Техническое обслуживание и ремонт (Грузия - Тендер #70654831)

პერსონალური კომპიუტერების, საოფისე აპარატურის შეკეთებისა და ტექნიკური მომსახურების შესყიდვა.

ტექნიკური პირობები:
1. მიმწოდებელი ვალდებულია შემსყიდველის ყოველი მიმართვის შემთხვევაში ჩაატაროს შესყიდვის ობიექტის ტექნიკური დათვალიერება, რის შემდგომაც შემსყიდველის უფლებამოსილ წარმომადგენლთან ერთად შეადგენს იმავე დღეს დეფექტურ აქტს, რომელშიც მითითებული იქნება გასაწევი მომსახურების ან/და სათადარიგო ნაწილების (ახალი, არამეორადი) დეტალური აღწერა, მათი ღირებულებები და მომსახურების გაწევის ვადები;
2. მიმწოდებელი ვალდებულია არაუმეტეს 2 (ორი) სამუშაო დღეში მოახდინოს დაზიანებული ტექნიკის ან მისი ნაწილების შეკეთება. ტექნიკური მომსახურება გულისხმობს დანართი N1 პრეისკურანტში საოფისე აპარატურის დროულ და სრულყოფილ შეკეთებას; პროფილაქტიკური და დიაგნოსტიკური მომსახურების გაწევას; ტექნიკის ნაწილების (დეტალების) შეკეთებას ან/და გამოცვლას.
4. მომსახურება უნდა განხორციელდეს ხელშეკრულების გაფორმებიდან 2026 წლის 25 დეკემბრის ჩათვლით, ეტაპობრივად შემსყიდველის მოთხოვნიდან სტანდარტულად 2 (ორი) სამუშაო დღის განმავლობაში, ხოლო იმ შემთხვევაში თუ საჭირო გახდა დეფიციტური სათადარიგო ნაწილი (რომლის ყიდვა მოცემული მომენტისათვის შეუძლებელია საქართველოს ტერიტორიაზე) შესაძლებელია მომსახურების გაწევის ვადა გაიზარდოს არაუმეტეს 30 სამუშაო დღემდე. „მიმწოდებელმა“ დეფიციტური ნაწილის შესახებ ინფორმაცია წერილობით უნდა აცნობოს „შემსყიდველს“ მომსახურების დაწყებიდან არაუგვიანეს 2 (ორი) სამუშაო დღისა, რომლესაც თან უნდა დაერთოს შეკვეთის დამადასტურებელი დოკუმენტი (დოკუმენტის ასლი).
5. პრეისკურანტში მომსახურების რომელიმე ერთეულის არარსებობისას, აღნიშნული ერთეულის ფასი მისი შესყიდვის აუცილებლობისას უნდა დადგინდეს შემსყიდველი ონრგანიზაციისა და მიმწოდებლის შეთანხმებით, მიმდინარე დროისთვის საბაზრო ფასის გათვალისწინებით, სახელშეკრულებო ღირებულების შეუცვლელად. ასეთ შემთხვევაში პრეისკურანტში შესაბამისი მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს.

მომსახურება განხორციელდება ხელშეკრულების გაფორმებიდან 2026 წლის 25 დეკემბრის ჩათვლით.

მომსახურება განხორციელდება ხელშეკრულების გაფორმებიდან 2026 წლის 25 დეკემბრის ჩათვლით, ეტაპობრივად შემსყიდველის მოთხოვნიდან სტანდარტულად 2 (ორი) სამუშაო დღის განმავლობაში, ხოლო იმ შემთხვევაში თუ საჭირო გახდა დეფიციტური სათადარიგო ნაწილი (რომლის ყიდვა მოცემული მომენტისათვის შეუძლებელია საქართველოს ტერიტორიაზე) შესაძლებელია მომსახურების გაწევის ვადა გაიზარდოს არაუმეტეს 30 სამუშაო დღემდე. ,,მიმწოდებელმა“ დეფიციტური ნაწილის შესახებ ინფორმაცია წერილობით უნდა აცნობოს ,,შემსყიდველს“ მომსახურების დაწყებიდან არაუგვიანეს 2 (ორი) სამუშაო დღისა, რომელსაც თან უნდა დაერთოს შეკვეთის დამადასტურებელი დოკუმენტი (დოკუმენტის ასლი).
შესაკეთებელი ტექნიკის ტრანსპორტირებას უზრუნველყოფს შემსყიდველი ორგანიზაცია.
მომსახურება უნდა განხორციელდეს მიმწოდებლის მიერ დაფიქსირებულ მითითებულ ადგილზე.

