Машины, оборудование и канцелярские принадлежности, за исключением компьютеров, принтеров и мебели (Грузия - Тендер #70562183)

სხვადასახვა ტიპის ფერადი პრინტერებისათვის თავსებადი კარტრიჯები

1.2.1. ტექნიკური დავალება:

საქონელი უნდა იყოს ახალი, ექსპლუატაციაში არ მყოფი (არ უნდა იყოს აღდგენილი და მეორადი), ქარხნული შეფუთვით. მოთავსებული უნდა იყოს ე.წ. „აირბაგში“ და გაუმჭვირვალე პოლიეთილენის პარკში. კარტრიჯები უნდა იყოს შეფუთული მწარმოებლის ბრენდირებულ კოლოფში (ბრენდულ კოლოფში იგულისხმება მწარმოებლის მიერ შექმნილი დიზაინით და ლოგოტიპით პოლიგრაფიულად დაბეჭდილი კოლოფი და არა ნეიტრალური კოლოფი ან კოლოფზე დატანილი სტიკერი). კოლოფზე (და არა დაკრულ სტიკერზე) დაბეჭდილი უნდა იყოს ინფორმაცია მწარმოებლის და კარტრიჯის მოდელის (ასეთის არსებობის შემთხვევაში) შესახებ. ასევე, შეფუთვას უნდა გააჩნდეს გაყალბებისგან დამცავი ლოგოტიპიანი 3D ჰოლოგრამა, მასზე გამოსახული მწარმოებლის ლოგოტიპით და უნიკალური შტრიხ-კოდით, რომელიც განასხვავებს თითოეულ კარტრიჯს ერთმანეთისგან. შემოთავაზებული კარტრიჯები უნდა იძებნებოდეს მწარმოებლის ოფიციალურ ვებ-გვერდზე, სადაც მითითებული იქნება შემდეგი ინფორმაცია - კარტრიჯის პრინტერებთან თავსებადობა, ბეჭდვის რესურსი.
შემოთავაზებული შესყიდვის ობიექტზე ქარხნული წესით დატანილი უნდა იყოს შესაბამისი საქონლის შტრიხ-კოდი რომლითაც შესაძლებელი უნდა იყოს საქონლის იდენტიფიცირება GS1 სისტემაში https://gepir.gs1.org/index.php/search-by-gtin). მოწოდებული საქონელი (კარტრიჯის სრულად დაცლამდე) არ უნდა ავლენდებს ხარვეზებს ბეჭდვისას და არ უნდა აზიანებდეს პრინტერს: ბეჭდვისას ქაღალდზე არ უნდა ჩნდებოდეს წერტილები, შავი ზოლები, კარტრიჯიდან არ უნდა იბნეოდეს საღებავი საბეჭდ მოწყობილობაში და ა.შ.

1.2.2. შესყიდვის ობიექტის დასახელება და რაოდენობა:

