Медицинские услуги (Грузия - Тендер #70629934)

საქართველოს მთავრობის 2025 წლის 31 დეკემბრის N655 დადგენილებით დამტკიცებული „ნარკომანიით დაავადებულ პაციენტთა მკურნალობის“ 2026 წლის სახელმწიფო პროგრამის ფარგლებში, „ალკოჰოლის მიღებით გამოწვეული ფსიქიკური და ქცევითი აშლილობების სტაციონარული მომსახურების, მ.შ კვებით უზრუნველყოფის, გეოგრაფიული ხელმისაწვდომობის გათვალისწინებით“ კომპონენტით გათვალისწინებული მომსახურების (აღმოსავლეთ საქართველოში) შესყიდვა.

1. კომპონენტით გასაწევი მომსახურება უნდა მოიცავდეს ალკოჰოლის მიღებით გამოწვეული ფსიქიკური და ქცევითი აშლილობების სტაციონარულ მომსახურებას შემდეგი ნოზოლოგიების მიხედვით (დადგენილების N9.2 დანართი):
- F10.4 - ალკოჰოლის მოხმარებით გამოწვეული ფსიქიკური და ქცევითი აშლილობანი; აღკვეთის მდგომარეობა დელირიუმით;
- F10.5 (F10.5.1) - ალკოჰოლის მოხმარებით გამოწვეული ფსიქიკური და ქცევითი აშლილობანი; მწვავე ბოდვითი ფსიქოზური აშლილობა;
- F10.5 (F10.5.2) - ალკოჰოლის მოხმარებით გამოწვეული ფსიქიკური და ქცევითი აშლილობანი; ფსიქოზური აშლილობა მწვავე ჰალუცინოზით;
- F10.31 ალკოჰოლის მოხმარებით გამოწვეული ფსიქიკური და ქცევითი აშლილობანი; აღკვეთის მდგომარეობა გულყრებით.
2. კომპონენტით გათვალისწინებული მომსახურება გაწეულ უნდა იქნეს აღმოსავლეთ საქართველოში.
3. კომპონენტით გათვალისწინებული სამედიცინო მომსახურების ზედამხედველობა განხორციელდება დადგენილებით გათვალისწინებული, გადაუდებელ შემთხვევათა ზედამხედველობის წესის თანახმად.
4. კომპონენტით გათვალისწინებული სამედიცინო მომსახურება უნდა გაეწიოს ყველა შესაბამის პაციენტს, ვინც მიმართავს მიმწოდებელ სამედიცინო დაწესებულებას ხელშეკრულების მოქმედების პერიოდში, მათ შორის, ერთი და იგივე პაციენტის რამდენჯერმე მიმართვის შემთხვევაშიც.

1.4.1. სამედიცინო მომსახურების გაწევა უნდა განხორციელდეს ხელშეკრულების გაფორმებიდან, მაგრამ არაუადრეს 2026 წლის 1 აპრილიდან 2026 წლის 31 დეკემბრის ჩათვლით.

1.5.1. კომპონენტით გათვალისწინებული მომსახურება გაწეულ უნდა იქნეს აღმოსავლეთ საქართველოში, ტენდერში გამარჯვებული სამედიცინო დაწესებულების ფაქტობრივ მისამართზე.

2.7.1.1. მიმწოდებლის (სამედიცინო დაწესებულების) სალიცენზიო/სანებართვო მოწმობა (იმ შემთხვევაში, თუ გასაწევი მომსახურება საჭიროებს ლიცენზიის/ნებართვის არსებობას საქართველოს კანონმდებლობის შესაბამისად);
2.7.1.2. შეტყობინება/შეტყობინებები იმის თაობაზე, რომ იგი აკმაყოფილებს პროგრამის განხორციელებისთვის აუცილებელი საქმიანობის წარმოებაზე ტექნიკური რეგლამენტით გათვალისწინებულ მოთხოვნებს; თუ ასეთი ვალდებულება (შეტყობინების გაკეთების თაობაზე), ტენდერით გათვალისწინებული მომსახურებისათვის გათვალისწინებულია კანონმდებლობით;
* წინამდებარე მეორე ქვეპუნქტით განსაზღვრული „შეტყობინებაში“ დაფიქსირებული უნდა იყოს იგივე მისამართი, რომელზეც სატენდერო წინადადების წარმოდგენის მომენტისთვის ფუნქციონირებს პრეტენდენტი.
2.7.1.3. სამედიცინო დაწესებულების ხელმძღვანელის წერილობითი ვალდებულება იმის შესახებ, რომ მომსახურების განხორციელებაში ჩართული სამედიცინო პერსონალი სერთიფიცირებულია კანონმდებლობით დადგენილი წესის შესაბამისად;
2.7.1.4. სამედიცინო დაწესებულების ხელმძღვანელის წერილობითი ვალდებულება მოსარგებლის კვებით უზრუნველყოფის შესახებ.

