Ремонт и техническое обслуживание строительных сооружений (Грузия - Тендер #70724276)

კონდიციონერების, ჩილერისა და გათბობის სისტემების შეკეთებისა და ტექნიკური მომსახურების შესყიდვა

1.2.1 შესასყიდ მომსახურებას წარმოადგენს საჯარო რეესტრის ეროვნული სააგენტოს ბალანსზე რიცხული, საქართველოს სხვადასხვა მუნიციპალიტეტში განთავსებული, კონდიციონერების, ჩილერისა და გათბობის სისტემების შეკეთება და ტექნიკური მომსახურება, შეკეთებისთვის/ტექნიკური მომსახურებისთვის საჭირო სათადარიგო ნაწილების მიწოდების უზრუნველყოფით, შემსყიდველის საჭიროებისამებრ, მისი მოთხოვნის შესაბამისად.
1.2.2 შესასყიდი მომსახურების და სათადარიგო ნაწილების დასახელებები და ჩამონათვალი მოცემულია პრეისკურანტში (სატენდერო დოკუმენტაციის დანართი #1).
1.2.3 კონდიციონერების, ჩილერისა და გათბობის ქვაბების (ტიპები) და მათი განთავსების ადგილები მოცემულია სატენდერო დოკუმენტაციის დანართ #2–ში.
1.2.4. მიმწოდებელმა შემსყიდველს უნდა წარუდგინოს დეფექტური აქტი, რომელსაც შემსყიდველის მხრიდან ხელს მოაწერს სსიპ "საჯარო რეესტრის ეროვნული სააგენტოს" უფლებამოსილი პირ(ებ)ი;
1.2.5. მომსახურება მიმწოდებლის მიერ გაწეული უნდა იქნას სრულად, საკუთარი ახალი (ექსპლუატაციაში არ მყოფი) მასალით/სათადარიგო ნაწილებით;
1.2.6. შემსყიდველი ფასების ცხრილით (პრეისკურანტით) გათვალისწინებულ ტრანსპორტირების ფასის დათვლა მოხდება მხოლოდ შესაკეთებელი საქონლის პრეტენდენტის სერვის ცენტრამდე არსებული მანძილის გათვალისწინებით.
1.2.7. თუ მომსახურების პროცესში აღმოჩნდება რომ საჭიროა ისეთი მომსახურების და/ან სათადარიგო ნაწილის მიწოდება, რომლის ფასიც განსაზღვრული არ არის პრეისკურანტით, ასეთ შემთხვევაში მხარეები იხელმძღვანელებენ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული ,,ელექტრონული ტენდერის ჩატარების წესის“ მე-11 მუხლის მე-5 პუნქტით დადგენილი წესის შესაბამისად;
1.2.8. ფასების ცხრილით (პრეისკურანტით) გათვალისწინებულ ტრანსპორტირების ღირებულების დათვლა მოხდება შემსყიდველის შესაკეთებელი საქონლის ადგილმდებარეობამდე არსებული მანძილის გათვალისწინებით მხოლოდ ერთი გზა (დანიშნულების ადგილამდე უკან დაბრუნებას არ ითვალისწინებს).
1.2.9. ქალაქგარეთ გასაწევი მომსახურება გულისხმობს - ქ. თბილისს გარეთ გასაწევ მომსახურებას.