1. კარტრიჯი "Canon ALL in One Pixma MP 270" პრინტერისთვის (black) (ბეჭდვის რესურსი 5% შევსებით - არანაკლებ 401 გვ.) - 26 ცალი;
2. კარტრიჯი "Canon ALL in One Pixma MP 270" პრინტერისთვის (color) (ბეჭდვის რესურსი 5% შევსებით - არანაკლებ 349 გვ.) - 20 ცალი;
3. კარტრიჯი ფერადი მულტიფუნქციური A4 ფორმატის პრინტერი "Pantum CM1100ADW" (Black) (ბეჭდვის რესურსი 5% შევსებით - არანაკლებ 1000 გვ.) - 12 ცალი;
4. კარტრიჯი ფერადი მულტიფუნქციური A4 ფორმატის პრინტერი "Pantum CM1100ADW" (Cyan) (ბეჭდვის რესურსი 5% შევსებით - არანაკლებ 700 გვ.) - 10 ცალი;
5. კარტრიჯი ფერადი მულტიფუნქციური A4 ფორმატის პრინტერი "Pantum CM1100ADW" (Magenta) (ბეჭდვის რესურსი 5% შევსებით - არანაკლებ 700 გვ.) - 12 ცალი;
6. კარტრიჯი ფერადი მულტიფუნქციური A4 ფორმატის პრინტერი "Pantum CM1100ADW" (Yellow) (ბეჭდვის რესურსი 5% შევსებით - არანაკლებ 700 გვ.) - 12 ცალი;
7. კარტრიჯი ფერადი ერთფუნქციური A4 ფორმატის პრინტერი "Canon i-SENSYS LBP633Cdw" (Black) (ბეჭდვის რესურსი 5% შევსებით - არანაკლებ 1300 გვ.) - 4 ცალი;
8. კარტრიჯი ფერადი ერთფუნქციური A4 ფორმატის პრინტერი "Canon i-SENSYS LBP633Cdw" (Cyan) (ბეჭდვის რესურსი 5% შევსებით - არანაკლებ 1200 გვ.) - 4 ცალი;
9. კარტრიჯი ფერადი ერთფუნქციური A4 ფორმატის პრინტერი "Canon i-SENSYS LBP633Cdw" (Magenta) (ბეჭდვის რესურსი 5% შევსებით - არანაკლებ 1200 გვ.) - 4 ცალი;
10. კარტრიჯი ფერადი ერთფუნქციური A4 ფორმატის პრინტერი "Canon i-SENSYS LBP633Cdw" (Yellow) (ბეჭდვის რესურსი 5% შევსებით - არანაკლებ 1200 გვ.) - 4 ცალი;
11. კარტრიჯი ფერადი A3 ტიპის პრინტერი "Xerox/ versaLink C7000 N" -სთვის (Black) (ბეჭდვის რესურსი 5% შევსებით - არანაკლებ 3000 გვ.) - 3 ცალი;
12. კარტრიჯი ფერადი A3 ტიპის პრინტერი "Xerox/ versaLink C7000 N" -სთვის (Cyan) (ბეჭდვის რესურსი 5% შევსებით - არანაკლებ 3000 გვ.) - 3 ცალი;
13. კარტრიჯი ფერადი A3 ტიპის პრინტერი "Xerox/ versaLink C7000 N" -სთვის (Magenta) (ბეჭდვის რესურსი 5% შევსებით - არანაკლებ 3000 გვ.) - 3 ცალი;
14. კარტრიჯი ფერადი A3 ტიპის პრინტერი "Xerox/ versaLink C7000 N" -სთვის (Yellow) (ბეჭდვის რესურსი 5% შევსებით არანაკლებ 3000 გვ.) - 3 ცალი.

1.2.3. შესასყიდი საქონლის რაოდენობები არის საორიენტაციო და დაზუსტდება (შესაძლოა შემცირდეს/გაიზარდოს) ხელშეკრულების მოქმედების პერიოდში, შემსყიდველის მოთხოვნის შესაბამისად, ფაქტიურად მოწოდებული რაოდენობის მიხედვით.

1.4.1. კარტრიჯების მოწოდება უნდა განხორციელდეს 2026 წლის 31 დეკემბრამდე - 3 ეტაპად:
(1) პირველ ეტაპზე - ფასების ცხრილის მე-7-დან - მე-10 პოზიციების ჩათვლით გათვალისწინებული კარტრიჯები (2-2 ცალი) - ხელშეკრულების გაფორმებიდან 15 კალენდარულ დღეში;
(2) ფასების ცხრილის 1-დან - მე-6 პოზიციების ჩათვლით და მე-11-დან - მე-14 პუზიციის ჩათვლით გათვალისწინებული კარტრიჯები 2 ეტაპად - შემსყიდველის მოთოვნიდან 15 კალენდარულ დღეში.

