაში არსებული სერვის ცენტრის ადგილმდებარეობების შესახებ შესაბამისი მისამართის მითითებით. ამასთან, საკუთრების შემთხვევაში წარმოდგენილი უნდა იქნას ამონაწერი საჯარო რეესტრიდან, ხოლო სარგებლობის (ქირავნობა, იჯარა, ლიზინგი, უზუფრუქტი და/ან სხვა) შემთხვევაში წარმოდგენილი უნდა იქნას
გაფორმებული ხელშეკრულებ(ებ)ი, რომელიც ძალაში უნდა იყოს მინიმუმ 2026 წლის 31 დეკემბრის ჩათვლით.

3. შემსყიდველი უფლებამოსილია მოახდინოს პრეტენდენტის ძირითადი სერვის ცენტრის ადგილზე ნახვა. იმ შემთხვევაში, თუ სერვის ცენტრის ტექნიკური აღჭურვილობა არ შეესაბამება სატენდერო დოკუმენტაციით განსაზღვრულს, პრეტენდენტს მიენიჭება დისკვალიფიკაცია.

იმ შემთხვევაში, თუ პრეტენდენტი მომსახურებას განახორციელებს ქვეკონტრაქტორი კომპანი(ებ)ის თანხლებით, ტექნიკურ დოკუმენტაციასთან ერთად უნდა წარმოადგინოს მათთან გაფორმებული ხელშეკრულებები და მათი სერვის ცენტრების მისამართები. ამასთან ქვეკონტრაქტორზე ვრცელდება პრეტენდენტის მიმართ განსაზღვრული მოთხოვნები.

პრეტენდეტის მიერ ერთიან ელექტრონულ სისტემაში ასატვირთი მონაცემები:
1. ფასების ცხრილი დანართი N1-ის შესაბამისად (პუნქტი 1.3);
2. დანართი N2 - პრეისკურანტი (პუნქტი 1.3); - პრეტენდენტის მიერ, „წინადადების მიღება დასრულებულია“ ეტაპზე, სატენდერო დოკუმენტაციის პრეისკურანტის წარმოუდგენლობა ან განუფასებლად წარმოდგენა ან ისეთი პრეიკურანტის წარმოდგენა, რომელშიც განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს ან არსებითად შეუსაბამო პრეისკურანტის წარმოდგენა (არსებით შეუსაბამობაში იგულისხმება, თუ პრეტენდენტის მიერ წარმოდგენილი ერთეულის ფას(ებ)ი აღემატება შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს და ასეთი პოზიციების რაოდენობა აღემატება სრული პრეისკურანტის პოზიციების საერთო რაოდენობის 5%-ს), დაზუსტების მექანიზმის გამოყენების გარეშე გამოიწვევს პრეტენდენტის დისკვალიფიკაციას; - სავალდებულოა პრეტენდენტის მიერ განფასება (ფასების ცხრილი და პრეისკურანტი) წარმოდგენილ იქნას „MS Excel“ ფორმატით, წინააღმდეგ შემთხვევაში პრეტენდენტი დაექვემდებარება დისკვალიფიკაციას (დაზუსტების მექანიზმის გამოყენების გარეშე);
3. გამოცდილების დამადასტურებელი დოკუმენტ(ებ)ი (პუნქტი 2.2.1);
4. ინფორმაცია საგარანტიო ვადის შესახებ (პუნქტი 1.7.1);
5. ინფორმაცია მატერიალურ-ტექნიკური ბაზის შესახებ (პუნქტი 2.3.1);
6. ქვეკონტრაქტორის არსებობის შემთხვევაში, სატენდერო დოკუმენტაციის 2.8.1. პუნქტით გათვალისწინებული დოკუმენტ(ებ)ი.