ქვეკონტრაქტორის არსებობის შემთხვევაში, პრეტენდენტმა სატენდერო წინადადებასთან ერთად, ერთიანი ელექტრონული სისტემის მეშვეობით უნდა წარმოადგინოს:
1. ინფორმაცია ქვეკონტრაქტორ(ებ)ის შესახებ;
2. ქვეკონტრაქტორ(ებ)თან დადებული ხელშეკრულებ(ებ)ის/მემორანდუმ(ებ)ის ასლები, რომელიც მოქმედი უნდა იყოს არაუგვიანეს 2027 წლის 31 მარტის ჩათვლით;
3. ქვეკონტრაქტორ(ებ)ის მიერ, წინამდებარე სატენდერო დოკუმენტაციის კითხვარის 2.7.1 მუხლით განსაზღვრული მოთხოვნების დამადასტურებელი ინფორმაცია/დოკუმენტაცია;
4. ამ ხელშეკრულების ფარგლებში დადებული არც ერთი ქვეკონტრაქტი არ ათავისუფლებს მიმწოდებელს ხელშეკრულებით გათვალისწინებული ვალდებულებებისაგან. მიმწოდებელი ქვეკონტრაქტორ(ებ)ის მიერ გაწეულ მომსახურებაზე ისევე აგებს პასუხს, როგორც საკუთარი ძალებით გაწეულზე. მომსახურების მიღება-ჩაბარებისას გაწეული მომსახურების ვადებზე, ხარისხზე, წინამდებარე ხელშეკრულებით განსაზღვრულ პირობებთან და დადგენილ ტექნიკურ პირობებთან შესაბამისობაზე, შემსყიდველის წინაშე პასუხისმგებელია მხოლოდ მიმწოდებელი, მიუხედავად იმ გარემოებისა მომსახურება გასწია საკუთარი ძალებით, თუ მესამე პირ(ებ)ის - ქვეკონტრაქტორ(ებ)ის მეშვეობით. საბოლოო ურთიერთობა შემსყიდველსა და მიმწოდებელს შორის ხორციელდება ამ კონტრაქტით განსაზღვრული პირობებით.

2.9.1. მომსახურების გაწევისას გათვალისწინებული უნდა იქნას აღნიშნულ სფეროში საქართველოში მოქმედი კანონმდებლობა;
2.9.2. მიმწოდებელსა და შემსყიდველს შორის ურთიერთობისას გამოყენებული იქნება დადგენილების, სხვა ნორმატიული აქტების და შემსყიდველის მიერ კომპონენტის ადმინისტრირების მიზნით გამოცემული ადმინისტრაციულ-სამართლებრივი აქტების მოთხოვნები;
2.9.3. მიმწოდებელი სამედიცინო დაწესებულება/ქვეკონტრაქტორი უნდა მდებარეობდეს აღმოსავლეთ საქართველოში და უნდა წარმოადგინოს ინფორმაცია აღმოსავლეთ საქართველოს მასშტაბით მომსახურების განხორციელების ფაქტობრივი მისამართების (ასეთის არსებობისას) შესახებ.