1.4.2. მიმწოდებლისთვის შეტყობინების/მოთხოვნის გაგზავნა მოხდება ელექტრონული ფოსტის ან საფოსტო გზავნილის საშუალებით.

ქ. რუსთავი, ა.ლობჟანიძის ქ. N8, სსიპ საქართველოს შსს მომსახურების სააგენტო.

1.7.1.1. შესყიდვის ობიექტზე უნდა ვრცელდებოდეს გარანტია შესაბამისი მიღება-ჩაბარების აქტის გაფორმების დღიდან არანაკლებ 1 (ერთი) წელი.

1.7.1.2. შემსყიდველის მხრიდან საქონლის ექსპლუატაციის ნორმების დაცვის შემთხვევაში, მიმწოდებელმა საკუთარი სახსრებით (ტრანსპორტირების ჩათვლით) უნდა აღმოფხვრას ექსპლუატაციის პროცესში გამოვლენილი ნებისმიერი დეფექტი (ხარვეზი/წუნი) ან/და საჭიროების შემთხვევაში უზრუნველყოს წუნდებული საქონლის შეცვლა ახლით, შემსყიდველის მოთხოვნიდან 5 (ხუთი) სამუშაო დღის ვადაში, გარდა იმ შემთხვევისა, როცა ხარვეზი გამოწვეულია მექანიკური დაზიანებით ან ბუნებრივი ცვეთით.

1.7.1.3. მიმწოდებლის მიერ 1.7.1.2. პუნქტში მითითებული ვალდებულების შეუსრულებლობის შემთხვევაში, შემსყიდველ ორგანიზაციას უფლება აქვს, საკუთარი ხარჯებით აღმოფხვრას ექსპლუატაციის პროცესში გამოვლენილი დეფექტები, აგრეთვე გაწიოს ტრანსპორტირების ხარჯები და მოსთხოვოს მიმწოდებელს შესაბამისი ხარჯების სრულად ანაზღაურება.

1.7.1.4. მომწოდებლისთვის შეტყობინების გაგზავნა მოხდება ელექტრონული ფოსტის ან საფოსტო გზავნილის საშუალებით.

2.1.1.1. პრეტენდენტმა ფასების ცხრილში (დანართი N1) უნდა მიუთითოს შემოთავაზებული საქონლის მწარმოებელი/ბრენდი და წარმოშობის ქვეყანა.
2.1.1.2. შესყიდვის ობიექტის წარმოშობის ქვეყნისა და მწარმოებლის/ბრენდის შესახებ ინფორმაციის წარმოუდგენლობა, ასევე ფასების ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას.

2.9.1. შემოთავაზებულ თითოეულ კარტრიჯს გაყალბებისგან და ფალსიფიცირებული პროდუქციისგან დაცვის მიზნით, ყუთზე უნდა ჰქონდეს დატანილი გაყალბებისაგან დამცავი 3D ჰოლოგრამა, ასევე თითოეულ კარტრიჯს უნდა ჰქონდეს უნიკალური კოდი, რომლის საშუალებითაც მწარმოებლის საიტზე უნდა მოწმდებოდეს თითოეული კარტრიჯი.
2.9.2. იმ შემთხვევაში, თუ პრეტენდენტის მიერ არ იქნა შემოთავაზებული პრინტერის მწარმოებლის მიერ დამზადებული კარტრიჯი, პრეტენდენტი ვალდებულია წარმოადგინოს მის მიერ შემოთავაზებული კარტრიჯის მწარმოებლის სახელზე პრინტერის მწარმოებლის მიერ გაცემული უფლებამოსილების დამადასტურებელი დოკუმენტი.
2.9.3. იმ შემთხვევაში, თუ პრეტენდენტის მიერ წარმოდგენილ დოკუმენტში ინფორმაცია იქნება უცხო ენაზე, პრეტენდენტი ვალდებულია მოქმედი კანონმდებლობის შესაბამისად წარმოადგინოს ნოტარიულად დამოწმებული ქართულენოვანი თარგმანი.

