Ремонт и техническое обслуживание транспортных средств и оборудования и сопутствующие услуги (Грузия - Тендер #70629932)

მარტვილის მუნიციპალიტეტის მერიის ბალანსზე არსებული სატრანსპორტო საშუალებების და მასთან დაკავშირებული მოწყობილობების შეკეთების და ტექნიკური მომსახურების სახელმწიფო შესყიდვა.

1. ტექნიკური პირობები გულისხმობს ავტოსატრანსპორტო საშუალებების (საჭიროების შემთხვევაში) დიაგნოსტიკას, შეკეთებას, ტექნიკურ მომსახურებას და სათადარიგო ნაწილებით უზრუნველყოფას, ასევე ავტოსატრანსპორტო საშუალებების ავარიულ მომსახურებას და გადაყვანას სახელშეკრულებო თანხის ფარგლებში.
2. მიმწოდებელი ვალდებულია შემსყიდველის მოთხოვნის შემთხვევაში ჩაატაროს ავტომანქანის დათვალიერება, რის შემდგომაც მხარეები ადგენენ დეფექტურ აქტს, რომელშიც მითითებული უნდა იყოს გასაწევი მომსახურების ან/და სათადარიგო ნაწილების დეტალური აღწერა, მათი ღირებულებები.
3. იმ შემთხვევაში თუ აღმოჩნდება, რომ მიმწოდებლის მიერ არ არის სრულყოფილად შესრულებელი მომსახურება და/ან შეცვლილი ნაწილი აღმოჩნდება წუნდებული, მიმწოდებელი ვალდებულია აღმოჩენილი ხარვეზი აღმოფხვრას საკუთარი ხარჯებით.
4. იმ შემთხვევაში თუ აღმოჩნდება, რომ შემსყიდველის მიერ წარმოდგენილ პრეისკურანტში არ არის რაიმე სათადარიგო ნაწილი/მომსახურება მითითებული, შემსყიდველი და მიმწოდებელი წერილობით თანხმდებიან შესასყიდი ნაწილის/მომსახურების დასახელებაზე, ფასზე და ღირებულებაზე საბაზრო ფასის გათვალისწინებით. ასეთ შემთხვევაში პრეისკურანტში ავტოსატრანსპორტო საშუალების ტექნიკური მომსახურების ერთეულის არარსებობით გამოწვეული შესყიდვის ხვედრითი წილი არ შეიძლება აღემატებოდეს მიმწოდებლის მიერ ელექტრონული ვაჭრობის შედეგად დაფიქსირებული პრეისკურანტის საბოლოო ჯამური ღირებულების 10%–ს.

ხელშეკრულების გაფორმებიდან 2026 წლის 31 დეკემბრის ჩათვლით (მოთხოვნის შესაბამისად).

1. მომსახურება გაწეულ უნდა იქნეს დაუყონებლივ, რიგგარეშე, ამასთან მომსახურების ვადა თითოეულ შემთხვევაში არ უნდა აღემატებოდეს 10 (ათი) დღეს.

2. მომსახურება გაწეულ უნდა იქნეს ქ. მარტვილის ადმინისტრაციული ცენტრიდან არაუმეტეს 50 კმ–ის დაშორებით

მიმწოდებელი ვალდებულია მის მიერ გაწეულ მომსახურებაზე (გარდა საცხებ-საპოხი მასალებისა) განახორციელოს საგარანტიო ვადა - არანაკლებ 6 (ექვსი) თვე.

1 იმ შემთხვევაში, თუ სუბ-კონტრაქტის დადების ან სუბ-კონტრაქტორის შეცვლის აუცილებლობა წარმოიშობა ხელშეკრულების შესრულების პროცესში, მიმწოდებელმა წერილობით უნდა აცნობოს შემსყიდველს ზემოაღნიშნულის შესახებ და მიიღოს მისგან წერილობითი თანხმობა.
2. ამ ხელშეკრულების ფარგლებში დადებული ყველა სუბ-კონტრაქტის ასლი უნდა წარედგინოს შემსყიდველს მისი გაფორმებიდან ერთი კვირის ვადაში.
3. ამ ხელშეკრულების ფარგლებში დადებული არცერთი სუბ-კონტრაქტი არ ათავისუფლებს მიმწოდებელს ხელშეკრულებით ნაკისრი ვალდებულებებისაგან