შენიშვნა:
- სატენდერო დოკუმენტაციით მოთხოვნილი, ელექტრონულ სისტემაში ატვირთული პრეტენდენტის მიერ შექმნილი ყველა დოკუმენტი ან/და ინფორმაცია ,,ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის შესაბამისად, სავალდებულოა დამოწმებული/დადასტურებული იყოს კვალიფიციური ხელმოწერით ან/და კვალიფიციური შტამპით. ამასთანავე, ხელმოწერა უნდა განხორციელდეს შესაბამისი უფლებამოსილი პირის მიერ (საჭიროების შემთხვევაში ატვირთული უნდა იქნეს მინდობილობა); გარდა იმ შემთხვევისა, როდესაც სატენდერო დოკუმენტაციის 2.9 პუნქტის პირველი და მეორე ქვეპუნქტით მოთხოვნილი ფასების ცხრილი და პრეისკურანტი (დანართი N1 და დანართი N2), პრეტენდენტის მიერ სისტემაში წარმდგენილი იქნება „MS Excel“-ის ფორმატში.
- „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნტქით გათვალისწინებული ვალდებულება არ ვრცელდება სახელმწიფო შესყიდვების ერთიან ელექტრონულ სისტემაში „მიმწოდებლად“ რეგისტრირებულ არარეზიდენტ მომხმარებლებზე (საქართველოს მთავრობის განკარგულება №24, 15.01.2021წ).

იმ შემთხვევაში, თუ ტენდერში პრეტენდენტის მიერ სისტემაში დაფიქსირებული (პრეისკურანტის სავარაუდო ღირებულება) საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, პრეტენდენტი ვალდებულია დაასაბუთოს ფასწარმოქმნის ადეკვატურობა, რომელიც შესაძლებელია, დასაბუთდეს სსიპ - ლევან სამხარაულის სახელობის სასამართლო ექსპერტიზის ეროვნული ბიუროს მიერ გაცემული საექსპერტო დასკვნით ან/და შესაბამისი უფლებამოსილების მქონე აუდიტის მიერ გაცემული აუდიტორული დასკვნით ან/და აკრედიტაციის მქონე პირის მიერ გაცემული საექსპერტო დასკვნით (იმ შემთხვევაში, თუ დასკვნის გამცემი ორგანო არ იქნება სსიპ - ლევან სამხარაულის სახელობის სასამართლო ექსპერტიზის ეროვნული ბიურო, დასკვნასთან ერთად წარმოდგენილ უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას.

შენიშვნა:
- ფასწარმოქმნის ადეკვატურობის დამადასტურებელი დოკუმენტ(ებ)ით ხელშეკრულებით ნაკისრი ვალდებულებების შესრულების შესაძლებლობა უნდა დასტურდებოდეს, როგორც პრეტენდენტის მიერ დაფიქსირებული წინადადების ფასთან (პრეისკურანტის ჯამურ ღირებულებასთან), ასევე პრეისკურანტის ერთეულებთან მიმართებით;
- იმ შემთხვევაში, თუ პრეტენდენტის მიერ არ იქნა წარმოდგენილი ან წარმოდგენილი დასაბუთება შემსყიდველის მიერ არ ჩაითვლება დამაკმაყოფილებლად, მოხდება პრეტენდენტის დისკვალიფიკაცია;
- პრეტენდენტის მიერ წარდგენილი ფასწარმოქმნის ადეკვატურობის დასაბუთება დაზუსტებას არ ექვემდებარება.

ანგარიშსწორება მოხდება ეტაპობრივად, ფაქტობრივად განხორციელებული მომსახურების შესაბამისად, თვეში ერთხელ, საანგარიშო თვის შემდეგ თვეში, საანგარიშო თვეში ფაქტიურად გაწეული მომსახურების ღირებულების შესაბამის თანხაზე. ანაზღაურება მოხდება უნაღდო ანგარიშსწორებით, მომსახურების მიწოდების შემდეგ დეფექტური/მიღება–ჩაბარების აქტ(ებ)ის საფუძველზე.