1. მიმწოდებლის მიერ შეცვლილ ან/და შეკეთებულ ნაწილებზე (დეტალებზე) საგარანტიო ვადა უნდა შეადგენდეს ყოველ ეტაპზე გაფორმებული მიღება-ჩაბარების აქტის დღიდან არანაკლებ 6 (ექვსი) თვეს სწორი ექსპლოატაციის პირობებში, გარდა იმ შემთხვევისა, როდესაც დაზიანება გამოწვეულია არასწორი ექსპლუატაციით ან გარეგანი მექანიკური ზემოქმედებით.
2. საგარანტიო პერიოდში მიმწოდებელი ვალდებულია წუნის აღმოჩენის შემთხვევაში დაუყონებლივ, შემსყიდველის წერილობითი მოთხოვნის მიღებიდან ხელშეკრულებით განსაზღვრულ (გონივრულ ვადაში, მაგრამ არაუგვიანეს 3 (სამი) სამუშაო დღეში) ვადებში საკუთარი ხარჯებით აღმოფხვრას აღმოჩენილი წუნი და მისგან გამოწვეული დაზიანება.

პრეტენდენტმა უნდა წარმოადგინოს ინფორმაცია, ქ. ბათუმში სარგებლობაში ან საკუთრებაში არსებული მომსახურების სერვის ცენტრის ადგილმდებარეობის შესახებ.
საკუთრების შემთხვევაში ამონაწერი საჯარო რეესტრიდან, ხოლო სარგებლობის შემთხვევაში გაფორმებული ხელშეკრულება, რომელიც ძალაში უნდა იყოს მინიმუმ 2026 წლის 31 დეკემბრის ჩათვლით.

პრეტენდენტის მიერ პრეისკურანტის საერთო ფასის შემცირების შემთხვევაში, ფასთა კლება პროცენტულად და პროპორციულად უნდა აისახოს პრეისკურანტში მოცემული ჩამონათვალის ერთეულის ფასზე.
1. დაუშვებელია ტენდერით გათვალისწინებული მომსახურების განხორციელება ქვე-კონტრაქტორის მეშვეობით;
2. გასაწევი მომსახურებების ერთეულის ღირებულებები პოზიციების შესაბამისად პრეტენდენტის მიერ მითითებული უნდა იქნას პრეისკურანტში (დანართი №1) არ უნდა აღემატებოდეს პრეისკურანტში ამავე პოზიციებზე დაფიქსირებულ ფასებს. პრეისკურანტის დაზუსტების შემთხვევაში, დაუშვებელია რომელიმე პოზიციაზე თავდაპირველად წარმოდგენილი ერთეულის ფასის გაზრდილი ღირებულებით წარმოდგენა.
3. თუ პრეისკურანტში საბოლოო ერთეულის ფასი მიღებულია არამთელი, მრავალნიშნა ციფრი, მაშინ ის პრეტენდენტის მიერ უნდა შემცირდეს და დამრგვალდეს მეასედამდე (თეთრების სიზუსტით). შესაბამისად უნდა შემცირდეს პრეისკურანტის საბოლოო ჯამური ღირებულებაც

სავარაუდო ღირებულებასთან შედარებით საბოლოო ფასის 20 %-ით ან მეტით კლების შემთხვევაში ფასწარმოქმნის ადეკვატურობა, უნდა დასაბუთდეს აუდიტის დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას (დასკვნასთან ერთად წარმოდგენილ უნდა იქნას დასკვნის გამცემი პირის ან შემსრულებლის საქმიანობის კანონმდებლობის ფორმით გაცემული უფლებამოსილების დამადასტურებელი დოკუმენტი), რომელშიც უნდა დასტურდებოდეს ტენდერში პრეტენდენტის მიერ ატვირთულ საბოლოო პრეისკურანტში დაფიქსირებული ერთეულის ფასებით და აგრეთვე ჯამური ღირებულებით ამავე პრეისკურანტით განსაზღვრული საქონლის მიწოდების ან/და მომსახურების გაწევის შესაძლებლობა.

7.2.1 ანგარიშსწორება განხორციელდება უნაღდო ანგარიშსწორებით, ეროვნულ ვალუტაში – ლარში, ფაქტობრივად გაწეული მომსახურების შესაბამისად, მხარეთა შორის გაფორმებული მიღება-ჩაბარების აქტის და მიმწოდებლის მიერ წარმოდგენილი ანგარიშ-ფაქტურის (კანონმდებლობით გათვალისწინებულ შემთხვევაში) საფუძველზე.
7.2.2 დაფინანსების წყარო: აჭარის ავტონომიური რესპუბლიკის 2026 წლის რესპუბლიკური ბიუჯეტიდან უმაღლესი საბჭოსათვის გამოყოფილი ასიგნება.

ანგარიშსწორება მიმწოდებელთან განხორციელდება ეტაპობრივად, მომსახურების გაწევის დამადასტურებელი დოკუმენტაციის გაფორმებიდან არაუმეტს 10 (ათი) სამუშაო დღის განმავლობაში.

დავით შანთაძე, 595761636, datoshande@gmail.com