1.4.1 მომსახურების გაწევის პერიოდია - ხელშეკრულების ძალაში შესვლიდან 2026 წლის 25 დეკემბრის ჩათვლით.
1.4.2 მიმწოდებელი ვალდებულია, შემყიდველის მიმართვიდან, ხოლო თბილისს გარეთ მოთხოვნის შემთხვევაში, შემსყიდველის მიმართვისა და მიმწოდებლის უფლებამოსილი თანამშრომლის კონდიციონერის/ჩილერის/გათბობის ქვაბის განთავსების ადგილამდე ტრანსპორტირებიდან, არაუგვიანეს მომდევნო დღისა, მოახდინოს მოთხოვნით გათვალისწინებული კონდიციონერების, ჩილერისა და გათბობის ქვაბების სისტემის დათვალიერება და დიაგნოსტიკა, რის შედეგადაც, მხარეები ადგენენ დეფექტურ აქტს, რომელშიც მითითებული იქნება გასაწევი მომსახურებისა და სათადარიგო ნაწილების დასახელება/აღწერილობა და ღირებულებები. ამასთან, დეფექტური აქტის შედგენისთვის, ტრანსპორტირების ხარჯის (საჭიროების შემთხვევაში) ანაზღაურება მოხდება ერთჯერადად.
1.4.3 მიმწოდებელმა, ყოველ კონკრეტულ შემთხვევაში, უნდა უზრუნველყოს შესაბამისი კონდიციონერების, ჩილერისა და გათბობის ქვაბების სისტემის შეკეთება ან/და ტექნიკური მომსახურების გაწევა, გონივრულ ვადაში, გასაწევი მომსახურების სირთულიდან გამომდინარე, მაგრამ დეფექტური აქტის გაფორმებიდან, არაუგვიანეს 2 სამუშაო დღისა.
1.4.4 თუ შეკეთება და ტექნიკური მომსახურება დაკავშირებულია დეფიციტურ სათადარიგო ნაწილთან, რომელის შეძენა საქართველოს ტერიტორიაზე შეუძლებელია, აღნიშნული მომსახურება უნდა განხორციელდეს არაუგვიანეს 10 სამუშაო დღეში.
1.4.5 მიუხედავად იმისა, რომ შესაძლებელია მიმწოდებელს ერთდროულად მოეთხოვოს რამოდენიმე შესაკეთებელი კონდიციონერების, ჩილერისა და გათბობის ქვაბების სისტემის შეკეთება, მომსახურების გაწევის ვადები, თითოეული შესაკეთებელი კონდიციონერების, ჩილერისა და გათბობის სისტემისთვის, აითვლება და გამოანგარიშდება დამოუკიდებლად, რიგ–რიგობით. რიგითობას განსაზღვრავს შემყიდველი

მიმწოდებელი შეაკეთებს ან/და ჩაუტარებს ტექნიკურ მომსახურებას კონდიციონერების, ჩილერისა და გათბობის ქვაბების სისტემებს, მათი განთავსების ადგილებზე (იხილეთ დანართი #2).

შეკეთების შედეგად გამოცვლილ ნაწილზე უნდა გავრცელდეს გარანტია არანაკლებ 6 (ექვსი) თვე.

1. პრეტენდენტს 2023 წლის 1-ელი იანვრიდან, მოცემული ტენდერის გამოცხადების დღემდე, მინიმუმ ერთი შესრულებული/დასრულებული ხელშეკრულების ფარგლებში, განხორციელებული უნდა ჰქონდეს ანალოგიური ხასიათის, სირთულისა და შინაარსის მომსახურება.
2. პრეტენდენტი ვალდებულია წარმოადგინოს, საანგარიშო პერიოდში მომსახურების გაწევის გამოცდილების დამადასტურებელი, მხარეთა მიერ ხელმოწერილი დოკუმენტები: ხელშეკრულებები და მიღება-ჩაბარების აქტები, ასევე ამავე დამკვეთისაგან გაცემული დადებითი სარეკომენდაციო წერილი. თუ დამკვეთს წარმოადგენს კერძო სამართლის სუბიექტი (არა შესყიდველი ორგანიზაციები), პრეტენდენტმა დამატებით უნდა წარმოადგინოს შესაბამისი დადასტურებული საგადასახადო ანგარიშ-ფაქტურები.
3. სახელმწიფო შესყიდვის შესახებ ხელშეკრულებ(ებ)ის არსებობის შემთხვევაში თუ მოცემული დოკუმენტები (ხელშეკრულებები და მიღება-ჩაბარების აქტები) ატვირთულია სახელმწიფო შესყიდვების ერთიან ელექტრონულ სისტემაში, საკმარისია შესაბამისი განცხადების ნომრ(ებ)ის (SPA, NAT, DAP, CMR) წარმოდგენა.

