Образовательные услуги (Грузия - Тендер #70654786)

სამუშაოს მაძიებელთა დასაქმებაზე ორიენტირებული პრაქტიკული უნარ-ჩვევების განვითარება, სამუშაოზე დაფუძნებული სწავლების გზით. სწავლება განხორციელდება მოკლევადიანი ინტენსიური სასწავლო მოდულით, რეალურ სამუშაო გარემოში.

ქვეპროგრამის ფარგლებში მომსახურებას მიიღებს 80 პირი.

სავარაუდო მიმართულებები და პოზიციები, განისაზღვრა აჭარის ავტონომიური რესპუბლიკის ტერიტორიაზე ოპერირებად დამსაქმებელთა გამოკითხვის შედეგად.

საორიენტაციო მიმართულებები:

1. სასტუმრო მომსახურება: დასუფთავების დეპარტამენტი, მიღება განთავსების დეპარტამენტი, სპა დეპარტამენტი და სხვა.
2. სარესტორნო მომსახურება: სამზარეულო, ბარი, დარბაზი და სხვა.
3. საფინანსო სერვისი: ვაჭრობა, დისტრიბუცია და სხვა.
4. საოფისე საქმე: ინფორმაციული ტექნოლოგია, რეკლამა და მარკეტინგი და სხვა.
საორიენტაციო მიმართულებიდან გამომდინარე, პოზიციები შეირჩევა მოსარგებლეთა სურვილისამებრ.
ჯგუფი შეიქმნება არანაკლებ 2 (ორი) და არაუმეტეს 7 (შვიდი) მოსარგებლის არსებობისას.

მიმწოდებელი ვალდებულია:

1. სააგენტოსთან ერთად შეარჩიოს ქვეპროგრამაში ჩართვის მსურველები რეგიონში მოქმედი კომპანიები და წარმოადგინოს შესაბამისი სია.
2. მიმწოდებელმა შემსყიდველს უნდა წარმოუდგინოს ქვეპროგრამაში ჩართული კომპანიის მზაობა, ქვეპროგრამით მოსარგებლის დასაქმებაზე, თითოეული ჯგუფიდან 50%-ი ან მეტი.
3. უზრუნველყოს ქვეპროგრამაში მოსარგებლეთა ინფორმირებულობა და ჩართულობის მიზნის მოსარგებლეთა შერჩევა შემსყიდველთან შეთანხმებით:
3.1. მსურველთა მოძიების მიზნით განახორციელოს საინფორმაციო კამპანია;
3.2. უზრუნველყოს დაინტერესებული პირების მიერ განაცხადების შევსება;
3.3. განახორციელოს განაცხადების პირველი გადარჩევა;
3.4. უზრუნველყოს გასაუბრების ეტაპის ორგანიზება. (გასაუბრების ეტაპის ორგანიზებამდე უნდა განახორციელოს პირველადი შედეგების გადამოწმება სააგენტოს მიერ ადმინისტრირებად შრომის ბაზრის მართვის ერთიან ელექტრონულ სისტემაში რეგისტრაციის თაობაზე და საჭიროებისას რეგისტრაციის პროცესიის ორგანიზება. გასაუბრების შედეგების შესახებ წერილობით აცნობოს სააგენტოს).
4. უზრუნველყოს სააგენტოს მიერ განაცხადების პირველადი გადარჩევის გზით შერჩეულ პრეტენდენტთათვის დამსაქმებელთან გასაუბრების ეტაპის ორგანიზება. აღნიშნული გასაუბრების შედეგი წერილობით აცნობოს სააგენტოს.
5. სასწავლო პროცესის ორგანიზებამდე წარმოადგინოს ქვეპროგრამით დადგენილი მიმართულებებისა და პოზიციის შესაბამისი სასწავლო პროგრამები:
ა) შეიმუშაოს საგანმანათლებლო პროგრამები პროგრამაში ჩართულ კომპანიებთან ერთად;
ბ) საგანმანათლებლო პროგრამა უნდა მოიცავდეს - თემატიკას, საათობრივ განწერას, სწავლის ადგილს, და განსაზღვრულ მისაღწევ შედეგს; ინფორმაციას სასწავლო ხელძღვანელის შესახებ (სასწავლო ხელმძღვანელი არის კომპანიის წარმომადგენელი/თანამშრომელი, ვინც უწევს ორგანიზებას მოსარგებლეს ობიექტზე სწავლებას, და აფასებს მას სწავლების დასრულების შემდგომ და მისი ანაზღაურება განისაზღვრება პოზიციის შესაბამისი საგანმანათლელო პროგრამის მიხედვით);
გ) შემუშავებული საგანმნათლებლო პროგრამები მიმწოდებელმა უნდა წარმოადგინოს სასწავლო პროცესის ორგანიზებამდე არანაკლებ 3 დღით ადრე.
დ) შეათანხმოს სწავლის ობიექტთან ქვეპროგრამის მარკეტინგული მიზნებისათვის ფოტო/ვიდეო გადაღების ორგანიზება.
5. წარმოადგინოს ბრძანებები/წერილები: სწავლის დაწყებისა და ჯგუფების დაკომპლექტების შესახებ, მსმენელის გარიცხვის შესახებ, სწავლის დასრულების შესახებ და სხვა.
6. უზრუნველყოს სასწავლო პროცესის ორგანიზება მაღალსაგანმანათლებლო დონეზე, მატერიალურ-ტექნიკური ბაზით და უსაფრთხოების სრული დაცვით. საჭიროებისამებრ მსმენელები უზრუნველყოს სწავლებისათვის აუცილებელი ინვენტარითა (მაგ.: შრომითი ინსტრუმენტები, მასალები, სიმულატორები და ა.შ.) და სპეციალური ტანსაცმელით. სასწავლო კურსის ხანგრძლივობა - არანაკლებ 80 საათისა.
7. უზრუნველყოს ქვეპროგრამის მოსარგებლეთათვის მოკლევადიანი ტრენინგ კურსის (რეზიუმესა და სამოტივაციო წერილის შედგენა, გასაუბრებაძე მოქცევის წესები) ორგანიზება/ჩატარება.
8. აცნობოს „შემსყიდველს“ მოსარგებლის 30%-ი და მეტის გაცდენის შემთხვევაში (სასწავლო საათების 30% და მეტის გაცდენის შემთხვევაში პირს უწყდება მოსარგებლის სტატუსი);
9. უზრუნველყოს სწავლების დასრულების შემდგომ მოსარგებლეთა შეფასება სწავლების განმახორციელებელ კომპანიასთან ერთად (შეფასება განხორციელდეს ჩათვლის სისტემით (გაიარა, არ გაიარა).
10. წარმოადგინოს სასწავლო კურსის დასრულების შემდგომ საბოლოო ანგარიში;
11. სააგენტოს მოთხოვნის საფუძველზე შუალედურ ან/და საბოლოო შეფასების გამოცდაზე უზრუნველყოს სააგენტოს მონიტორინგის ჯგუფის ან/და მოწვეული პირების დასწრება;
12. უზურნველყოს სასწავლო კურსის დასრულების შემდგომ, განმახორციელებელი კომპანიის მიერ თითოეული მონაწილისათვის სარეკომენდაციო ფორმის შევსება;
13. კურსის დასრულების შემდგომ უზრუნველყოს ქვეპროგრამის მოსარგებლეთა მიერ კმაყოფილების კითხვარის შევსება (მიეწოდება შემსყიდველის მიერ);
14. სრული სასწავლო კურსის დასრულების შემდგომ უზრუნველყოს დადებითი შეფასების მქონე მოსარგებლეებისათვის კვალიფიკაციის დამადასტურებელი სერთიფიკატის გადაცემა:
სერთიფიკატი უნდა შეიცავდეს:
- სარეგისტრაციო ნომერს
- მოსარგებლის სახელ-გვარს
- დამკვეთისა და მიმწოდებლის დასახელებას
- პროგრამის დასახელებას, რომლის ფარგლებშიც მოხდა მომზადება/გადამზადება
- საბოლოო შეფასებას/ჩათვლას
- თანდართულ დანართს, რომელშიც უნდა იყოს მითითებული: სარეგისტრაციო ნომერი, მოსარგებლის სახელ-გვარი და პირადი ნომერი, პოზიციის შესაბამისად განვლილი სასწავლო მასალა/თემატიკა.

სერთიფიკატს ძალა აქვს მხოლოდ თანდართულ დანართთან ერთად; სერთიფიკატის დიზაინის შეთანხმება უნდა მოხდეს დასაქმების სააგენტოსთან; სააგენტოს მოთხოვნის საფუძველზე შესაძლებელია სერთიფიკატის ფორმაში შევიდეს ცვლილება.

15. სასწავლო პროცესის დასრულების შემდგომ სააგენტოს მოთხოვნის საფუძველზე უზრუნველყოს დაჯილდოების (სერტიფიკატების გადაცემის) ცერემონიალის ორგანიზება/განხორციელება. დაჯილდოების ცერემონიალი შესაძლოა ორგანიზებულ იქნას, ცალკეული ან რამოდენიმე ჯგუფის სასწავლო პროცესის დასრულების შემდგომ.
16. სააგენტოს მოთხოვნის საფუძველზე უზრუნველყოს ქვეპროგრამის შედეგების შემაჯამებელი ღონისძიება.
17. სასწავლო პროცესის დასრულების შემდგომ, ერთი თვის ვადაში უზრუნველყოს კომპონენტის ძლიერი და სუსტი მხარეების გამოვლენა და ანალიტიკური შეფასების წარმოდგენა სააგენტოსთვის.