3.1.1.1. პრეტენდენტი ვალდებულია, წარმოადგინოს შემოთავაზებული შესყიდვის ობიექტის თითოეულ პოზიციაზე 1 (ერთი) ერთეული ნიმუში. წარმოდგენილი ნიმუშები სრულად უნდა აკმაყოფილებდეს სატენდერო დოკუმენტაციის 1.2. პუნქტში მითითებულ მოთხოვნებს.
3.1.1.2. პრეტენდენტის მიერ წარმოდგენილი შესყიდვის ობიექტის ნიმუშები დაზუსტებას არ ექვემდებარება.
3.1.1.3. შემოწმების შედეგად წარმოდგენილი ნიმუშები შესაძლებელია გაიხარჯოს, შესაბამისად ის ვერ დაუბრუნდება პრეტენდენტს პირვანდელი სახით.
3.1.1.4. ტენდერში მონაწილე "დისკვალიფიცირებულ" პრეტენდენტს ნიმუშების დაბრუნების მოთხოვნა შეუძლია წინამდებარე ტენდერის საფუძველზე ხელშეკრულების გაფორმების შემდეგ 30 დღის განმავლობაში, ხოლო "გამარჯვებულ" პრეტენდენტს, წარმოდგენილი ნიმუშები ჩაეთვლება შემდგომში ხელშეკრულებით გათვალისწინებულ მოსაწოდებელ რაოდენობაში.

ნიმუშების წარმოდგენა უნდა განხორციელდეს მიმწოდებლის ხარჯებით შემსყიდველ ორგანიზაციაში შემდეგ მისამართზე: ქ.რუსთავი, ალექსანდრე ლობჟანიძის ქუჩა N8, სსიპ საქართველოს შსს მომსახურების სააგენტო.

4.1.1.1 იმ შემთხვევაში, თუ ტენდერში ყველაზე დაბალი ფასის წინადადების მქონე პრეტენდენტის მიერ სისტემაში დაფიქსირებული საბოლოო ფასი 20%-ით ან მეტით დაბალია შესყიდვის ობიექტის სავარაუდო ღირებულებაზე, შემსყიდველი ორგანიზაცია პრეტენდენტისაგან ითხოვს ფასწარმოქმნის ადეკვატურობის დასაბუთებას, რაზეც პრეტენდენტის მიერ წარმოდგენილი უნდა იქნას ექსპერტიზის ან/და აუდიტის მიერ გაცემული შესაბამისი დასკვნა (დასკვნასთან ერთად წარმოდგენილ უნდა იქნას დასკვნის გამცემი პირის უფლებამოსილების დამადასტურებელი დოკუმენტ(ებ)ის ასლი), რომელშიც უნდა დასტურდებოდეს (ტექსტობრივად მკაფიოდ უნდა იკვეთებოდეს) ტენდერში პრეტენდენტის მიერ ატვირთულ საბოლოო ფასების ცხრილში (შესაბამისი ტენდერის უნიკალური ნომრის მითითებით) დაფიქსირებული ერთეულის ფასებით და აგრეთვე ჯამური ღირებულებით ამავე ფასების ცხრილით განსაზღვრული საქონლის მიწოდების შესაძლებლობა.
4.1.1.2 დასკვნის წარმოუდგენლობა ან/და უარყოფითი დასკვნის წარმოდგენა გამოიწვევს შესაბამისი პრეტენდენტის დისკვალიფიკაციას. ფასწარმოქმნის ადეკვატურობის დასაბუთებაზე ვრცელდება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანების მე-18 მუხლის მე-6, მე-7 პუნქტებისა და 28-ე მუხლის პირველი, მე-2, მე-3, მე-5, მე-6 და მე-7 პუნქტებით განსაზღვრული წესები.