1. ,,ატმოსფერული ჰაერის დაცვის შესახებ” საქართველოს კანონის 54 პრიმა მუხლის და ,,მაცივარაგენტზე მომუშავე მოწყობილობების მომსახურე ტექნიკოსების სერტიფიცირების წესის დამტკიცების შესახებ“ საქართველოს მთავრობის 2017 წლის 22 ივნისის #302 დადგენილების თანახმად, ტენდერში მონაწილე პრეტენდენტს უნდა ჰყავდეს მაცივარაგენტზე მომუშავე მოწყობილობების მომსახურე სერთიფიცირებული ტექნიკოს(ებ)ი, რის დასტურადაც ერთიანი ელექტრონული სისტემის მეშვეობით უნდა წარმოადგინოს შესაბამისი სერთიფიკატ(ებ)ი ან/და პრეტენდენტმა უნდა წარმოადგინოს წერილობითი ინფორმაცია სერტიფიცირებული ტექნიკოს(ებ)ის შესახებ (სახელის, გვარის და სხვა მაიდენტიფიცირებელი მონაცემების მითითებით), რომლის გადამოწმებაც შესაძლებელი იქნება საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის ოფიციალურ ვებ-გვერდზე (www.eiec.gov.ge) ,,სერტიფიცირებულთა სიაში“.
ელექტრონულ ტენდერში გამარჯვების შემთხვევაში, მიმწოდებელმა უნდა უზრუნველყოს აღნიშნული სერტიფიცირებული ტექნიკოს(ებ)ის მიერ სატენდერო დოკუმენტაციით გათვალისწინებული მომსახურების გაწევა.
2 პრეტენდენტმა უნდა წარმოადგინოს წერილობითი ინფორმაცია იმის შესახებ, რომ სერტიფიცირებული ტექნიკოს(ებ)ი წარმოადგენ(ენ)ს პრეტენდენტის მიერ დაქირავებულ პირ(ებ)ს.

შენიშვნა: ტენდერში მონაწილე ფიზიკური პირის შემთხვევაში, მე-2 პუნქტით მოთხოვნილი წერილობითი ინფორმაციის წარდგენა არ არის სავალდებულო.

1. სახელმწიფო შესყიდვების ერთიან ელექტრონულ სისტემაში, სატენდერო წინადადების წარდგენით, პრეტენდენტი ავტომატურად გამოხატავს თანხმობას, სატენდერო დოკუმენტაციით განსაზღვრულ მოთხოვნებზე,
2. პრეტენდენტის მიერ, დანართი N1 - პრეისკურანტის წარმოუდგენლობა, ან არსებითად შეუსაბამო პრეისკურანტის წარმოდგენა (ერთეულის ფას(ებ)ი აღემატება შემსყიდველის მიერ მომსახურების პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს), დაზუსტების მექანიზმის გამოყენების გარეშე, გამოიწვევს პრეტენდენტის დისკვალიფიკაციას;
3. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული შესყიდვის ობიექტთან დაკავშირებული ყველა ხარჯისა და კანონმდებლობით გათვალისწინებული ყველა გადასახადის გათვალისწინებით.
4. პრეტენდენტმა უნდა წარმოადგინოს განფასებული დანართი №1 (პრეისკურანტები) შემსყიდველის მიერ განასზღვრული მომსახურების (ნაწილით/მასალით) ყველა პოზიციაზე (ფასები დაფიქსირებული უნდა იყოს არაუმეტეს მეასედების სიზუსტით). წარმოდგენილი ფასი არ უნდა აღემატებოდეს შემსყიდველის მიერ პრეისკურანტებში მითითებულ თითოეულ პოზიციაზე სავარაუდო მაქსიმალურ ღირებულებებს. განსაფასებელ დანართი №1 (პრეისკურანტებში) მითითებული მომსახურების ფასი უნდა მოიცავდეს კონკრეტული მომსახურების გაწევასთან დაკავშირებულ ყველა თანმდევი მომსახურების ღირებულებას.
5. ელექტრონული ვაჭრობა გაიმართება დანართი №1-ით განსაზღვრული პრეისკურანტების ჯამურ სავარაუდო ღირებულებაზე. პრეტენდენტის მიერ სისტემაში ატვირთულ დანართი №1 _პრეისკურანტების ჯამურ ღირებულებასა და მის მიერ ელექტრონული ვაჭრობის შედეგად სისტემაში დაფიქსირებულ ფასებს შორის სხვაობის შემთხვევაში, ფასთა კლება პროცენტულად და პროპორციულად უნდა აისახოს მის მიერ სისტემაში ატვირთული დანართი №1 _პრეისკურანტების თითოეული პოზიციის ერთეულის ფასებზე. თუ ერთეულის ფასები დაჯდება მრავალნიშნა ათწილადად, პრეტენდენტი ვალდებულია აღნიშნული ფასები შეამციროს და დააფიქსიროს მეასედამდე (დამრგვალების გარეშე), შესაბამისად შეამციროს პრეისკურანტის ჯამური ღირებულებაც;
6. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას.
7. თუ ხელშეკრულების მოქმედების პერიოდში აღმოჩნდება, რომ გასაწევი მომსახურების ან რომელიმე ნაწილის/მასალის ფასი არ არის გათვალისწინებული დანართი №1 _პრეისკურანტებში, მაშინ მხარეები, მომსახურების დაწყებამდე, ადგენენ აღნიშნული მომსახურების (ნაწილის) ფასს საბაზრო ფასის გათვალისწინებით. ასეთ შემთხვევაში, პრეისკურანტში მომსახურების (ნაწილის) რომელიმე ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