ფასწარმოქმნის ადეკვატურობა, შესაძლებელია დასაბუთდეს ექსპერტიზის დასკვნით, ან/და შესაბამის სფეროში საქართველოს კანონმდებლობით განსაზღვრული უფლებამოსილების/აკრედიტაციის მქონე პირის მიერ გაცემული საექსპერტო ან/და აუდიტორული, ან/და საშემფასებლო დასკვნით (პრეტენდენტის მიერ, დასკვნასთან ერთად, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი), რომელიც ადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას, როგორც მის მიერ დაფიქსირებულ წინადადების ფასთან (ჯამურ ღირებულებასთან), ასევე ფასების ცხრილის ერთეულებთან მიმართებაში.

2 Процентов

5 Процентов

ხელშეკრულების უზრუნველყოფის უპირობო და გამოუთხოვადი საბანკო ან სადაზღვევო გარანტიის მოქმედების ვადა მინიმუმ 30 კალენდარული დღით უნდა აღემატებოდეს ხელშეკრულების მოქმედების ვადას(ხელშეკრულების მოქმედების ვადა 2027 წლის 31 იანვრის ჩათვლით).

6.4.1 იმისათვის, რომ თავიდან იქნას აცილებული რისკი, წარმოქმნილი მიმწოდებლის მიერ ხელშეკრულებით ნაკისრი ვალდებულებების შეუსრულებლობის გამო, წინამდებარე ტენდერში მოითხოვება ხელშეკრულების შესრულების უზრუნველყოფის გარანტია;
6.4.2 ხელშეკრულების უზრუნველყოფის გარანტია წარმოდგენილი უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებიდან ან სსიპ „საქართველოს დაზღვევის სახელმწიფო ზედამხედველობის სამსახური“-ს მიერ ლიცენზირებული სადაზღვევო კომპანიიდან, ასევე შესაძლებელია აღნიშნული გარანტია წარმოდგენილი იქნეს „არარეზიდენტი“ საბანკო ან სადაზღვევო კომპანიიდან, რომელიც დამოწმებული უნდა იყოს საქართველოს ეროვნული ბანკის მიერ ლიცენზირებული საბანკო დაწესებულებებიდან, სახელშეკრულებო ვალუტის შესაბამისად.
6.4.3 გარანტია უნდა იყოს უპირობო და გამოუთხოვადი რაც გულისხმობს, გარანტი იღებს
ვალდებულებას, ყოველგვარი უარყოფისა და გასაჩივრების უფლების გარეშე, წერილობითი მოთხოვნის წარდგენიდან მომდევნო 5 (ხუთი) სამუშაო დღის ვადაში, გადაუხადოს ბენეფიციარს თანხა თუ პრინციპალმა დაარღვია ბენეფიციართან გაფორმებული სახელმწიფო შესყიდვების შესახებ ხელშეკრულებით ნაკისრი ვალდებულებები, ასევე, გარანტიის თანხა არ უნდა მცირდებოდეს შესრულებული სამუშაოების პროპორციულად.
6.4.4 ხელშეკრულების შესრულების უზრუნველყოფის მიზნით წარმოდგენილი საბანკო ან სადაზღვეო დაწესებულების მიერ გაცემული გარანტია გამოიყენება მიმწოდებლის მიერ ვალდებულების დარღვევის გამო შესაბამისი პირგასამტეხლოს, საჯარიმო სანქციების ან/და ზიანის ანაზღაურების მიზნით;
6.4.5 ხელშეკრულების შესრულების უზრუნველყოფის საბანკო ან სადაზღვეო დაწესებულების მიერ გაცემული გარანტიაში მითითებული უნდა იყოს, აღნიშნულ შესყიდვასთან დაკავშირებით ერთიან ელექტრონულ სისტემაში განთავსებული განცხადების ნომერი და პრეტენდენტის საიდენტიფიკაციო კოდი;
6.4.6 ხელშეკრულების უზრუნველყოფის საბანკო გარანტია წარდგენილ უნდა იქნეს შემსყიდველ ორგანიზაციაში ხელშეკრულების გაფორმებამდე.

