Ремонт и техническое обслуживание транспортных средств и оборудования и сопутствующие услуги (Грузия - Тендер #70654828)

ხარაგაულის მუნიციპალიტეტის მერიის და საკრებულოს სარგებლობაში მყოფი ავტოსატრანსპორტო საშუალებების შეკეთებისა და ტექნიკური მომსახურეობს შესყიდვა.

ხარაგაულის მუნიციპალიტეტის მერიისა და საკრებულოს სარგებლობაში მყოფი ავტომანქანების შეკეთება უნდა განხორციელდეს ახალი სათადარიგო ნაწილებით. ფასების ცხრილის (პრეისკურანტის) შესაბამისად.

ავტომანქანაზე დაზიანებული სათადარიგო ნაწილის აღდგენა ან და მეორადი სათადარიგო ნაწილის გამოყენება, წინასწარ უნდა შეთანხმდეს შემსყიდველთან.

ა/მანქანის შეკეთებისათვის გამოყენებული სათადარიგო ნაწილები უნდა იყოს ქარხნული, ხარისხიანი და არ ავლენდეს დეფექტებს.

მიმწოდებელი ვალდებულია შემსყიდველის მიმართვის შემთხვევაში ჩაატაროს ა/მანქანის დათვალიერება, რის შემდგომაც, მიმწოდებელის წარმომადგენელი და შემსყიდველის წარმომადგენელი მძღოლი ადგენენ დეფექტურ აქტს, რომელშიც მითითებული უნდა იყოს გასაწევი მომსახურების დეტალური აღწერა. თუ აღმოჩნდება რომ მიმწოდებლის მიერ არ არის სრულყოფილად შესრულებული მომსახურება და/ან შეცვლილი ნაწილი აღმოჩნდა წუნდებული, მიმწოდებელი ვალდებულია საკუთარი ხარჯით აღმოფხვრას აღმოჩენილი ხარვეზი;

• იმ შემთხვევაში თუ საჭირო იქნება ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით
გამარჯვებულ პრეტენდენტთან ხელშეკრულების გაფორმების შემდეგ პრეისკურანტში ა/მანქანების შეკეთებისათვის საჭირო რომელიმე ერთეულის არარსებობისას, აღნიშნული ობიექტის ერთეულის ფასი, მისი შესყიდვის აუცილებლობისას, დადგინდება შემსყიდველი ორგანიზაციისა და მიმწოდებლის შეთანხმებით (გაფორმებულ იქნება შეთანხმების აქტი) საბაზრო ფასის გათვალისწინებით. ასეთ შემთხვევაში პრეისკურანტში მომსახურების (სერვისი სათადარიგო ნაწილების გათვალისწინებით) რომელიმე ერთეულის არსებობით გამოწვეული ხვედრითი წილი არ შეიძლება აღემატებოდეს ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%-ს; მიმწოდებლის მხრიდან შეთანხმებაზე უარის თქმა, შესაძლებელია გახდეს ხელშეკრულების შეწყვეტის საფუძველი.

მიმწოდებელმა უნდა უზრუნველყოს მომსახურების გაწევა ხელშეკრულების გაფორმების დღიდან 2026 წლის 31 დეკემბრის ჩათვლით მაგრამ მომსახურება გაწეული უნდა იქნას დაუყოვნებლივ, რიგგარეშე, ამასთან მომსახურების ვადა თითოეულ შემთხვევაზე არ უნდა აღემატებოდეს:
• სავალი ნაწილებისათვის - არაუმეტეს 2 დღეს;
• აგრეგატებისათვის - არაუმეტეს 3 დღეს;
• ელექტროობისათვის - არაუმეტეს 2 დღეს;
• სათუნუქე-სამღებრო სამუშაოებისათვის - არაუმეტეს 5 დღეს, აღნიშნული ვადა შეაძლებელია გაგრძელებული იქნეს შემსყიდველთან შეთანხმებით;
• იმ შემთხვევაში თუ საჭირო იქნება ძრავის კაპიტალური რემონტის ჩატარება ან დეფიციტური ნაწილის მიწოდება, შესაძლებელია მომსახურების ვადა განისაზღვროს შემსყიდველთან შეთანხმებით.

მიმწოდებლის მიერ მომსახურების გაწევა უნდა მოხდეს ეტაპობრივად შემსყიდველი ორგანიზაციის საჭიროების შესაბამისად, მიმწოდებლის სერვის ცენტრ(ებ)ში.