იმ შემთხვევაში, თუ პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, იგი ვალდებულია, დაასაბუთოს ფასწარმოქმნის ადეკვატურობა. ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დადებითი დასკვნით (დასკვნასთან ერთად წარმოდგენილ უნდა იქნას დასკვნის გამცემი პირის აკრედიტაციის დამადასტურებელი დოკუმენტის ასლი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც პრეისკურანტის ჯამური ღირებულებით, ასევე ერთეულთან მიმართებით.

1. ანგარიშსწორება განხორციელდება უნაღდო ანგარიშსწორების ფორმით, ეროვნულ ვალუტაში - ლარში, მიმწოდებლის საბანკო ანგარიშზე.
2. ანგარიშსწორება განხორციელდება ეტაპობრივად, ფაქტობრივად გაწეულ მომსახურებაზე მიღება – ჩაბარების აქტის გაფორმებისა და საქართველოს კანონმდებლობით დადგენილი შესაბამისი დოკუმენტაციის წარმოდგენის შემდგომ.

ანგარიშსწორება განხორციელდება ფაქტობრივად გაწეული მომსახურების მიხედვით, ანგარიშსწორებისთვის აუცილებელი დოკუმენტების სრულყოფილად გაფორმებიდან, არაუგვიანეს 10 (ათი) სამუშაო დღის განმავლობაში.

მარიამ ჩოფლიანი, 591202011, mchopliani@napr.gov.ge

1. სახელმწიფო შესყიდვების ერთიან ელექტრონულ სისტემაში, შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად;
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იყოს ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში, მათ უნდა დაერთოს საქართველოს კანონმდებლობით დადგენილი წესით შესრულებული, თარგმანები ქართულ ენაზე. დოკუმენტაციასთან დაკავშირებული, სადავო საკითხების გადაწყვეტისას, უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება, სატენდერო წინადადების შესაბამისად;
4. იმ შემთხვევაში, თუ არ იქნება წარმოდგენილი ტექნიკური დოკუმენტაციის 1.3 პუნქტით გათვალისწინებული ფასების ცხრილი (ხარჯთაღრიცხვა), ან წარდგენილ ფასთა ცხრილში განუფასებელი პოზიცი(ებ)ის რაოდენობა აღემატება განსაფასებელი პოზიციების 5%-ს, პრეტენდენტი ექვემდებარება დისკვალიფიკაციას, დაზუსტების გარეშე;
5. სატენდერო წინადადების ღირებულება უნდა მოიცავდეს ტენდერით გათვალისწინებული შესყიდვის ობიექტის მიწოდებასთან დაკავშირებულ ყველა ხარჯსა და კანონმდებლობით გათვალისწინებულ გადასახადებს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
6. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იყოს უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა;
7. პრეტენდენტი ვალდებულია, მის მიერ შექმნილი, წინადადების სახით წარსადგენი დოკუმენტები, (მაგ. გეგმა-გრაფიკი, ინფორმაცია საკუთარი გამოცდილების შესახებ, საგარანტიო პირობები და ა.შ.). დაამოწმოს/დაადასტუროს კვალიფიციური ხელმოწერით/კვალიფიციური შტამპით. „ელექტრონული ტენდერის ჩატარების წესის დამტკიცების შესახებ“ სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების თანახმად, პრეტენდენტის მიერ ფასების ცხრილის Excel-ის სახით წარმოდგენილი დოკუმენტი არ საჭიროებს ხელმოწერას ან/და ბეჭედს (მათშორის, ელექტრონულ ხელმოწერას ან/და ელექტრონულ შტამპს).
8. ალტერნატიული სატენდერო წინადადება არ განიხილება;
9. სატენდერო დოკუმენტაციასთან დაკავშირებით განმარტების მიღება პრეტენდენტს შეუძლია სისტემის მოდულის „კითხვა/პასუხის“ მეშვეობით.
10. სატენდერო წინადადების წარმომდგენი პრეტენდენტი ავტომატურად ეთანხმება ტექნიკური დავალებით განსაზღვრულ პირობებს.