7.2.1. მხარეები ანგარიშსწორებას ახორციელებენ - ლარებში, უნაღდო ანგარიშსწორებით;
7.2.2. შემსყიდველის მხრიდან ანგარიშსწორება განხორციელდება ფაქტიურად მოწოდებული საქონლის მიღება-ჩაბარების აქტის გაფორმების, სასაქონლო ზედნადებისა და შესაბამისი ღირებულების დღგ-ს გადასახადის ანგარიშ-ფაქტურის წარმოდგენიდან 10 (ათი) სამუშაო დღის განმავლობაში.
7.2.3. ხელშეკრულების ფარგლებში ანაზღაურებული იქნება მხოლოდ იმ მოწოდებული საქონლის ღირებულება, რომლის მოცულობასა და ხარისხზე არსებობს შემსყიდველის მიერ დადასტურებული ინსპექტირების აქტი.

ანგარიშსწორება მოხდება, ფაქტიურად მოწოდებული საქონლის მიღება-ჩაბარების აქტის გაფორმების, სასაქონლო ზედნადებისა და შესაბამისი ღირებულების დღგ-ს გადასახადის ანგარიშფაქტურის წარმოდგენიდან 10 (ათი) სამუშაო დღის განმავლობაში.

ეკატერინე თაბუაშვილი, 577943500, tabuashvili.e@sa.gov.ge ტექნიკური სახის შეკითხვების არსებობის შემთხვევაში გთხოვთ, დაუკავშირდეთ გიორგი დავითაშვილს. ტელ: 555 54 47 55.