სათადარიგო ნაწილი მისი ხარისხით სრულად უნდა შეესაბამებოდეს ორიგინალი დეტალების მონაცემებს. მიმწოდებელი იძლევა გარანტიას რომ დეფექტის გამოვლენის შემთხვევაში მიმწოდებელი უზრუნველყოფს წუნდებული (უხარისხო) საქონლის შეცვლას და განახორციელებს შეცვლასთან დაკავშირებულ ყველა მოქმედებას საკუთარი ძალებით და საშუალებებით, შემსყიდველის მხრიდან ყოველგვარი დამატებითი დანახარჯების გაწევის გარეშე, შეტყობინების მიღებიდან არაუგვიანეს 5 (ხუთი) კალენდარული დღის განმავლობაში.
მინიმალური საგარანტიო ვადები ნაწილებზე:
1. აგრეგატებზე- საგარანტიო ვადა 1 (ერთი) წელი
2. კვანძებზე- 6 (ექვსი) თვე
3. სათადარიგო ნაწილებზე/დეტალებზე- 6 (ექვსი) თვე

გარანტია არ გავრცელდება იმ სათადარიგო ნაწილებზე მაგალითახ. სამუხრუჭე ხუნდებზე, ფილტრებზე და საცხ-საპოხ მასალებზე, რომელთა ექსპლუატაციის ვადა დამოკიდებულია ავტომანქანის გარბენზე.

პრეტენდენტს საკუთრებაში ან მმართველობაში უნდა გააჩნდეს არანაკლებ ერთი მოქმედი სერვისცენტრი, პრეტენდენტის მიერ წარმოდგენილ უნდა იქნეს საკუთრებაში ან მმართველობაში არსებობის დამადასტურებელი დოკუმენტაცია.

პრეტენდენტმა სახელმწიფო შესყიდვების ერთიან ელექტრონულ სისტემაში უნდა ატვირთოს ავტო ტექ. მომსახურეობის ობიექტის/სერვისცენტრის საკუთრების ან სარგებლობის დამადასტურებელი დოკუმენტი,

იჯარის შემთხვევაში იჯარის ვადა მინიმუმ ერთი თვით უნდა აღემატებოდეს მომსახურების ვადას.

პრეტენდენტის სატენდერო წინადადება უნდა შეიცავდეს პრეისკურანტს შემსყიდველის მიერ სატენდერო დოკუმენტაციაში წარმოდგენილი პრეისკურანტის მიხედვით.
პრეტენდენტის მიერ შესყიდვების ერთიანი ელექტრონული სისტემის მეშვეობით წარმოდგენილ პრეისკურანტში მითითებული ერთეულის ფას(ებ)ი არ უნდა აღემატებოდეს შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს.

პრეტენდენტის მიერ პრეისკურანტის წარმოუდგენლობა ან არსებითად შეუსაბამო პრეისკურანტის წარმოდგენა (თუ პრეტენდენტის მიერ პრეისკურანტის შესაბამის გრაფაში მითითებული ერთეულის ფას(ებ)ი აღემატება, შემსყიდველის მიერ პრეისკურანტის შესაბამის გრაფაში მითითებულ ერთეულის სავარაუდო ფას(ებ)ს) გამოიწვევს პრეტენდენტის დისკვალიფიკაციას აღნიშნული ტენდერიდან, პრეისკურანტის დაზუსტების მოთხოვნის გარეშე, ,,ელექტრონული ტენდერის ჩატარების წესის დამტკიცების შესახებ’’ სახელმწიფო შესყიდვების სააგენტოს თავმჯდომარის 2017 წლის 14 ივნისის #12 ბრძანების 32-ე მუხლის პირველი პუნქტის ,,ბ’’ ქვეპუნქტის საფუძველზე.

იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, მიმწოდებელი ვალდებულია დაასაბუთოს ფასწარმოქმნის ადეკვატურობა.

ფასწარმოქმნის ადეკვატურობა, შესაძლებელია დასაბუთდეს სსიპ ლევან სამხარაულის სასამართლო ექსპერტიზის ეროვნული ბიუროს ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული დასკვნით. დასკვნასთან ერთად ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი.

დასკვნა ცალსახად უნდა ადასტურებდეს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც ერთეულის ასევე საერთო ღირებულებასთან მიმართებით. ამასთან, ფასწარმოქნის ადეკვატურობის დასაბუთების წარმოუდგენლობა გამოიწვევს შესაბამისი პრეტენდენტის დისკვალიფიკაციას სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული „ელექტრონული ტენდერის ჩატარების წესის დამტკიცების შესახებ“ წესის შესაბამისად.

მიმწოდებელთან ანგარიშსწორება განხორციელდება, ფაქტობრივად გაწეული მომსახურების შესაბამისად, უნაღდო ანგარიშსწორების ფორმით, ეროვნულ ვალუტაში;
მიმწოდებელთან ანგარიშსწორება იწარმოებს ხელშეკრულებით გათვალისწინებული ფაქტობრივად გაწეული მომსახურების შესრულების შესახებ გაფორმებული მიღება-ჩაბარების აქტის საფუძველზე.

მიმწოდებელთან ანგარიშსწორება განხორციელდება მხარეთა შორის მირება-ჩაბარების აქტის გაფორმებიდან არაუგვიანეს 10 (ათი) სამუშაო დღის ვადაში.

თამთა მეტრეველი, 599457465, kharagauli.shesyidvebi@yahoo.com