ანგარიშსწორება მოხდება 7,2 პუნქტით განსაზღვრული დოკუმენტაციის წარმოდგენიდან 10 სამუშაო დღის ვადაში,

ლევანი, 595997377, ltabidze@moh.gov.ge .
ეთერ ტეტუნაშვილი, 577039363, etetunashvili@moh.gov.ge

10.1.1. სახელმწიფო შესყიდვების ერთიან ელექტრონულ სისტემაში ატვირთული დოკუმენტები ან/და ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის
მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 და მე-4 პუნქტების საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით (იხ. სახელმწიფო შესყიდვების სააგენტოს რეკომენდაციები). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა.
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია.
10.1.3. ალტერნატიული სატენდერო წინადადება არ განიხილება.
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასი, (კანონმდებლობით გაითვალისწინებულ შემთხვევბში) უნდა მიუთითოს დღგ-ს გათვალისწინებით.
10.1.6. პრეტენდენტი დაექვემდებარება დისკვალიფიკაციას, თუ მის მიერ არ იქნება წარმოდგენილი პრეისკურანტი (დანართი N1 და დანართი N2) ან პრეისკურანტი (დანართი N1 და დანართი N2) წარმოდგენილი იქნება განფასების გარეშე ან წარდგენილ პრეისკურანტი - დანართი N2-ში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს.
10.1.7. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო.
10.1.8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.9. თუ ელექტრონული ვაჭრობის შედეგად ერთიან ელექტრონულ სისტემაში დაფიქსირებული საბოლოო ფასიდან გამომდინარე ერთეულის ღირებულებები დაჯდება მრავალნიშნა ათწილადი, პრეტენდენტი ვალდებულია ერთეულის ღირებულება შეამციროს და დაამრგვალოს მეასედებამდე, შესაბამისად შეამციროს საერთო ღირებულებაც.
10.1.10 პრეტენდენტმა უნდა წარმოადგინოს განფასება პრეისკურანტით განსაზღვრულ სათადარიგო ნაწილებისა და მომსახურების ყველა სახეობაზე. განსაფასებელ დანართი №2 (პრეისკურანტში) მითითებული მომსახურების ფასი უნდა მოიცავდეს კონკრეტული მომსახურების გაწევასთან დაკავშირებულ ყველა თანმდევი მომსახურების ღირებულებას. სატენდერო
წინადადება, რომელშიც პოზიციებით განსაზღვრული მომსახურების/სათადარიგო ნაწილების ფასი გადააჭარბებს შემსყიდველის მიერ პრეისკურანტით (დანართი №2) განსაზღვრულ სახეობებზე მომსახურების/სათადარიგო ნაწილების ფასს (შესაბამისად პრეისკურანტის ჯამს) არ ჩაითვლება მისაღებად. ასევე, პრეტენდენტის მიერ სატენდერო წინადადებაში (პრეისკურანტში) დაფიქსირებული პოზიციის მომსახურების/სათადარიგო ნაწილების ფასს არ უნდა აღემატებოდეს ვაჭრობის შემდეგ დაფიქსირებულ სახეობაზე მომსახურების/სათადარიგო ნაწილების ფასი;
10.1.11 პრეტენდენტის მიერ სისტემაში ატვირთული პრეისკურანტის ჯამურ ღირებულებასა და მის მიერ სისტემაში დაფიქსირებულ საბოლოო ფასებს შორის სხვაობის შემთხვევაში, ფასთა კლება პრეტენდენტის მიერ სისტემაში ატვირთული დანართი N2_პრეისკურანტის თითოეული პოზიციის ერთეულის ფასზე უნდა აისახოს არანაკლებ მათ შორის არსებული კლების პროცენტით, შესაბამისად ჯამურ ღირებულებაზეც. თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დაამრგვალოს მეასედამდე, შესაბამისად შეამციროს პრეისკურანტის ჯამური ღირებულებაც;