10.1.1. სახელმწიფო შესყიდვების ერთიან ელექტრონულ სისტემაში ატვირთული ყველა დოკუმენტი და/ან ინფორმაცია უნდა იქნას ელექტრონულად ხელმოწერილი შესაბამისად უფლებამოსილი პირის მიერ ან დამოწმებული კვალიფიციური ელექტრონული შტამპით, კანონმდებლობის მოთხოვნათა შესაბამისად, კერძოდ: პრეტენდენტი, „ელექტრონული დოკუმენტისა და ელექტრონული სანდო მომსახურების შესახებ“ საქართველოს კანონის მე-3 მუხლის მე-3 პუნქტის საფუძველზე ვალდებულია, სახელმწიფო შესყიდვებში ერთიან ელექტრონულ სისტემაში ასატვირთ ელექტრონულ დოკუმენტებზე შეასრულოს კვალიფიციური ელექტრონული ხელმოწერა ან/და ეს დოკუმენტები დაამოწმოს კვალიფიციური ელექტრონული შტამპით. იმ შემთხვევაში, თუ ხელისმომწერი პირი არ არის წარმომადგენლობითი უფლებამოსილებით აღჭურვილი, პრეტენდენტმა სისტემაში უნდა წარმოადგინოს ხელისმომწერი პირის ხელისმოწერისათვის გაცემული მინდობილობა;
10.1.2. ტენდერთან დაკავშირებული ყველა დოკუმენტი ან/და ინფორმაცია წარმოდგენილი უნდა იქნას ქართულ ენაზე. დოკუმენტების ან/და ინფორმაციის უცხოურ ენაზე წარდგენის შემთხვევაში, მათ უნდა დაერთოს ნოტარიულად დამოწმებული თარგმანი ქართულ ენაზე. დავის შემთხვევაში, უცხოენოვან დოკუმენტსა და მის ქართულ ენაზე შესრულებულ თარგმანს შორის პრიორიტეტის მინიჭების საკითხს წყვეტს სატენდერო კომისია;
10.1.3. ალტერნატიული სატენდერო წინადადება არ განიხილება;
10.1.4. სატენდერო წინადადების ფასი გამოსახული უნდა იყოს ეროვნულ ვალუტაში - ლარში, შესყიდვის ობიექტის მიწოდებასთან დაკავშირებული მიმწოდებლის ყველა ხარჯის (მ.შ კანონმდებლობით გათვალისწინებული გადასახადები) გათვალისწინებით.
10.1.5. პრეტენდენტმა სატენდერო წინადადების ფასში უნდა გაითვალისწინოს დღგ, თუ იგი არის დღგ-ს გადამხდელი საქართველოს კანონმდებლობის შესაბამისად.
10.1.6. ტენდერში მონაწილეობით პრეტენდენტი ეთანხმება სატენდრო დოკუმენტაციის ყველა იმ მოთხოვნას, რომელთა შესახებ ინფორმაციის წარმოდგენა ან/და სახელმწიფო შესყიდვების ერთიან ელექტრონულ სისტემაში ატვირთვა არ არის სავალდებულო;
10.1.8. სატენდერო დოკუმენტაციის შესახებ დამატებითი ინფორმაციისა და განმარტებების მოთხოვნის საშუალება და პროცედურა განისაზღვრება სახელმწიფო შესყიდვების სააგენტოს თავმჯდომარის 2017 წლის 14 ივნისის N12 ბრძანებით დამტკიცებული "ელექტრონული ტენდერის ჩატარების წესის" მე-8 მუხლით დადგენილი წესის შესაბამისად.
10.1.9 იმ შემთხვევაში თუ სატენდერო დოკუმენტაციაში შესყიდვის ობიექტის ტექნიკური და ხარისხობრივი მაჩვენებლების აღწერისას გამოყენებული იქნება სასაქონლო ნიშანი, მოდელი, პატენტი ან მწარმოებელი კომპანია, ასეთ შემთხვევაში აღნიშნული ტერმინები გამოყენებული არის „მსგავსისა“ და „ექვივალენტურის“ მნიშვნელობით და პრეტენდენტი ვალდებულია წარმოადგინოს ტექნიკური დოკუმენტაციით განსაზღვრული შესყიდვის ობიექტის მსგავსი ან ექვივალენტური მახასიათებლების მქონე საქონელი/მომსახურება. ამასთან, ტექნიკურ დავალებაში მოცემული პარამეტრები არის შემსყიდველის მიერ დადგენილი მინიმალური მოთხოვნები, რომელსაც უნდა აკმაყოფილებდეს პრეტენდენტის მიერ შემოთავაზებული შესყიდვის ობიექტი.
10.1.10 პრეტენდენტის მიერ სახელმწიფო შესყიდვის განხორციელების ნებისმიერ ეტაპზე, სახელმწიფო შესყიდვების ერთიან ელექტრონულ სისტემაში ატვირთული ან შემსყიდველისთვის გადაცემული პერსონალური ინფორმაცია, სსიპ საქართველოს შსს მომსახურების სააგენტოს მიერ, „პერსონალურ მონაცემთა დაცვის შესახებ“ საქართველოს კანონის შესაბამისად, შესაძლებელია დამუშავდეს სახელმწიფო შესყიდვის მიზნებისთვის“.

10.2 პრეტენდენტის მიერ ერთიან ელექტრონულ სისტემაში ასატვირთი მონაცემები:

10.2.1 ფასების ცხრილი დანართი N1-ის შესაბამისად (რომელშიც ასახული იქნება დეტალური ინფორმაცია შემოთავაზებული საქონლის ტექნიკური მახასიათებლების, მისაწოდებელი საქონლის მწარმოებელი/ბრენდისა და წარმოშობის ქვეყნის მითითებით (შესყიდვის ობიექტის წარმოშობის ქვეყნისა და მწარმოებელი/ბრენდის შესახებ ინფორმაციის წარმოუდგენლობა, ასევე ფასების ცხრილის წარმოუდგენლობა ან განუფასებლად წარმოდგენა დაზუსტებას არ დაექვემდებარება და გამოიწვევს პრეტენდენტის დისკვალიფიკაციას).