ანგარიშის ფორმა, სარეკომენდაციო ფორმა და კმაყოფილების კითხვარი მიეწოდება „მიმწოდებელს“ „შემსყიდველის“ მიერ.

ხელშეკრულების ხელმოწერის დღიდან 2026 წლის 18 დეკემბრის ჩათვლით.

აჭარის ავტონომიური რესპუბლიკის ადმინისტრაციული ტერიტორიის ფარგლები.

1. 2023 წლიდან ელექტრონული ტენდერის გამოცხადების დღემდე, პრეტენდენტს უნდა გააჩნდეს პროფესიული სწავლების არანაკლებ 3 წლიანი გამოცდილება, იმ მიმართულებების შესაბამისად, რომლებიც მოცემულია ტექნიკურ დავალებაში.

1.1. პრეტენდენტის მიერ სისტემაში უნდა აიტვირთოს: პროფესიულ სტუდენტთან გაფორმებული ხელშეკრულება, სტუდენტის ჩარიცხვის ბრძანება ან/და ჯგუფის დაკომპლექტების ბრძანება (საკმარისი იქნება თითოეულ წელზე თითო დოკუმენტაცია).

2. 2023 წლიდან ელექტრონული ტენდერის გამოცხადების დღემდე, პრეტენდენტს უნდა გააჩნდეს სამუშაოზე დაფუძნებული სწავლების გამოცდილება, განხორცილებეული სხვადასხვა წელს, არანაკლებ 4 (ოთხი) სხვადასხვა ორგანიზაციასთან ერთად, ტექნიკურ დავალებაში მითითებულ არანაკლებ 3 (სამი) მიმართულებაში ან/და დეპარტამენტში.

2.1. პრეტენდენტის მიერ სისტემაში უნდა აიტვირთოს: ხელშეკრულება და ხელშეკრულებით გათვალისწინებული ვალდებულებების შესრულების დამადასტურებელი დოკუმენტების ასლები: მიღება-ჩაბარების აქტი ან/და თანხის ჩარიცხვის დამადასტურებელი დოკუმენტი ან სხვა დამადასტურებელი დოკუმენტი.

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში ფასწარმოქმნის ადეკვატურობა, შესაძლებელია დასაბუთდეს საექსპერტო, აუდიტორული ან/და საშემფასებლო დასკვნით, რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების უპირობოდ შესრულების შესაძლებლობას. პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების დამადასტურებელი დოკუმენტი.

1. ანგარიშსწორების ფორმა - უნაღდო, ეროვნულ ვალუტაში.
2. ანგარიშსწორება ხორციელდება ეტაპობროვად, წარმოდგენილი ანგარიშის საფუძველზე პოზიციისა და ჯგუფების შესაბამისად.
3. მოსარგებლისათვის სტატუსის შეწყვეტის შემთხვევაში მიმწოდებელს აუნაზღაურდება პრაქტიკულად შესრულებული სამუშაო - მოსარგებლის სტატუსის შეწყვეტამდე განვლილი საათები.
4. მიმწოდებლის მიერ შესრულებულ მომსახურებად ჩაითვლება მიმწოდებლის მიერ წარმოდგენილი საბოლოო ანგარიში.
5. მიმწოდებელმა ხელშეკრულებით გათვალისწინებული მომსახურების შესრულების ასანაზღაურებლად შემსყიდველს უნდა წარუდგინოს შემდეგი დოკუმენტები:
5.1. შესრულებული სამუშაოს ანგარიში.
5.2. მიღება-ჩაბარების აქტი.

ხელშეკრულების შესრულების დამადასტურებელი დოკუმენტის გაფორმებიდან არაუგვიანეს 10 სამუშაო დღე.

ჯემალ ხიმშიაშვილი, 577278758, dasaqmebis.saagento@gmail.com

1. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს ნოტარიულად დამოწმებული ქართული თარგმანი.
2. სახელმწიფო შესყიდვების ერთიან ელექტრონულ სისტემაში ატვირთული დოკუმენტები და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა. იმ შემთვევაში თუ პრეტენდენტი არის არარეზიდენტი პირი დოკუმენტები დამოწმებული უნდა იყოს პრეტენდენტის უფლებამოსილი პირის ხელმოწერით და (ბეჭდის არსებობის შემთხვევაში) ორგანიზაციის ბეჭდით.
3. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
4. პრედენდენტს არა აქვს უფლება წარმოადგინოს ალტერნატიული სატენდერო წინადადება.