სავარაუდო ღირებულებასთან შედარებით საბოლოო ფასის 20%-ით ან მეტით კლების შემთხვევაში პრეტენდენტს მოეთხოვება ფასწარმოქმნის ადეკვატურობის დამადასტურებელი დოკუმენტაციის წარმოდგენა, პრეტენდენტმა უნდა წარმოადგინოს მიმწოდებელთან გაფორმებული ხელშეკრულება, სასაქონლო ზედნადები, საგადასახადო ანგარიშფაქტურა ან/და ინვოის(ებ)ი ან/და საექსპერტო ან/და აუდიტორული დასკვნა, რომელიც დაადასტურებს პრეტენდენტის მიერ დაფიქსირებულ ფასად ხელშეკრულებით ნაკისრი ვალდებულებების შესრულების შესაძლებლობას. (პრეტენდენტის მიერ საექსპერტო ან/და აუდიტორული დასკვნის წარმოდგენის შემთხვევაში, ასევე, წარმოდგენილი უნდა იქნას დასკვნის გამცემი პირის შესაბამისი უფლებამოსილების/აკრედიტაციის დამადასტურებელი დოკუმენტი);

ანგარიშსწორება მიმწოდებელთან განხორციელდება ეტაპობრივად, გაწეული მომსახურების მიღება–ჩაბარების აქტის საფუძველზე.

შესაბამისი დოკუმენტაციის წარმოდგენიდან 10 სამუშაო დღის განმავლობაში.

ზურაბ ფირცხალავა, 593428550, zpirtskhalava@gmail.com

1. სახელმწიფო შესყიდვების ერთიან ელექტრონულ სისტემაში შესყიდვის პროცედურები ხორციელდება საქართველოს კანონის „სახელმწიფო შესყიდვების შესახებ“ და სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის“ შესაბამისად.
2. ტენდერთან დაკავშირებული ყველა დოკუმენტი ან/და ინფორმაცია წარმოდგენილ უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარმოდგენის შემთხვევაში მათ უნდა დაერთოს საქართველოს კანონმდებლობით დადგენილი წესით შესრულებული თარგმანები ქართულ ენაზე. იმ შემთხვევაში თუ ტენდერში მონაწილე პირი უცხოეთის მოქალაქეა ან უცხოეთში რეგისტრირებული იურიდიული პირია, აუცილებელია წარმოდგენილ იქნას პირის ადმინისტრაციული ორგანოებიდან წარმოსადგენი სარეგისტრაციო/უფლებრივი მონაცემების ამსახველი დოკუმენტები. აღნიშნული დოკუმენტები დამოწმებული უნდა იყოს კანონმდებლობით დადგენილი წესით (ლეგალიზებული ან აპოსტილით დამოწმებული) და მას თან უნდა ერთვოდეს ნოტარიულად დამოწმებული ქართული თარგმანი.
3. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია ხელმოწერილი და/ან ბეჭედდასმული (ბეჭდის არსებობის შემთხვევაში) უნდა იქნას უფლებამოსილი პირის მიერ (საჭიროების შემთხვევაში, ატვირთული უნდა იქნას მინდობილობა ან რწმუნებულება). იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელმოწერისათვის გაცემული მინდობილობა.
4. პრეტენდენტმა უნდა ატვირთოს შესასრულებელი სამუშაოების ხარჯთაღრიცხვა ექსელის (Excel) სახით.
5. სახელმწიფო შესყიდვების შესახებ ხელშეკრულების ფორმა და პირობები მოცემულია სატენდერო დოკუმენტაციაში, რომელიც ხელშეკრულების დადების მომენტისათვის დაზუსტდება სატენდერო წინადადების შესაბამისად.
6. პრეტენდენტს არა აქვს უფლება წარმოადგინოს ალტერნატიული სატენდერო წინადადება.