7.2.1. კომპონენტით გათვალისწინებული მომსახურების დაფინანსება განხორციელდება გლობალური ბიუჯეტის პრინციპით, ყოველთვიურად, წლიური ასანაზღაურებელი თანხის არაუმეტეს 1/12-ისა. სახელმწიფოს მიერ ანაზღაურდება ფაქტობრივი ხარჯის 90%, დადგენილების დანართი 9.2-ით გათვალისწინებული შემთხვევების დადგენილი ღირებულების შესაბამისად;
7.2.2. ანგარიშსწორება მოხდება უნაღდო ანგარისწორებით ლარში, დადგენილების შესაბამისად.

7.3.1. ანგარიშსწორება მოხდება საანგარიშგებო დოკუმენტაციის ინსპექტირების დასრულებიდან 20 (ოცი) სამუშაო დღის განმავლობაში.

ონიანი, 591919988, goniani@moh.gov.ge თათია ლოლაძე, 577224522, taloladze@moh.gov.ge

10.1.1. მიმწოდებელსა და შემსყიდველს შორის ურთიერთობისას გამოყენებული იქნება „2026 წლის ჯანმრთელობის დაცვის სახელმწიფო პროგრამების დამტკიცების შესახებ“ საქართველოს მთავრობის 2025 წლის 31 დეკემბრის №655 დადგენილებითა და მოქმედი კანონმდებლობით გათვალისწინებული მოთხოვნები;
10.1.2. ალტერნატიული სატენდერო წინადადება არ მიიღება;
10.1.3. სატენდერო წინადადების წარდგენით, პრეტენდენტი ავტომატურად გამოხატავს თანხმობას სატენდერო დოკუმენტაციის პირობებით განსაზღვრულ მოთხოვნებზე;
10.1.4. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი წარმოდგენილი უნდა იქნას მოქმედი კანონმდებლობის შესაბამისად;
10.1.5. სატენდერო წინადადების საერთო და ერთეულის ფასის წარმოდგენა დასაშვებია მხოლოდ ეროვნულ ვალუტაში - ლარში;
10.1.6. სატენდერო წინადადებაში საერთო და ერთეულის ფასი გამოსახული უნდა იყოს საქართველოს კანონმდებლობით გათვალისწინებული და შესყიდვის ობიექტის მიწოდებასთან დაკავშირებული ყველა გადასახადის და შესყიდვის ობიექტის მიწოდებასთან დაკავშირებული ხარჯის გათვალისწინებით, რომელთა გადახდა ეკისრება მიმწოდებელს. ხარჯები, რომლებიც სატენდერო წინადადების ფასში არ იქნება გათვალისწინებული, არ დაექვემდებარება ანაზღაურებას;
10.1.7. პრეტენდენტების მიერ სახელმწიფო შესყიდვების ერთიან ელექტრონულ სისტემაში ატვირთული ელექტრონული დოკუმენტები უნდა შეესაბამებოდეს ,,ელექტრონული დოკუმენტისა და ელექტრონული სანდო მომსახურების შესახებ" საქართველოს კანონით მე-3 მუხლის მე-3 პუნქტით დადგენილ მოთხოვნებს;
10.1.8. სატენდერო წინადადება, ასევე ამ წინადადებასთან დაკავშირებული შემსყიდველსა და პრეტენდენტს შორის გაცვლილი მთელი კორესპონდენცია, დოკუმენტაცია ან/და ინფორმაცია, წარმოდგენილი უნდა იქნეს ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში მათ თან უნდა დაერთოს საქართველოს კანონმდებლობით დადგენილი წესით შესრულებული თარგმანი ქართულ ენაზე. უცხოენოვან დოკუმენტსა და მის ქართულ ენაზე შესრულებულ თარგმანს შორის, პრიორიტეტის მინიჭების საკითხს წყვეტს სატენდერო კომისია;
10.1.9. სატენდერო კომისიის გადაწყვეტილება ჩაითვლება პრეტენდენტისათვის გაგზავნილ შეტყობინებად, სატენდერო კომისიის სხდომის ოქმის სახელმწიფო შესყიდვების ერთიანი ელექტრონული სისტემის შესაბამის მოდულში ატვირთვით. პრეტენდენტის მიერ შეტყობინება ოფიციალურად მიღებულად ჩაითვლება ოქმის სისტემაში ატვირთვის მომენტიდან.